19

കൊല്ലം: ക​രു​നാ​ഗ​പ്പ​ള്ളി​യി​ൽ ജാ​മ്യ​ത്തി​ലി​റ​ങ്ങി​യ ഗു​ണ്ടാ​നേ​താവിനെ പട്ടാപ്പകൽ നടുറോഡിൽ വെ​ട്ടി​ക്കൊ​ന്ന സം​ഭ​വത്തിന്‍റെ നടുക്കത്തിൽ നാട്. ഗുണ്ടാനേതാവായ അലുവ അതുൽ ആണ് കൊല്ലപ്പെട്ടത്. കഴിഞ്ഞ മാർച്ചിൽ ജിം ​സ​ന്തോ​ഷ് എന്നയാളെ കൊലപ്പെടുത്തിയ കേസിലെ ഒ​ന്നാം പ്ര​തിയാണ് അതുൽ. ഇപ്പോൾ നടന്നതുപോലെ തന്നെ ഭീകരമായിട്ടായിരുന്നു ജിം സന്തോഷിനെയും അന്നു ഗുണ്ടസംഘം കൊലപ്പെടുത്തിയത്. ആ കൊലപാതകത്തിലുള്ള പകയാണോ ഇന്നു തീർത്തതെന്നു പോലീസ് അന്വേഷിക്കുന്നുണ്ട്.

അനീറിനെയും ആക്രമിച്ചു

വീ​ട്ടി​ൽ അ​തി​ക്ര​മി​ച്ചു ക​ട​ന്ന നാ​ലം​ഗ ഗു​ണ്ടാ സം​ഘം തോട്ട എ​റി​ഞ്ഞ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച ശേ​ഷം അ​മ്മ​യു​ടെ മു​ന്നി​ൽ വ​ച്ചാ​ണ് ജിം ​സ​ന്തോ​ഷി​നെ ക​ഴി​ഞ്ഞ വ​ർ​ഷം മാ​ർ​ച്ചി​ൽ വെ​ട്ടി​ക്കൊ​ല​പ്പെ​ടു​ത്തി​യ​ത്. നേരത്തെ ര​ണ്ടു വ​ധ​ശ്ര​മ​ങ്ങ​ളി​ൽനി​ന്നു ര​ക്ഷ​പ്പെ​ട്ട പ​ട​നാ​യ​ർ​കു​ള​ങ്ങ​ര വ​ട​ക്ക് കെ​ട്ടി​ശേ​രി​ൽ കി​ഴ​ക്ക​തി​ൽ വീ​ട്ടി​ൽ എ.​ സ​ന്തോ​ഷ്കു​മാ​ർ (ജിം ​സ​ന്തോ​ഷ് 45) ആ​ണു പു​ല​ർ​ച്ചെ 2.30 ഓ​ടെ വീട്ടിൽ കൊ​ല്ല​പ്പെ​ട്ട​ത്. വ​വ്വാ​ക്കാ​വ് ജം​ക്‌​ഷ​നു കി​ഴ​ക്ക് മ​ണ​പ്പ​ള്ളി റോ​ഡി​ലു​ള്ള ഒ​രു ഹോ​ട്ട​ലി​ൽനി​ന്നു പു​ല​ർ​ച്ചെ ആ​ഹാ​രം വാ​ങ്ങി ഇ​റ​ങ്ങി​യ ക​ട​ത്തൂ​ർ ക​ണ്ണം​മ്പ​ള്ളി തെ​ക്ക​തി​ൽ അ​നീ​റി​നെ​യും (31) കാ​റി​ൽ വ​ന്ന സം​ഘം ഈ ​സം​ഭ​വ​ത്തി​നു ശേ​ഷം വെ​ട്ടി പ​രു​ക്കേ​ൽ​പി​ച്ചു.

വാതിൽ തകർത്തുകയറി

സ​ന്തോ​ഷ്കു​മാ​റി​നെ കൊ​ല​പ്പെ​ടു​ത്തി​യ സം​ഘം ത​ന്നെ​യാ​ണ് അ​നീ​റി​നെ​യും ആ​ക്ര​മി​ച്ച​ത്.​ ഈ സം​ഘ​ത്തി​നു നേ​തൃ​ത്വം കൊ​ടു​ത്ത​ത് അ​ലു​വ അ​തു​ലാ​ണ്. 2025 മാ​ർ​ച്ച് 27നു ​പു​ല​ർ​ച്ചെ വ​ടി​വാ​ളും ക​മ്പി​പ്പാ​ര​യും ഉ​ൾ​പ്പെ​ടെ​യു​ള്ള ആ​യു​ധ​ങ്ങ​ളു​മാ​യി കാ​റി​ൽ എ​ത്തി​യ സം​ഘം ആ​ദ്യം വീട്ടിലേക്കു തോട്ട എറിഞ്ഞ് ഭീകരാന്തരീക്ഷം സൃഷ്ടിച്ചു. സ​ന്തോ​ഷി​ന്‍റെ അമ്മ ഓ​മ​ന കി​ട​ന്ന മു​റി​യു​ടെ ക​ത​ക് വെ​ട്ടി​പ്പൊ​ളി​ച്ച് ഉ​ള്ളി​ൽ ക​ട​ന്നു. ആ ​മു​റി​യി​ൽ സ​ന്തോ​ഷ് ഇ​ല്ലെ​ന്ന​റി​ഞ്ഞ​തോ​ടെ സം​ഘം തൊ​ട്ട​ടു​ത്ത മു​റി​യു​ടെ ക​ത​ക് ത​ക​ർ​ത്ത് അ​ക​ത്തു ക​യ​റി സ​ന്തോ​ഷി​നെ ആ​ക്ര​മി​ക്കു​ക​യാ​യി​രു​ന്നു. അ​ക്ര​മി​ക​ൾ സ്ഫോ​ട​ക വ​സ്തു​ക്ക​ൾ മു​റി​യിലും പൊ​ട്ടി​ച്ച് ഭീ​ക​രാ​ന്ത​രീ​ക്ഷം സൃഷ്ടിച്ചു. അമ്മയുടെ മു​ന്നി​ൽ വ​ച്ചാ​യി​രു​ന്നു അ​ക്ര​മ​ങ്ങ​ളെ​ല്ലാം. ശ​രീ​ര​ത്തി​ന്‍റെ പ​ല​ഭാ​ഗ​ത്തും വെ​ട്ടേ​റ്റ സ​ന്തോ​ഷ്കു​മാ​ർ മ​രി​ച്ചെ​ന്നു ക​രു​തി സം​ഘം മ​ട​ങ്ങി. ഇ​തി​നു ശേ​ഷം സ​ന്തോ​ഷ്കു​മാ​ർ ത​ന്നെ​യാ​ണ് ആം​ബു​ല​ൻ​സ് വി​ളി​ച്ച​ത്. ആം​ബു​ല​ൻ​സ് എ​ത്തി താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ച​പ്പോ​ഴേ​ക്കും മ​രി​ച്ചു.

രണ്ടു വധശ്രമങ്ങൾ

സ​ന്തോ​ഷി​ന്‍റെ ഭാ​ര്യ ര​മ്യ​യും മ​ക്ക​ളാ​യ ഭ​ഗ​തും വൈ​ഗ​യും ഈ ​സ​മ​യം ത​ഴ​വ​യി​ലെ വീ​ട്ടി​ലാ​യി​രു​ന്നു. ര​ണ്ടു വ​ധ​ശ്ര​മ​ങ്ങ​ളി​ൽനി​ന്നു ര​ക്ഷ​പ്പെ​ട്ട ആ​ളാ​ണ് കൊ​ല ചെ​യ്യ​പ്പെ​ട്ട സ​ന്തോ​ഷ് കു​മാ​ർ. ഏ​റെ നാ​ളു​ക​ളാ​യി സ​ന്തോ​ഷ് കു​മാ​റി​ന്‍റെ സം​ഘ​വും വ​യ​ന​കം കേ​ന്ദ്രീ​ക​രി​ച്ചു​ള്ള ഒ​രു സം​ഘ​വും ത​മ്മി​ൽ ഏ​റ്റു​മു​ട്ടി വ​രി​ക​യാ​യി​രു​ന്നു. ക​ഴി​ഞ്ഞ വ​ർ​ഷം ന​വം​ബ​റി​ൽ വ​യ​ന​കം സം​ഘ​ത്തി​ലെ പ​ങ്ക​ജി​നെ കു​ത്തി പ​രു​ക്കേ​ൽ​പി​ച്ച കേ​സി​ൽ റി​മാ​ൻ​ഡ് കാ​ലാ​വ​ധി ക​ഴി​ഞ്ഞു ജാ​മ്യ​ത്തി​ലി​റ​ങ്ങി നി​ൽ​ക്കു​ക​യാ​യി​രു​ന്നു സ​ന്തോ​ഷ്കു​മാ​ർ. ത​നി​ക്കു നേ​രെ ഇ​നി​യും ആ​ക്ര​മ​ണം ഉ​ണ്ടാ​കു​മെ​ന്ന് അ​റി​യാ​മാ​യി​രു​ന്ന​തി​നാ​ൽ ഏ​റെ ത​യാ​റെ​ടു​പ്പി​ലും ആ​യി​രു​ന്നു .

കാമറകൾ വച്ചിട്ടും

വീ​ട്ടി​ലും പ​രി​സ​ര​ത്തും സി​സി​ടി​വി കാ​മ​റ​ക​ൾ സ്ഥാ​പി​ക്കു​ക​യും ദൃ​ശ്യ​ങ്ങ​ൾ മൊ​ബൈ​ലി​ലും കി​ട്ട​ത്ത​ക്ക വി​ധം സ​ജ്ജീ​ക​രി​ക്കു​ക​യും ചെ​യ്തി​രു​ന്നു. പു​ല​ർ​ച്ചെ സം​ഘം കാ​റി​ൽ എ​ത്തു​ന്ന ദൃ​ശ്യ​ങ്ങ​ളൊ​ക്കെ മൊ​ബൈ​ലി​ലൂ​ടെ ക​ണ്ടി​രു​ന്ന​ത്രെ. സം​ഘം ത​ന്നെ ആ​ക്ര​മി​ക്കാ​ൻ എ​ത്തി​യെ​ന്നും പോ​ലീ​സി​ൽ അ​റി​യി​ക്കാ​നും സു​ഹൃ​ത്തി​നോ​ട് സ​ന്തോ​ഷ്കു​മാ​ർ ഫോ​ണി​ൽ പ​റ​ഞ്ഞി​രു​ന്നു. ആ​ക്ര​മ​ണ​ത്തി​ൽ പ​രു​ക്കേ​റ്റ സ​ന്തോ​ഷ് കു​മാ​ർ ആ​ശു​പ​ത്രി​യി​ൽ പോ​കാ​ൻ ആം​ബു​ല​ൻ​സ് വി​ളി​ച്ച​പ്പോ​ഴേ​ക്കും പോ​ലീ​സും എ​ത്തി​യി​രു​ന്നു.

Tags : Murder kollam criminal police case aluva athul gym santhosh