ആലുവ: കെപിസിസി താത്കാലിക പ്രസിഡന്റ് ചുമതലയെക്കുറിച്ച് തനിക്കറിയില്ലെന്നു ബെന്നി ബെഹനാൻ എംപി. പ്രസിഡന്റ് മത്സരിക്കാൻ തീരുമാനിക്കുമ്പോൾ പാർട്ടി എന്തു നിർദേശിച്ചാലും അംഗീകരിക്കും.
നിലവിൽ മാധ്യമങ്ങളിൽ വന്ന അറിവു മാത്രമേ തനിക്കുള്ളൂ. മറ്റൊരു അറിയിപ്പോ ആശയവിനിമയമോ ഉണ്ടായിട്ടില്ല. സ്ഥാനാർഥിനിർണയത്തിൽ ഒരിടത്തും ഇതുവരെ തർക്കങ്ങൾ ഇല്ല.
ആശയവിനിമയത്തിൽ ചില പോരായ്മകൾ ഉണ്ടായിട്ടുണ്ട്. പെരുമ്പാവൂർ, കൊച്ചി സീറ്റുകളുടെ കാര്യത്തിൽ സമുദായിക ഇടപെടലുകൾ ഉണ്ടായിട്ടില്ലെന്നും അദ്ദേഹം ആലുവയിൽ മാധ്യമങ്ങളോട് പറഞ്ഞു.