10

തെ​ന്നി​ന്ത്യ​ൻ താ​രം ര​വി മോ​ഹ​ൻ (ജ​യം ര​വി) വ്യക്തിപരമായ കാരണങ്ങളാൽ സിനിമയിൽനിന്നു വിട്ടുനിൽക്കുകയായിരുന്നു. സിനിമയിൽനിന്നു മാത്രമല്ല, പൊതുവേദികളിൽനിന്നുപോലും താരം മാറിനിന്നു. എന്നാൽ, കഴിഞ്ഞദിവസം ചെ​ന്നൈ​യി​ൽ ന​ട​ന്ന ജെ​എ​ഫ്​ഡ​ബ്ല്യു പു​ര​സ്കാ​ര ച​ട​ങ്ങി​ൽ സിനിമയിൽനിന്നു വിട്ടുനിന്നതിൽ ആ​രാ​ധ​ക​രോ​ട് പ​ര​സ്യ​മാ​യി മാ​പ്പ് ചോ​ദി​ച്ചിരിക്കുകയാണ് താരം. വേദിയിൽ ഏറെ വി​കാ​രാ​ധീ​ന​നാ​യാണ് താരം സംസാരിച്ചത്. സി​നി​മ​യി​ൽനി​ന്ന് താത്കാ​ലി​ക​മാ​യി വി​ട്ടു​നി​ൽ​ക്കു​മെ​ന്ന ത​ന്‍റെ മു​ൻ പ്ര​ഖ്യാ​പ​നം തി​രു​ത്തുകയാണെന്നും ശക്തമായി കാമറയുടെ മുന്നിലേക്കു തിരിച്ചെത്തുമെന്നും ജ‍യം രവി വ്യക്തമാക്കി.
‌
തന്‍റെ ജീ​വി​ത​ത്തി​ന്‍റെ പ​കു​തി​യും സി​നി​മ​യ്ക്കാ​യി മാ​റ്റി​വ​ച്ചു. കു​റ​ച്ചു​കാ​ല​മാ​യി തു​ട​രു​ന്ന വി​വാ​ഹ​മോ​ച​ന​ക്കേ​സു​ക​ളും വ്യ​ക്തി​പ​ര​മാ​യ പ്ര​തി​സ​ന്ധി​ക​ളും കാ​ര​ണം മാ​ന​സി​ക​മാ​യി ഏ​റെ ത​ള​ർ​ന്ന ഘ​ട്ട​ത്തി​ലാ​ണ് സി​നി​മ​യി​ൽനി​ന്നു മാ​റി​നി​ൽ​ക്കാ​ൻ താ​ൻ തീ​രു​മാ​നി​ച്ചത്. എ​ന്നാ​ൽ, ആ ​വൈ​കാ​രി​ക തീ​രു​മാ​നം ത​ന്നെ സ്നേ​ഹി​ക്കു​ന്ന ഒ​ട്ടേ​റെ​പ്പേ​രെ വേ​ദ​നി​പ്പി​ച്ചെ​ന്നും അ​തി​ൽ ത​നി​ക്കു വ​ലി​യ ഖേ​ദ​മു​ണ്ടെ​ന്നും താ​രം തു​റ​ന്നു​പ​റ​ഞ്ഞു:

ഇ​ന്നു നി​ങ്ങ​ളു​ടെ എ​ല്ലാ​വ​രു​ടെ​യും മു​ന്നി​ൽ ഞാ​ൻ മു​ട്ടു​കു​ത്തി മാ​പ്പ് ചോ​ദി​ക്കു​ന്നു. സി​നി​മ​യെ​യോ, നി​ങ്ങ​ളെ​യോ, എ​ന്നെ സ്നേ​ഹി​ക്കു​ന്ന ആ​രാ​ധ​ക​രെ​യോ ഞാ​ൻ ഇ​നി ഒ​രി​ക്ക​ലും ച​തി​ക്കി​ല്ലെ​ന്ന് ഞാ​ൻ വാ​ക്ക് ന​ൽ​കു​ന്നു. ഞാ​ൻ തീ​ർ​ച്ച​യാ​യും തി​രി​ച്ചു​വ​രും, യ​ഥാ​ർഥത്തി​ൽ ഞാ​ൻ തി​രി​ച്ചു​വ​ന്നു​ക​ഴി​ഞ്ഞു- ജയം രവി പറഞ്ഞു.

താ​ൻ സി​നി​മ പൂ​ർ​ണ​മാ​യി ഉ​പേ​ക്ഷി​ക്കാ​ൻ ആ​ഗ്ര​ഹി​ച്ച നി​മി​ഷ​ത്തി​ൽ കൂ​ടെ​നി​ന്ന​ത് സി​നി​മാ മേ​ഖ​ല​യി​ലെ സ​ഹ​പ്ര​വ​ർ​ത്ത​ക​രും ആ​രാ​ധ​ക​രു​മാ​ണെ​ന്ന് താ​രം വെ​ളി​പ്പെ​ടു​ത്തി. സി​നി​മ​യി​ലേ​ക്കു​ള്ള ശ​ക്ത​മാ​യ തി​രി​ച്ചു​വ​ര​വിന്‍റെ ഭാ​ഗ​മാ​യി വ​ലി​യ പ്രോ​ജ​ക്റ്റു​ക​ളാ​ണ് ര​വി മോ​ഹ​ന്‍റേ​താ​യി അ​ണി​യ​റ​യി​ൽ ഒ​രു​ങ്ങു​ന്ന​ത്. ആ​ദ്യ​മാ​യി സം​വി​ധാ​നം ചെ​യ്യു​ന്ന ആ​ൻ ഓ​ർ​ഡി​ന​റി മാ​ൻ എ​ന്ന ചി​ത്ര​ത്തി​ന്‍റെ തി​ര​ക്കു​ക​ളി​ലാ​ണ് താരം.

Tags : Entertainment Movies RaviMohan Kollywood