കാസര്‍ഗോഡ്: അടിസ്ഥാനസൗകര്യ വികസനത്തിന് ഊന്നല്‍ നല്‍കി കാസര്‍ഗോഡ് നഗരസഭ ബജറ്റ്. 57,54,25, 887 രൂപ വരവും, 51,98,88,528 രൂപ ചെലവും, 5,55,37,359 രൂപ നീക്കിയിരിപ്പും പ്രതീക്ഷിക്കുന്ന ബജറ്റാണ് വൈസ് ചെയര്‍പേഴ്‌സണ്‍ ഷംസീദ ഫിറോസ് അവതരിപ്പിച്ചത്.
പ്രധാന നിര്‍ദേശങ്ങള്‍
*ഹൈമാസ്റ്റ്, ലോ മാസ്റ്റ് ലൈറ്റുകളുടെ പരിപാലനത്തിന് 15 ലക്ഷം, നഗരത്തിലെ ഡിവൈഡറുകളിലെ തെരുവുവിളക്കുകളുടെ പരിപാലനത്തിന് 10 ലക്ഷം, വാര്‍ഡുകളില്‍ സ്ഥാപിച്ചിട്ടുള്ള തെരുവു വിളക്കുകളുടെ പരിപാലനത്തിനായി 50 ലക്ഷം.
* വിവിധ വാര്‍ഡുകളില്‍ സ്ട്രീറ്റ് ലൈന്‍ ദീര്‍ഘിപ്പിക്കുന്നതിന് 20 ലക്ഷം.
* അമൃത് പദ്ധതിയില്‍ ഉള്‍പ്പെടുത്തി നെല്ലിക്കുന്ന് കടപ്പുറം തീരപ്രദേശങ്ങളില്‍ കുടിവെള്ളം എത്തിക്കാന്‍ 1,33,12,525 രൂപ.
* മുനിസിപ്പല്‍ സ്റ്റേഡിയത്തിന്‍റെ സൗകര്യങ്ങള്‍ വര്‍ധിപ്പിക്കും.
* സ്‌കൂള്‍ കളിസ്ഥലങ്ങള്‍ വികസിപ്പിക്കുന്നതിന് 10 ലക്ഷം.
* ചാല വോളിബോള്‍ സ്റ്റേഡിയത്തിലെ ജിംനേഷ്യത്തിന് 10 ലക്ഷം രൂപ.
* ആയുര്‍വേദ ആശുപത്രിയുടെ കെട്ടിട നവീകരണത്തിന് 12 ലക്ഷവും ലിഫ്റ്റ് സൗകര്യം ഒരുക്കുന്നതിന് 25 ലക്ഷവും ലാബ് സൗകര്യമുള്‍പ്പെടെയുള്ള പ്രവര്‍ത്തികള്‍ക്ക് 20 ലക്ഷം രൂപ.
* എബിസി പദ്ധതിക്ക് നാലു ലക്ഷം.
* കാഴ്ച പരിമിതി നേടുന്നവര്‍ക്ക് തൊഴില്‍ പരിശീലനകേന്ദ്രം നിര്‍മിക്കുന്നതിന് 10 ലക്ഷം.