25

അങ്കാറ: മെക്ക സൈനിക ഉടന്പടിയിൽ ഇറാനും ചേരാമെന്ന് തുർക്കി പാർലമെന്‍റ് സ്പീക്കർ നുമാൻ കുർത്തുൾമസ്. മെക്ക സൈനിക ഉടന്പി ഇറാനെതിരായിട്ടാണോ എന്ന ചോദ്യത്തോട് പ്രതികരിക്കുകയായിരുന്നു അദ്ദേഹം.

ഏതെങ്കിലും രാജ്യത്തെ ലക്ഷ്യമിട്ടല്ല സൈനിക കരാർ ഉണ്ടാക്കിയതെന്ന് അദ്ദേഹം വിശദീകരിച്ചു. പശ്ചിമേഷ്യയിലെ സംഘർഷങ്ങളുടെയും ഇസ്രയേലിന്‍റെ ശത്രുതാ നയങ്ങളുടെയും പശ്ചാത്തലത്തിൽ രാജ്യങ്ങളുടെ സുരക്ഷാ ഉറപ്പാക്കാൻ വേണ്ടിയാണ് കരാറുണ്ടാക്കിയത്.

മെക്ക ഉടന്പടി ഇറാനെതിരല്ല. മുസ്‌ലിം ലോകത്തെ വിപുലമായ സൈനിക ഉടന്പടിയായി ഇതു മാറുമെന്നാണ് പ്രതീക്ഷ. ഇറാനും ഉടന്പടിയിൽ ചേരാവുന്നതാണ്. കൂടുതൽ പ്രാദേശിക രാജ്യങ്ങളുടെ പങ്കാളിത്തം ഉടന്പടിയെ ശക്തിപ്പെടുത്തുമെന്ന് അദ്ദേഹം കൂട്ടിച്ചേർത്തു.

Tags : Mecca Joint Defence Agreement pakistan Saudi