രാഹുൽ
അടിമാലി: വില്പ്പനയ്ക്ക് കൊണ്ടുപോകുകയായിരുന്ന ഹാഷിഷ് ഓയിലുമായി യുവാവ് പിടിയിൽ. അടിമാലി നര്ക്കോട്ടിക് എന്ഫോഴ്സ്മെന്റ് സ്ക്വാഡിലെ എക്സൈസ് ഇന്സ്പെക്ടര് രാഹുല് ശശിയും സംഘവും നടത്തിയ പരിശോധനയിലാണ് തൃശൂര് സ്വദേശി രാഹുൽ (25) പിടിയിലായത്.
അടിമാലി കൂമ്പന്പാറ ഭാഗത്ത് സംഘം നടത്തിയ പരിശോധനയിലാണ് യുവാവ് കുടുങ്ങിയത്. ഇയാളുടെ പക്കല്നിന്നും 115 ഗ്രാം ഹാഷിഷ് ഓയിൽ പിടിച്ചെടുത്തു. മൂന്നാര്, വട്ടവട ഭാഗങ്ങളില് ലഹരിവസ്തു വില്പ്പന നടത്തുകയായിരുന്നു പ്രതിയുടെ ലക്ഷ്യമെന്നാണ് സ്ക്വാഡ് ഉദ്യോഗസ്ഥര് നല്കുന്ന വിവരം. അസി. എക്സൈസ് ഇന്സ്പെക്ടര്മാരായ എൻ.കെ. ദിലീപ്, ബിജു മാത്യു, സിവില് എക്സൈസ് ഓഫീസര്മാരായ കെ.എം. സുരേഷ്, യദുവംശരാജ്, മുഹമ്മദ് ഹാഷിം, അലി അഷ്കര് എന്നിവരുള്പ്പെട്ട സംഘമാണ് പ്രതിയെ കസ്റ്റഡിയില് എടുത്തത്.
Tags : hashish oil nattuvishesham local news