വടക്കാഞ്ചേരി: വടക്കാഞ്ചേരി, പാർളിക്കാട്, പത്താംകല്ല് മേഖലകളിലെ മൂന്നു ഹോട്ടലുകളിൽനിന്നു പഴകിയ ഭക്ഷണം പിടിച്ചെടുത്തു. സ്ഥാപനങ്ങൾക്കു പിഴ ചുമത്തി. വടക്കാഞ്ചേരി നഗരസഭാ പ്രദേശത്തു കഴിഞ്ഞദിവസം ഷിഗെല്ല രോഗം കണ്ടെത്തിയ സാഹചര്യത്തിലാണ് ഹോട്ടലുകളിലും ബേക്കറികളിലും ആരോഗ്യവിഭാഗം ഉദ്യോഗസ്ഥർ പരിശോധന ശക്തമാക്കിയത്.
ജില്ലാ കളക്ടറുടെയും ഡിഎംഒയുടെയും നിർദേശപ്രകാരമായിരുന്നു പരിശോധന. വടക്കാഞ്ചേരി ബ്ലോക്ക് പഞ്ചായത്ത് പരിധിയിലെ ആറു പഞ്ചായത്തുകളിലും നഗരസഭാപരിധിയിലുമായി ഒരേസമയമാണ് സംയുക്തമായി പരിശോധന നടത്തിയത്. ഇന്നലെ രാവിലെ ഒന്പതിന് ആരംഭിച്ച പരിശോധന വൈകീട്ടുവരെ നീണ്ടുനിന്നു.
Tags : Shigella Nattuvishesham District News