നാപോളി: ഇറ്റലിയിലെ സലെർണോ പ്രൊവിൻസിൽ നോചെറ ഇൻഫെരിയോറേയിൽ മലയാളികളുടെ ക്ഷേമപ്രവർത്തനങ്ങൾ ലക്ഷ്യമിട്ട് അസോസിയേഷൻ ഓഫ് തണൽ ഇറ്റലി രൂപീകരിച്ചു.
നൊചെറ ഇൻഫീരിയോറിലെ ഡയാന ഹാളിൽ നടന്ന രൂപീകരണയോഗം പ്രസിഡന്റ് റീതാ പുന്നയ്ക്കലിന്റെ അധ്യക്ഷതയിൽ റവ.ഫാ. ജോബി ചെർകോട്ട് ഉദ്ഘാടനം ചെയ്തു.
ലാലു മൈക്കിൾ, രക്ഷാധികാരി ഡോ. പൗലോ അറ്റിയാൻസ്, ഡോ. ഓറിക്കോ കർമിനെ, അമേലിയ വില്ലനി, ജെയിംസ് പാറക്ക, ജിയോ ഏലിയാസ് എന്നിവർ സംസാരിച്ചു.

രക്തദാനക്യാമ്പുകൾ, ആരോഗ്യ ബോധവത്കരണ ക്ലാസുകൾ എന്നിവ സംഘടിപ്പിക്കാൻ തീരുമാനിച്ചു. ഇൻഷുറൻസ് സ്കീമുകൾ, പ്രവാസി പെൻഷൻ എന്നിവയെക്കുറിച്ച് ബോധവത്കരണം നടത്തും.
ജോലിസ്ഥലത്തും അല്ലാതെയും മലയാളികൾക്ക് ഉണ്ടാകുന്ന ചുഷണങ്ങളെ നേരിടാനുള്ള നിയമോപദേശം ഉൾപ്പെടെ സാമൂഹ്യപ്രശ്നങ്ങളിൽ പരിഹാരത്തിന് ഇടപെടുമെന്ന് സംഘടന അറിയിച്ചു.
Tags : association of thanal italy gulf news