31

ല​ക്നോ: ഹ​രി​യാ​ൻ​വി ഗാ​യ​ക​നും യൂ​ട്യൂ​ബ​റു​മാ​യ അ​ങ്കി​ത് ബാ​ലി​യാ​ന്‍റെ കൊ​ല​പാ​ത​ക കേ​സി​ലെ പ്ര​ധാ​ന പ്ര​തി​ക​ളെ​ന്ന് സം​ശ​യി​ക്കു​ന്ന ര‌​ണ്ട് പേ​രെ പോ​ലീ​സ് ഏ​റ്റു​മു​ട്ട​ലി​ലൂ​ടെ കൊ​ല​പ്പെ​ടു​ത്തി. ഉ​ത്ത​ർ​പ്ര​ദേ​ശ് പോ​ലീ​സും ഉ​ത്ത​ർ​പ്ര​ദേ​ശ് സ്പെ​ഷ്യ​ൽ ടാ​സ്ക് ഫോ​ഴ്സും ചേ​ർ​ന്നാ​ണ് ഗോ​ഗി സം​ഘ​ത്തി​ൽ ഉ​ൾ​പ്പെ​ടു​ന്ന​വ​രെ​ന്ന് ആ​രോ​പി​ക്ക​പ്പെ​ടു​ന്ന സു​മി​ത്, മോ​ഹി​ത് എ​ന്നി​വ​രെ കൊ​ല്ല​പ്പെ​ടു​ത്തി​യ​ത്.

പോ​ലീ​സി​ന് നേ​രെ പ്ര​തി​ക​ൾ വെ​ടി​യു​തി​ർ​ത്ത​തി​നെ തു​ട​ർ​ന്നാ​ണ് ആ​ക്ര​മ​ണം ഉ​ണ്ടാ​യ​തെ​ന്ന് ഷാം​ലി എ​സ്പി ന​രേ​ന്ദ്ര പ്ര​താ​പ് സിം​ഗ് പ​റ​ഞ്ഞു. കൊ​ല​യാ​ളി സം​ഘ​ത്തി​ൽ ഉ​ൾ​പ്പെ​ട്ട മ​റ്റ് ര​ണ്ടു​പേ​ർ​ക്കാ​യു​ള്ള തെ​ര​ച്ചി​ൽ ഊ​ർ​ജി​ത​മാ​ക്കി​യി​ട്ടു​ണ്ട്.

ഈ ​മാ​സം 26-നാ​ണ് ഉ​ത്ത​ർ​പ്ര​ദേ​ശി​ലെ ഷാം​ലി​യി​ൽ അ​ങ്കി​ത് ബാ​ലി​യാ​നെ കൊ​ല​പ്പെ​ടു​ത്തി​യ​ത്. ജി​മി​ൽ​നി​ന്ന് വ്യാ​യാ​മം ക​ഴി​ഞ്ഞ് ഇ​റ​ങ്ങി​വ​ന്ന അ​ങ്കി​ത് ബാ​ലി​യാ​നു നേ​രെ ര​ണ്ട് ബൈ​ക്കു​ക​ളി​ലാ​യി എ​ത്തി​യ നാ​ലം​ഗ സം​ഘം വെ​ടി​യു​തി​ർ​ക്കു​ക​യാ​യി​രു​ന്നു.

കൊ​ല​പാ​ത​ക​ത്തി​ന് ശേ​ഷം ആ​ക്ര​ണ​ത്തി​ന്‍റെ ഉ​ത്ത​ര​വാ​ദി​ത്തം ഏ​റ്റെ​ടു​ത്ത് ഗോ​ഗി സം​ഘ​ത്തി​ലെ അം​ഗ​മാ​ണെ​ന്ന് അ​വ​കാ​ശ​പ്പെ​ട്ട ഒ​രാ​ൾ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ രം​ഗ​ത്തെ​ത്തി​യി​രു​ന്നു. അ​തേ​സ​മ​യം, പ്ര​തി​ക​ളെ നാ​ല് ദി​വ​സ​ത്തി​ന​കം പി​ടി​കൂ​ടി​യി​ല്ലെ​ങ്കി​ൽ മു​ഖ്യ​മ​ന്ത്രി​യു​ടെ വ​സ​തി​ക്ക് മു​ന്നി​ൽ ജീ​വ​നൊ​ടു​ക്കു​മെ​ന്ന് അ​ങ്കി​ത് ബാ​ലി​യാ​ന്‍റെ ഭാ​ര്യ ഭീ​ഷ​ണി മു​ഴ​ക്കി​യി​രു​ന്നു. സം​ഭ​വ​ത്തെ തു​ട​ർ​ന്ന് ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ർ അ​ങ്കി​ത് ബാ​ലി​യാ​ന്‍റെ വീ​ട്ടി​ലെ​ത്തി കു​ടും​ബാം​ഗ​ങ്ങ​ളെ സ​ന്ദ​ർ​ശി​ച്ചി​രു​ന്നു.

Tags : Deepika BreakingNews Crime Police Singer