രാജീവ് ചന്ദ്രശേഖർ
ന്യൂഡൽഹി: കേരള സന്ദർശനത്തിനിടെ കേന്ദ്ര ആഭ്യന്തരമന്ത്രി അമിത് ഷായുടെ സുരക്ഷാ സംവിധാനങ്ങൾ ലംഘിച്ചുകൊണ്ടുള്ള പ്രതിഷേധം അനുവദിക്കാനാകില്ലെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ.
പ്രതിഷേധത്തിന്റെ പേരിൽ നടന്ന സുരക്ഷാലംഘനം ക്രിമിനൽ ഗൂഢാലോചനയുടെ ഭാഗമാണെന്ന് രാജീവ് ചന്ദ്രശേഖർ പറഞ്ഞു. ജനാധിപത്യപരമായ പ്രതിഷേധങ്ങൾക്ക് ബിജെപി എതിരല്ലെന്നും സംസ്ഥാന അധ്യക്ഷൻ വ്യക്തമാക്കി.
പരസ്പരം വഴക്കുണ്ടാക്കാനും ബഹളമുണ്ടാക്കാനുമാണ് സർക്കാരിന് താത്പര്യമെങ്കിൽ അഞ്ച് വർഷവും ബിജെപി പ്രതിഷേധിക്കാൻ തയാറാണ്. എന്നാൽ ഇതിന്റെ ബുദ്ധിമുട്ട് അനുഭവിക്കേണ്ടിവരുന്നത് കേരളത്തിലെ ജനങ്ങളായിരിക്കുമെന്നും എംഎൽഎ അഭിപ്രായപ്പെട്ടു.
കേന്ദ്രസർക്കാരുമായി നല്ല ബന്ധം നിലനിർത്തി സംസ്ഥാനത്തിന് ലഭിക്കേണ്ട കേന്ദ്രപദ്ധതികളും ജനക്ഷേമ പദ്ധതികളും സഹായങ്ങളും ഉറപ്പാക്കുന്നതിനാണ് സർക്കാർ മുൻഗണന നൽകേണ്ടതെന്നും രാജീവ് ചന്ദ്രശേഖർ കൂട്ടിച്ചേർത്തു.
Tags : RajeevChandrasekhar Amit Shah BJP Congress NewDelhi NewsUpdate Headlines