10

നെ​യ്യാ​റ്റി​ന്‍​ക​ര: ഒ​രി​ട​ത്ത് ചെ​റി​യ മ​ഴ​യ​ത്തു പോ​ലും വെ​ള്ള​ക്കെ​ട്ട്. മ​റ്റൊ​രി​ട​ത്ത് റോ​ഡാ​കെ പൊ​ട്ടി​പ്പൊ​ളി​ഞ്ഞ നി​ല​യി​ല്‍. അ​തി​യ​ന്നൂ​ര്‍ പ​ഞ്ചാ​യ​ത്തി​ലെ പ്ര​ധാ​ന ജം​ഗ്ഷ​നാ​യ നെ​ല്ലി​മൂ​ട്ടി​ലാ​ണ് ഈ ​ദു​രി​ത​സ്ഥി​തി.

നെ​ല്ലി​മൂ​ട്ടി​ല്‍​നി​ന്നും കാ​ഞ്ഞി​രം​കു​ള​ത്തേ​യ്ക്ക് പോ​കു​ന്ന റോ​ഡി​ലാ​ണ് മ​ഴ​ക്കാ​ല​ത്തെ വെ​ള്ള​ക്കെ​ട്ട്. റോ​ഡി​ല്‍ നി​റ​യു​ന്ന വെ​ള്ള​ത്തി​ല്‍ ച​വി​ട്ടി മാ​ത്ര​മേ കാ​ല്‍​ന​ട​ക്കാ​ര്‍​ക്ക് അ​ങ്ങോ​ട്ടു​മി​ങ്ങോ​ട്ടും പോ​കാ​നാ​കൂ. ചി​ല​പ്പോ​ള്‍ കാ​ല്‍​ന​ട​ക്കാ​രെ​യോ പാ​ത​യോ​ര​ത്തെ വ്യാ​പാ​ര​സ്ഥാ​പ​ന​ങ്ങ​ളെ​യോ ഒ​ന്നും പ​രി​ഗ​ണി​ക്കാ​തെ അ​തി​വേ​ഗ​ത്തി​ല്‍ വെ​ള്ളം തെ​റി​പ്പി​ച്ച് ക​ട​ന്നു​പോ​കു​ന്ന വാ​ഹ​ന​ങ്ങ​ളു​മു​ണ്ട്.

നെ​ല്ലി​മൂ​ട്ടി​ല്‍​നി​ന്നും മ​ര​പ്പാ​ലം, പ​യ​റ്റു​വി​ള മു​ത​ലാ​യ​വി​ട​ങ്ങ​ളി​ലേ​യ്ക്ക് പോ​കു​ന്ന പാ​ത​യു​ടെ തു​ട​ക്ക​ത്തി​ല്‍ പ​കു​തി​യോ​ളം ഭാ​ഗം ടാ​റും മെ​റ്റ​ലു​മി​ള​കി​യ നി​ല​യി​ലാ​ണ്. ചെ​റു​തും വ​ലു​തു​മാ​യ കു​ഴി​ക​ളി​ല്‍ മ​ഴ​യ​ത്ത് വെ​ള്ളം കെ​ട്ടു​ന്ന​തും പ​തി​വ്. പൊ​തു​വേ റോ​ഡി​ന് വീ​തി കു​റ​വാ​ണി​വി​ടെ.

പാ​ത​യോ​ര​ത്തെ ഓ​ട​യി​ലെ സ്ലാ​ബ് പൊ​ട്ടി​യ​തും ആ​ശ​ങ്ക​യു​ണ്ടാ​ക്കു​ന്നു. ബ​ന്ധ​പ്പെ​ട്ട അ​ധി​കൃ​ത​ര്‍ റോ​ഡി​ല്‍ മ​തി​യാ​യ അ​റ്റ​കു​റ്റ​പ്പ​ണി​ക​ള്‍ ന​ട​ത്തി ഗ​താ​ഗ​ത​വും കാ​ല്‍​ന​ട​യാ​ത്ര​യും സു​ഗ​മ​മ​മാ​ക്ക​ണ​മെ​ന്ന് ആ​വ​ശ്യ​പ്പെ​ട്ടു.

Tags : Local News Nattuvishesham Thiruvananthapuram