2

കാ​ൻ​ബ​റ: പു​ര​സ്കാ​ര നി​റ​വി​ൽ ഡാ​ർ​വി​ൻ പ​ള്ളി വി​കാ​രി ഫാ.​ഡോ. ജോ​ൺ പു​തു​വ​യു​ടെ ക​ന്നി ചി​ത്ര​മാ​യ സം​സ്കൃ​ത സി​നി​മ "ഏ​കാ​കി'. ട്രാ​വ​ൻ​കൂ​ർ ഇ​ന്‍റ​ർ​നാ​ഷ​ണ​ൽ ഫി​ലിം അ​വാ​ർ​ഡി​ൽ ബെ​സ്റ്റ് ഇ​ന്ത്യ​ൻ ഫീ​ച്ച​ർ ഫി​ലിം ആ​യി ഏ​കാ​കി തെ​ര​ഞ്ഞെ​ടു​ത്തു.

നേരത്തെ, ഫി​ലിം ക്രി​ട്ടി​ക്സ് അ​വാ​ർ​ഡ് ഉ​ൾ​പ്പെ​ടെ നി​ര​വ​ധി പു​ര​സ്കാ​ര​ങ്ങ​ൾ ചിത്രത്തെ തേ​ടി​യെ​ത്തി​യി​രു​ന്നു. പു​തു​വ ഫി​ലിം​സി​ന്‍റെ ബാ​ന​റി​ൽ നി​ർ​മി​ച്ച ഏ​കാ​കി​യു​ടെ സം​വി​ധാ​ന​ത്തിനൊപ്പം നി​ർ​മാ​ണ​വും നി​ർ​വ​ഹി​ച്ചതും ഫാ. ​ജോ​ൺ പു​തു​വ​യാണ്.

ക​ഥ​യും തി​ര​ക്ക​ഥ​യും പ്ര​സാ​ദ് പാ​റ​പ്പു​റം തയാറാക്കി. സം​സ്കൃ​ത​ത്തി​ലേക്ക് മൊഴിമാറ്റിയത് അ​യ്യ​മ്പു​ഴ ഹ​രി​കു​മാ​റാണ്. സം​സ്കൃ​ത​ത്തി​ന്‍റെ ഈ​റ്റി​ല്ലമാ​യ കാ​ല​ടി​യി​ൽ വ​ച്ച് ത​ന്നെ​യി​രു​ന്നു ഷൂ​ട്ടിം​ഗ് പൂ​ർ​ത്തി​യാ​ക്കി​യ​ത്.

സി​നി​മ ഒ​രു വി​നോ​ദ​മ​ല്ല സ​മൂ​ഹ​ത്തി​ൽ ന​ന്മ​നി​റ​യു​ന്ന സ​ന്ദേ​ശ​ങ്ങ​ൾ പ​ക​രു​ക​യാ​ണ് ല​ക്ഷ്യ​മെ​ന്ന് എ​റ​ണാ​കു​ളം ചു​ള്ളി സ്വ​ദേ​ശി​യും ഇ​പ്പോ​ൾ ഓ​സ്ട്രേ​ലി​യ​യി​ലെ ഡാ​ർ​വി​ൻ പ​ള്ളി വി​കാ​രി​യു​മാ​യ ഫാ. ജോ​ൺ പു​തു​വ പ​റ​ഞ്ഞു.

ഒ​രു ക​ഥാ​പാ​ത്രം മാ​ത്രം അ​ഭി​ന​യി​ച്ച ഇ​ന്ത്യ​യി​ലെ ആ​ദ്യ സം​സ്കൃ​ത സി​നി​മ​യെ​ന്ന പ്ര​ത്യേ​ക​ത​യും ഏ​കാ​കി​ക്ക് ഉ​ണ്ട്. നാ​ട​ക​ത്തി​നും ബാ​ലേ​യ്ക്കും വേ​ണ്ടി ജീ​വി​തം ഉ​ഴി​ഞ്ഞു​വ​ച്ച തി​രു​നാ​രാ​യ​ണ​പു​രം വാ​സു​ദേ​വ​ൻ എ​ന്ന ക​ഥാ​പാ​ത്ര​ത്തിന്‍റെ ജീ​വി​ത​മാ​ണ് സി​നി​മ പ​റ​യു​ന്ന​ത്.

ക​ലാ​കാ​ര​ൻ നേ​രി​ടേ​ണ്ടി വ​രു​ന്ന പ്ര​തി​സ​ന്ധി​ക​ളും അ​തി​ജീ​വ​ന​ത്തി​ന്‍റെ ആ​കു​ല​ത​ക​ളും സി​നി​മ ച​ർ​ച്ച ചെ​യ്യു​ന്നു. 500ലേ​റെ എ​പ്പി​സോ​ഡ് ഡോ​ക്യു​മെ​ന്‍റ​റി​ക​ൾ സം​വി​ധാ​നം ചെ​യ്ത പു​തു​വ​യു​ടെ ആ​ദ്യ സി​നി​മ ത​ന്നെ ഏ​റെ ച​ർ​ച്ച ചെ​യ്യ​പ്പെ​ടു​ക​യും നി​ര​വ​ധി പു​ര​സ്ക്കാ​ര​ങ്ങ​ൾ നേ​ടു​ക​യും ചെ​യ്തു.

നി​സ്വാ​ർ​ഥ​നാ​യ ഒ​രു വൈ​ദി​കന്‍റെ ജീ​വി​ത​ത്തി​ലേ​ക്ക് ക​ട​ന്നു ചെ​ല്ലു​ന്ന ക​ഥ ഇ​തി​വൃ​ത്ത​മാ​ക്കി​യു​ള്ള പു​തി​യ സി​നി​മ​യു​ടെ പ​ണി​പ്പു​ര​യി​ലാ​ണ് ഫാ. ജോ​ൺ പു​തു​വ​യും പ്ര​സാ​ദ് പാ​റ​പ്പു​റ​വും.

Tags : Ekaki Best Indian Feature Film Fr. John Puthuva Darwin Australia