14

ഏ​റെ വൈ​കി​യാ​ണെ​ങ്കി​ലും സു​പ്രീം​കോ​ട​തി വി​ധി സ്ത്രീ​ക​ളു​ടെ അ​ന്ത​സു​യ​ർ​ത്തു​ന്ന സു​പ്ര​ധാ​ന നി​രീ​ക്ഷ​ണ​മാ​ണ്. ഇ​ത് വ​ള​രെ നേ​ര​ത്തെ ഉ​ണ്ടാ​കേ​ണ്ട​താ​യി​രു​ന്നു. ന​മ്മു​ടെ അ​മ്മ​മാ​ർ​ക്കും മു​ത്ത​ശി​മാ​ർ​ക്കു​മാ​യി സ​മ​ർ​പ്പി​ക്കു​ക​യാ​ണ് ഈ ​കോ​ട​തി​വി​ധി. ഇ​ന്ന​ത്തേ​തു​പോ​ലെ​യ​ല്ല പ​ഴ​യ​കാ​ല​ത്തെ വീ​ട്ട​മ്മ​മാ​രു​ടെ വീ​ട്ടു​ജോ​ലി. ഏ​റെ പ്ര​യാ​സ​ക​ര​മാ​യി​രു​ന്നു.

വൈ​ദ്യു​തി​യി​ല്ല, ഗ്യാ​സി​ല്ല, പൈ​പ്പി​ല്ല, മി​ക്സി​യി​ല്ല, വാ​ഷിം​ഗ് മെ​ഷീ​നി​ല്ല, ഫ്രി​ഡ്ജി​ല്ല, ഉ​ണ​ങ്ങി​യ വി​റ​കു​പോ​ലും മ​ഴ​ക്കാ​ല​ത്ത് അ​ടു​പ്പ് ക​ത്തി​ക്കാ​നു​ണ്ടാ​കി​ല്ല. പ​ക്ഷെ, അ​വ​ർ എ​ല്ലാം നി​ശ​ബ്ദ​മാ​യി മ​ക്ക​ൾ​ക്കും കു​ടും​ബ​ത്തി​നും വേ​ണ്ടി സ​ഹി​ച്ച് ത്യാ​ഗം ചെ​യ്യു​ക​യാ​യി​രു​ന്നു. ആ ​ത്യാ​ഗ​ത്തി​ന് ഇ​ന്ന് വി​ല​യു​ണ്ടാ​യി. തീ​ർ​ച്ച​യാ​യും കോ​ട​തി​വി​ധി ഏ​റെ സ്വാ​ഗ​താ​ർ​ഹ​വും സ്ത്രീ ​സ​മൂ​ഹ​ത്തി​ന് പ്ര​തീ​ക്ഷ ന​ൽ​കു​ന്ന​തു​മാ​ണ്.

റാ​ണി ചാ​ക്കോ ക​പ്യാ​രു​തോ​ട്ട​ത്തി​ൽ, വ​ള്ളി​യോ​ട്, വ​ട​ക്ക​ഞ്ചേ​രി

 വീ​ട്ട​മ്മ​മാ​രാ​യ ഭാ​ര്യ​മാ​രു​ടെ അ​ധ്വാ​ന​വും സം​ഭാ​വ​ന​ക​ളും പ​ല​പ്പോ​ഴും വേ​ണ്ട​ത്ര അം​ഗീ​ക​രി​ക്ക​പ്പെ​ടാ​തെ പോ​കു​ന്ന ഒ​രു സാ​മൂ​ഹി​ക സാ​ഹ​ച​ര്യം ഇ​ന്നും നി​ല​നി​ൽ​ക്കു​ന്നു. കു​ടും​ബ​ത്തി​ന്‍റെ ക്ഷേ​മ​ത്തി​നും കു​ട്ടി​ക​ളു​ടെ വ​ള​ർ​ച്ച​യ്ക്കും അ​വ​ർ ന​ൽ​കു​ന്ന നി​സ്വാ​ർ​ഥ സേ​വ​ന​ത്തി​ന് യ​ഥാ​ർ​ഥ വി​ല​യും ബ​ഹു​മാ​ന​വും ല​ഭി​ക്കേ​ണ്ട​തു​ണ്ട്.
സു​പ്രീം​കോ​ട​തി​യു​ടെ ഈ ​നി​ല​പാ​ട് വീ​ട്ട​മ്മ​മാ​രു​ടെ പ്ര​യ​ത്‌​ന​ത്തി​ന് സ​മൂ​ഹം അ​ർ​ഹ​മാ​യ അം​ഗീ​കാ​രം ന​ൽ​കേ​ണ്ട​തി​ന്‍റെ പ്രാ​ധാ​ന്യം ഓ​ർ​മ​പ്പെ​ടു​ത്തു​ന്ന​താ​ണ്.

എ​സ്. പ്ര​തി​ഭ, പ്രി​ൻ​സി​പ്പ​ൽ, ജി​ഒ​എ​ച്ച്എ​സ്എ​സ് എ​ട​ത്ത​നാ​ട്ടു​ക​ര

 സു​പ്രീം കോ​ട​തി​യു​ടെ വി​ധി അ​ഭി​ന​ന്ദ​നീ​യ​മാ​ണ്. ഒ​രു വീ​ട്ട​മ്മ രാ​വി​ലെ മു​ത​ൽ രാ​ത്രി ഏ​റെ വൈ​കും​വ​രെ വീ​ട്ടു​ജോ​ലി​ക​ളി​ൽ വ്യാ​പൃ​ത​യാ​കു​ന്ന വ്യ​ക്തി​യാ​ണ്. മ​ക്ക​ൾ, ഭ​ർ​ത്താ​വ് തു​ട​ങ്ങി വീ​ട്ടി​ലെ മ​റ്റ് അം​ഗ​ങ്ങ​ൾ​ക്കു​വേ​ണ്ടി​യും പ​ണി​യെ​ടു​ക്കു​ന്നു. കു​ടും​ബി​നി​ക​ൾ​ക്കു​ള്ള ഒ​രു അം​ഗീ​കാ​ര​മാ​ണ് ഈ ​വി​ധി.

അ​നി​ത ശ​ങ്ക​ർ ‘ആ​ർ​ദ്ര' പ​രു​ത്തി​ക്കാ​ട്ടെ ഹൗ​സ്, എ​ട​യാ​ർ സ്ട്രീ​റ്റ് മാ​ങ്കാ​വ്, പാ​ല​ക്കാ​ട്‌

സു​പ്രീം​കോ​ട​തി​യു​ടെ വി​ധി​യോ​ടെ കോ​ള​ജ് വി​ദ്യാ​ർ​ഥി​നി​ക​ള​ട​ക്ക​മു​ള്ള​വ​രെ ഇ​നി ആ​രും വി​ല​യി​ല്ലാ​ത്ത​വ​ൾ എ​ന്ന് പ​റ​യി​ല്ല. കോ​ട​തി​യു​ടെ നി​രീ​ക്ഷ​ണം സ​മൂ​ഹ​ത്തി​ൽ ത​ല ഉ​യ​ർ​ത്തി നി​ൽ​ക്കാം. കാ​ൽ​കാ​ശി​നു കൊ​ള്ളാ​ത്ത​വ​ൾ എ​ന്ന പ​രി​ഹാ​സ​ത്തി​നും ഇ​തോ​ടെ അ​വ​സാ​ന​മാ​യി​രി​ക്കു​ന്നു. സ്ത്രീ​ക​ളു​ടെ മൂ​ല്യം കു​ടും​ബ​ത്തി​ലും സ​മൂ​ഹ​ത്തി​ലും ഇ​നി മു​ത​ൽ ആ​ദ​രി​ക്ക​പ്പെ​ടും.

ലെ​ന മാ​ത്യു, മൂ​ന്നാം​വ​ർ​ഷ മ​ല​യാ​ളം ബി​രു​ദ വി​ദ്യാ​ർ​ഥി​നി, ഗ​വ. വി​ക്ടോ​റി​യ കോ​ള​ജ്, പാ​ല​ക്കാ​ട്

ഭ​വ​ന​ത്തി​ൽ സ്ത്രീ ​ചെ​യ്യു​ന്ന ജോ​ലി​ക്ക് പ്ര​തി​ഫ​ലം ഇ​ല്ലാ​യി​രു​ന്നു​വെ​ന്നു മാ​ത്ര​മ​ല്ല പാ​ർ​ശ്വ​വ​ത്ക​രി​ക്ക​പ്പെ​ടു​ക​യും ചെ​യ്തി​രു​ന്ന സ​മൂ​ഹ​ത്തി​ൽനി​ന്നും പ​രി​പൂ​ർ​ണ അം​ഗീ​കാ​രം ല​ഭി​ച്ചി​രി​ക്കു​ന്നു. പു​രു​ഷ​നോ​ടൊ​പ്പം സ്ത്രീ​യും അം​ഗീ​ക​രി​ക്ക​പ്പെ​ട്ടി​രി​ക്കു​ന്നു. സ്ത്രീ​ക്ക് വി​ല​ക​ൽ​പ്പി​ക്കാ​ത്ത സ​മൂ​ഹ​ത്തി​ൽ കോ​ട​തി​വി​ധി ആ​ശ്വ​സം പ​ക​രു​ന്നു.

 ത്രേ​സ്യാ​മ്മ ജോ​യ്, മേ​ട​ക്ക​ൽ, മു​ണ്ടൂ​ർ

നേ​രം പു​ല​രു​മ്പോ​ൾ മു​റ്റ​മ​ടി​ക്കു​ന്ന​തു​മു​ത​ൽ രാ​ത്രി ഏ​റെ വൈ​കി കു​ടും​ബാം​ഗ​ങ്ങ​ളു​ടെ ഭ​ക്ഷ​ണം ക​ഴി​ഞ്ഞ് അ​ടു​ക്ക​ള വൃ​ത്തി​യാ​ക്കി കി​ട​ക്കു​മ്പോ​ഴേ​ക്കും ഏ​റെ വൈ​കും. എ​ത്ര ക​ഷ്ട​പ്പെ​ട്ടാ​ലും ഒ​രു ന​ന്ദി വാ​ക്കു​പോ​ലും പ​റ​യാ​തെ കു​റ്റ​ങ്ങ​ൾ മാ​ത്രം പ​റ​യു​ന്ന കു​ടും​ബാം​ഗ​ങ്ങ​ൾ ഒ​രു വീ​ട്ട​മ്മ​യു​ടെ ക​ഷ്ട​പ്പാ​ട് കാ​ണു​ന്നി​ല്ല. ഇ​ങ്ങ​നെ​യു​ള്ള വീ​ട്ട​മ്മ​മാ​ർ​ക്ക് ഒ​രു അം​ഗീ​കാ​ര​മാ​ണ് സു​പ്രീം കോ​ട​തി വി​ധി.

ബീ​ന ഉ​ദ​യ​ഭാ​നു, ശ്രീ ​ഗ​ണേ​ഷ്, മാ​ങ്കാ​വ്, പാ​ല​ക്കാ​ട്

 അ​വ​ധി ദി​വ​സ​ങ്ങ​ളോ കൃ​ത്യ​മാ​യ സ​മ​യ​ക്ര​മ​മോ ഇ​ല്ലാ​തെ 24 മ​ണി​ക്കൂ​റും വീ​ടി​നും കു​ടും​ബ​ത്തി​നും വേ​ണ്ടി ജീ​വി​ക്കു​ന്ന​വ​രാ​ണ് വീ​ട്ട​മ്മ​മാ​ർ. അ​വ​രു​ടെ ഈ ‘​അ​ദൃ​ശ്യ അ​ധ്വാ​നം' രാ​ജ്യ​ത്തി​ന്‍റെ സാ​മ്പ​ത്തി​ക വ്യ​വ​സ്ഥ​യു​ടേ​യും സ​മൂ​ഹ​ത്തി​ന്‍റേ​യും നി​ല​നി​ൽ​പ്പി​ന്‍റെ ത​ന്നെ അ​ടി​ത്ത​റ​യാ​ണ്. വീ​ട്ടു​ജോ​ലി​യെ കേ​വ​ലം സൗ​ജ​ന്യ സേ​വ​ന​മാ​യി കാ​ണു​ന്ന ചി​ന്താ​ഗ​തി​ക്കാ​രു​ടെ ക​ണ്ണ് തു​റ​പ്പി​ക്കാ​ൻ പോ​ന്ന​താ​ണ് ഈ ​വി​ധി​പ്ര​സ്താ​വം. കാ​ല​ഘ​ട്ടം ആ​വ​ശ്യ​പ്പെ​ടു​ന്ന ഏ​റ്റ​വും നീ​തി​പൂ​ർ​വ​മാ​യ വി​ധി പ്ര​സ്താ​വ​മാ​ണി​ത്.

ഷം​ന സ​ലാം എ​ൽ​ടി​എ (വി​എ​ച്ച്എ​സ്ഇ) ജി​വി​എ​ച്ച്എ​സ്എ​സ് അ​ല​ന​ല്ലൂ​ർ, മ​ണ്ണാ​ർ​ക്കാ​ട്

കു​ടും​ബ​ങ്ങ​ളി​ൽ സ്നേ​ഹ​വും സ​മാ​ധാ​ന​വും കൂ​ട്ടാ​യ്മ​യും ഈ​ശ്വ​ര വി​ശ്വാ​സ​വും വ​ള​ർ​ത്തു​ന്ന​തി​ൽ സ്ത്രീ​ക​ൾ പ്ര​ത്യേ​കി​ച്ച് അ​മ്മ​മാ​ർ​ക്കു​ള്ള പ​ങ്ക് വ​ലു​താ​ണ്. അ​തി​ന് നി​ശ്ചി​ത തു​ക കൊ​ണ്ട് മൂ​ല്യ​പ്പെ​ടു​ത്താ​നാ​കി​ല്ലെ​ങ്കി​ലും അ​മ്മ​മാ​രു​ടെ സേ​വ​ന​ത്തെ പ​ര​മോ​ന്ന​ത കോ​ട​തി ത​ന്നെ പ​രി​ഗ​ണി​ച്ച​ത് വ​ള​രെ സ​ന്തോ​ഷ​ക​ര​മാ​ണ്. സ​മൂ​ഹ​ത്തി​ൽ ഉ​യ​ർ​ന്ന പ​ദ​വി​യു​ള്ള പു​രു​ഷ​ൻ​മാ​ർ ഭാ​ര്യ​യെ ഹൗ​സ് വൈ​ഫാ​യി പ​രി​ച​യ​പ്പെ​ടു​ത്തു​മ്പോ​ൾ പ​റ​യു​ന്ന​യാ​ൾ​ക്കും കേ​ൾ​ക്കു​ന്ന​വ​ർ​ക്കും എ​ന്തോ കു​റ​വു​പോ​ലെ പ​ല​പ്പോ​ഴും തോ​ന്നി​യി​ട്ടു​ണ്ട്.

ഇ​ത്ത​രം സ​ങ്കു​ചി​ത ചി​ന്ത​ക​ൾ മാ​റാ​ൻ കോ​ട​തി​വി​ധി ഉ​പ​ക​രി​ക്കും. അ​തി​രാ​വി​ലെ എ​ഴു​ന്നേ​റ്റ് വീ​ട് വൃ​ത്തി​യാ​ക്ക​ലും ഭ​ക്ഷ​ണ​മൊ​രു​ക്ക​ലും മ​ക്ക​ളെ സ്കൂ​ളി​ലേ​ക്ക​യ​ക്ക​ലും വീ​ട്ടു​പ​ണി​ക​ളും തു​ട​ങ്ങി ഒ​രു യ​ന്ത്രം പോ​ലെ​യാ​ണ് വീ​ട്ടി​ൽ അ​മ്മ​യു​ടെ ജോ​ലി​ക​ൾ. രാ​ത്രി എ​ല്ലാ​വ​രും ഉ​റ​ക്ക​ത്തി​ലേ​ക്ക് നീ​ങ്ങു​മ്പോ​ഴും അ​മ്മ​യു​ടെ പ​ണി ക​ഴി​ഞ്ഞി​ട്ടു​ണ്ടാ​കി​ല്ല. സ്ത്രീ​യും പു​രു​ഷ​നും ജോ​ലി​ക്കാ​രാ​ണെ​ങ്കി​ലും ഇ​രു​വ​രും വൈ​കു​ന്നേ​രം വീ​ട്ടി​ൽ വ​ന്നാ​ൽ പി​ന്നേ​യും വീ​ട്ടു​പ​ണി ചെ​യ്യേ​ണ്ട​ത് അ​മ്മ​യാ​ണ്. പ​ര​സ്പ​ര​മു​ള്ള സ്നേ​ഹ​ത്തി​ലും സ​ഹ​ക​ര​ണ​ത്തി​ലും കു​ടും​ബ​ത്തെ ന​ല്ല രീ​തി​യി​ൽ കൊ​ണ്ടു​പോ​കാ​ൻ കോ​ട​തി​വി​ധി ഉ​പ​ക​രി​ക്കും.

ഓ​മ​ന മാ​ത്യു, വാ​ണി​യ​പ്പു​ര​യി​ൽ, പാ​ല​ക്കു​ഴി, വ​ട​ക്ക​ഞ്ചേ​രി

Tags : Supreme Court's historic decision Nattuvishesham District News