13

ജി​ല്ല​യു​ടെ കി​ഴ​ക്ക​ന്‍ മേ​ഖ​ല പ​ശ്ചി​മ​ഘ​ട്ട മ​ല​നി​ര​ക​ളോ​ട് ചേ​ര്‍​ന്നു കി​ട​ക്കു​ന്ന​തി​നാ​ല്‍ ഇ​ക്കോ-​അ​ഡ്വ​ഞ്ച​ര്‍ ടൂ​റി​സ​ത്തി​ന് സം​സ്ഥാ​ന​ത്തു​ത​ന്നെ ഏ​റ്റ​വും മി​ക​ച്ച സാ​ധ്യ​ത​ക​ളു​ള്ള ജി​ല്ല​ക​ളി​ലൊ​ന്നാ​ണി​ത്. കാ​ടും മ​ല​ക​ളും വെ​ള്ള​ച്ചാ​ട്ട​ങ്ങ​ളും നി​റ​ഞ്ഞ വ​ന​മേ​ഖ​ല​ക​ളു​ടെ സം​ര​ക്ഷ​ണം ഉ​റ​പ്പാ​ക്കി​ക്കൊ​ണ്ട് കൂ​ടു​ത​ല്‍ ട്രെ​ക്കിം​ഗ് പാ​ത​ക​ള്‍ തു​റ​ക്കു​ക​യും മ​ല​യോ​ര ഗ്രാ​മ​ങ്ങ​ളി​ലേ​ക്ക് വി​ല്ലേ​ജ് സ്റ്റേ​ക​ള്‍ വ്യാ​പി​പ്പി​ക്കു​ക​യും ചെ​യ്താ​ല്‍ ദ​ക്ഷി​ണേ​ന്ത്യ​യി​ലെ​ത​ന്നെ ഏ​റ്റ​വും വ​ലി​യ ഇ​ക്കോ-​അ​ഡ്വ​ഞ്ച​ര്‍ ഹ​ബ്ബാ​യി കൊല്ലം ജി​ല്ല​യെ മാ​റ്റാ​ന്‍ സാ​ധി​ക്കും.

ജ​ടാ​യു എ​ര്‍​ത്ത് സെ​ന്‍റ​ര്‍

ച​ട​യ​മം​ഗ​ല​ത്തു​ള്ള ജ​ടായു​പ്പാ​റ സാ​ഹ​സി​ക​ത ഇ​ഷ്ട​പ്പെ​ടു​ന്ന​വ​രു​ടെ പ്ര​ധാ​ന കേ​ന്ദ്ര​മാ​ണ്. 200 അ​ടി നീ​ള​വും 150 അ​ടി വീ​തി​യും 70 അ​ടി ഉ​യ​ര​വു​മു​ള്ള ജ​ടാ​യു​വി​ന്‍റെ ശി​ല്പം കാ​ണാ​ന്‍ മാ​ത്ര​മാ​യി കോ​ടി​ക്ക​ണ​ക്കി​ന് ആ​ളു​ക​ളെ ആ​ക​ര്‍​ഷി​ക്കാ​നു​ള്ള കെ​ല്‍​പ്പ് ഈ ​കേ​ന്ദ്ര​ത്തി​നു​ണ്ട്. ഒ​രു ഗി​ന്ന​സ് റെ​ക്കോ​ര്‍​ഡ് നേ​ട്ടം കൂ​ടി​യാ​യ​തി​നാ​ല്‍ അ​ന്താ​രാ​ഷ്ട്ര ത​ല​ത്തി​ല്‍ ഇ​തൊ​രു വ​ലി​യ ബ്രാ​ന്‍​ഡാ​ണ്.

ഭീ​മാ​കാ​ര​മാ​യ പ്ര​കൃ​തി​ദ​ത്ത പാ​റ​ക്കെ​ട്ടു​ക​ള്‍​ക്ക് ന​ടു​വി​ലാ​ണ് ഇ​ത് സ്ഥി​തി ചെ​യ്യു​ന്ന​ത്. പെ​യി​ന്‍റ് ബോ​ള്‍, ലേ​സ​ര്‍ ടാ​ഗ്, റോ​ക്ക് ക്ലൈം​ബിം​ഗ്, സി​പ് ലൈ​ന്‍, റാ​പ്പ​ല്ലിം​ഗ്, ആ​ര്‍​ച്ച​റി, റൈ​ഫി​ള്‍ ഷൂ​ട്ടിം​ഗ് തു​ട​ങ്ങി​യ അ​ന്താ​രാ​ഷ്ട്ര നി​ല​വാ​ര​മു​ള്ള സാ​ഹ​സി​ക വി​നോ​ദ​ങ്ങ​ള്‍​ക്ക് ഇ​വി​ടെ വ​ലി​യ സാ​ധ്യ​ത​യു​ണ്ട്. ദ​ക്ഷി​ണേ​ന്ത്യ​യി​ലെ ത​ന്നെ ഏ​റ്റ​വും മി​ക​ച്ച കേ​ബി​ള്‍ കാ​ര്‍ സം​വി​ധാ​ന​ങ്ങ​ളി​ലൊ​ന്ന് ഇ​വി​ടെ​യു​ണ്ട്.

കൂ​ടാ​തെ ആ​കാ​ശ​ക്കാ​ഴ്ച​ക​ള്‍ ആ​സ്വ​ദി​ക്കാ​നു​ള്ള ഹെ​ലി​കോ​പ്റ്റ​ര്‍ ടൂ​റി​സ​ത്തി​ന്‍റെ ഹ​ബ്ബാ​ക്കി മാ​റ്റാ​നും ഇ​തി​ന് സാ​ധി​ക്കും. രാ​മാ​യ​ണ​വു​മാ​യി ബ​ന്ധ​പ്പെ​ട്ട ഐ​തി​ഹ്യ​മു​ള്ള സ്ഥ​ല​മാ​ണി​ത്. ശി​ല്‍​പ​ത്തി​നു​ള്ളി​ല്‍ ഒ​രു മ്യൂ​സി​യ​വും ഡി​ജി​റ്റ​ല്‍ തി​യേ​റ്റ​റും ഒ​രു​ക്കാ​നും പാ​റ​മു​ക​ളി​ലെ കോ​ദ​ണ്ഡ​രാ​മ ക്ഷേ​ത്രം വ​ഴി തീ​ര്‍​ഥാ​ട​ക​രെ ആ​ക​ര്‍​ഷി​ക്കാ​നു​മു​ള്ള വ​ലി​യ സാ​ധ്യ​ത​യു​ണ്ട്.

പാ​റ​ക്കെ​ട്ടു​ക​ള്‍​ക്ക് മു​ക​ളി​ലെ ടെ​ന്‍റ് ക്യാ​മ്പിം​ഗ്, രാ​ത്രി​കാ​ല ലൈ​റ്റ് ആ​ന്‍​ഡ് സൗ​ണ്ട് ഷോ​ക​ള്‍ എ​ന്നി​വ വ​ഴി 24 മ​ണി​ക്കൂ​റും സ​ജീ​വ​മാ​യ ഒ​രു ടൂ​റി​സം കേ​ന്ദ്ര​മാ​ക്കി ജ​ടാ​യു എ​ര്‍​ത്ത് സെ​ന്‍ററി​നെ മാ​റ്റാം. പൊ​തു-​സ്വ​കാ​ര്യ പ​ങ്കാ​ളി​ത്ത​ത്തോ​ടെ (പി​പി​പി മോ​ഡ​ല്‍) പ്ര​ശ​സ്ത ച​ല​ച്ചി​ത്ര​കാ​ര​നും ശി​ല്പി​യു​മാ​യ രാ​ജീ​വ് അ​ഞ്ച​ലി​ന്‍റെ നേ​തൃ​ത്വ​ത്തി​ല്‍ നി​ര്‍​മി​ച്ച് പ​രി​പാ​ലി​ക്കു​ന്ന ഈ ​കേ​ന്ദ്രം വ​ലി​യൊ​രു വി​ജ​യ മാ​തൃ​ക​യാ​ണ്. വ​ള​രെ പെ​ട്ടെ​ന്ന് ത​ന്നെ ജ​ടാ​യു​പ്പാ​റ ലോ​ക​ശ്ര​ദ്ധ നേ​ടി. ഇ​ന്‍​സ്റ്റാ​ഗ്രാം പോ​ലു​ള്ള സോ​ഷ്യ​ല്‍ മീ​ഡി​യ​ക​ളി​ല്‍ കേ​ര​ള​ത്തി​ല്‍​നി​ന്ന് ഏ​റ്റ​വും കൂ​ടു​ത​ല്‍ റീ​ലു​ക​ളും ചി​ത്ര​ങ്ങ​ളും പ​ങ്കു​വെ​ക്ക​പ്പെ​ടു​ന്ന ഒ​രു പ്ര​ധാ​ന ലൊ​ക്കേ​ഷ​നും ജ​ടായു എ​ര്‍​ത്ത് സെ​ന്‍റ​റാ​ണ്.

എ​ന്നി​രു​ന്നാ​ലും സാ​ധാ​ര​ണ​ക്കാ​രാ​യ കു​ടും​ബ​ങ്ങ​ള്‍​ക്ക് ഇ​വി​ടു​ത്തെ കേ​ബി​ള്‍ കാ​ര്‍ യാ​ത്ര​യും അ​ഡ്വ​ഞ്ച​ര്‍ പാ​ക്കേ​ജു​ക​ളും പ​ല​പ്പോ​ഴും താ​ങ്ങാ​ന്‍ ക​ഴി​യു​ന്ന​തി​ലും അ​പ്പു​റ​മാ​ണ്. ഇ​ത് ഒ​രു വ​ലി​യ വി​ഭാ​ഗം ത​ദ്ദേ​ശീ​യ സ​ഞ്ചാ​രി​ക​ളെ അ​ക​റ്റി നി​ര്‍​ത്തു​ന്നു. ആ​ദ്യ ഘ​ട്ട​ത്തി​ല്‍ വി​ഭാ​വ​നം ചെ​യ്ത ഡി​ജി​റ്റ​ല്‍ മ്യൂ​സി​യം, 6 ഡി ​തി​യേ​റ്റ​ര്‍, ഹെ​ലി-​ടൂ​റി​സം പ​ദ്ധ​തി​ക​ള്‍ എ​ന്നി​വ പൂ​ര്‍​ത്തി​യാ​യി​ട്ടി​ല്ല.

തി​രു​വ​ന​ന്ത​പു​രം-​ചെ​ങ്കോ​ട്ട പാ​ത​യ്ക്ക് സ​മീ​പ​മാ​ണെ​ങ്കി​ലും റെ​യി​ല്‍​വേ സ്റ്റേ​ഷ​നി​ല്‍​നി​ന്നോ എ​യ​ര്‍​പോ​ര്‍​ട്ടി​ല്‍​നി​ന്നോ ടൂ​റി​സ്റ്റു​ക​ള്‍​ക്ക് നേ​രി​ട്ട് ജ​ടാ​യു​പ്പാ​റ​യി​ലേ​ക്ക് മാ​ത്ര​മാ​യി എ​ളു​പ്പ​ത്തി​ല്‍ എ​ത്തി​ച്ചേ​രാ​നു​ള്ള മി​ക​ച്ച പൊ​തു​ഗ​താ​ഗ​ത സം​വി​ധാ​ന​ങ്ങ​ളും പാ​ക്കേ​ജു​ക​ളും കു​റ​വാ​ണ്.

ജ​ടാ​യു എ​ര്‍​ത്ത് സെ​ന്‍ററിന് അ​ക​ത്ത് വ​ലി​യ വി​ക​സ​നം ന​ട​ക്കു​മ്പോ​ഴും ച​ട​യ​മം​ഗ​ലം ടൗ​ണി​ലോ പ​രി​സ​ര​ത്തോ സ​ഞ്ചാ​രി​ക​ള്‍​ക്ക് രാ​ത്രി താ​മ​സി​ക്കാ​ന്‍ പ​റ്റി​യ ഹോ​ട്ട​ലു​ക​ളോ ഹോം​സ്റ്റേ​ക​ളോ കാ​ര്യ​മാ​യി​ല്ല. നി​ര​ക്കു​ക​ളി​ല്‍ സാ​ധാ​ര​ണ​ക്കാ​ര്‍​ക്കാ​യി ചെ​റി​യ ഇ​ള​വു​ക​ള്‍ ന​ല്‍​കു​ക​യും ശി​ല്‍​പ​ത്തി​നു​ള്ളി​ലെ മ്യൂ​സി​യം പ​ദ്ധ​തി​ക​ള്‍ പൂ​ര്‍​ണ​മാ​യി പ്ര​വ​ര്‍​ത്ത​ന​സ​ജ്ജ​മാ​ക്കു​ക​യും ചെ​യ്താ​ല്‍ ദ​ക്ഷി​ണേ​ന്ത്യ​യി​ലെ ഏ​റ്റ​വും പ്ര​ധാ​ന​പ്പെ​ട്ട സിം​ഗി​ള്‍-​ഡെ​സ്റ്റി​നേ​ഷ​ന്‍ ടൂ​റി​സം ഡെ​സ്റ്റി​നേ​ഷ​നാ​യി ജ​ടാ​യു എ​ര്‍​ത്ത് സെ​ന്‍ററി​നെ നി​ല​നി​ര്‍​ത്താം.

തെ​ന്മ​ല ഇ​ക്കോ ടൂ​റി​സം

ഇ​ന്ത്യ​യി​ലെ ആ​ദ്യ​ത്തെ ആ​സൂ​ത്രി​ത ഇ​ക്കോ ടൂ​റി​സം പ​ദ്ധ​തി​യാ​യ തെ​ന്മ​ല ജി​ല്ല​യു​ടെ കി​ഴ​ക്ക​ന്‍ മ​ല​യോ​ര മേ​ഖ​ല​യി​ലെ ഏ​റ്റ​വും തി​ള​ക്ക​മു​ള്ള വി​നോ​ദ​സ​ഞ്ചാ​ര കേ​ന്ദ്ര​മാ​ണ്. സ​ഞ്ചാ​രി​ക​ളു​ടെ താ​ല്പ​ര്യ​ങ്ങ​ള്‍​ക്ക​നു​സ​രി​ച്ച് തെ​ന്‍​മ​ല​യി​ലെ ടൂ​റി​സ്റ്റു കേ​ന്ദ്ര​ങ്ങ​ളെ വി​വി​ധ 'സോ​ണു​ക​ളാ​യി' തി​രി​ച്ചി​ട്ടു​ണ്ട്.

കേ​ര​ളീ​യ സം​സ്‌​കാ​ര​വും ജീ​വി​ത​രീ​തി​ക​ളും പ​രി​ച​യ​പ്പെ​ടു​ത്തു​ന്ന ഇ​ട​മാ​ണ് സം​സ്‌​കാ​ര മേ​ഖ​ല. ഇ​വി​ടു​ത്തെ പ്ര​ധാ​ന ആ​ക​ര്‍​ഷ​ണം രാ​ത്രി​കാ​ല​ങ്ങ​ളി​ല്‍ ഒ​രു​ക്കു​ന്ന അ​ത്യാ​ധു​നി​ക മ്യൂ​സി​ക്ക​ല്‍ ഡാ​ന്‍​സിം​ഗ് ഫൗ​ണ്ട​ന്‍ ആ​ണ്. കൂ​ടാ​തെ പ​ര​മ്പ​രാ​ഗ​ത ഭ​ക്ഷ​ണ​ശാ​ല​ക​ളും ഇ​വി​ടെ​യു​ണ്ട്.

പ്ര​കൃ​തി​യോ​ട് ഇ​ണ​ങ്ങി​നി​ന്ന് സാ​ഹ​സി​ക​ത ആ​സ്വ​ദി​ക്കാ​ന്‍ പ​റ്റി​യ ഇ​ട​മാ​ണ് സാ​ഹ​സി​ക മേ​ഖ​ല. പ്ര​കൃ​തി​ദ​ത്ത​മാ​യ പാ​ത​ക​ളി​ലൂ​ടെ​യു​ള്ള മൗ​ണ്ട​ന്‍ ബൈ​ക്കിം​ഗ്, റോ​ക്ക് ക്ലൈം​ബിം​ഗ്, റി​വ​ര്‍ ക്രോ​സിം​ഗ്, സി​പ് ലൈ​ന്‍, എ​ല​വേ​റ്റ​ഡ് വാ​ക്ക്വേ എ​ന്നി​വ​യ്ക്കു​ള്ള മി​ക​ച്ച സാ​ധ്യ​ത​ക​ള്‍ ഇ​വി​ടെ​യു​ണ്ട്.

കു​ടും​ബ​ത്തോ​ടൊ​പ്പം ശാ​ന്ത​മാ​യി സ​മ​യം ചി​ല​വ​ഴി​ക്കാ​ന്‍ ആ​ഗ്ര​ഹി​ക്കു​ന്ന​വ​ര്‍​ക്ക് പ​റ്റി​യ ഇ​ട​മാ​ണ് വി​നോ​ദ മേ​ഖ​ല. ക​ല്ല​ട​യാ​റ്റി​ലേ​ക്ക് നീ​ളു​ന്ന ന​ട​പ്പാ​ത​ക​ള്‍, ശി​ല്പ ഉ​ദ്യാ​നം, പ്ര​കൃ​തി​ഭം​ഗി ആ​സ്വ​ദി​ക്കാ​നു​ള്ള വ്യൂ ​പോ​യി​ന്‍റുക​ള്‍ എ​ന്നി​വ വി​നോ​ദ മേ​ഖ​ല​യി​ലാ​ണ്.
സോ​ണു​ക​ള്‍​ക്കു പു​റ​മെ വ​ന​ത്തി​നു​ള്ളി​ല്‍ മാ​നു​ക​ളെ അ​വ​യു​ടെ സ്വാ​ഭാ​വി​ക അ​ന്ത​രീ​ക്ഷ​ത്തി​ല്‍ കാ​ണാ​നും കു​ട്ടി​ക​ള്‍​ക്ക് പ്ര​കൃ​തി​യെ​ക്കു​റി​ച്ച് പ​ഠി​ക്കാ​നു​മു​ള്ള മി​ക​ച്ചൊ​രു ഇ​ക്കോ-​സ്പോ​ട്ടു കൂ​ടി​യാ​ണ് തെ​ന്‍​മ​ല.

തെ​ന്മ​ല പ​ര​പ്പാ​ര്‍ അ​ണ​ക്കെ​ട്ടി​ന് ന​ടു​വി​ലൂ​ടെ, ശെ​ന്തു​രു​ണി വ​ന്യ​ജീ​വി സ​ങ്കേ​ത​ത്തി​ന്റെ കാ​ടു​ക​ള്‍ അ​തി​രി​ടു​ന്ന ജ​ലാ​ശ​യ​ത്തി​ലൂ​ടെ​യു​ള്ള ബോ​ട്ടിം​ഗ് വ​ന്യ​മൃ​ഗ​ങ്ങ​ളെ കാ​ണാ​നും പ്ര​കൃ​തി സൗ​ന്ദ​ര്യം ആ​സ്വ​ദി​ക്കാ​നു​മു​ള്ള അ​വ​സ​രം സ​ഞ്ചാ​രി​ക​ള്‍​ക്കു ന​ല്‍​കു​ന്നു. വ​നം​വ​കു​പ്പി​ന്‍റെ കീ​ഴി​ല്‍ ശെ​ന്തു​രു​ണി കാ​ടു​ക​ളി​ലേ​ക്ക് ന​ട​ത്തു​ന്ന ഗൈ​ഡ​ഡ് ട്രെ​ക്കിം​ഗ് പാ​ക്കേ​ജു​ക​ള്‍, കാ​ടി​നു​ള്ളി​ലെ ടെ​ന്‍റ് ക്യാ​മ്പിം​ഗ് എ​ന്നി​വ സാ​ഹ​സി​ക​രാ​യ സ​ഞ്ചാ​രി​ക​ള്‍​ക്ക് പ്രി​യ​പ്പെ​ട്ട​താ​ണ്.

വ​ള​രെ വ​ര്‍​ഷ​ങ്ങ​ള്‍​ക്ക് മു​ന്‍​പ് തു​ട​ങ്ങി​യ പ​ദ്ധ​തി​യാ​യ​തി​നാ​ല്‍ കാ​ലാ​നു​സൃ​ത​മാ​യ പു​തു​ക്ക​ലു​ക​ള്‍ ആ​വ​ശ്യ​മാ​ണ്. മൂ​ന്നാ​ര്‍, വാ​ഗ​മ​ണ്‍, വ​യ​നാ​ട് എ​ന്നി​വ​യ്ക്ക് ല​ഭി​ക്കു​ന്ന ത​ര​ത്തി​ലു​ള്ള ഒ​രു പു​തി​യ ബ്രാ​ന്‍​ഡിം​ഗ് സ​മീ​പ​കാ​ല​ത്ത് തെ​ന്മ​ല​യ്ക്ക് ല​ഭി​ക്കു​ന്നി​ല്ല. മ​ഴ​ക്കാ​ല​ത്ത് സു​ര​ക്ഷാ കാ​ര​ണ​ങ്ങ​ളാ​ല്‍ ബോ​ട്ടിം​ഗും ട്രെ​ക്കിം​ഗും നി​ര്‍​ത്തി​വെ​ക്കാ​റു​ണ്ട്. എ​ന്നാ​ല്‍ ഈ ​സ​മ​യ​ത്ത് വ​ന​ത്തി​ന്‍റെ ഭം​ഗി ആ​സ്വ​ദി​ക്കാ​ന്‍ പ​റ്റി​യ സു​ര​ക്ഷി​ത​മാ​യ 'മ​ണ്‍​സൂ​ണ്‍ പാ​ക്കേ​ജു​ക​ള്‍' വി​ക​സി​പ്പി​ക്കാ​ന്‍ ന​മു​ക്ക് ഇ​തു​വ​രെ ക​ഴി​ഞ്ഞി​ട്ടി​ല്ല.

വ​നം​വ​കു​പ്പി​ന്‍റെയും ഡി​ടി​പി​സി​യു​ടെ​യും കു​റ​ച്ച് കോട്ടേ​ജു​ക​ള്‍ ഉ​ണ്ടെ​ങ്കി​ലും തെ​ന്മ​ല​യ്ക്ക് ചു​റ്റും അ​ന്താ​രാ​ഷ്ട്ര നി​ല​വാ​ര​മു​ള്ള സ്വ​കാ​ര്യ റി​സോ​ര്‍​ട്ടു​ക​ളോ ഹോം​സ്റ്റേ​ക​ളോ വ​ലി​യ രീ​തി​യി​ല്‍ വ​ള​ര്‍​ന്നു വ​ന്നി​ട്ടി​ല്ല. വ​രും​ത​ല​മു​റ​യെ​ക്കൂ​ടി ആ​ക​ര്‍​ഷി​ക്കാ​ന്‍ ഡി​ജി​റ്റ​ല്‍ സം​വി​ധാ​ന​ങ്ങ​ള്‍, കൂ​ടു​ത​ല്‍ ആ​ധു​നി​ക സാ​ഹ​സി​ക വി​നോ​ദ​ങ്ങ​ള്‍ (സി​പ് ലൈ​ന്‍, സ്‌​കൈ​വാ​ക്ക് പോ​ലു​ള്ള​വ), മെ​ച്ച​പ്പെ​ട്ട മാ​ര്‍​ക്ക​റ്റിം​ഗ് രീ​തി​ക​ള്‍ എ​ന്നി​വ കൊ​ണ്ടു​വ​ന്നാ​ല്‍ തെ​ന്മ​ല​യെ ദ​ക്ഷി​ണേ​ന്ത്യ​യി​ലെ ഏ​റ്റ​വും മി​ക​ച്ച ഇ​ക്കോ-​ടൂ​റി​സം കേ​ന്ദ്ര​മാ​യി നി​ല​നി​ര്‍​ത്താം.

പാ​ല​രു​വി വെ​ള്ള​ച്ചാ​ട്ടം

കൊ​ല്ലം ജി​ല്ല​യി​ലെ പു​ന​ലൂ​ര്‍-​ചെ​ങ്കോ​ട്ട പാ​ത​യി​ല്‍ ആ​ര്യ​ങ്കാ​വി​ന് സ​മീ​പം സ്ഥി​തി ചെ​യ്യു​ന്ന പാ​ല​രു​വി വെ​ള്ള​ച്ചാ​ട്ടം കേ​ര​ള​ത്തി​ലെ ഏ​റ്റ​വും പ്ര​ശ​സ്ത​വും മ​നോ​ഹ​ര​വു​മാ​യ പ്ര​കൃ​തി​ദ​ത്ത വെ​ള്ള​ച്ചാ​ട്ട​ങ്ങ​ളി​ലൊ​ന്നാ​ണ്. വ​ന​ത്തി​നു​ള്ളി​ല്‍ ഏ​ക​ദേ​ശം 300 അ​ടി ഉ​യ​ര​ത്തി​ല്‍​നി​ന്ന് പാ​റ​ക്കെ​ട്ടു​ക​ളി​ലൂ​ടെ പാ​ല്‍ പോ​ലെ ഒ​ഴു​കി​യി​റ​ങ്ങു​ന്ന ഈ ​വെ​ള്ള​ച്ചാ​ട്ടം വി​നോ​ദ​സ​ഞ്ചാ​രി​ക​ള്‍​ക്ക് അ​വി​സ്മ​ര​ണീ​യ​മാ​യ കാ​ഴ്ചാ​നു​ഭൂ​തി​യാ​ണു ന​ല്‍​കു​ന്ന​ത്.
പ​ശ്ചി​മ​ഘ​ട്ട​ത്തി​ലെ കാ​ടു​ക​ളി​ലെ അ​പൂ​ര്‍​വ​മാ​യ ഔ​ഷ​ധ​സ​സ്യ​ങ്ങ​ളെ സ്പ​ര്‍​ശി​ച്ചാ​ണ് പാ​ല​രു​വി​യി​ലെ വെ​ള്ളം ഒ​ഴു​കി​യെ​ത്തു​ന്ന​ത്.

അ​തി​നാ​ല്‍ ഈ ​വെ​ള്ള​ത്തി​ലെ കു​ളി ശ​രീ​ര​ത്തി​നും മ​ന​സ്സി​നും ഉ​ന്മേ​ഷം ന​ല്‍​കു​ന്ന​താ​ണെ​ന്നും രോ​ഗ​ശ​മ​ന ശേ​ഷി​യു​ള്ള​താ​ണെ​ന്നും വി​ശ്വ​സി​ക്ക​പ്പെ​ടു​ന്നു. ഇ​ത് 'ഹീ​ലിം​ഗ് ടൂ​റി​സ​ത്തി​ന്' മി​ക​ച്ച സാ​ധ്യ​ത​യൊ​രു​ക്കു​ന്നു. വ​ലി​യ വെ​ള്ള​ച്ചാ​ട്ട​മാ​ണെ​ങ്കി​ലും, വെ​ള്ളം വ​ന്നു​വീ​ഴു​ന്ന ഭാ​ഗ​ത്ത് സ​ഞ്ചാ​രി​ക​ള്‍​ക്ക് (പ്ര​ത്യേ​കി​ച്ച് സ്ത്രീ​ക​ള്‍​ക്കും കു​ട്ടി​ക​ള്‍​ക്കും) സു​ര​ക്ഷി​ത​മാ​യി ഇ​റ​ങ്ങി കു​ളി​ക്കാ​നു​ള്ള സൗ​ക​ര്യ​മു​ണ്ട്. വ​നം​വ​കു​പ്പി​ന്‍റെ നി​യ​ന്ത്ര​ണ​ത്തി​ലു​ള്ള പ്ര​ദേ​ശ​മാ​യ​തി​നാ​ല്‍, വെ​ള്ള​ച്ചാ​ട്ട​ത്തി​ന് ചു​റ്റു​മു​ള്ള ഉ​ള്‍​ക്കാ​ടു​ക​ളി​ലേ​ക്ക് ഗൈ​ഡ​ഡ് ട്രെ​ക്കിം​ഗ് ന​ട​ത്താ​നും പ്ര​കൃ​തി​ഭം​ഗി ആ​സ്വ​ദി​ക്കാ​നു​മു​ള്ള വ​ലി​യ അ​വ​സ​ര​മു​ണ്ട്.

ജൂ​ണ്‍ മു​ത​ല്‍ ഒ​ക്ടോ​ബ​ര്‍ വ​രെ​യു​ള്ള മ​ഴ​ക്കാ​ല​ത്ത് പാ​ല​രു​വി അ​തി​ന്‍റെ പൂ​ര്‍​ണ സൗ​ന്ദ​ര്യ​ത്തി​ല്‍ എ​ത്താ​റു​ണ്ട്. തി​രു​വി​താം​കൂ​ര്‍ രാ​ജാ​ക്ക​ന്മാ​രു​ടെ കാ​ല​ത്ത് നി​ര്‍​മിച്ച കൊ​ട്ടാ​ര​ത്തി​ന്‍റെ അ​വ​ശി​ഷ്ട​ങ്ങ​ള്‍ (പാ​ല​രു​വി കൊ​ട്ടാ​രം) ഇ​വി​ടെ​യു​ണ്ട്. ച​രി​ത്ര​പ​ര​മാ​യ ഈ ​വ​ശ​ത്തെ​ക്കൂ​ടി ടൂ​റി​സ​വു​മാ​യി ബ​ന്ധി​പ്പി​ക്കാ​വു​ന്ന​താ​ണ്. പ​ക്ഷേ, ഈ ​രീ​തി​യി​ല്‍ ന​മ്മു​ടെ ഭ​ര​ണ​കൂ​ടം നി​ങ്ങി​യി​ട്ടി​ല്ല. ജ​നു​വ​രി മു​ത​ല്‍ മെ​യ് വ​രെ​യു​ള്ള വേ​ന​ല്‍​ക്കാ​ല​ത്ത് വെ​ള്ള​ച്ചാ​ട്ട​ത്തി​ല്‍ വെ​ള്ളം വ​ള​രെ കു​റ​വാ​കും. ഈ ​സ​മ​യ​ങ്ങ​ളി​ല്‍ സ​ഞ്ചാ​രി​ക​ളു​ടെ എ​ണ്ണം പ​കു​തി​യി​ല​ധി​ക​മാ​യി കു​റ​യു​ന്നു. ഓ​ഫ്-​സീ​സ​ണി​ല്‍ സ​ഞ്ചാ​രി​ക​ളെ ആ​ക​ര്‍​ഷി​ക്കാ​ന്‍ മ​റ്റ് വി​നോ​ദ​ങ്ങ​ളോ (ഉ​ദാ​ഹ​ര​ണ​ത്തി​ന് അ​ഡ്വ​ഞ്ച​ര്‍ പാ​ര്‍​ക്ക്, കാ​നോ​പി വോ​ക്ക്) ഇ​വി​ടെ വി​ക​സി​പ്പി​ച്ചി​ട്ടി​ല്ല എ​ന്ന​ത് വ​ലി​യ തി​രി​ച്ച​ടി​യാ​ണ്.

ക​ന​ത്ത മ​ഴ പെ​യ്യു​മ്പോ​ള്‍ ഉ​രു​ള്‍​പൊ​ട്ട​ല്‍ ഭീ​ഷ​ണി​യോ മ​ല​വെ​ള്ള​പ്പാ​ച്ചി​ലോ ഉ​ണ്ടാ​യാ​ല്‍ സു​ര​ക്ഷ മു​ന്‍​നി​ര്‍​ത്തി ദി​വ​സ​ങ്ങ​ളോ​ളം പാ​ല​രു​വി അ​ട​ച്ചി​ടാ​റു​ണ്ട്. ലൈ​വ് അ​പ്‌​ഡേ​റ്റു​ക​ള്‍ ന​ല്‍​കാ​നു​ള്ള ഡി​ജി​റ്റ​ല്‍ സം​വി​ധാ​നം ഇ​നി​യും മെ​ച്ച​പ്പെ​ടു​ത്തേ​ണ്ട​താ​യു​ണ്ട്. തി​ര​ക്കു​ള്ള ദി​വ​സ​ങ്ങ​ളി​ല്‍ വ​സ്ത്രം മാ​റാ​നു​ള്ള മു​റി​ക​ളു​ടെ​യും ശു​ചി​മു​റി​ക​ളു​ടെ​യും എ​ണ്ണം തി​ക​യാ​തെ വ​രാ​റു​ണ്ട്. കൂ​ടാ​തെ ന​ല്ലൊ​രു ക​ഫ​റ്റീ​രി​യ​യോ വി​ശ്ര​മ​കേ​ന്ദ്ര​ങ്ങ​ളോ വെ​ള്ള​ച്ചാ​ട്ട​ത്തി​ന് സ​മീ​പ​മി​ല്ല എ​ന്ന​ത് വ​ലി​യ പോ​രാ​യ്മ​യാ​ണ്.

ആ​ളു​ക​ളെ അ​വി​ടെ കൂ​ടു​ത​ല്‍ സ​മ​യം ഇ​രു​ത്താ​നോ, പ്ര​ദേ​ശ​ത്തെ മ​റ്റ് വി​നോ​ദ സ​ഞ്ചാ​ര കേ​ന്ദ്ര​ത്തി​ലേ​ക്ക് (ഉ​ദാ​ഹ​ര​ണ​ത്തി​ന് ആ​ര്യ​ങ്കാ​വ് റെ​യി​ല്‍​വേ പാ​ലം, റോ​സ്മ​ല) ന​യി​ക്കാ​നോ ഉ​ള്ള സം​യോ​ജി​ത പാ​ക്കേ​ജു​ക​ള്‍ കു​റ​വാ​ണ്. വേ​ന​ല്‍​ക്കാ​ല​ത്ത് വെ​ള്ളം കു​റ​യു​ന്ന അ​വ​സ്ഥ​യെ മ​റി​ക​ട​ക്കാ​ന്‍ വ​ന​ത്തി​നു​ള്ളി​ല്‍ ത​ട​യ​ണ​ക​ള്‍ നി​ര്‍​മി​ച്ച് പ​രി​പാ​ലി​ക്കു​ക​യും സ​മീ​പ​ത്തെ മ​റ്റ് മ​ല​യോ​ര വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളു​മാ​യി ബ​ന്ധി​പ്പി​ച്ച് 'കി​ഴ​ക്ക​ന്‍ കൊ​ല്ലം ടൂ​റി​സം സ​ര്‍​ക്യൂ​ട്ട്' രൂ​പീ​ക​രി​ക്കു​ക​യും ചെ​യ്താ​ല്‍ പാ​ല​രു​വി​യു​ടെ പ്ര​സ​ക്തി ഇ​നി​യും കൂ​ട്ടാ​വു​ന്ന​തേ​യു​ള്ളൂ.

Tags : Local News Nattuvishesham Kollam