18

പാ​ലാ: മു​ന്‍ രാ​ഷ്‌​ട്ര​പ​തി കെ.​ആ​ര്‍. നാ​രാ​യ​ണ​ന്‍ പ്രാ​ഥ​മി​ക വി​ദ്യാ​ഭ്യാ​സം ന​ട​ത്തി​യ​തി​ലൂ​ടെ പ്ര​സി​ദ്ധ​മാ​യ കു​റി​ച്ചി​ത്താ​നം കെ.​ആ​ര്‍. നാ​രാ​യ​ണ​ന്‍ ഗ​വ. എ​ല്‍​പി സ്‌​കൂ​ളി​ന്‍റെ ശോ​ച്യാ​വ​സ്ഥ അ​ടി​യ​ന്ത​ര​മാ​യി പ​രി​ഹ​രി​ക്ക​ണ​മെ​ന്ന് കെ.​ആ​ര്‍. നാ​രാ​യ​ണ​ന്‍ ഫൗ​ണ്ടേ​ഷ​ന്‍ ചെ​യ​ര്‍​മാ​ന്‍ എ​ബി ജെ. ​ജോ​സ് ആ​വ​ശ്യ​പ്പെ​ട്ടു. ഇ​തു സം​ബ​ന്ധി​ച്ചു മു​ഖ്യ​മ​ന്ത്രി, വി​ദ്യാ​ഭ്യാ​സ​മ​ന്ത്രി, മ​ന്ത്രി മോ​ന്‍​സ് ജോ​സ​ഫ് എ​ന്നി​വ​ര്‍​ക്കു നി​വേ​ദ​നം ന​ല്‍​കി.

നൂ​റ്റാ​ണ്ടി​ലേ​റെ​ക്കാ​ല​ത്തെ പാ​ര​മ്പ​ര്യ​മു​ള്ള സ്‌​കൂ​ളി​ന്‍റെ പ്ര​ധാ​ന കെ​ട്ടി​ടം ശോ​ച്യാ​വ​സ്ഥ​യി​ലാ​ണ്. മ​ഴ​യ​ത്ത് ചോ​ര്‍​ന്നൊ​ലി​ച്ച് മേ​ല്‍​ക്കൂ​ര ന​ശി​ച്ച് അ​പ​ക​ടാ​വ​സ്ഥ​യി​ലു​മാ​ണ്. ഗ​വ. എ​ല്‍​പി സ്‌​കൂ​ള്‍ ആ​യി​രു​ന്ന സ്‌​കൂ​ളി​ന് കെ.​ആ​ര്‍. നാ​രാ​യ​ണ​നോ​ടു​ള്ള ആ​ദ​ര​വി​ന്‍റെ ഭാ​ഗ​മാ​യാ​ണ് അ​ന്ന് മ​ന്ത്രി​യാ​യി​രു​ന്ന പി.​ജെ. ജോ​സ​ഫ്, ഉ​ഴ​വൂ​ര്‍ വി​ജ​യ​ന്‍ എ​ന്നി​വ​ര്‍ മു​ന്‍​കൈ​യെ​ടു​ത്ത് കെ.​ആ​ര്‍. നാ​രാ​യ​ണ​ന്‍ ഗ​വ. എ​ല്‍​പി സ്‌​കൂ​ള്‍ എ​ന്നു പു​ന​ര്‍​നാ​മ​ക​ര​ണം ചെ​യ്ത​ത്.

കെ.​ആ​ര്‍. നാ​രാ​യ​ണ​ന്‍ ഉ​പ​രാ​ഷ്‌​ട്ര​പ​തി​യും രാ​ഷ്‌​ട്ര​പ​തി​യു​മാ​യി​രി​ക്കേ സ്‌​കൂ​ളി​ല്‍ എ​ത്തു​ക​യും സ്വീ​ക​ര​ണം ഏ​റ്റു​വാ​ങ്ങു​ക​യും ചെ​യ്തി​രു​ന്നു. അ​ദ്ദേ​ഹ​ത്തി​ന്‍റെ നി​ര്‍​ദേ​ശ​പ്ര​കാ​രം മു​ന്‍ കേ​ന്ദ്ര​മ​ന്ത്രി മു​ര​ളി ദി​യോ​റ ലൈ​ബ്ര​റി കെ​ട്ടി​ടം നി​ര്‍​മി​ച്ചു ന​ല്‍​കു​ക​യും വി​ദ്യാ​ര്‍​ഥി​ക​ള്‍​ക്കാ​യി സ്‌​കോ​ള​ര്‍​ഷി​പ്പു​ക​ള്‍ ഏ​ര്‍​പ്പെ​ടു​ത്തു​ക​യും ചെ​യ്തി​രു​ന്നു. ഇ​പ്പോ​ള്‍ ന​ന​യാ​തി​രി​ക്കാ​ന്‍ പി​ടി​എ​യു​ടെ നേ​തൃ​ത്വ​ത്തി​ല്‍ പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടേ​ണ്ട ഗ​തി​കേ​ടി​ലാ​ണ്.
അ​ധി​കൃ​ത​ര്‍ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന് ഫൗ​ണ്ടേ​ഷ​ന്‍ ചെ​യ​ര്‍​മാ​ന്‍ എ​ബി ജെ. ​ജോ​സ് ആ​വ​ശ്യ​പ്പെ​ട്ടു.

Tags : school Nattuvishesham District News