18

വൈ​പ്പി​ന്‍: എ​ള​ങ്കു​ന്ന​പ്പു​ഴ പ​ഞ്ചാ​യ​ത്തി​ലെ പു​തു​വൈ​പ്പ്‌ സ്കൂ​ൾ മു​റ്റം ഭാ​ഗ​ങ്ങ​ളി​ലാ​യി എ​ട്ടു​പേ​രെ​ക്ക് തെ​രു​വു​നാ​യ ആ​ക്ര​മ​ണ​ത്തി​ൽ പ​രി​ക്ക്. മാം​സം പ​റി​ച്ചെ​ടു​ത്ത നി​ല​യി​ൽ കാ​ലി​ന് ഗു​രു​ത​ര​മാ​യി ക​ടി​യേ​റ്റ അ​ഞ്ചാം ക്ലാ​സ് വി​ദ്യാ​ര്‍​ഥി ച​ക്കാ​ല പാ​ട​ത്ത് ആ​രോ​ണി​നെ എ​റ​ണാ​കു​ളം സ്പെ​ഷ​ലി​സ്റ്റ്സ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഇ​ന്ന​ലെ രാ​വി​ലെ പു​തു​വൈ​പ്പി​ൽ നി​ന്നാ​ണ് നാ​യ ആ​ളു​ക​ളെ ക​ടി​ച്ചു കീ​റാ​ൻ തു​ട​ങ്ങി​യ​ത്. എ​ള​ങ്കു​ന്ന​പു​ഴ നി​വാ​സി​ക​ളാ​യ വി​ഷ്ണു​പ്രി​യ, ര​സി​ക, ക​ല്‍​പ്പ​ന, അ​ഖി​ല്‍ ബെ​ന്ന​ന്‍, അ​നി​ൽ, എ​ലി​സ​ബ​ത്ത് ഗ്ലാ​ഡി​സ്, സി​യോ​ൺ എ​ന്നി​വ​രാ​ണ് നാ​യ​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ മ​റ്റു​ള്ള​വ​ർ.
‌

ഇ​വ​രെ​ല്ലാ​വ​രും എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ല്‍ ചി​കി​ത്സ തേ​ടി. ക​ടി​യേ​റ്റ​വ​രി​ല്‍ എ​റ​ണാ​കു​ളത്തെ സ്വകാര്യ ആ​ശു​പ​ത്രി​യി​ലെ ന​ഴ്‌​സ്‌, അ​ക്കൗ​ണ്ട​ന്‍റ്, എ​റ​ണാ​കു​ളം മെ​ഡി​ക്ക​ല്‍ കോ​ള​ജി​ലെ ന​ഴ്‌​സിം​ഗ് വി​ദ്യാ​ര്‍​ഥി​നി, സ്‌​കൂ​ള്‍ വി​ദ്യാ​ര്‍​ഥി​ക​ള്‍, പാ​ല്‍ വി​ത​ര​ണ​ക്കാ​ര​ന്‍ എ​ന്നി​വ​രു​മു​ണ്ട്.

ബു​ധ​നാ​ഴ്‌​ച വൈ​കി​ട്ട്‌ സ്‌​കൂ​ൾ​മു​റ്റ​ത്ത്‌ തോ​ട്ടും​ക​ര ബി​ജു​വി​ന്‍റെ മ​ക​ൻ സി​യോ​ണി(5)നെയാ​ണ് ഈ ​നാ​യ ആ​ദ്യം ക​ടി​ച്ച​ത്. അ​മ്മ​യ്‌​ക്കൊ​പ്പം വ​ഴി​യി​ലൂ​ടെ ന​ട​ന്നു​പോ​കു​മ്പോ​ഴാ​യി​രു​ന്നു സം​ഭ​വം.

പി​ന്നീ​ട് രാ​ത്രി മു​ഴു​വ​ൻ പു​തു​വൈ​പ്പ് ഭാ​ഗ​ത്ത് ത​ങ്ങി​യ നാ​യ ഇ​ന്ന​ലെ രാ​വി​ലെ വീ​ണ്ടും തെ​രു​വി​ലി​റ​ങ്ങി ആ​ളു​ക​ളെ ആ​ക്ര​മി​ക്കു​ക​യാ​യി​രു​ന്നു. നാ​ട്ടു​കാ​ർ പി​ന്നീ​ട് നാ​യ​യെ ത​ല്ലി​ക്കൊ​ന്നു.

സം​ഭ​വം അ​റി​ഞ്ഞ് പ​ഞ്ചാ​യ​ത്ത് ആ​രോ​ഗ്യ​വി​ഭാ​ഗം സ്ഥ​ല​ത്തെ​ത്തി. പേ ​വി​ഷ​ബാ​ധ ഉ​ണ്ടോ എ​ന്ന​റി​യാ​ൻ നാ​യ​യു​ടെ മൃ​ത​ദേ​ഹം പോ​സ്റ്റ്മോ​ർ​ട്ടം ന​ട​ത്തു​മെ​ന്നാ​ണ് സൂ​ച​ന.

Tags : Local News Nattuvishesham Ernakulam