കൊച്ചി: സിഎംആര്‍എല്‍-എക്‌സാലോജിക് ഇടപാട് അടക്കമുള്ള കേസുകളുടെ അവലോകനത്തിനായി ഇഡി ഉദ്യോഗസ്ഥരുടെ ഉന്നതതല യോഗം കൊച്ചിയില്‍ തുടരും. ഇഡി സ്‌പെഷല്‍ ഡയറക്ടറുടെ നേതൃത്വത്തിലാണ് യോഗം.

പിണറായി വിജയന് എതിരെയുളള വിജിലന്‍സ് കേസിന്‍റെ അന്വേഷണം സ്റ്റേ ചെയ്ത സുപ്രീം കോടതി ഉത്തരവ് തിരിച്ചടിയല്ലെന്ന നിലപാടിലാണ് ഇഡി. വിജിലന്‍സ് അന്വേഷണവുമായി ബന്ധപ്പെട്ട് മാത്രമാണ് കോടതി പരാമര്‍ശമെന്ന് ഇഡി സ്‌പെഷല്‍ ഡയറക്ടറുടെ നേതൃത്വത്തില്‍ ചേര്‍ന്ന ഉന്നതല യോഗത്തില്‍ വിലയിരുത്തി. ഇഡി രജിസ്റ്റര്‍ ചെയ്ത ഇസിഐആര്‍ കോടതി സ്‌റ്റേ ചെയ്തിട്ടില്ല.

അതിനാല്‍ നിമയനടപടികളുമായി മുന്നോട്ട് പോകാനാണ് ഇഡിയുടെ നീക്കം. ഇന്നലെ രാവിലെ മുതല്‍ ചേര്‍ന്ന ഇഡി യോഗത്തില്‍ കൊച്ചി ഓഫീസ് അന്വേഷിക്കുന്ന വിവിധ കേസുകളുടെ അന്വേഷണ പുരോഗതി വിലയിരുത്തി. അതേസമയം, നാളെയാണ് കൊച്ചിയിലെ ഇഡി ഓഫീസില്‍ ചോദ്യം ചെയ്യലിന് ഹാജാരാകാന്‍ ആവശ്യപ്പെട്ട് പിണറായി വിജയന് നോട്ടീസ് നല്‍കിയിരിക്കുന്നത്.

Tags : ED Meeting Kochi