10

ചേ​ര്‍​ത്ത​ല: ഒ​റ്റ​യ്ക്കു താ​മ​സി​ച്ചി​രു​ന്ന​യാ​ളെ വീ​ട്ടി​ല്‍ ക​യ​റി അ​ടി​ച്ചു​കൊ​ല​പ്പെ​ടു​ത്തി​യ കേ​സി​ല്‍ പ്ര​തി​യെ​ന്നു സം​ശ​യി​ക്കു​ന്ന​യാ​ള്‍ ഒ​ളി​വി​ല്‍. ഇ​യാ​ളെ ക​ണ്ടെ​ത്താ​ന്‍ ചേ​ര്‍​ത്ത​ല, മു​ഹ​മ്മ പൊ​ലി​സ് സ്റ്റേഷ​നു​ക​ളി​ലെ എ​സ്ഐമാ​രു​ടെ നേ​തൃ​ത്വ​ത്തി​ല്‍ മൂ​ന്നു സം​ഘ​ങ്ങ​ളാ​യി തി​രി​ച്ച് വി​വി​ധ​യി​ട​ങ്ങ​ളി​ല്‍ തി​ര​ച്ചി​ല്‍ ന​ട​ത്തു​ന്നു​ണ്ട്. ഇ​യാ​ള്‍ ഉ​ട​ന്‍ പി​ടി​യി​ലാ​കു​മെ​ന്ന് പൊ​ലി​സ് അ​റി​യി​ച്ചു.

ത​ണ്ണീ​ര്‍​മു​ക്കം പ​ഞ്ചാ​യ​ത്ത് 14-ാം വാ​ര്‍​ഡ് വെ​റു​ങ്ങ​ന്‍​ച്ചു​വ​ട് പ​ടി​ഞ്ഞാ​റ് വേ​ലി​ക്ക​ക​ത്ത് വീ​ട്ടി​ല്‍ സ​ന്തോ​ഷ് (53) ആ​ണ് കൊ​ല്ല​പ്പെ​ട്ട​ത്. ഞാ​യ​റാ​ഴ്ച രാ​വി​ലെ ഏ​ഴ​ര​യോ​ടെ​യാ​ണ് ത​ല​യി​ലും മു​ഖ​ത്തു​മ​ട​ക്കം മു​റി​വേ​റ്റ പാ​ടു​ക​ളോ​ടെ​യും ര​ക്തം വാ​ര്‍​ന്ന നി​ല​യി​ലും മൃ​ത​ദേ​ഹം ക​ണ്ടെ​ത്തി​യ​ത്. അ​ക്ര​മ​ത്തി​നി​ടെ ത​ല​യ്ക്ക് അ​ടി​യേ​റ്റ​തി​നെ തു​ട​ര്‍​ന്നു​ണ്ടാ​യ മു​റി​വാ​ണ് മ​ര​ണ​ത്തി​നു കാ​ര​ണ​മാ​യ​തെ​ന്നാ​ണ് പ്രാ​ഥ​മി​ക പോ​സ്റ്റു​മോ​ര്‍​ട്ടം റി​പ്പോ​ര്‍​ട്ട്.

അ​ക്ര​മി അ​ടി​ക്കാ​ന്‍ ഉ​പ​യോ​ഗി​ച്ച​തെ​ന്നു ക​രു​തു​ന്ന മു​ള​വ​ടി ഒ​ടി​ഞ്ഞ നി​ല​യി​ല്‍ വീ​ട്ടി​ല്‍നി​ന്നും ക​ണ്ടെ​ത്തി​യി​രു​ന്നു. സ​മീ​പ​വാ​സി​ക​ളോ​ട് അ​ക​ന്നു ക​ഴി​ഞ്ഞി​രു​ന്ന സ​ന്തോ​ഷ് പ​ല​കേ​സു​ക​ളി​ലും ഉ​ള്‍​പ്പെ​ട്ടി​രു​ന്നു. കൊ​ല്ല​പ്പെ​ടു​ന്ന​തി​നു ര​ണ്ടു​ദി​വ​സം മു​മ്പ് ഇ​യാ​ള്‍ പ്ര​ദേ​ശ​ത്തെ കൊ​ച്ചു​കു​ട്ടി​യോ​ടു മോ​ശ​മാ​യി പെ​രു​മാ​റി​യ​തി​നു വീ​ട്ടു​കാ​ര്‍ മു​ഹ​മ്മ പൊ​ലി​സി​ല്‍ പ​രാ​തി ന​ല്‍​കി​യി​രു​ന്നു.

തു​ട​ര്‍​ന്ന് ശ​നി​യാ​ഴ്ച സ​ന്തോ​ഷി​നെ പൊ​ലി​സ് സ്‌​റ്റേ​ഷ​നി​ലേ​ക്കു വി​ളി​പ്പി​ച്ചെ​ങ്കി​ലും എ​ത്തി​യി​രു​ന്നി​ല്ല. ഇ​തേ തു​ട​ര്‍​ന്നു പൊ​ലി​സ് തി​ര​ക്കി വീ​ട്ടി​ലെ​ത്തി​യ​പ്പോ​ഴാ​ണ് ഇ​യാ​ളെ മ​രി​ച്ച​നി​ല​യി​ല്‍ ക​ണ്ട​ത്. പ്രാ​ഥ​മി​ക അ​ന്വേ​ഷ​ണ​ത്തി​ല്‍ പ്ര​തി​യെ കു​റി​ച്ചു പൊ​ലി​സി​നു ഏ​ക​ദേ​ശ സൂ​ച​ന ല​ഭി​ച്ചി​രു​ന്നു.

സം​ശ​യ നി​ഴ​ലി​ലാ​യ ഇ​യാ​ളെ നി​രീ​ക്ഷ​ണ​ത്തി​ലാ​ക്കി​യെ​ങ്കി​ലും മു​ങ്ങി​യ​താ​യാ​ണ് വി​വ​രം. ഇ​യാ​ളെ ക​ണ്ടെ​ത്താ​ന്‍ പൊ​ലി​സ് അ​ന്വേ​ഷ​ണം ഊ​ര്‍​ജി​ത​മാ​ക്കി. ഇ​യാ​ളെ ക​സ്റ്റ​ഡി​യി​ലെ​ടു​ത്താ​ല്‍ മാ​ത്ര​മേ സം​ഭ​വ​ത്തെ​പ​റ്റി വ്യ​ക്ത​ത വ​രു​ത്താ​നാ​കു​ക​യു​ള്ളൂ​വെ​ന്നാ​ണ് പൊ​ലി​സ് പ​റ​യു​ന്ന​ത്.

Tags : NattuVishasham DistrictNews crime police