24

രക്തരൂക്ഷിതമായ ചരിത്രമാണ് മധ്യപൂർവേഷ്യയുടേത്. കൂട്ടക്കൊലകൾക്കും പലായനങ്ങൾക്കും ആ ഭൂപ്രദേശം നിത്യസാക്ഷി. കൂട്ടികളുടെയും സ്ത്രീകളുടെയും കൂട്ടക്കരച്ചിലിന്‍റെ ഭൂപടം. ലോകത്തിനുമുന്നിൽ ചോരയിറ്റുന്ന ആ ദേശത്തിന് അതിസന്പന്നമായ ഭൂതകാലവുമുണ്ട്. ആ മരുദേശത്ത് സമാധാനത്തിന്‍റെ സൂര്യോദയത്തിനായി അക്ഷീണം യത്നിച്ച ഒരു നായകനുണ്ടായിരുന്നു. ജോ​ർ​ദാൻ ഭ​ര​ണാ​ധി​കാ​രി​യാ​യിരുന്ന അ​ബ്ദു​ള്ള ഒ​ന്നാ​മ​ൻ രാ​ജാ​വ്. എന്നാൽ, തീവ്രമതഭ്രാന്തിന്‍റെ ഇരയായി, അദ്ദേഹം മണ്ണിൽ വീണുപിടഞ്ഞപ്പോൾ, ഇരുൾ പടർന്നത് സമാധാനത്തിന്‍റെ സൂര്യോദയം കാത്തിരുന്ന മനുഷ്യമനസുകളിലാണ്.

1951 ജൂ​ലൈ 20. ച​രി​ത്ര​പ്ര​സി​ദ്ധ​മാ​യ ജെ​റു​സ​ലേ​മി​ലെ അ​ൽ-​അ​ഖ്സ മ​സ്ജി​ദി​ൽ വെ​ള്ളി​യാ​ഴ്ച പ്രാ​ർ​ഥ​ന​യ്ക്കാ​യി എ​ത്തി​യ​താ​യി​രു​ന്നു ജോ​ർ​ദാ​ന്‍റെ (അ​ന്ന് ട്രാ​ൻ​സ്ജോ​ർ​ദാ​ൻ) ഭ​ര​ണാ​ധി​കാ​രി​യാ​യ അ​ബ്ദു​ള്ള ഒ​ന്നാ​മ​ൻ രാ​ജാ​വ്. ദേ​വാ​ല​യ​ത്തി​ൽ പ്രാ​ർ​ഥി​ക്കു​ക​യാ​യി​രു​ന്ന, ആ 69-​കാ​ര​നു​നേ​രേ ഒ​രു യു​വാ​വ് തു​ട​രെ​ത്തു​ട​രെ വെ​ടി​യു​തി​ർ​ത്തു. അ​ബ്ദു​ള്ള രാ​ജാ​വി​ന്‍റെ നെ​ഞ്ചി​ലേ​ക്കു വെ​ടി​യു​ണ്ട തു​ള​ച്ചു​ക​യ​റി. നി​മി​ഷ​ങ്ങ​ൾ​ക്കു​ള്ളി​ൽ രാ​ജാ​വ് നി​ലം​പൊ​ത്തി.

ച​രി​ത്ര​ത്തി​ലെ ഏ​റ്റ​വും ദൗ​ർ​ഭാ​ഗ്യ​ക​ര​മാ​യ സം​ഭ​വ​ങ്ങ​ളി​ലൊ​ന്നാ​ണ് അ​ന്ന​വി​ടെ അ​ര​ങ്ങേ​റി​യ​ത്. ആ ​വെ​ടി​യു​ണ്ട​ക​ൾ അ​ദ്ദേ​ഹ​ത്തി​ന്‍റെ ജീ​വ​നെ​ടു​ക്കു​ക മാ​ത്ര​മാ​യി​രു​ന്നി​ല്ല, പ​തി​റ്റാ​ണ്ടു​ക​ളാ​യി ര​ക്ത​രൂ​ഷി​ത​മാ​യി തു​ട​രു​ന്ന അ​റ​ബ്-​ഇ​സ്ര​യേ​ൽ സം​ഘ​ർ​ഷ​ങ്ങ​ൾ​ക്ക് അ​ന്ത്യം കു​റി​ക്കാ​ൻ ശേ​ഷി​യു​ണ്ടാ​യി​രു​ന്ന, ലോ​കം പ്ര​തീ​ക്ഷയോ​ടെ ക​ണ്ടി​രു​ന്ന സ​മാ​ധാ​ന​ശ്ര​മം​കൂ​ടി​യാ​ണ് പൊ​ലി​ഞ്ഞ​ത്.

പാ​ല​സ്തീ​ൻ​കാ​ര​നാ​യ മു​സ്ത​ഫ ഷു​ക്രി അ​ഷു ആ​യി​രു​ന്നു ഘാ​ത​ക​ൻ. 21 വ​യ​സു​ള്ള ആ ​തു​ന്ന​ൽ​ക്കാ​ര​നെ രാ​ജാ​വി​ന്‍റെ അം​ഗ​ര​ക്ഷ​ക​ർ സം​ഭ​വ​സ്ഥ​ല​ത്തു​വ​ച്ചു​ത​ന്നെ വെ​ടി​വ​ച്ചു​കൊ​ന്നു. എ​ന്നാ​ൽ, പി​ന്നീ​ടു ന​ട​ന്ന അ​ന്വേ​ഷ​ണ​ങ്ങ​ൾ ഞെ​ട്ടി​ക്കു​ന്ന ഗൂ​ഢാ​ലോ​ച​ന​ക​ളാ​ണ് പു​റ​ത്തു​കൊ​ണ്ടു​വ​ന്ന​ത്. അ​ബ്ദു​ള്ള രാ​ജാ​വി​ന്‍റെ വ​ധ​ത്തി​നു പി​ന്നി​ൽ വ​ലി​യ ശ​ക്തി​ക​ളു​ടെ ക​റു​ത്ത ക​ര​ങ്ങ​ളു​ണ്ടാ​യി​രു​ന്നു.

ജെ​റു​സ​ലേ​മി​ലെ മു​ൻ മു​ഫ്തി​യാ​യി​രു​ന്ന അ​മീ​ൻ അ​ൽ-​ഹു​സൈ​നി​യ്ക്ക് കൊ​ല​പാ​ത​ക​ത്തി​ൽ പ​ങ്കു​ണ്ടാ​യി​രു​ന്നു. ഔ​പ​ചാ​രി​ക​മാ​യ മ​ത​പ​ഠ​നം ന​ട​ത്തി​യി​ട്ടി​ല്ലാ​ത്ത, പ​ണ്ഡി​ത​ന​ല്ലാ​ത്ത അ​ൽ-​ഹു​സൈ​നി, തീ​വ്ര അ​റ​ബ് ദേ​ശീ​യ​ത​യും അ​ന്ധ​മാ​യ ജൂ​ത​വി​രു​ദ്ധ​ത​യും പ്ര​ച​രി​പ്പി​ക്കു​ന്നവരിൽ പ്ര​ധാ​നി​യാ​യി​രു​ന്നു. ര​ണ്ടാം ലോ​ക​മ​ഹാ​യു​ദ്ധ​കാ​ല​ത്ത് ഇ​യാ​ൾ ബെ​ർ​ലി​നി​ൽ ഉ​ണ്ടാ​യി​രു​ന്നു. അതിക്രൂരനായ ജർമൻ ഭരണാധികാരി അ​ഡോ​ൾ​ഫ് ഹി​റ്റ്‌​ല​റു​മാ​യും നാ​സി നേതാക്കളിലെ ഉന്നതന്മാരിലൊരാളായ ഹെ​ൻ​റി​ച്ച് ഹിം​ല​റു​മാ​യും അൽ ഹുസൈനിക്കു ബന്ധമുണ്ടായിരുന്നു. അ​ഡോ​ൾ​ഫ് ഹി​റ്റ്‌​ല​റു​ടെ നാ​സി ജ​ർ​മ​നി​യി​ലെ ഈ കൊടുംക്രൂരൻ, ര​ണ്ടാം ലോ​ക​മ​ഹാ​യു​ദ്ധ​കാ​ല​ത്ത് ​ല​ക്ഷ​ക്ക​ണ​ക്കി​ന് ജൂ​ത​ന്മാ​രെ​യും മ​റ്റു വി​ഭാ​ഗ​ക്കാ​രെ​യും കൊ​ന്നൊ​ടു​ക്കി​യ ഹോ​ളോ​കോ​സ്റ്റ് എ​ന്ന കൂ​ട്ട​ക്കൊ​ല​യു​ടെ പ്ര​ധാ​ന സൂ​ത്ര​ധാ​ര​നായിരുന്നു.

യു​ദ്ധ​ത്തി​നു​ശേ​ഷം, അ​ബ്ദു​ള്ള രാ​ജാ​വ് ജെ​റു​സ​ലേ​മി​ൽ പു​തി​യൊ​രു മു​ഫ്തി​യെ നി​യ​മി​ച്ച​തോ​ടെ അ​ൽ-​ഹു​സൈ​നി​ക്ക് രാ​ജാ​വി​നോ​ടു​ള്ള ശ​ത്രു​ത വ​ർ​ധി​ച്ചു. ഇ​സ്ര​യേ​ലു​മാ​യി ന​യ​ത​ന്ത്ര​പ​ര​മാ​യ സ​മാ​ധാ​ന ച​ർ​ച്ച​ക​ൾ​ക്കു രാ​ജാ​വ് തു​ട​ക്ക​മി​ട്ട​തു ത​ങ്ങ​ളു​ടെ ല​ക്ഷ്യ​ങ്ങ​ൾ​ക്കു തി​രി​ച്ച​ടി​യാ​കു​മെ​ന്നു മ​നസി​ലാ​ക്കി​യതോടെയാ​ണ് അൽ ഹുസൈനി രാജാവിനെ വധിക്കാൻ തീരുമാനിക്കുന്നത്.

അ​റ​ബ് വി​പ്ല​വം
1882-ൽ ​ മ​ക്ക​യി​ലാ​ണ് അ​ബ്ദു​ള്ള ജ​നി​ച്ച​ത്. മ​ക്ക​യി​ലെ ഷ​രീ​ഫിന്‍റെ ര​ണ്ടാ​മ​ത്തെ മ​ക​നാ​യ അ​ദ്ദേ​ഹം, പ്ര​ഭു​കു​ടും​ബ പ​ശ്ചാ​ത്ത​ല​ത്തി​ലാ​ണു വ​ള​ർ​ന്ന​ത്. ക​വി​ത​യി​ലും ഖു​റാ​ൻ പ​ഠ​ന​ത്തി​ലും പാണ്ഡിത്യം നേടിയ അദ്ദേഹം 1908-ൽ ​കു​ടും​ബ​ത്തോ​ടൊ​പ്പം കോ​ൺ​സ്റ്റാ​ന്‍റി​നോ​പ്പി​ളി​ലേ​ക്ക് (ഇ​സ്താം​ബു​ൾ) മാ​റി.

ഒ​ന്നാം ലോ​ക​മ​ഹാ​യു​ദ്ധ​ത്തിൽ (1914-18) ഒ​ട്ടോ​മ​ൻ സാ​മ്രാ​ജ്യം ജർമനി, ഓസ്ട്രിയ, ബൾഗേറിയ കേന്ദ്രശക്തികൾക്കൊപ്പമായിരുന്നു. ഒ​ട്ടോ​മ​ൻ സാ​മ്രാ​ജ്യ​ത്തി​നെ​തി​രേ ബ്രി​ട്ടന്‍റെ പി​ന്തു​ണ​യോ​ടെ ന​ട​ന്ന പ്ര​ശ​സ്ത​മാ​യ അ​റ​ബ് വി​പ്ല​വ​ത്തി​ൽ അ​ബ്ദു​ള്ള​യും സ​ഹോ​ദ​ര​ൻ ഫൈ​സ​ലും നി​ർണാ​യ​ക പ​ങ്കു വ​ഹി​ച്ചു. പാ​ൻ-​അ​റ​ബ് രാ​ജ്യം സ്ഥാ​പി​ക്കു​ക എ​ന്ന​താ​യി​രു​ന്നു അ​വ​രു​ടെ സ്വ​പ്നം. തു​ട​ർ​ന്ന്, 1921-ലെ ​മി​ഡി​ൽ ഈ​സ്റ്റ് കോ​ൺ​ഫ​റ​ൻ​സി​ലൂ​ടെ ബ്രി​ട്ട​ൻ അ​ബ്ദു​ള്ള​യെ ട്രാ​ൻ​സ്ജോ​ർ​ദാ​ൻ അ​മീ​ർ ആ​യി അം​ഗീ​ക​രി​ച്ചു.

യാ​ഥാ​ർഥ്യം അറിയുന്ന ഭ​ര​ണാ​ധി​കാ​രി
മ​റ്റു അ​റ​ബ് ഭ​ര​ണാ​ധി​കാ​രി​ക​ളി​ൽനിന്നു വ്യ​ത്യ​സ്ത​മാ​യി, പ്രാ​യോ​ഗി​ക രാ​ഷ്ട്രീ​യം തി​രി​ച്ച​റി​ഞ്ഞ അ​പൂ​ർവം നേ​താ​ക്ക​ളി​ൽ ഒ​രാ​ളാ​യി​രു​ന്നു അ​ബ്ദു​ള്ള രാ​ജാ​വ്. 1948-ൽ ​ഇ​സ്ര​യേ​ൽ രൂ​പീ​കൃ​ത​മാ​യ​തോ​ടെ മേ​ഖ​ല​യി​ലു​ട​നീ​ളം യു​ദ്ധാ​ന്ത​രീ​ക്ഷം പ​ട​ർ​ന്നു​പി​ടി​ച്ചു. എ​ന്നാ​ൽ, കെ​യ്‌​റോ​യി​ലെ​യും ദ​മാ​സ്ക​സി​ലെ​യും തീ​വ്ര ദേ​ശീ​യ സ​ർ​ക്കാ​രു​ക​ളി​ൽനി​ന്നു വ്യ​ത്യ​സ്ത​മാ​യി, ഇ​സ്രയേ​ലു​മാ​യി ധാ​ര​ണ​യി​ലെ​ത്താ​നാ​ണ് അ​ബ്ദു​ള്ള രാ​ജാ​വ് ആ​ഗ്ര​ഹി​ച്ച​ത്. സമാധാനശ്രമങ്ങളുമായി ബന്ധപ്പെട്ട് പ്ര​മു​ഖ ഇ​സ്രേ​ലി നേ​താ​ക്ക​ളു​മാ​യും അദ്ദേഹം കൂടിക്കാഴ്ചകർ നടത്തി.

ഇ​സ്രയേ​ലി​ന്‍റെ ചീ​ഫ് നെ​ഗോ​ഷ്യേ​റ്റ​റാ​യി​രു​ന്ന ഗോ​ൾ​ഡ മിറുമായി 1947 മു​ത​ൽ അ​ദ്ദേ​ഹം നി​ര​ന്ത​രം ആ​ശ​യ​വി​നി​മ​യം ന​ട​ത്തി​യി​രു​ന്നു. ആ​ദ്യ മ​ധ്യ​പൂ​ർ​വേ​ഷ്യ​ൻ യു​ദ്ധ​ത്തി​നു ശേ​ഷം, പിൽക്കാ​ല​ത്ത് ഇ​സ്രേലി ചാ​ര​സം​ഘ​ട​ന​യാ​യ മോ​സാ​ദ് സ്ഥാ​പി​ച്ച റൂ​വ​ൻ ശി​ലോ​ഹു​മാ​യി 1949-ലും 1950-​ലും അബ്ദുള്ള രാജാവ് ര​ഹ​സ്യ കൂ​ടി​ക്കാ​ഴ്ച​ക​ൾ ന​ട​ത്തിയിരുന്നു. വ​ധി​ക്ക​പ്പെ​ടു​ന്ന​തി​നു തൊ​ട്ടു​മു​മ്പ് ഇ​സ്രേ​​ലി ന​യ​ത​ന്ത്ര​ജ്ഞ​നാ​യ മോ​ഷെ സ​സ​ണി​നോ​ട് അ​ബ്ദു​ള്ള രാ​ജാ​വ് പ​റ​ഞ്ഞ വാ​ക്കു​ക​ൾ ച​രി​ത്ര​പ്ര​സി​ദ്ധ​മാ​ണ്:
എ​നി​ക്കു സ​മാ​ധാ​നം വേ​ണം. അ​ത് എ​ന്‍റെ ജ​ന​ങ്ങ​ളു​ടെ ന​ന്മ​യ്ക്കാ​ണ്. നാം ​സ​മാ​ധാ​ന​ത്തി​ലെ​ത്തി​യി​ല്ലെ​ങ്കി​ൽ ഇ​നി​യും യു​ദ്ധ​ങ്ങ​ളു​ണ്ടാ​കും, ന​മ്മ​ൾ എ​ല്ലാം ന​ഷ്ട​പ്പെ​ടു​ത്തും.

അ​ദ്ദേ​ഹ​ത്തിന്‍റെ മ​ര​ണ​ത്തി​ൽ അ​തീ​വ ദുഃ​ഖം രേ​ഖ​പ്പെ​ടു​ത്തി​യ ബ്രി​ട്ടീ​ഷ് മു​ൻ പ്ര​ധാ​ന​മ​ന്ത്രി വി​ൻ​സ്റ്റ​ൺ ച​ർ​ച്ചി​ൽ, മ​ധ്യ​പൂ​ർ​വേ​ഷ്യ​യി​ൽ സ​മാ​ധാ​നം കൊ​ണ്ടു​വ​രാ​ൻ ക​ഴി​യു​മാ​യി​രു​ന്ന ഒ​രേ​യൊ​രു വ്യ​ക്തി എ​ന്നാ​ണ് അ​ബ്ദു​ള്ള രാ​ജാ​വി​നെ വി​ശേ​ഷി​പ്പി​ച്ച​ത്.

ഒ​രു അ​ധ്യാ​യ​ത്തി​ന്‍റെ അ​ന്ത്യം
അ​ബ്ദു​ള്ള രാ​ജാ​വിന്‍റെ ദാ​രു​ണ​മാ​യ അ​ന്ത്യ​ത്തി​നു​ശേ​ഷം, മാ​ന​സി​കാ​രോ​ഗ്യ​പ്ര​ശ്ന​ങ്ങ​ളാ​ൽ വ​ല​ഞ്ഞി​രു​ന്ന മൂ​ത്ത​മ​ക​ൻ ത​ലാ​ൽ രാ​ജാ​വാ​യി. എ​ങ്കി​ലും മാസങ്ങൾക്കകം അധികാരമൊ​ഴി​ഞ്ഞു. തു​ട​ർ​ന്ന് ത​ലാ​ലിന്‍റെ മ​ക​ൻ ഹു​സൈ​ൻ അ​ധി​കാ​ര​മേ​റ്റു. 1967-ലെ ​ യു​ദ്ധ​ത്തി​ൽ ജോ​ർ​ദാ​ന് കി​ഴ​ക്ക​ൻ ജെ​റു​സ​ലേ​മും ജോ​ർ​ദാ​ൻന​ദി​യു​ടെ പ​ടി​ഞ്ഞാ​റ​ൻ തീ​ര​വും ന​ഷ്ട​മാ​യി. പി​ന്നീ​ട് 1994-ൽ ​ഹു​സൈ​ൻ രാ​ജാ​വ് ഇ​സ്രയേ​ലു​മാ​യി സ​മാ​ധാ​ന ക​രാ​റി​ൽ ഒ​പ്പു​വച്ചെ​ങ്കി​ലും, 1951-ൽ ​അ​ബ്ദു​ള്ള രാ​ജാ​വിന്‍റെ മ​ര​ണ​ത്തോ​ടെ ന​ഷ്ട​പ്പെ​ട്ട ആ ​സു​വ​ർണാ​വ​സ​രം വീ​ണ്ടെ​ടു​ക്കാ​ൻ പി​ന്നീ​ട് മ​ധ്യ​പൂ​ർ​വേ​ഷ്യ​ക്കാ​യി​ട്ടി​ല്ല.

Tags : KingAbdullah MiddleEast Jordan ArabNationalism MustafaShukriAshshu Palestinian