ന്യൂയോർക്ക്: മൂന്ന് പ്രണയവർഷങ്ങൾക്കൊടുവിൽ പോപ് താരം ടെയ്ലർ സ്വിഫ്റ്റും അമേരിക്കൻ ഫുട്ബോൾ കാരം ട്രാവിസ് കെൽസിയും വിവാഹിതരായി. ന്യൂയോർക്കിലെ മാഡിസൺ സ്ക്വയർ ഗാർഡനിലായിരുന്നു ചടങ്ങുകൾ. താരനിബിഡമായ ചടങ്ങിൽ നടൻ ആദം സാൻഡ്ലർ വിവാഹചടങ്ങിനു നേതൃത്വം നൽകി.
ആഡംബര ബ്രാൻഡായ ക്രിസ്റ്റ്യൻ ഡിയോറിന്റെ ഔട്ട്ഫിറ്റാണ് ഇരുവരും വിവാഹത്തിന് അണിഞ്ഞത്. ഐറിഷ് ഫാഷൻ ഡിസൈനറായ ജൊനാഥൻ ആൻഡേഴ്സണാണ് ഔട്ട്ഫിറ്റ് ഡിസൈൻ ചെയ്തത്. ഫ്രഞ്ച് ആഡംബര ബ്രാൻഡായ കാർട്ടിയറിന്റെ ആഭരണങ്ങളാണ് ടെയ്ലർ സ്വിഫ്റ്റ് ധരിച്ചത്.
ഇവരുടെ വിവാഹ ചിത്രങ്ങൾ ഇതുവരെ പുറത്തുവിട്ടിട്ടില്ല. ജെന്നിഫർ ലോപ്പസ്, എഡ് ഷീരൺ, ജിമ്മി ഫാലോൺ, ആബി വാംബാക്ക്, ഹ്യൂ ഗ്രാന്റ്, ജേസൺ സുഡെക്കിസ്, ഏഥൻ ഹോക്ക് തുടങ്ങിയ താരങ്ങൾ ചടങ്ങിൽ പങ്കെടുത്തു. അതിഥികൾക്ക് മൊബൈൽ ഫോൺ ഉപയോഗിക്കാൻ അനുമതിയുണ്ടായിരുന്നില്ല. അതിനാൽ സമൂഹമാധ്യമങ്ങളിലൊന്നും പരിപാടിയുടെ ചിത്രങ്ങൾ പ്രത്യക്ഷപ്പെട്ടില്ല.
Tags : were together during the years