19

നെ​ടു​മ​ങ്ങാ​ട് : വെ​ള്ള​നാ​ട് പ​ഞ്ചാ​യ​ത്തി​ന്‍റെ 2026-27 സാ​മ്പ​ത്തി​ക വ​ർ​ഷ​ത്തെ ബ​ജ​റ്റ് പ​ഞ്ചാ​യ​ത്ത്‌ വൈ​സ് പ്ര​സി​ഡ​ന്‍റ് എ​ൽ.​പ്ര​തീ​ജ അ​വ​ത​രി​പ്പി​ച്ചു. 59,57,61397 രൂ​പ വ​ര​വും 58,72,95397 രൂ​പ ചി​ല​വും 84,66000 രൂ​പ മി​ച്ച​വും പ്ര​തീ​ക്ഷി​ക്കു​ന്നു. പ​ഞ്ചാ​യ​ത്ത്‌ പ്ര​സി​ഡ​ന്‍റ് വെ​ള്ള​നാ​ട് ശ​ശി അ​ധ്യ​ക്ഷ​ത വ​ഹി​ച്ചു.

മു​ൻ വ​ർ​ഷ​ങ്ങ​ളി​ൽ ത​യ്യാ​റാ​ക്കി​യി​ട്ടു​ള്ള​തി​നെ​ക്കാ​ൾ വ്യ​ത്യ​സ്ത​മാ​യി കെ ​സ്മാ​ർ​ട്ട് മു​ഖേ​ന​യാ​ണ് ഈ ​വ​ർ​ഷം മു​ത​ൽ ബ​ഡ്‌​ജ​റ്റ് ത​യ്യാ​റാ​ക്കി​യി​ട്ടു​ള്ള​ത്.

കാ​ർ​ഷി​ക മേ​ഖ​ല​യെ ആ​ശ്ര​യി​ച്ചു നി​ൽ​ക്കു​ന്ന പ​ഞ്ചാ​യ​ത്തി​ന്‍റെ സാ​മ്പ​ത്തി​ക മേ​ഖ​ല​യു​ടെ ഉ​ന്ന​മ​നം ല​ക്ഷ്യ​മാ​ക്കി ഉ​ത്പാ​ദ​ന മേ​ഖ​ല​യി​ൽ പ​ദ്ധ​തി​ക​ൾ​ക്കാ​യി 1,54,84427 രൂ​പ വ​ക​യി​രി​ത്തി​യി​ട്ടു​ണ്ട്. ആ​യു​ർ​വേ​ദ ഹോ​മി​യോ ആ​ശു​പ​ത്രി​ക​ൾ​ക്ക് മ​രു​ന്ന് വാ​ങ്ങ​ലി​നാ​യി 14 ല​ക്ഷം രൂ​പ വ​ക​യി​രു​ത്തി​യി​ട്ടു​ണ്ട്.

കൂ​ടാ​തെ ആ​ശു​പ​ത്രി​ക​ളു​ടെ അ​ടി​സ്ഥാ​ന​സൗ​ക​ര്യ വി​ക​സ​ന​ത്തി​നാ​യും തു​ക വ​ക​യി​രു​ത്തി​യി​ട്ടു​ണ്ട്. വീ​ടി​ല്ലാ​ത്ത മു​ഴു​വ​ൻ പേ​ർ​ക്കും വീ​ട് ല​ഭ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ ആ​രം​ഭി​ച്ച ലൈ​ഫ് ഭ​വ​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി ഭ​വ​ന​നി​ർ​മാ​ണ​ത്തി​ന് 7,66,78000 രൂ​പ ഉ​ൾ​പ്പെ​ടെ ഹൗ​സിം​ഗ് മേ​ഖ​ല​യി​ൽ 8,46,78000 രൂ​പ വ​ക​യി​രി​ത്തി​യി​ട്ടു​ണ്ട്. റോ​ഡു​ക​ളു​ടെ ന​വീ​ക​ര​ണ​ത്തി​നാ​യി 2,75,52000 രൂ​പ​യും ബ​ജ​റ്റി​ന്‍റെ ഭാ​ഗ​മാ​ക്കി​യി​ട്ടു​ണ്ട്.

ശു​ചി​ത്വ മാ​ലി​ന്യ സം​സ്ക്ക​ര​ണ മേ​ഖ​ല​ക​ളി​ലാ​യും ശു​ചി​ത്വ​മി​ഷ​ൻ വി​ഹി​തം 13368000 രൂ​പ വ​ക​യി​രു​ത്തി​യി​ട്ടു​ണ്ട്. പ​ട്ടി​ക ജാ​തി വി​ക​സ​ന പ​ദ്ധ​തി​ക​ൾ​ക്കാ​യി 6021000 രൂ​പ​യും പ​ട്ടി​ക വ​ർ​ഗ വി​ക​സ​ന പ​ദ്ധ​തി​ക​ൾ​ക്കാ​യി 623000 രൂ​പ​യും വ​ക​യി​രു​ത്തി. വി​വി​ധ സാ​മൂ​ഹ്യ​ക്ഷേ​മ പ​ദ്ധ​തി​ക​ൾ​ക്കാ​യി ആ​കെ 21,92,68000 രൂ​പ​യാ​ണ് വ​ക​യി​രു​ത്തി​യ​ത്. ശി​ശു​വി​ക​സ​നം ഭി​ന്ന​ശേ​ഷി വ​യോ​ജ​ന​ങ്ങ​ൾ തു​ട​ങ്ങി പ്ര​ത്യേ​ക പ​രി​ഗ​ണി​ന അ​ർ​ഹി​ക്കു​ന്ന​വ​രു​ടെ പ​ദ്ധ​തി​ക​ൾ​ക്കാ​യി 5325880 രൂ​പ​യും പാ​ലി​യേ​റ്റീ​വ് കെ​യ​ർ പ​ദ്ധ​തി​യ്ക്കാ​യി 15ല​ക്ഷം രൂ​പ​യും ബ​ഡ്ജ​റ്റി​ന്റെ ഭാ​ഗ​മാ​ക്കി​യി​ട്ടു​ണ്ട്. ദാ​രി​ദ്ര നി​ർ​മാ​ർ​ജ​നം ല​ക്ഷ്യ​മാ​ക്കി എം​ജി​എ​ൻ​ആ​ർ​ഇ​ജി​എ​സ്. മു​ഖേ​ന 9,52,22000 രൂ​പ​യും ബ​ജ​റ്റി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.

Tags : nattu vishesham Vellanadu Panchayat Budget