13

സു​ല്‍​ത്താ​ന്‍ ബ​ത്തേ​രി: ചീ​രാ​ല്‍ മേ​ഖ​ല​യി​ല്‍ വീ​ണ്ടും ക​ടു​വ​യു​ടെ സാ​ന്നി​ധ്യം റി​പ്പോ​ര്‍​ട്ട് ചെ​യ്ത​തോ​ടെ പ്ര​ദേ​ശ​വാ​സി​ക​ള്‍ ആ​ശ​ങ്ക​യി​ല്‍. ചീ​രാ​ല്‍ ക​ല്ലി​ങ്ക​രം അ​ക്കം​വ​യ​ല്‍ പ്ര​ദേ​ശ​ത്താ​ണ് ക​ഴി​ഞ്ഞ ദി​വ​സം ക​ടു​വ​യെ ക​ണ്ട​താ​യി നാ​ട്ടു​കാ​ര്‍ അ​റി​യി​ച്ച​ത്. തു​ട​ര്‍​ച്ച​യാ​യി വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണം നേ​രി​ടു​ന്ന മേ​ഖ​ല​യാ​യ​തി​നാ​ല്‍ ജ​ന​ങ്ങ​ള്‍ ഭീ​തി​യി​ലാ​ണ്.
പാ​ലെ​ടു​ക്കാ​നാ​യി സ​മീ​പ​ത്തെ വീ​ട്ടി​ലേ​ക്ക് എ​ത്തി​യ ക​ട്ടാ​ശേ​രി കു​ര്യാ​ച്ച​നാ​ണ് ആ​ദ്യം ക​ടു​വ​യെ ക​ണ്ട​ത്.

കാ​ട്ടി​ലേ​ക്ക് നീ​ങ്ങു​ന്ന ക​ടു​വ​യെ ക​ണ്ട അ​ദ്ദേ​ഹം ബ​ഹ​ളം​വ​ച്ച് നാ​ട്ടു​കാ​രെ വി​വ​രം അ​റി​യി​ക്കു​ക​യാ​യി​രു​ന്നു. ശ​ബ്ദം കേ​ട്ട് സ​മീ​പ​വാ​സി​യും ക്ഷീ​ര​ക​ര്‍​ഷ​ക​നു​മാ​യ ച​ള്ളാ​ട്ട് വ​ല്‍​സ​ന്‍ സ്ഥ​ല​ത്തെ​ത്തി​യെ​ങ്കി​ലും ക​ടു​വ കു​റ്റി​ക്കാ​ട്ടി​ലേ​ക്ക് മ​റ​ഞ്ഞി​രു​ന്നു.

വ​ന​പാ​ല​ക​ര്‍ സ്ഥ​ല​ത്ത് പ​രി​ശോ​ധ​ന ന​ട​ത്തി​യെ​ങ്കി​ലും ക​ടു​വ​യെ ക​ണ്ടെ​ത്താ​നാ​യി​ല്ല. വ​നാ​തി​ര്‍​ത്തി​യോ​ട് ചേ​ര്‍​ന്ന പ്ര​ദേ​ശ​മാ​യ​തി​നാ​ല്‍ നി​രീ​ക്ഷ​ണം ശ​ക്ത​മാ​ക്കി​യ​താ​യി വ​നം​വ​കു​പ്പ് അ​റി​യി​ച്ചു. ക​ഴി​ഞ്ഞ ഏ​താ​നും ആ​ഴ്ച​ക​ളാ​യി ചീ​രാ​ല്‍, ന​മ്പ്യാ​ര്‍​കു​ന്ന്, കൊ​ഴു​വ​ണ, ക​ല്ലി​ങ്ക​രം തു​ട​ങ്ങി​യ പ്ര​ദേ​ശ​ങ്ങ​ളി​ല്‍ ക​ടു​വ​യു​ടെ​യും പു​ലി​യു​ടെ​യും സാ​ന്നി​ധ്യം സ്ഥി​ര​മാ​കു​ക​യാ​ണ്. നി​ര​വ​ധി വ​ള​ര്‍​ത്തു​മൃ​ഗ​ങ്ങ​ള്‍ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട സം​ഭ​വ​ങ്ങ​ളും ഉ​ണ്ടാ​യി​ട്ടു​ണ്ട്. ഇ​തു​മൂ​ലം സ​ന്ധ്യാ​സ​മ​യ​ത്തി​നു​ശേ​ഷം പു​റ​ത്തി​റ​ങ്ങാ​ന്‍ ജ​ന​ങ്ങ​ള്‍ ഭ​യ​പ്പെ​ടു​ന്ന സാ​ഹ​ച​ര്യ​മാ​ണ്.

വ​ന്യ​മൃ​ഗ​ങ്ങ​ളു​ടെ ശ​ല്യം രൂ​ക്ഷ​മാ​യ സാ​ഹ​ച​ര്യ​ത്തി​ല്‍ പ്ര​ദേ​ശ​ത്ത് പ്ര​ത്യേ​ക നി​രീ​ക്ഷ​ണ സം​ഘ​ത്തെ നി​യോ​ഗി​ക്ക​ണ​മെ​ന്നും കാ​മ​റ ട്രാ​പ്പു​ക​ള്‍ സ്ഥാ​പി​ച്ച് ക​ടു​വ​യു​ടെ സ​ഞ്ചാ​ര​പാ​ത ക​ണ്ടെ​ത്ത​ണ​മെ​ന്നും നാ​ട്ടു​കാ​ര്‍ ആ​വ​ശ്യ​പ്പെ​ട്ടു. ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി​യാ​കു​ന്ന സാ​ഹ​ച​ര്യ​ത്തി​ല്‍ കൂ​ടു​വ​ച്ച് ക​ടു​വ​യെ പി​ടി​കൂ​ടാ​ന്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​യി​ട്ടു​ണ്ട്.

Tags : Local News Nattuvishesham Wayanad