19

കല്‍പ്പറ്റ: കേരളം ഭരണമാറ്റത്തിന് കൊതിക്കുകയാണെന്ന് എഐസിസി ജനറല്‍ സെക്രട്ടറി കെ.സി. വേണുഗോപാല്‍ എംപി. യുഡിഎഫ് വനിതാസംഗമം ഉദ്ഘാടനം ചെയ്യുകയായിരുന്നു അദ്ദേഹം.

തെരഞ്ഞെടുപ്പില്‍ യുഡിഎഫ് അനുകൂല തരംഗം ആഞ്ഞുവീശും. പിണറായി വിജയന്‍ വാര്‍ത്താസമ്മേളനങ്ങളില്‍ രാഹുല്‍ ഗാന്ധിയെ സ്ഥിരമായി വിമര്‍ശിക്കുകയാണ്. എന്നാല്‍ മോദിക്കെതിരേ മിണ്ടുന്നില്ല. മോദിയെ വിമര്‍ശിച്ചാല്‍ ഇഡി പൂട്ടിടുമെന്ന ഭീതിയാണ് അദ്ദേഹത്തിനെന്നും കെ.സി വിമർശിച്ചു.

ഇന്നലെ വരെ കമ്മ്യൂണിസ്റ്റുകളായിരുന്നവര്‍പോലും പാര്‍ട്ടി വിടുകയാണ്. കണ്ണൂരിലെ കോട്ടകളും ഇളകിത്തുടങ്ങി. ജനപ്രതിനിധി എങ്ങനെയാകണമെന്ന് തെളിയിച്ച എംഎല്‍എയാണ് മണ്ഡലത്തില്‍ രണ്ടാമതും മത്സരിക്കുന്ന ടി. സിദ്ദിഖ്. ഉരുള്‍ദുരന്തമുണ്ടായപ്പോള്‍ ജനം അത് കണ്ടതാണ്.

ദുരന്തബാധിതരായ വിദ്യാര്‍ഥികളുടെ വിദ്യാഭ്യാസം ഉള്‍പ്പെടെ അദ്ദേഹം ഏറ്റെടുത്ത് പ്രാവര്‍ത്തികമാക്കി. ജനഹൃദയത്തില്‍ ജീവിക്കുന്ന ജനപ്രതിനിധിയാണ് സിദ്ദിഖ്. കാല്‍ ലക്ഷത്തിലധികം വോട്ടിന്‍റെ ഭൂരിപക്ഷത്തില്‍ സിദ്ദിഖ് വിജയിക്കുമെന്നും വേണുഗോപാല്‍ പറഞ്ഞു.

Tags : government K.C. Venugopal Kerala legislative assembly election