7

ക​ട​യ്ക്ക​ല്‍: ക​ട​യ്ക്ക​ല്‍ പോ​സ്റ്റ് ഓഫി​സ് ക​വ​ര്‍​ച്ച​ചെ​യ്ത കേ​സി​ല്‍ പ്ര​തി അ​റ​സ്റ്റി​ല്‍. ഉ​ത്ത​ര്‍​പ്ര​ദേ​ശ് സം​ഭാ​ല്‍ അ​സ്‌​മോ​ളി ഷാ​ഹ്പൂ​ര്‍ സി​ര്‍​പു​റ സ്വ​ദേ​ശി ആ​സി​ഫ് റാ​സ​യെ (25) യാ​ണ് ക​ട​യ്ക്ക​ല്‍ പൊ​ലീ​സ് പി​ടി​കൂ​ടി​യ​ത്. ഇ​ക്ക​ഴി​ഞ്ഞ 22 നാ​യി​രു​ന്നു ക​ട​യ്ക്ക​ല്‍ പോ​സ്റ്റ് ഓഫി​സി​ല്‍ ക​വ​ര്‍​ച്ച ന​ട​ത്തി​യ​ത്. തി​രു​വ​ന​ന്ത​പു​രം ജി​ല്ല​യി​ലെ പൂ​വാ​ര്‍, കാ​ട്ടാ​ക്ക​ട പാ​ലോ​ട്, കൊ​ല്ലം ജി​ല്ല​യി​ലെ ക​ട​യ്ക്ക​ല്‍ എ​ഴു​കോ​ണ്‍, കു​ണ്ട​റ,ക​ണ്ണ​ന​ല്ലൂ​ര്‍ എ​ന്നീ പോ​സ്റ്റ് ഓ​ഫിസു​ക​ളി​ലാ​ണ് പ്ര​തി സ​മാ​ന​മാ​യി ലോ​ക്ക​ര്‍ പൊ​ളി​ച്ച് മോ​ഷ​ണം ന​ട​ത്തി​യ​ത്.

ക​ട​യ്ക്ക​ല്‍ പൊലീ​സ് സ്റ്റേ​ഷ​നോ​ടു ചേ​ര്‍​ന്ന പോസ്റ്റ് ഓഫിസി​ല്‍​നി​ന്ന് ഒ​ന്നേ​കാ​ല്‍ ല​ക്ഷ​ത്തോ​ളം രൂ​പ​യാ​ണ് മോ​ഷ്ടി​ച്ച​ത്. ക​വ​ര്‍​ച്ച​ന​ട​ന്ന കു​ണ്ട​റ​യി​ലെ പോ​സ്റ്റ് ഓഫിസി​ല്‍​ പൊലീ​സ് ന​ട​ത്തി​യ പ​രി​ശോ​ധ​ന​യി​ല്‍ തി​രു​വ​ന​ന്ത​പു​രം ചാ​ല​യി​ല്‍​നി​ന്നും വാ​ങ്ങി​യ ക​ട്ടിം​ഗ് യ​ന്ത്ര​ത്തി​ന്‍റെ ചി​ല പേ​പ്പ​റു​ക​ള്‍ ല​ഭി​ച്ചി​രു​ന്നു. ഇ​തേ​ത്തു​ട​ര്‍​ന്നു ചാ​ല​യി​ല്‍ എ​ത്തി​യ പൊലീ​സ് ന​ട​ത്തി​യ അ​ന്വേ​ഷ​ണ​ത്തി​ല്‍ ഗൂ​ഗി​ള്‍ പേ ​ചെ​യ്ത​തി​ന്‍റെ വി​വ​ര​ങ്ങ​ള്‍ പൊലീ​സി​ന് ല​ഭി​ക്കു​ക​യാ​യി​രു​ന്നു. സൈ​ബ​ര്‍​സെ​ല്ലി​ന്‍റെസ​ഹാ​യ​ത്തോ​ടു​കൂ​ടി മൊ​ബൈ​ല്‍ ന​മ്പ​റി​ന്‍റെ ഉ​ട​മ ഉ​ത്ത​ര്‍​പ്ര​ദേ​ശി​ല്‍ ഉ​ള്ള ആ​ളാ​ണെ​ന്ന് പൊലീ​സ് ക​ണ്ടെ​ത്തി.

തു​ട​ര്‍​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് എ​റ​ണാ​കു​ള​ത്തെ പോ​സ്റ്റ് ഓ​ഫിസി​നോ​ട് ചേ​ര്‍​ന്നു​ള്ള ലോ​ഡ്ജ് മു​റി വാ​ട​ക​യ്ക്ക് എ​ടു​ത്ത മോ​ഷ്ടാ​വി​നെ പി​ടി​കൂ​ടു​ന്ന​ത്. ക​ട​ക്ക​ല്‍ പൊ​ലീ​സ് സ്റ്റേ​ഷ​ന്‍ സ​ബ് ഇ​ന്‍​സ്‌​പെ​ക്ട​ര്‍ ജ്യോ​തി​ഷ് ചി​റ​വൂ​രി​ന്‍റെ നേ​തൃ​ത്വ​ത്തി​ല്‍ ക​ട​യ്ക്ക​ല്‍ പൊലീ​സ് സി​പി​മാ​രാ​യ സ​ജി​ന്‍, ജീ​ജോ അ​ല​ക്‌​സ്, വി.എ​സ്. വി​ഷ്ണു, ശ്യാം ​മോ​ഹ​ന്‍ എ​റ​ണാ​കു​ളം സ്ക്വാഡി​ലെ അം​ഗ​ങ്ങ​ളാ​യ മാ​ഹി​ന്‍, വി​നു എ​ന്നി​വ​ര്‍ ചേ​ര്‍​ന്നാ​ണ് ഒ​ളി​വി​ല്‍ ക​ഴി​ഞ്ഞി​രു​ന്ന പ്ര​തി​യെ പി​ടി​കൂ​ടി​യ​ത് .

Tags : Nattuvishesham Local News Post office robbery