സംഭവത്തിന്റെ വീഡിയോ ദൃശ്യത്തിൽ നിന്ന്
ന്യൂഡൽഹി: അതീവസുരക്ഷാ മേഖലയായ ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിലേക്ക് യാത്രാരേഖകളില്ലാതെ അതിക്രമിച്ചു കടക്കാൻ ശ്രമിച്ച യുവാവിനെ സിഐഎസ്എഫ് പിടികൂടി. ബുധനാഴ്ച ഉച്ചയ്ക്ക് മൂന്നോടെയാണ് സംഭവം. ഹരിയാന സ്വദേശിയായ യുവാവിനെ തുടർ ചോദ്യം ചെയ്യലിനായി ഡൽഹി പൊലീസിന് കൈമാറിയതായി ഉദ്യോഗസ്ഥർ അറിയിച്ചു.
ടെർമിനൽ-3-ന്റെ ഡിപ്പാർച്ചർ ഗേറ്റിലൂടെ മതിയായ യാത്രാരേഖകളില്ലാതെ ഇയാൾ ബലംപ്രയോഗിച്ച് അകത്തേക്ക് കടക്കാൻ ശ്രമിക്കുകയായിരുന്നു. സുരക്ഷാ ഉദ്യോഗസ്ഥർ തടയാൻ ശ്രമിച്ചെങ്കിലും അവരെ പിടിച്ചുതള്ളിയ ശേഷം ഇയാൾ അകത്തേക്ക് ഓടിക്കയറുകയായിരുന്നു. തുടർന്ന് മറ്റ് ഉദ്യോഗസ്ഥരും ക്വിക്ക് റിയാക്ഷൻ ടീമും ചേർന്ന് നിമിഷങ്ങൾക്കുള്ളിൽ ഇയാളെ കീഴ്പ്പെടുത്തുകയായിരുന്നു.
സംഭവത്തിന്റെ വീഡിയോ ദൃശ്യങ്ങൾ സിഐഎസ്എഫ് എക്സിൽ പങ്കുവെച്ചിട്ടുണ്ട്. പ്രവേശന കവാടത്തിൽ ഉദ്യോഗസ്ഥർ തടയാൻ ശ്രമിക്കുന്നതും യുവാവ് തള്ളിമാറ്റി അകത്തേക്ക് കയറുന്നതും തുടർന്ന് സായുധനായ സിഐഎസ്എഫ് ജവാൻ ഉൾപ്പെടെ ചേർന്ന് ഇയാളെ പിടികൂടുന്നതും വീഡിയോയിൽ കാണാം.
യുവാവിന്റെ ബാഗിൽ നിന്ന് ചില തിരിച്ചറിയൽ രേഖകളും വിദ്യാഭ്യാസ സർട്ടിഫിക്കറ്റുകളും കണ്ടെടുത്തിട്ടുണ്ട്. അനധികൃത പ്രവേശനം തടയുന്നതിലൂടെ വൻ സുരക്ഷാ വീഴ്ചയാണ് ഒഴിവായതെന്ന് സിഐഎസ്എഫ് വ്യക്തമാക്കി.
മതിയായ യാത്രാരേഖകളും തിരിച്ചറിയൽ കാർഡും പരിശോധിച്ച ശേഷമാണ് യാത്രക്കാരെ ടെർമിനലിനുള്ളിലേക്ക് കടത്തിവിടുന്നത്. ജീവനക്കാർക്കും തിരിച്ചറിയൽ രേഖ നിർബന്ധമാണ്. ആയിരക്കണക്കിന് ആഭ്യന്തര, അന്താരാഷ്ട്ര യാത്രക്കാർ ദിവസവും എത്തുന്ന ഡൽഹി വിമാനത്താവളത്തിന് സായുധ ഭീകരവിരുദ്ധ സുരക്ഷയൊരുക്കുന്നത് സിഐഎസ്എഫാണ്.
Alert CISF Personnel Foil Forceful Entry Attempt at IGI Airport, Delhi! Displaying exceptional alertness and prompt response, CISF personnel deployed at Departure Gate of Terminal-3, IGI Airport, swiftly apprehended an individual attempting to forcibly enter the terminal without valid travel documents. With the timely assistance of QRT personnel, the individual was intercepted within seconds, preventing unauthorised entry and averting a potential security breach. The swift and coordinated action reflects the alertness, professionalism and operational preparedness of CISF personnel in safeguarding airport security. @HMOIndia @RamMNK @CISFAirport
— CISF (@CISFHQrs) November 18, 2026
യുവാവിന്റെ ബാഗിൽ നിന്ന് ചില തിരിച്ചറിയൽ രേഖകളും വിദ്യാഭ്യാസ സർട്ടിഫിക്കറ്റുകളും കണ്ടെടുത്തിട്ടുണ്ട്. അനധികൃത പ്രവേശനം തടയുന്നതിലൂടെ വൻ സുരക്ഷാ വീഴ്ചയാണ് ഒഴിവായതെന്ന് സിഐഎസ്എഫ് വ്യക്തമാക്കി.
മതിയായ യാത്രാരേഖകളും തിരിച്ചറിയൽ കാർഡും പരിശോധിച്ച ശേഷമാണ് യാത്രക്കാരെ ടെർമിനലിനുള്ളിലേക്ക് കടത്തിവിടുന്നത്. ജീവനക്കാർക്കും തിരിച്ചറിയൽ രേഖ നിർബന്ധമാണ്. ആയിരക്കണക്കിന് ആഭ്യന്തര, അന്താരാഷ്ട്ര യാത്രക്കാർ ദിവസവും എത്തുന്ന ഡൽഹി വിമാനത്താവളത്തിന് സായുധ ഭീകരവിരുദ്ധ സുരക്ഷയൊരുക്കുന്നത് സിഐഎസ്എഫാണ്
Tags : detained Forcibly Delhi Airport