7

തിരുവനന്തപുരം: കാപ്പ കേസിൽ ജയിലിൽ കഴിയുന്ന വാഴോട്ടുകോണം ബിജെപി കൗൺസിലർ ആർ. സുഗതന്‍റെ ആറുമാസത്തെ അവധി അപേക്ഷയ്ക്ക് അനുകൂലമായി നൽകിയ മറുപടിക്കത്ത് ആഭ്യന്തര വകുപ്പും റദ്ദാക്കി.

വിവാദമായ കത്ത് തദ്ദേശ വകുപ്പ് റദ്ദാക്കിയതിനു പിന്നാലെയാണ് സർക്കാരിന്‍റെ ഈ പുതിയ നടപടി ഉണ്ടായിരിക്കുന്നത്. കത്ത് തയാറാക്കിയതിൽ ഗുരുതരമായ വീഴ്ച ആരോപിച്ച് തദ്ദേശ അണ്ടർ സെക്രട്ടറി ചിത്ര പി. അരുണിമയെ ഇതിനോടകം തന്നെ സസ്പെൻഡ് ചെയ്തിട്ടുണ്ട്.

സുഗതന് അവധി അനുവദിച്ച കൗൺസിൽ നടപടി അടിയന്തരമായി റദ്ദാക്കണമെന്നാവശ്യപ്പെട്ട് യുഡിഎഫും എൽഡിഎഫും സംസ്ഥാന തെരഞ്ഞെടുപ്പ് കമ്മീഷന് ഔദ്യോഗികമായി പരാതി നൽകിയിരുന്നു.

ഈ പരാതിയുടെ ഹിയറിംഗ് വേളയിൽ സർക്കാരിന്‍റെ ഭാഗത്തുനിന്നും സുഗതന് അനുകൂലമായ കത്ത് പുറത്തുവന്നത് കേസിൽ തിരിച്ചടിയാകുമെന്ന ശക്തമായ വിലയിരുത്തലിലാണ് തദ്ദേശ, ആഭ്യന്തര വകുപ്പുകൾ കത്ത് അടിയന്തരമായി റദ്ദാക്കിയത്.

Tags : RSugathas Leave HomeDepartment Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews