Deepika
ADVERTISEMENT
കൊച്ചി: പൂക്കി ആക്ഷനും വിശ്വസിച്ച് മോഡിഫിക്കേഷന് നടത്തിയ വണ്ടിയുമായി റോഡിലേക്ക് ഇറങ്ങണ്ട, പണി പാളും. മോഡിഫിക്കേഷന് അനുവദിക്കുമെന്ന മുഖ്യമന്ത്രി വി.ഡി. സതീശന്റെ പ്രഖ്യാപനത്തില് ജെന്സികള് കാത്തിരുന്ന പലതും മോട്ടോര് വാഹന വകുപ്പ് സര്ക്കാരിന് സമര്പ്പിച്ച ശിപാര്ശയില് ഇല്ല.
നിലവില് 18 തരത്തിലുള്ള മോഡിഫിക്കേഷന്സ് യാതൊരു നിയമതടസവുമില്ലാതെ നടത്താമെന്നാണ് എംവിഡിയുടെ റിപ്പോര്ട്ടിലുള്ളത്. എന്നാല് ഇതില് പലതും നേരത്തെ തന്നെ കേരളത്തില് അനുവദനീയമായവയാണ്.
സ്ട്രക്ചറല് ഓള്ട്ടേറഷന് അടക്കമുള്ള കാര്യങ്ങള് ചെയ്യാനുള്ള നിര്ദേശങ്ങള് എംവിഡിയുടെ നിര്ദേശങ്ങളില് ഇല്ല. മോഡിഫിക്കേഷന് പ്രേമികള് കാത്തിരുന്ന ബോഡി മോഡിഫിക്കേഷനോ സൈലന്സറുകള്ക്കോ ടയറുകള്ക്കോ രൂപമാറ്റം വരുത്താമെന്ന ഒരു നിര്ദേശങ്ങളും ലിസ്റ്റില് ഇല്ല. ഓള്ട്ടറേഷന് ഉള്പ്പെടുന്ന കേന്ദ്ര മോട്ടോര് വാഹന നിയമത്തിലെ സെക്ഷന് 52 പരാമര്ശിക്കാതെയുള്ള റിപ്പോര്ട്ടാണ് നിലവില് എംവിഡി മുഖ്യമന്ത്രിക്ക് കൈമാറാന് പോകുന്നത്.
എംവിഡിയുടെ അനുമതിയില്ലാതെ വാഹനങ്ങളില് വരുത്താവുന്ന മോഡിഫിക്കേഷന് ഇവയൊക്കെയാണ്:
മുന്കൂര് അനുമതി ആവശ്യമുള്ള മാറ്റങ്ങള് ഇവയൊക്കെ:
എന്നാല് സീറ്റ് കവറുകള്, ഫ്ലോര് മാറ്റുകള് എന്നിവയില് മാറ്റം വരുത്തുന്നത് നയമവിരുദ്ധമല്ല. ഇത് നേരത്തെ തന്നെ പലരും ചെയ്യുന്നതാണ്. സ്റ്റിയറിംഗ് വീല് കവറുകളും ഇഷ്ടത്തിന് അനുസരിച്ച് മാറ്റാവുന്നതാണ്. ഇന്റീരിയര് ആംബിയന്റ്സ് ലൈറ്റിംഗും നേരത്തെ മുതല് തന്നെ വാഹനങ്ങളില് കാണുന്നതാണ്. ഡാഷ് കാമറ, റിവേഴ്സ് കാമറ, പാര്ക്കിംഗ് സെന്സറുകള്, ജിപിഎസ് ട്രാക്കറുകള് എന്നിവയോടെയാണ് മിക്ക വണ്ടികളും വാഹന നിര്മ്മാതാകള് പുറത്തിറക്കാറുള്ളത്.
വണ്ടിയുടെ ലോഗോയുടെ കളര് മാറ്റാവുന്ന ക്രോം ഗാര്ണിഷ് മുമ്പും മോഡിഫിക്കേഷന് ചെയ്യുന്ന സ്ഥാപനങ്ങളില് ചെയ്യാറുണ്ട്. ഇതിന് എംവിഡി പിഴ ചുമത്താറുമില്ല. മഡ് ഫ്ളാപ്പുകള് നേരത്തെയും കസ്റ്റമൈസ് ചെയ്യാറുണ്ട്.
ആന്ഡ്രോയിഡ് ഇന്ഫോടെയിന്മെന്റ് സിസ്റ്റം, ടയര് പ്രഷര് മോണിറ്ററിംഗ് സിസ്റ്റം എന്നിവ നിലവില് പുറത്തിറങ്ങുന്ന വണ്ടികളില് ഉണ്ടാവാറുണ്ട്. 2020 മുതല് പുറത്തിറങ്ങുന്ന കിയ, ഹൈക്രോസ് വണ്ടികളില് അടക്കം മിക്ക കാറുകളിലും ടയര് പ്രഷര് മോണിറ്ററിംഗ് സിസ്റ്റം ഉണ്ടാവാറുണ്ട്.
ബ്രേക്ക്ഡൗണ് ആവുന്ന, അല്ലെങ്കില് അപകടത്തില് പെടുന്ന വണ്ടികളെ വലിച്ചു കൊണ്ടു പോവാനുള്ള ടൗ ഹൂക്കുകളോടെയാണ് നിര്മ്മാതാക്കള് വാഹനങ്ങള് പുറത്തിറക്കാറുള്ളത്. റൂഫ് കാരയര് മോഡിഫിക്കേഷന് നേരത്തെ ചെയ്യറുണ്ടെങ്കിലും ഇതുവരെ പിഴ ചുമത്തിയ സാഹചര്യങ്ങള് ഉണ്ടായിട്ടില്ല. സണ് ഫിലിമുകള് ഒട്ടിക്കുന്നതില് നേരത്തെ ബാന് വന്നിരുന്നെങ്കിലും ഹൈക്കോടതി നിര്ദേശത്തെ തുടര്ന്ന് മാറ്റം വന്നിരുന്നു.
എംവിഡി നല്കിയ മുന്കൂര് അനുമതി ആവശ്യമുള്ള മാറ്റങ്ങള് ഉള്പ്പെടുന്ന ശുപാര്ശയില് നിറം മാറ്റാനായി നേരത്തെ ചെയ്തു കൊണ്ടിരുന്ന അതേ പ്രോസസ് തന്നെയാണ്. കളര് മാറ്റുന്നതിനായി ആര്ടിഒയില് പണമടച്ച് അനുമതി വാങ്ങിയ ശേഷം, നിറം മാറ്റം വരുത്തിയ വണ്ടി കൊണ്ടുപോയി കാണിക്കുകയാണ് നേരത്തെയും ചെയ്തിരുന്നത്. അപകടത്തില് പെട്ട വണ്ടികള് നന്നക്കുന്നതിനിടെയാണ് ചേസിസ് ഫ്രെയിം അടക്കമുള്ളവ മാറ്റം വരുത്തേണ്ടി വരിക.
യുവാക്കളാണ് വാഹനങ്ങളില് മോഡിഫിക്കേഷന് നടത്തുന്നവരില് ഏറെയും. ബോഡി മോഡിഫിക്കേഷന്, ശബ്ദം കൂടിയ സൈലന്സറുകള്, വലിയ ടയറുകള് ഒക്കെ ഘടിപ്പിക്കുന്ന മോഡിഫിക്കേഷനുകളാണ് ഇവര് കൂടുതലും ഇഷ്ടപ്പെടുന്നത്. എന്നാല് ഇത്തരത്തില് മോഡിഫിക്കേഷന് നടത്തിയ വാഹനങ്ങളുമായി റോഡിലേക്ക് ഇറങ്ങിയാല് നിയമം പഴയതു തന്നെ. പൂക്കി ആക്ഷനും വിശ്വസിച്ച് നിരത്തിലിറങ്ങിയാല് കീശ കീറുമെന്ന് ഉറപ്പ്.
Tags : modification Vehicle MVD
ADVERTISEMENT
ADVERTISEMENT
ADVERTISEMENT
ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN
Email
Facebook
Whatsapp
Linked In
Telegram