നടി അന്സിബ ഹസന്റെ പരാതി കേള്ക്കാന് താരസംഘടനയായ അമ്മ പുതിയ തര്ക്കപരിഹാര സമിതി രൂപീകരിച്ചു. രമേശ് പിഷാരടി, പൊന്നമ്മ ബാബു, മുത്തുമണി എന്നിവരാണ് സമിതിയിലുള്ളത്. പ്രസിഡന്റ് ശ്വേത മേനോനും സെക്രട്ടറി കുക്കു പരമേശ്വരനും ഈ സമിതിയുടെ ഭാഗമാണ്.
തന്റെ പരാതി കേള്ക്കാന് രമേശ് പിഷാരടി, ധ്യാന് ശ്രീനിവാസന്, മാല പാര്വതി എന്നിവര് അടങ്ങുന്ന ഒരു പ്രത്യേക സമിതി രൂപീകരിക്കണമെന്ന് അന്സിബ അമ്മ നേതൃത്വത്തോട് ആവശ്യപ്പെട്ടിരുന്നു. ഇതിനെ തുടര്ന്നാണ് പുതിയ സമിതി രൂപീകരിച്ചത്. അന്സിബ ആവശ്യപ്പെട്ടവരില് രമേശ് പിഷാരടി മാത്രമാണ് സമിതിയിലുള്ളത്.
അതേസമയം, അന്സിബ പോലീസില് നല്കിയ പരാതികളില് പ്രാഥമിക അന്വേഷണം ആരംഭിച്ചിട്ടുണ്ട്. നടന് ടിനി ടോമിനെതിരെ നല്കിയ പരാതിയില് പ്രഥാമിക അന്വേഷണം കടവന്ത്ര പോലീസ് ആരംഭിച്ചു. തിങ്കളാഴ്ച അന്സിബയുടെ മൊഴി എടുക്കും. തന്നെ മതതീവ്രവാദിയാക്കാന് ശ്രമിച്ചുവെന്ന് ചൂണ്ടിക്കാണിച്ചാണ് അന്സിബ ടിനി ടോമിനെതിരെ പരാതി നല്കിയത്.
നടി ലക്ഷ്മിപ്രിയക്കെതിരെയാണ് അന്സിബ ആദ്യം പരാതി നല്കിയത്. ലക്ഷ്മിപ്രിയ നല്കിയ പരാതിയില് തൃപ്പൂണിത്തുറ സ്റ്റേഷനില് വിളിച്ചു വരുത്തി മൂന്ന് മണിക്കൂറോളം സ്റ്റേഷനിലിരുത്തി വനിത എസ്ഐ രേഷ്മയും നടിയും തന്നെ മാനസികമായി പീഡിപ്പിച്ചു എന്നാണ് അന്സിബയുടെ പരാതി.
പരാതിയില് തൃക്കാക്കര അസിസ്റ്റന്റ് കമ്മീഷണറുടെ ഓഫീസിലെത്തി ലക്ഷ്മിപ്രിയയും എസ്ഐയും മൊഴി നല്കിയിരുന്നു. അതേസമയം, അന്സിബയുടെ പരാതിയില് അന്വേഷണം നടത്താന് താരസംഘടനയായ അമ്മയില് ഒരു പ്രത്യേക കമ്മിറ്റി രൂപീകരിച്ചിട്ടുണ്ട്.
Tags : Muthumani Ponnamma Babu Ramesh Pisharadi ansiba