9

ഡ​ൽ​ഹി​യി​ൽ വി​ദ്യാ​ർ​ഥി-​യു​വ​ജ​ന പ്ര​ക്ഷോ​ഭ​ങ്ങ​ളെ പി​ന്തു​ണ​ച്ചു​കൊ​ണ്ട് ജ​സ്യൂ​ട്ട് വൈ​ദി​ക​നും പ്ര​മു​ഖ സാ​മൂ​ഹി​ക നി​രീ​ക്ഷ​ക​നു​മാ​യ ഫാ. ​എം.​കെ. ജോ​ർ​ജ് എ​ഴു​തി​യ ലേ​ഖ​ന​വും അ​തി​നെ​ത്തു​ട​ർ​ന്ന് ബി​ജെ​പി നേ​താ​വാ​യ ഡോ. ​കെ.​എ​സ്. രാ​ധാ​കൃ​ഷ്ണ​ൻ ന​ട​ത്തി​യ വി​വാ​ദ പ​രാ​മ​ർ​ശ​ങ്ങ​ളു​ടെ പി​ന്നി​ലു​ള്ള രാ​ഷ്‌​ട്രീ​യ താ​ത്പ​ര്യ​ങ്ങ​ളും ജ​നാ​ധി​പ​ത്യ​പ​ര​മാ​യ വെ​ല്ലു​വി​ളി​ക​ളും ഗൗ​ര​വ​മാ​യി ച​ർ​ച്ച​ചെ​യ്യ​പ്പെ​ടേ​ണ്ട വി​ഷ​യ​മാ​ണ്.

കോ​ക്രോ​ച്ച് ജ​ന​താ പാ​ർ​ട്ടി ന​ട​ത്തി​യ പ്ര​ക്ഷോ​ഭ​ങ്ങ​ൾ കേ​വ​ല​മൊ​രു യു​വ​ജ​ന മു​ന്നേ​റ്റ​മ​ല്ലെ​ന്നും സ​ഭ​യു​ടെ ഗൂ​ഢ​മാ​യ, മ​ത​പ​ര​മാ​യ അ​ജ​ൻ​ഡ​യും വി​ദേ​ശ ധ​ന​സ​ഹാ​യ​വു​മാ​ണെ​ന്നു​മാ​യി​രു​ന്നു രാ​ധാ​കൃ​ഷ്ണ​ന്‍റെ പ്ര​ധാ​ന ആ​രോ​പ​ണം. എ​ന്നാ​ൽ, ഈ ​വാ​ദ​ങ്ങ​ൾ പൂ​ർ​ണ​മാ​യും വ്യാ​ജ​വും ദു​രൂ​ഹ​വു​മാ​ണെ​ന്ന് ജ​സ്യൂ​ട്ട് സ​ഭ പ്ര​തി​ക​രി​ച്ചു. വി​ദ്യാ​ർ​ഥി​ക​ളു​ടെ ന്യാ​യ​മാ​യ ജ​നാ​ധി​പ​ത്യ പ്ര​ക്ഷോ​ഭ​ങ്ങ​ളെ വ​ർ​ഗീ​യ​വ​ത്ക​രി​ക്കു​ന്ന​തും ഗൂ​ഢാ​ലോ​ച​ന​യാ​യി ചി​ത്രീ​ക​രി​ക്കു​ന്ന​തും അ​ടി​സ്ഥാ​ന​ര​ഹി​ത​മാ​ണ്. സാ​മൂ​ഹ്യ​നീ​തി​ക്കും ഭ​ര​ണ​ഘ​ട​നാ മൂ​ല്യ​ങ്ങ​ൾ​ക്കുംവേ​ണ്ടി ശ​ബ്ദ​മു​യ​ർ​ത്തു​ന്ന​ത് ക​ത്തോ​ലി​ക്കാ സ​ഭ​യു​ടെ​യും ജ​നാ​ധി​പ​ത്യ​ത്തി​ൽ വി​ശ്വാ​സ​മു​ള്ള പൊതുസ​മൂ​ഹ​ത്തി​ന്‍റെ​യും സ​വി​ശേ​ഷ​മാ​യ ഉ​ത്ത​ര​വാ​ദി​ത്വ​മാ​ണെ​ന്നും സ​ഭ ചൂ​ണ്ടി​ക്കാ​ട്ടി.

എ​ന്നാ​ൽ, കെ.​എ​സ്. രാ​ധാ​കൃ​ഷ്ണ​ൻ ഉ​യ​ർ​ത്തി​യ ആ​രോ​പ​ണ​ങ്ങ​ളെ കേ​വ​ലം ര​ണ്ടു വ്യ​ക്തി​ക​ൾ ത​മ്മി​ലോ സ​ഭ​യും ഒ​രു രാ​ഷ്‌​ട്രീ​യ സം​ഘ​ട​ന​യും ത​മ്മി​ലോ ഉ​ള്ള പ്രാ​ദേ​ശി​ക വി​വാ​ദ​മാ​യി കാ​ണാ​നാ​കി​ല്ല. മ​റി​ച്ച്, ആ​ധു​നി​ക ഇ​ന്ത്യ​യു​ടെ ആ​ത്മാ​വി​നെ​യും ജ​നാ​ധി​പ​ത്യ സ​ങ്ക​ല്പ​ത്തി​ന്‍റെ നി​ർ​മി​തി​യെ​യും സം​ബ​ന്ധി​ച്ചു​ള്ള ര​ണ്ട് വി​രു​ദ്ധ ചി​ന്താ​ധാ​രക​ളുടെ ആ​ഴ​ത്തി​ലു​ള്ള ആ​ശ​യ​സം​ഘ​ർ​ഷ​മാ​ണി​ത്. ഇ​ന്ത്യ​യി​ൽ ഇ​ന്ന് ദേ​ശീ​യ​ത​യെ​ക്കു​റി​ച്ചു​ള്ള ച​ർ​ച്ച​ക​ൾ കേ​വ​ലം രാ​ഷ്‌​ട്രീ​യ ത​ർ​ക്ക​ങ്ങ​ള​ല്ല; ഇ​ന്ത്യ​യെ​ന്ന രാ​ഷ്‌​ട്ര​സ​ങ്ക​ല്പ​ത്തി​ന്‍റെ നി​ല​നി​ൽ​പ്പി​നെ​ക്കു​റി​ച്ചു​ള്ള ചോ​ദ്യ​ങ്ങ​ളാ​ണ്. ന​മ്മു​ടെ ഉ​ന്ന​തവി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ​യും സ​ർ​വ​ക​ലാ​ശാ​ല​ക​ളി​ലെ​യും ത​ർ​ക്ക​ങ്ങ​ൾ, ച​രി​ത്ര പാ​ഠ​പു​സ്ത​ക​ങ്ങ​ളു​ടെ തി​രു​ത്തി​യെ​ഴു​ത്തു​ക​ൾ, മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ങ്ങ​ൾ, ന്യൂ​ന​പ​ക്ഷ​ങ്ങ​ളു​ടെ അ​വ​കാ​ശ​ങ്ങ​ൾ, മാ​ധ്യ​മ​സ്വാ​ത​ന്ത്ര്യ​ത്തി​ന്മേ​ലു​ള്ള ക​ട​ന്നു​ക​യ​റ്റ​ങ്ങ​ൾ തു​ട​ങ്ങി​യ സ​മ​കാ​ലി​ക വി​ഷ​യ​ങ്ങ​ളി​ലെ​ല്ലാം ഈ ​അ​ടി​സ്ഥാ​ന ആ​ശ​യ​സം​ഘ​ർ​ഷം പ്ര​ക​ട​മാ​യി പ്ര​തി​ഫ​ലി​ക്കു​ന്നു​ണ്ട്.

ഇ​ന്ത്യ​യെ നി​ർ​വ​ചി​ക്കേ​ണ്ട​ത് ഒ​രു മ​ത​ത്തി​ന്‍റെ​യോ സം​സ്കാ​ര​ത്തി​ന്‍റെ​യോ ആ​ധി​പ​ത്യ​ത്തി​ലൂ​ടെ​യാ​ണോ, അ​തോ ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന തു​ല്യ പൗ​ര​ത്വ​ത്തി​ലൂ​ടെ​യാ​ണോ എ​ന്ന അ​ടി​സ്ഥാ​ന​ചോ​ദ്യ​മാ​ണ് ന​മ്മു​ടെ പൊ​തു​ജീ​വി​ത​ത്തി​ൽ വീ​ണ്ടും വീ​ണ്ടും ഉ​യ​ർ​ന്നു​വ​രു​ന്ന​ത്. മ​ത​നി​ര​പേ​ക്ഷ രാ​ജ്യ​മാ​യ ഇ​ന്ത്യ​യെ ഒ​രു പ്ര​ത്യേ​ക മ​താ​ധി​ഷ്ഠി​ത പ്ര​ത്യ​യ​ശാ​സ്ത്ര​മാ​യ ‘സാം​സ്കാ​രി​ക ദേ​ശീ​യ​ത​’യു​ടെ വാ​ർ​പ്പു​മാ​തൃ​ക​ക​ളി​ലൂ​ടെ​യാ​ണോ അ​തോ ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന ബ​ഹു​സ്വ​ര പൗ​ര​ത്വ​ത്തി​ന്‍റെ​യും സാ​ർ​വ​ത്രി​ക സ​മ​ത്വ​ത്തി​ന്‍റെ​യും വെ​ളി​ച്ച​ത്തി​ലാ​ണോ നി​ർ​വ​ചി​ക്കേ​ണ്ട​ത്?

ദേ​ശീ​യ​ത​യു​ടെ നാ​നാ​ത്വ​വും ഭ​ര​ണ​ഘ​ട​നാ പാ​ര​മ്പ​ര്യ​വും

ഇ​ന്ത്യ​ൻ ആ​ത്മീ​യ-​രാ​ഷ്‌​ട്രീ​യ ച​രി​ത്രം ഏ​തെ​ങ്കി​ലു​മൊ​രു ചി​ന്താ​പ​ദ്ധ​തി​യു​ടെ​യോ മ​ത​വി​ശ്വാ​സ​ത്തി​ന്‍റെ​യോ ആ​ധി​പ​ത്യ​ച​രി​ത്ര​മ​ല്ല; മ​റി​ച്ച്, നൂ​റ്റാ​ണ്ടു​ക​ളി​ലൂ​ടെ രൂ​പ​പ്പെ​ട്ട വി​ഭി​ന്ന​വും വി​ശാ​ല​വു​മാ​യ ആ​ശ​യ​ങ്ങ​ളു​ടെ നി​ര​ന്ത​ര സം​വാ​ദ​മാ​ണ്. മ​ഹാ​ത്മാഗാ​ന്ധി ഇ​ന്ത്യ​യെ ഒ​രു കേ​വ​ല രാ​ഷ്‌​ട്രീ​യ അ​ധി​കാ​ര​കേ​ന്ദ്ര​മാ​യ​ല്ല, സ​ത്യ​ത്തി​ലും അ​ഹിം​സ​യി​ലും അ​ധി​ഷ്ഠി​ത​മാ​യ നൈ​തി​ക സ​മൂ​ഹ​മാ​യാ​ണ് വീ​ക്ഷി​ച്ച​ത്. സ്വ​ന്തം വേ​രു​ക​ളി​ൽ ഉ​റ​ച്ചു​നി​ൽ​ക്കു​മ്പോ​ൾ​ത​ന്നെ ലോ​ക​ത്തി​ന്‍റെ നാ​നാ​ഭാ​ഗ​ങ്ങ​ളി​ൽനി​ന്നു​മു​ള്ള ന​ല്ല ആ​ശ​യ​ങ്ങ​ളെ സ്വാ​ഗ​തം ചെ​യ്യു​ന്ന ‘സ​ർ​വ​ധ​ർ​മ സ​മ​ഭാ​വ’​മാ​ണ് ഗാ​ന്ധി​ജി​യു​ടെ ‘ഹി​ന്ദ് സ്വ​രാ​ജ്’ മു​ന്നോ​ട്ടു​വ​ച്ച​ത്. “എ​ന്‍റെ വീ​ടി​ന്‍റെ ജ​നാ​ല​ക​ൾ ലോ​ക​ത്തി​ലെ എ​ല്ലാ സം​സ്കാ​ര​ങ്ങ​ളു​ടെ​യും കാ​റ്റി​നാ​യി തു​റ​ന്നി​രി​ക്ക​ട്ടെ; പ​ക്ഷേ അ​വ എ​ന്നെ പ​റ​ത്തി​ക്കൊ​ണ്ടു​പോ​ക​രു​ത്’’ എ​ന്ന വാ​ക്കു​ക​ൾ ഗാ​ന്ധി​ജി മു​ന്നോ​ട്ടു​വ​ച്ച നൈ​തി​ക ദേ​ശീ​യ​ത​യു​ടെ വി​ശ്വ​മാ​ന​വി​ക സാ​ക്ഷ്യ​മാ​ണ്.

ദേ​ശീ​യ​ത​യെ​ന്ന​ത് മ​നു​ഷ്യ​ത്വ​ത്തെ ത​ല്ലി​ക്കെ​ടു​ത്തു​ന്ന പ്ര​തി​ലോ​മ ശ​ക്തി​യാ​ക​രു​തെ​ന്ന് ര​വീ​ന്ദ്ര​നാ​ഥ ടാ​ഗോ​ർ ഓ​ർ​മി​പ്പി​ച്ചു. വി​ശ​ക്കു​ന്ന മ​നു​ഷ്യ​ന് അ​പ്പം ന​ൽ​കാ​തെ മ​ത​ത്തെ​ക്കു​റി​ച്ചു സം​സാ​രി​ക്കു​ന്ന​ത് അ​ർ​ഥ​ശൂ​ന്യ​മാ​ണെ​ന്നാ​യി​രു​ന്നു സ്വാ​മി വി​വേ​കാ​ന​ന്ദ​ന്‍റെ നി​ല​പാ​ട്. സ്വ​ത​ന്ത്ര ഇ​ന്ത്യ​യെ ശാ​സ്ത്രീ​യ മ​നോ​ഭാ​വ​വും ശ​ക്ത​മാ​യ ജ​നാ​ധി​പ​ത്യ സ്ഥാ​പ​ന​ങ്ങ​ളു​മു​ള്ള റി​പ്പ​ബ്ലി​ക്കാ​യി വി​ഭാ​വ​നം ചെ​യ്ത ജ​വാ​ഹ​ർ​ലാ​ൽ നെ​ഹ്റു, ഇ​ന്ത്യ​യെ വി​ശേ​ഷി​പ്പി​ച്ച​ത് ഒ​രു ‘ബ​ഹു​ത​ല സം​സ്കാ​ര​രേ​ഖ’ (Palimpsest) എ​ന്നാ​ണ്. ആ​യി​ര​ക്ക​ണ​ക്കി​ന് വ​ർ​ഷ​ങ്ങ​ളി​ലൂ​ടെ വൈ​വി​ധ്യ​മാ​ർ​ന്ന സം​സ്കാ​ര​ങ്ങ​ളും ചി​ന്ത​ക​ളും കൂ​ട്ടി​ച്ചേ​ർ​ക്ക​പ്പെ​ട്ടി​ട്ടും പൈ​തൃ​ക സാം​സ്കാ​രി​ക ധാ​ര​ക​ളെ കൈ​വി​ടാ​തെ സം​ര​ക്ഷി​ക്കു​ന്ന ഒ​രു ജീ​വി​ക്കു​ന്ന ച​രി​ത്ര​രേ​ഖ​യാ​ണ​ത്.

വി​ഭ​ജ​ന​വാ​ദ​ത്തെ​യും ദ്വി​രാ​ഷ്‌​ട്ര സി​ദ്ധാ​ന്ത​ത്തെ​യും ശ​ക്ത​മാ​യി എ​തി​ർ​ത്ത മൗ​ലാ​നാ അ​ബു​ൽ ക​ലാം ആ​സാ​ദ്, ഇ​ന്ത്യ എ​ന്ന​ത് എ​ല്ലാ ജ​ന​വി​ഭാ​ഗ​ങ്ങ​ളും പ​ങ്കു​ചേ​രു​ന്ന വ​ലി​യൊ​രു ച​രി​ത്ര​ത്തി​ന്‍റെ സാം​സ്കാ​രി​ക കൂ​ട്ടാ​യ്മ​യാ​ണെ​ന്ന് സ​മ​ർ​ഥി​ച്ചു. അ​തു​പോ​ലെ, ശ്രീ​നാ​രാ​യ​ണ ഗു​രു​വി​ന്‍റെ “ഒ​രു ജാ​തി, ഒ​രു മ​തം, ഒ​രു ദൈ​വം മ​നു​ഷ്യ​ന്’’ എ​ന്ന ആ​ഹ്വാ​നം കേ​വ​ലം മ​ത​പ​ര​മാ​യ ഏ​കീ​ക​ര​ണ​മ​ല്ല, മ​റി​ച്ച് മ​നു​ഷ്യ​ന്‍റെ അ​ന്തഃ​സി​നും പൗ​ര​ത്വ​ത്തി​നും വേ​ണ്ടി​യു​ള്ള സാ​മൂ​ഹി​ക വി​പ്ല​വ​മാ​യി​രു​ന്നു. ഗു​രു ദേ​ശീ​യ​ത​യെ നി​ർ​വ​ചി​ച്ച​ത് മ​നു​ഷ്യ​ന്‍റെ ആ​ത്മാ​ഭി​മാ​ന​ത്തി​ലൂ​ടെ​യാ​ണ്. ശ്രീ​നാ​രാ​യ​ണ ഗു​രു​വി​ന്‍റെ ദേ​ശീ​യ​ബോ​ധം മ​നു​ഷ്യ​ന്‍റെ അ​ന്തസ്സിലും ആ​ത്മാ​ഭി​മാ​ന​ത്തി​ലു​മാ​യി​രു​ന്നു അ​ധി​ഷ്ഠി​ത​മാ​യി​രു​ന്ന​ത്. അ​ദ്ദേ​ഹ​ത്തി​ന് ക്ഷേ​ത്ര​പ്ര​വേ​ശ​നം മ​താ​ചാ​ര​വു​മാ​യി ബ​ന്ധ​പ്പെ​ട്ട ഒ​രു പ്ര​ശ്ന​മ​ല്ല, മ​നു​ഷ്യ​ന്‍റെ തു​ല്യ പൗ​രാ​വ​കാ​ശ​ങ്ങ​ളു​ടെ പ്ര​ഖ്യാ​പ​ന​മാ​യി​രു​ന്നു. വി​ദ്യാ​ഭ്യാ​സം തൊ​ഴി​ൽ നേ​ടാ​നു​ള്ള മാ​ർ​ഗം മാ​ത്ര​മ​ല്ല, വ്യ​ക്തി​യു​ടെ​യും സ​മൂ​ഹ​ത്തി​ന്‍റെ​യും വി​മോ​ച​ന​ത്തി​നു​ള്ള ശ​ക്ത​മാ​യ ഉ​പാ​ധി​യാ​ണെ​ന്ന് അ​ദ്ദേ​ഹം വി​ശ്വ​സി​ച്ചു. ഈ ​അ​ർ​ഥ​ത്തി​ൽ അം​ബേ​ദ്ക​റു​ടെ മു​ൻ​ഗാ​മി​യാ​യി​രു​ന്നു ഗുരു എ​ന്ന് പ​ല സ​മൂ​ഹ​ശാ​സ്ത്ര​ജ്ഞ​രും വി​ല​യി​രു​ത്തി​യി​ട്ടു​ണ്ട്.

ഈ ​മ​തേ​ത​ര ബ​ഹു​സ്വ​ര ദ​ർ​ശ​ന​ങ്ങ​ൾ​ക്കാ​ണ് ഡോ. ​ബി.​ആ​ർ. അം​ബേ​ദ്ക​റു​ടെ നേ​തൃ​ത്വ​ത്തി​ൽ ഭ​ര​ണ​ഘ​ട​ന​യി​ലൂ​ടെ രാ​ഷ്‌​ട്രീ​യ​വും നി​യ​മ​പ​ര​വു​മാ​യ രൂ​പം ന​ൽ​കി​യ​ത്. എ​ന്നാ​ൽ, ഭ​ര​ണ​ഘ​ട​ന ഒ​രു വ്യ​ക്തി​യു​ടെ മാ​ത്രം കൃ​തി​യാ​യി​രു​ന്നി​ല്ല; മ​റി​ച്ച്, ഗാ​ന്ധി​ജി​യു​ടെ നൈ​തി​ക​ത​യും നെ​ഹ്റു​വി​ന്‍റെ ആ​ധു​നി​ക​ത​യും പ​ട്ടേ​ലി​ന്‍റെ ദേ​ശീ​യ ഐ​ക്യ​ബോ​ധ​വും ആ​സാ​ദി​ന്‍റെ ബ​ഹു​സ്വ​ര​ത​യും സ​മ്മേ​ളി​ച്ച സ്വാ​ത​ന്ത്ര്യ​സ​മ​ര​ത്തി​ന്‍റെ സം​യു​ക്ത രാ​ഷ്‌​ട്രീ​യ​രേ​ഖ​യാ​യി​രു​ന്നു.

അം​ബേ​ദ്ക​ർ മു​ന്നോ​ട്ടു​വ​ച്ച പ്ര​ധാ​ന ത​ത്വം ‘ഭ​ര​ണ​ഘ​ട​നാ​പ​ര​മാ​യ ധാ​ർ​മി​ക​ത​’യാ​ണ്. ഭൂ​രി​പ​ക്ഷ​ത്തി​ന് അ​ധി​കാ​ര​മു​ണ്ടെ​ന്ന​തു​കൊ​ണ്ട് എ​ന്തും ചെ​യ്യാ​മെ​ന്ന​ത​ല്ല ജ​നാ​ധി​പ​ത്യം; മ​റി​ച്ച്, ന്യൂ​ന​പ​ക്ഷ​ങ്ങ​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്ക​പ്പെ​ടു​ക​യും ഭി​ന്നവി​ശ്വാ​സ​ങ്ങ​ൾ​ക്കും കാ​ഴ്ച​പ്പാ​ടു​ക​ൾ​ക്കും ആ​ശ​യ​പ​ര​മാ​യ വി​യോ​ജി​പ്പു​ക​ൾ​ക്കും ഭ​ര​ണ​ഘ​ട​നാ സം​ര​ക്ഷ​ണം ഉ​റ​പ്പു​വ​രു​ത്തു​ക​യും ചെ​യ്യു​മ്പോ​ഴാ​ണ് ജ​നാ​ധി​പ​ത്യം അ​ർ​ഥ​വ​ത്താ​കു​ന്ന​ത്.

സാം​സ്കാ​രി​ക ദേ​ശീ​യ​ത​യു​ടെ ഭീ​ഷ​ണി

എ​ന്നാ​ൽ, ബ​ഹു​സ്വ​ര​ത​യി​ൽ അ​ധി​ഷ്ഠി​ത​മാ​യ ഈ ​ഭ​ര​ണ​ഘ​ട​നാ സ​ങ്ക​ൽ​പ​ത്തി​ന് നേ​ർ​വി​പ​രീ​ത​മാ​യാ​ണ് സാം​സ്കാ​രി​ക ദേ​ശീ​യ​ത​യു​ടെ പ്ര​ത്യ​യ​ശാ​സ്ത്രം പ്ര​വ​ർ​ത്തി​ക്കു​ന്ന​ത്. വി.​ഡി. സ​വ​ർ​ക്ക​ർ, എം.​എ​സ്. ഗോ​ൾ​വ​ൽ​ക്ക​ർ, ദീ​ൻ​ദ​യാ​ൽ ഉ​പാ​ധ്യാ​യ തു​ട​ങ്ങി​യ​വ​ർ വി​ക​സി​പ്പി​ച്ചെ​ടു​ത്ത ഈ ​കാ​ഴ്ച​പ്പാ​ട്, രാ​ജ്യ​ത്തി​ന്‍റെ ദേ​ശീ​യ ഐ​ക്യ​ത്തെ ഒ​രു പ്ര​ത്യേ​ക മ​ത സാം​സ്കാ​രി​ക പാ​ര​മ്പ​ര്യ​വു​മാ​യി മാ​ത്രം കൂ​ട്ടി​ക്കെ​ട്ടാ​ൻ ശ്ര​മി​ക്കു​ന്നു. ഇ​ത്ത​രം ഒ​രു ഭൂ​രി​പ​ക്ഷ സാം​സ്കാ​രി​ക സ്വ​ത്വ​ത്തി​ന് ‌രാ​ഷ്‌​ട്രീ​യ മു​ൻ​ഗ​ണ​ന​യും മേ​ൽ​ക്കൈ​യും ല​ഭി​ക്കു​മ്പോ​ൾ, അ​ത് ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന തു​ല്യപൗ​ര​ത്വ​ത്തി​നും ന്യൂ​ന​പ​ക്ഷ വി​ഭാ​ഗ​ങ്ങ​ളു​ടെ സ്വാ​ത​ന്ത്ര്യ​ത്തി​നും നി​ല​നി​ൽ​പി​നും ക​ടു​ത്ത ഭീ​ഷ​ണി​യാ​യി മാ​റു​ന്നു.

ക്രൈ​സ്ത​വ സ​ഭ​യെ​യും അ​തി​ന്‍റെ സ്ഥാ​പ​ന​ങ്ങ​ളെ​യും സാ​മൂ​ഹി​ക ദൗ​ത്യ​ങ്ങ​ളെ​യും സം​ശ​യ​ത്തി​ന്‍റെ നി​ഴ​ലി​ൽ നി​ർ​ത്താ​നും അ​വ​യെ രാ​ജ്യ​വി​രു​ദ്ധ ഗൂ​ഢാ​ലോ​ച​ന​ക​ളാ​യി ചി​ത്രീ​ക​രി​ക്കാ​നു​മു​ള്ള ശ്ര​മ​ങ്ങ​ൾ ഇ​ത്ത​രം സാം​സ്കാ​രി​ക ആ​ധി​പ​ത്യ അ​ജ​ൻ​ഡ​യു​ടെ ഭാ​ഗ​മാ​ണ്. ഡോ. ​കെ.​എ​സ്. രാ​ധാ​കൃ​ഷ്ണ​ന്‍റെ പ്ര​സ്താ​വ​ന​ക​ളെ​യും ദു​ർ​വ്യാ​ഖ്യാനങ്ങളെയും ഈ ​വ​ർ​ഗീ​യ ധ്രു​വീ​ക​ര​ണ ശ്ര​മ​ങ്ങ​ളു​ടെ പ​ശ്ചാ​ത്ത​ല​ത്തി​ൽ വേ​ണം മ​ന​സി​ലാ​ക്കാ​ൻ. സ​ഭ​യെ സം​ബ​ന്ധി​ച്ചി​ട​ത്തോ​ളം, വി​മോ​ച​ന​വും സാ​മൂ​ഹ്യ​നീ​തി​യും കേ​വ​ലം ഒ​രു രാ​ഷ്‌​ട്രീ​യ പ്ര​വ​ർ​ത്ത​ന​മ​ല്ല; അ​ത് സു​വി​ശേ​ഷ മൂ​ല്യ​ങ്ങ​ളു​ടെ ആ​വി​ഷ്കാ​ര​വും ക്രി​സ്തീ​യ സാ​ക്ഷ്യ​വു​മാ​ണ്. ദ​രി​ദ്ര​രു​ടെ​യും അ​വ​ഗ​ണി​ക്ക​പ്പെ​ട്ട​വ​രു​ടെ​യും പ​ക്ഷ​ത്ത് നി​ൽ​ക്കു​ക, അ​നീ​തി​യെ ചോ​ദ്യം ചെ​യ്യു​ക, മ​നു​ഷ്യ​ന്‍റെ അ​ന്തസ്സിനെ സം​ര​ക്ഷി​ക്കു​ക, സ​മാ​ധാ​ന​വും നീ​തി​യും പ്ര​ഘോ​ഷി​ക്കു​ക എ​ന്നി​വ സു​വി​ശേ​ഷ​ത്തി​ന്‍റെ കേ​ന്ദ്ര​സ​ന്ദേ​ശ​ങ്ങ​ളാ​ണ്.

സ​ഭ​യു​ടെ സാ​മൂ​ഹി​ക പ്ര​ബോ​ധ​ന​വും ഈ ​സു​വി​ശേ​ഷ​മൂ​ല്യ​ങ്ങ​ൾ ത​ന്നെ​യാ​ണ് പ​ഠി​പ്പി​ക്കു​ന്ന​തും. മ​നു​ഷ്യ​ന്‍റെ അ​ന്തസ്സാണ് എ​ല്ലാ സാ​മൂ​ഹി​ക-​രാ​ഷ്‌​ട്രീ​യ വ്യ​വ​സ്ഥ​ക​ളു​ടെ​യും കേ​ന്ദ്ര​ബി​ന്ദു എ​ന്ന​താ​ണ് സ​ഭ​യു​ടെ അ​ച​ഞ്ച​ല​മാ​യ നി​ല​പാ​ട്. രാ​ഷ്‌​ട്ര​വും ഭ​ര​ണ​കൂ​ട​വും രാ​ഷ്‌​ട്രീ​യ പ്ര​സ്ഥാ​ന​ങ്ങ​ളും മ​നു​ഷ്യ​നെ സേ​വി​ക്കാ​നു​ള്ള ഉ​പാ​ധി​ക​ളാ​ണ്; മ​റി​ച്ച്, മ​നു​ഷ്യ​ൻ അ​വ​യു​ടെ കേ​വ​ല ഉ​പ​ക​ര​ണ​ങ്ങ​ള​ല്ല.

ഇ​ന്ത്യ​ൻ ഭ​ര​ണ​ഘ​ട​ന​യും ഇ​തേ അ​ടി​സ്ഥാ​ന​ധാ​ർ​മി​ക​ത​യാ​ണ് ഉ​യ​ർ​ത്തി​പ്പി​ടി​ക്കു​ന്ന​ത്. സ്വാ​ത​ന്ത്ര്യം, സ​മ​ത്വം, സാ​ഹോ​ദ​ര്യം, നീ​തി എ​ന്നീ മൂ​ല്യ​ങ്ങ​ൾ നി​യ​മ​പ​ര​മാ​യ ആ​ശ​യ​ങ്ങ​ൾ മാ​ത്ര​മ​ല്ല; വൈ​വി​ധ്യ​ങ്ങ​ളെ ആ​ദ​രി​ച്ചു​കൊ​ണ്ട് ഒ​രു​മി​ച്ച് ജീ​വി​ക്കാ​ൻ പ​ഠി​ച്ച ഒ​രു ജ​ന​ത​യു​ടെ ധാ​ർ​മി​ക ഉ​ട​മ്പ​ടി​യാ​ണ്. വി​വി​ധ മ​ത​ങ്ങ​ളും ഭാ​ഷ​ക​ളും സം​സ്കാ​ര​ങ്ങ​ളും സ​ഹ​വ​ർ​ത്തി​ത്വ​ത്തോ​ടെ ജീ​വി​ക്ക​ണ​മെ​ന്ന പ്ര​തി​ജ്ഞ​യാ​ണ് ഇ​ന്ത്യ​ൻ ഭ​ര​ണ​ഘ​ട​ന. അ​തു​കൊ​ണ്ടു​ത​ന്നെ, ഭ​ര​ണ​ഘ​ട​നാ മൂ​ല്യ​ങ്ങ​ൾ സം​ര​ക്ഷി​ക്ക​പ്പെ​ടാ​ൻവേ​ണ്ടി നി​ല​കൊ​ള്ളു​ന്ന​ത് സ​ഭ​യു​ടെ പ്ര​ഥ​മ​വും പ്ര​ധാ​ന​വു​മാ​യ സ​ഭാ​ത്മ​ക​ത്വ​ത്തി​ന്‍റെ ക​ട​മകൂ​ടി​യാ​ണ്.

അ​തേ​സ​മ​യം, സ​മീ​പ​കാ​ല​ത്ത് ശ​ക്തി​പ്രാ​പി​ച്ച സാം​സ്കാ​രി​ക ദേ​ശീ​യ​ത ഇ​ന്ത്യ​യു​ടെ ദേ​ശീ​യ ഐ​ക്യ​ത്തെ ഒ​രു പ്ര​ത്യേ​ക സാം​സ്കാ​രി​ക പാ​ര​മ്പ​ര്യ​ത്തി​ലൂ​ടെ മാ​ത്രം നി​ർ​വ​ചി​ക്കാ​ൻ ശ്ര​മി​ക്കു​മ്പോ​ൾ, വ്യ​ത്യ​സ്ത വി​ശ്വാ​സ​ങ്ങ​ളു​ടെ​യും സം​സ്കാ​ര​ങ്ങ​ളു​ടെ​യും സാ​ധു​ത​യും നി​ല​നി​ൽ​പും ചോ​ദ്യം ചെ​യ്യ​പ്പെ​ടു​ന്നു.

രാ​ജ്യ​ത്തോ​ടു​ള്ള ആ​ത്മാ​ഭി​മാ​ന​വും ച​രി​ത്ര​ബോ​ധ​വും വ​ള​ർ​ത്തേ​ണ്ട​തി​ന്‍റെ ആ​വ​ശ്യ​ക​ത ആ​രും നി​ഷേ​ധി​ക്കു​ന്നി​ല്ല. സ്വ​ന്തം നാ​ടി​ന്‍റെ പൈ​തൃ​ക​ത്തെ സ്നേ​ഹി​ക്കു​ക​യും സം​ര​ക്ഷി​ക്കു​ക​യും ചെ​യ്യു​ന്ന​ത് സ്വാ​ഭാ​വി​ക​മാ​ണ്. എ​ന്നാ​ൽ, ഒ​രു പ്ര​ത്യേ​ക സാം​സ്കാ​രി​ക സ്വ​ത്വം രാ​ഷ്‌​ട്ര​ത്തി​ന്‍റെ ഏ​ക ഔ​ദ്യോ​ഗി​ക മാ​ന​ദ​ണ്ഡ​മാ​യി മാ​റു​മ്പോ​ൾ, അ​ത് ന്യൂ​ന​പ​ക്ഷ​ങ്ങ​ളെ ര​ണ്ടാം​കി​ട പൗ​ര​ന്മാ​രാ​ക്കി മാ​റ്റാ​ൻ ഇ​ട​യാ​ക്കും.

വി​വി​ധ ചി​ന്ത​ക​ൾ ത​മ്മി​ലു​ള്ള ജ​നാ​ധി​പ​ത്യ​പ​ര​മാ​യ സം​വാ​ദ​ത്തി​ലാ​ണ് ഇ​ന്ത്യ​യു​ടെ മ​ഹ​ത്വം കു​ടി​കൊ​ള്ളു​ന്ന​ത്. ഗാ​ന്ധി​ജി​യും അം​ബേ​ദ്ക​റും ടാ​ഗോ​റും ത​മ്മി​ൽ അ​ഭി​പ്രാ​യ​വ്യ​ത്യാ​സ​ങ്ങ​ൾ ഉ​ണ്ടാ​യി​രു​ന്നെ​ങ്കി​ലും, അ​ത് ഇ​ന്ത്യ​യു​ടെ ബൗ​ദ്ധി​കമ​ണ്ഡ​ല​ത്തെ സ​മ്പ​ന്ന​മാ​ക്കു​ക​യാ​ണു ചെ​യ്ത​ത്. വി​യോ​ജി​പ്പു​ക​ളെ കാ​യി​ക​മാ​യോ ആ​രോ​പ​ണ​ങ്ങ​ൾ ഉ​ന്ന​യി​ച്ചോ അ​ടി​ച്ച​മ​ർ​ത്താ​ന​ല്ല, കേ​ൾ​ക്കാ​നും സം​വ​ദി​ക്കാ​നു​മു​ള്ള സ​ഹി​ഷ്ണു​ത​യാ​ണ് പ​ക്വ​മാ​യ ഒ​രു ജ​നാ​ധി​പ​ത്യ സ​മൂ​ഹ​ത്തി​ന്‍റെ അ​ട​യാ​ളം. അ​തു​കൊ​ണ്ടു​ത​ന്നെ കെ.​എ​സ്. രാ​ധാ​കൃ​ഷ്ണ​ന്‍റെ ജ​ല്പ​ന​ങ്ങ​ൾ അ​പ​ക്വ​മാ​യ ജ​നാ​ധി​പ​ത്യ വി​ശ്വാ​സ​ത്തി​ന്‍റെ​യും ഭ​ര​ണ​ഘ​ട​ന​യു​ടെ അ​ടി​സ്ഥാ​ന​പ്ര​മാ​ണ​മാ​യ ബ​ഹു​സ്വ​ര​ത​യു​ടെ നി​ഷേ​ധത്തി​ന്‍റെ​യും ദൃ​ഷ്ടാ​ന്ത​മാ​യി എ​ന്നു പ​റ​യാ​തെ​വ​യ്യ.

ഇ​ന്ത്യ​ൻ ജ​നാ​ധി​പ​ത്യ​ത്തി​ന്‍റെ ഭാ​വി ഏ​തെ​ങ്കി​ലും ഒ​രു മ​ത​ത്തി​ന്‍റെ​യോ രാ​ഷ്‌​ട്രീ​യ പാ​ർ​ട്ടി​യു​ടെ​യോ ആ​ധി​പ​ത്യ​ത്തി​ല​ല്ല കു​ടി​കൊ​ള്ളു​ന്ന​ത്. ഭ​ര​ണ​ഘ​ട​ന​യു​ടെ ആ​ത്മാ​വാ​യ സ്വാ​ത​ന്ത്ര്യം, സ​മ​ത്വം, സാ​ഹോ​ദ​ര്യം, നീ​തി, മ​തേ​ത​ര​ത്വം എ​ന്നീ മ​ഹ​ത്താ​യ മൂ​ല്യ​ങ്ങ​ളെ ദൈ​നം​ദി​ന ജീ​വി​ത​ത്തി​ൽ എ​ത്ര​ത്തോ​ളം പ്രാ​വ​ർ​ത്തി​ക​മാ​ക്കി ജീ​വി​ക്കു​ന്നു എ​ന്ന​താ​ണ് പ്ര​ധാ​നം.

സാം​സ്കാ​രി​ക ദേ​ശീ​യ​ത​യു​ടെ ക​ട​ന്നു​ക​യ​റ്റ​ങ്ങ​ൾ​ക്കെ​തി​രേ​യും അ​ടി​ച്ചേ​ൽ​പ്പി​ക്ക​പ്പെ​ടു​ന്ന ഏ​കീ​ക​ര​ണ ശ്ര​മ​ങ്ങ​ൾ​ക്കെ​തി​രേ​യും നി​ല​കൊ​ള്ളു​ന്ന​തോ​ടൊ​പ്പം, ഭ​ര​ണ​ഘ​ട​നാ​പ​ര​മാ​യ ബ​ഹു​സ്വ​ര​ത​യും സം​വാ​ദ മ​നോ​ഭാ​വ​വും സം​ര​ക്ഷി​ക്കു​ക എ​ന്ന​താ​ണ് ഈ ​കാ​ല​ഘ​ട്ട​ത്തി​ൽ എ​ല്ലാ ജ​നാ​ധി​പ​ത്യ​വി​ശ്വാ​സി​ക​ളും ഏ​റ്റെ​ടു​ക്കേ​ണ്ട ഉ​ത്ത​ര​വാ​ദി​ത്വ​വും വെ​ല്ലു​വി​ളി​യും.

(ലേ​ഖ​ക​ൻ കേ​ര​ള സ​ർ​വ​ക​ലാ​ശാ​ല​യി​ൽ സോ​ഷ്യോ​ള​ജി പ്ര​ഫ​സ​റും വ​കു​പ്പ് മേ​ധാ​വി​യു​മാ​യി​രു​ന്നു)

Tags : Threat Democracy CulturalNationalism Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash