22

കൊച്ചി: സിനിമയിലെ ഫൈറ്റ്മാസ്റ്ററായ യുവതിയെ കല്ലെറിഞ്ഞു വീഴ്ത്തി ആക്രമിച്ച കേസിലെ മുഖ്യപ്രതി അറസ്റ്റിൽ. എറണാകുളം എളക്കര കീർത്തി നഗർ നെല്ലിക്കാപ്പിള്ളി യൂസഫ് (വടിവാൾ യൂസഫ് -33) നെയാണ് എറണാകുളം നോർത്ത് പോലീസ് അറസ്റ്റ് ചെയ്തത്.

കഴിഞ്ഞ 15 ന് കലൂർ സ്റ്റേഡിയത്തിന് അടുത്തായിരുന്നു സംഭവം. അപമര്യാദയായി പെരുമാറിയത് പോലീസിൽ പരാതിപ്പെട്ടതിന്‍റെ വൈരാഗ്യത്തിൽ ലഹരിക്കേസിൽ പ്രതിയായ വടിവാൾ യൂസഫും സംഘവും യുവതിയെ ക്രൂരമായി അക്രമിക്കുകയായിരുന്നു.

സംഭവത്തിനുശേഷം ഒളിവിൽ പോയ ഇയാളെ ഇന്ന് രാത്രി 8.30 ന് സെന്‍റർ സ്ക്വയർ മാളിനു സമീപത്തു നിനാണ് അറസ്റ്റ് ചെയ്തത്. പോലീസിനെ കണ്ട് രക്ഷപ്പെടാൻ ശ്രമിച്ച പ്രതിയെ മൽപ്പിടുത്തത്തിലൂടെ സാഹസികമായി പോലീസ് കീഴടക്കുകയായിരുന്നു. തിരിച്ചറിയാതിരിക്കാനായി പ്രതി താടി വടിച്ച് നടക്കുകയായിരുന്നു. സംഭവത്തിൽ ഇനിയും അറസ്റ്റുണ്ടാകുമെന്ന് നോർത്ത് പോലീസ് പറഞ്ഞു.

Tags : Woman attack accused arrest