22

ക​രു​നാ​ഗ​പ്പ​ള്ളി : കാ​ള​കെ​ട്ടു​ത്സ​വ​ത്തി​ന് ഓ​ച്ചി​റ പ​ട​നി​ല​ത്തി​ല്‍ ഇ​ക്കു​റി ആ​ചാ​ര​പ്ര​കാ​ര​മു​ള്ള ചെ​റി​യ ന​ന്ദി​കേ​ശ​ന്മാ​ര്‍ മാ​ത്രം. ര​ണ്ടു​പ​തി​റ്റാ​ണ്ട് ഓ​ണാ​ട്ടു​ക​ര​യ്ക്ക് അ​ഭി​മാ​ന​മാ​യി​രു​ന്ന വ​ജ്ര​തേ​ജോ​മു​ഖ​ന്‍ ഇ​ത്ത​വ​ണ ഉ​ണ്ടാ​കി​ല്ല. പ​ക​ര​മാ​ണ് ചെ​റി​യ ന​ന്ദി​കേ​ശ​ന്മാ​രെ അ​ണി​യി​ച്ചൊ​രു​ക്കി ഇ​റ​ക്കാ​ന്‍ ക്ലാ​പ്പ​ന ആ​ലും​പീ​ടി​ക ജീ​നി​യ​സ് ആ​ര്‍​ട്‌​സ് ആ​ന്‍​ഡ് സ്‌​പോ​ര്‍​ട്‌​സ് ക്ല​ബിന്‍റെ പ്ര​വ​ര്‍​ത്ത​ക​ര്‍ ഒ​രു​ങ്ങു​ന്ന​ത്.

ഒ​രു വ​ര്‍​ഷം മു​മ്പു​ള്ള കാ​ള​കെ​ട്ടു​ത്സ​വ സ​മ​യ​ത്താ​ണ് ക്ല​ബ് അം​ഗം സു​നി​ല്‍ റോ​ഡ് അ​പ​ക​ട​ത്തി​ല്‍ മ​രി​ച്ച​ത്. ഗു​രു​ത​ര​മാ​യി പ​രി​ക്കേ​റ്റ സു​നി​ല്‍ ആം​ബു​ല​ന്‍​സ് സേ​വ​നം ല​ഭി​ക്കാ​തെ മ​ണി​ക്കൂ​റു​ക​ളാ​ണ് റോ​ഡി​ല്‍ കി​ട​ന്ന​ത്. ഇ​തോ​ടെ​യാ​ണ് ചെ​ല​വു​ചു​രു​ക്കി ആ​ചാ​ര​പ്ര​കാ​രം ചെ​റി​യ ന​ന്ദി​കേ​ശ​ന്മാ​രെ ഒ​രു​ക്കി​യ​ശേ​ഷം ബാ​ക്കി​യു​ള്ള പ​ണം ഉ​പ​യോ​ഗി​ച്ച് നാ​ട്ടു​കാ​ര്‍​ക്കാ​യി ആം​ബു​ല​ന്‍​സ് വാ​ങ്ങി ന​ല്‍​കാ​ന്‍ ക്ല​ബ് തീ​രു​മാ​ന ിക്കു​ക​യാ​യി​രു​ന്നു. ക​ഴി​ഞ്ഞ​ത​വ​ണ കാ​ള​കെ​ട്ടി​നാ​യി ച​ട്ടം​കൂ​ട്ട് ച​ട​ങ്ങ് ന​ട​ന്ന​പ്പോ​ള്‍ ത​ന്നെ ഇ​ത്ത​ര​മൊ​രു ആ​ശ​യം ഉ​യ​ര്‍​ന്നി​രു​ന്നു.
ഇ​താ​ണ് ഇ​ക്കു​റി യാ​ഥാ​ര്‍​ഥ്യ​മാ​കു​ന്ന​ത്.\

ഓ​ര്‍​മ​യാ​കു​ന്ന​ത് 42 അ​ടി ഉ​യ​ര​മു​ള്ള ന​ന്ദി​കേ​ശ​ന്‍. ഓ​ണാ​ട്ടു​ക​ര​യി​ലെ മ​റ്റ് കാ​ള​ക്കൂ​റ്റ​ന്‍​മാ​രി​ല്‍ നി​ന്ന് പു​തു​മ​ക​ളു​ള്ള കെ​ട്ടു​കാ​ള​യാ​യി​രു​ന്നു വ​ജ്ര​തേ​ജോ​മു​ഖ​ന്‍. 42 അ​ടി ഉ​യ​ര​മു​ള്ള ഈ ​കൂ​റ്റ​ന്‍ ന​ന്ദി​കേ​ശ​ന്‍​മാ​ര്‍ ത​ല​പ്പൊ​ക്ക​ത്തി​ന്‍റെ കാ​ര്യ​ത്തി​ല്‍ മു​ന്‍​പ​ന്തി​യി​ലാ​യി​രു​ന്നു. വ്യ​ത്യ​സ്ത​ങ്ങ​ളാ​യ കൊ​ത്തു​പ​ണി കാ​ര​ണം വ​ജ്ര​തേ​ജോ​മു​ഖ​ന്‍ ശ്ര​ദ്ധ​നേ​ടി. ഇ​രുച​ട്ട​ത്തി​ലു​മു​ള്ള മ​ക​ര​മ​ത്സ്യ​വും താ​ങ്ങി​നി​ല്‍​ക്കു​ന്ന സിം​ഹ​ക്കാ​ലും മ്യൂ​റ​ല്‍ പെ​യി​ന്‍റ് ചെ​യ്ത 15അ​ടി നീ​ള​വും പ​ത്ത​ടി വീ​തി​യും ഉ​ള്ള വീ​രാ​ളി​പ്പ​ട്ടും ആ​ക​ര്‍​ഷ​ണ​മാ​യി​രു​ന്നു.

ര​ണ്ട് ന​ന്ദി​കേ​ശ ശി​ര​സി​ന്റെ​യും ന​ടു​വി​ല്‍ നാ​ഗ​രാ​ജ, നാ​ഗ​യ​ക്ഷി സ​ങ്ക​ല്‍​പ​ത്തി​ലു​ള്ള ശി​ല്‍​പ​ങ്ങ​ള്‍, പു​റ​ത്തേ​ക്ക് തി​രി​ഞ്ഞു​നി​ല്‍​ക്കു​ന്ന ചു​രി​ക​മൂ​രി ശൈ​ലി​യി​ലു​ള്ള കൊ​മ്പു​ക​ള്‍ എ​ന്നി​വ​യെ​ല്ലാം വ​ജ്ര​തേ​ജോ​മു​ഖ​ന്‍റെ മ​ന​സി​ല്‍ ത​ങ്ങി നി​ല്‍​ക്കു​ന്ന സ​വി​ശേ​ഷ​ത​ക​ളാ​ണ്.

Tags : Nattuvishesham District News Ochira Kaalakettal