പേ​രൂ​ര്‍​ക്ക​ട: ചെ​രു​പ്പു​ക​ച്ച​വ​ട​ക്കാ​ര​നെ ച​വി​ട്ടി വീ​ഴ്ത്തി പ​ണ​വും ഫോ​ണും കൈ ചെയിനും ക​വ​ര്‍​ന്ന കേ​സി​ല്‍ അച്ഛനും മ​ക​നും പി​ടി​യി​ലാ​യി. ഫോ​ര്‍​ട്ട് പോ​ലീ​സ് സ്റ്റേ​ഷ​നി​ലെ ക്രി​മി​ന​ല്‍​ക്കേ​സി​ലെ പ്ര​തി കാ​റ്റ് എ​ന്ന​റി​യ​പ്പെ​ടു​ന്ന മ​ണി​ക​ണ് ഠ​ന്‍ (43), മ​ക​ന്‍ സ​ന​ല്‍​കു​മാ​ര്‍ (20) എ​ന്നി​വ​രെ​യാ​ണ് അ​റ​സ്റ്റ് ചെ​യ്ത​ത്. കി​ഴ​ക്കേ​ക്കോ​ട്ട പു​ത്ത​രി​ക്ക​ണ്ടം മൈ​താ​ന​ത്ത് ചെ​രു​പ്പു ക​ച്ച​വ​ടം ന​ട​ത്തു​ന്ന രാ​ജേ​ഷി​നു നേ​രെ​യാ​യി​രു​ന്നു അ​ക്ര​മം.

രാ​വി​ലെ പു​ത്ത​രി​ക്ക​ണ്ടം പൊതു ശൗചാലയത്തിനു സ​മീ​പം ഇരുചക്രവാഹന ത്തിൽ ഇ​രു​ന്ന രാ​ജേ​ഷി​നെ പ്ര​തി​ക​ള്‍ ച​വി​ട്ടി നി​ല​ത്തു ത​ള്ളി​യി​ടു​ക​യാ​യി​രു​ന്നു. തു​ട​ര്‍​ന്ന് രാ​ജേ​ഷി​ന്‍റെ കൈയിലു​ണ്ടാ​യി​രു​ന്ന വെ​ള്ളി കൈചെയിൻ, മൊ​ബൈ​ല്‍ ഫോ​ണ്‍, 5800 രൂ​പ എ​ന്നി​വ പ്ര​തി​ക​ള്‍ ബ​ല​മാ​യി പി​ടി​ച്ചു​പ​റി​ച്ചു ക​ട​ന്നു​ക​ള​ഞ്ഞു. പ​രാ​തി​യെ തു​ട​ര്‍​ന്ന് ഫോ​ര്‍​ട്ട് സി​എ ആ​ര്‍.​എ​സ്. ശ്രീ​കാ​ന്തി​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘ​മാ​ണ് പ്ര​തി​ക​ളെ വ​ല​യി​ലാ​ക്കി​യ​ത്.

കൃ​ത്യ​ത്തി​നു​ശേ​ഷം ഒ​ളി​വി​ല്‍ പോ​യ പ്ര​തി​ക​ളി​ല്‍ മ​ണി​ക​ണ്ഠ​നെ ഉ​ട​ന്‍​ത​ന്നെ അ​റ​സ്റ്റു​ചെ​യ്യു​ക​യാ​യി​രു​ന്നു. ഇ​യാ​ളു​ടെ മ​ക​ന്‍ സ​ന​ല്‍​കു​മാ​ര്‍ പ​ല സ്ഥ​ല​ങ്ങ​ളി​ലാ​യി ഒ​ളി​വി​ല്‍ ക​ഴി​യു​ക​യാ​യി​രു​ന്നു. ര​ഹ​സ്യ​വി​വ​ര​ത്തിന്‍റെ അ​ടി​സ്ഥാ​ന​ത്തി​ലാ​ണ് അ​റ​സ്റ്റ്. എ​സ്ഐ​മാ​രാ​യ ജ​ഗൻമോ ഹ​ന്‍, കൃ​ഷ്ണ​മോ​ഹ​ന്‍, എ​സ്​സിപി​ഒ റ​ഷീ​ദ്, അ​നീ​ഷ് കു​മാ​ര്‍, സി​പി​ഒ നി​ജി​ന്‍ രാ​ജ് എ​ന്നി​വ​രും അ​ന്വേ​ഷ​ണ​സം​ഘ​ത്തി​ല്‍ ഉ​ണ്ടാ​യി​രു​ന്നു. പി​ടി​കൂ​ടി​യ പ്ര​തി​ക​ളെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.

Tags : Nattuvishesham District News DeepikaNews arrested.