ഏറ്റുമാനൂർ ക്രിസ്തുരാജ പള്ളിയിൽ ഇന്നലെ നടന്ന പട്ടണ പ്രദക്ഷിണം
ഏറ്റുമാനൂർ: ക്രിസ്തുരാജ പള്ളിയിൽ മിശിഹായുടെ രാജത്വ തിരുനാൾ ഭക്തിനിർഭരമായ പട്ടണ പ്രദക്ഷിണത്തോടെ കൊടിയിറങ്ങി. പ്രധാന തിരുനാൾ ദിവസമായ ഇന്നലെ നൂറുകണക്കിന് വിശ്വാസികൾ തിരുക്കർമങ്ങളിൽ സംബന്ധിച്ചു.
രാവിലെ ഫാ. മെൽബിൻ കഴുന്നുകണ്ടത്തിലിന്റെ മുഖ്യകാർമികത്വത്തിൽ റാസ കുർബാന അർപ്പിച്ചു. ഫാ. സിബിൻ മുളവരിക്കൽ വചന പ്രഘോഷണം നടത്തി.വൈകുന്നേരം ഫാ. ജേക്കബ് ചക്കാത്ര വിശുദ്ധ കുർബാന അർപ്പിച്ചു. തുടർന്നായിരുന്നു പട്ടണ പ്രദക്ഷിണം.
പള്ളിയിൽ നിന്ന് ആരംഭിച്ച് നീണ്ടൂർ റോഡിലൂടെ മർത്ത്മറിയം കുരിശടിയിൽ എത്തി കണ്ണാറമുകൾ റോഡിലൂടെ എംസി റോഡിൽ പ്രവേശിച്ച പ്രദക്ഷിണം കുരിശുപള്ളിയിൽ എത്തി.
ഫാ. ജിയോ പറേക്കുന്നേലിന്റെ കാർമികത്വത്തിൽ ലദീഞ്ഞിനുശേഷം തിരികെ പള്ളിയിൽ എത്തി സമാപിച്ചു. തുടർന്ന് കൊടിയിറക്കും നേർച്ച വസ്തുക്കളുടെ ലേലവും നടന്നു.
Tags :