നൗഷാദ് ജമാലുദ്ദീന്
കൊല്ലം: കടലില് കട്ടമരം മറിഞ്ഞ് പരവൂര് സ്വദേശിയായ മത്സ്യത്തൊഴിലാളി മരിച്ചു. പരവൂര് ഖദീജ മന്സിലില് നൗഷാദ് ജമാലുദ്ദീന് (50) ആണ് മരിച്ചത്.
ഇന്നലെ രാവിലെ കൊല്ലം ബീച്ചില്നിന്നു കട്ടമരത്തില് മത്സ്യബന്ധനത്തിനു പോയതായിരുന്നു നൗഷാദ്. രാവിലെ ഏഴോടെ ഇരവിപുരം ഭാഗത്ത് ഇദ്ദേഹത്തിന്റെ കട്ടമരവും വലയും ഉപേക്ഷിക്കപ്പെട്ട നിലയില് കരയ്ക്കടിഞ്ഞു.
തുടര്ന്ന് നാട്ടുകാര് വിവരമറിയിച്ചതനുസരിച്ച് നീണ്ടകര കോസ്റ്റല് പോലീസിന്റെ നേതൃത്വത്തില് യോദ്ധ ബോട്ടില് കടലില് വ്യാപക തെരച്ചില് നടത്തി. രാവിലെ പത്തിന് ഇരവിപുരം കാക്കത്തോപ്പ് പള്ളിക്ക് തെക്കുഭാഗത്ത് കടലില് നിന്നുമാണ് നൗഷാദിനെ കണ്ടെത്തിയത്.
ഉടന് കൊല്ലം ജില്ലാ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. നീണ്ടകര കോസ്റ്റല് പോലീസ് തുടര്നടപടികള് പൂര്ത്തിയാക്കി മൃതദേഹം ബന്ധുക്കള്ക്ക് വിട്ടുനല്കി.
Tags : Fisherman dies Naushad Jamaluddin death