30

മാ​ന്നാ​ർ: ക​നാ​ലി​ലെ വെ​ള്ളം തു​റ​ന്നു​വി​ടാ​തി​രു​ന്ന​ത് ചോ​ദ്യം ചെ​യ്ത വാ​ർ​ഡ് മെ​മ്പ​റെ വെ​ട്ടി​പ്പ​രി​ക്കേ​ൽ​പി​ച്ച കേ​സി​ൽ പ്ര​തി​ക​ൾ​ക്ക് ഏ​ഴ് വ​ർ​ഷം ക​ഠി​ന​ത​ട​വും പി​ഴ​യും. മാ​വേ​ലി​ക്ക​ര അ​ഡീ​ഷ​ണ​ൽ ജി​ല്ലാ ആ​ൻ​ഡ് സെ​ഷ​ൻ​സ് കോ​ട​തി​യാ​ണ് ശി​ക്ഷ വി​ധി​ച്ച​ത്.

ഇ​ര​മ​ത്തൂ​ർ പ​രു​വ​ത്ത​റ​യി​ൽ മ​ഞ്ഞ എ​ന്ന് വി​ളി​ക്കു​ന്ന ര​മ​ണ​ൻ (53), കു​മ​രേ​ത്ത് ജ​യ​ച​ന്ദ്ര​ൻ (42), തോ​പ്പി​ൽ രാ​ജീ​വ് (39), കു​ട്ട​നാ​ട് വെ​ളി​യ​നാ​ട് സ്വ​ദേ​ശി ഷി​ന്‍റോ ബാ​ബു (42) എ​ന്നി​വ​ർ​ക്കാ​ണ് ഏ​ഴ് വ​ർ​ഷം വീ​തം ക​ഠി​ന ത​ട​വും 25,000 രൂ​പ വീ​തം പി​ഴ​യും ശി​ക്ഷ വി​ധി​ച്ച​ത്.

പ​രി​ക്കേ​റ്റ​യാ​ൾ​ക്ക് ഒ​രു ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​കാ​നും കോ​ട​തി ഉ​ത്ത​ര​വാ​യി. 2019 മാ​ർ​ച്ച് 17ന് ​ആ‍​യി​രു​ന്നു കേ​സി​ന് ആ​സ്പ​ദ​മാ​യ സം​ഭ​വം. ചെ​ന്നി​ത്ത​ല മു​ണ്ടോ​ലി​ക്ക​ട​വി​ന് സ​മീ​പം പ​മ്പാ ഇ​റി​ഗേ​ഷ​ൻ പ്രൊ​ജ​ക്ടി​ന്‍റെ സ​ബ് ക​നാ​ൽ ചീ​പ്പ് സ്ഥി​തി ചെ​യ്യു​ന്ന സ്ഥ​ല​ത്താ​യി​രു​ന്നു സം​ഭ​വം.

ചെ​ന്നി​ത്ത​ല-​തൃ​പ്പെ​രു​ന്തു​റ പ​ഞ്ചാ​യ​ത്ത് തീ​രു​മാ​നം അ​വ​ഗ​ണി​ച്ച് ക​നാ​ലി​ലെ വെ​ള്ളം തു​റ​ന്നു​വി​ടു​ന്ന ചീ​പ്പ് പ്ര​തി​ക​ൾ അ​ട​ച്ചു​വ​ച്ച​തി​നെ തു​ട​ർ​ന്ന് ഇ​ത് തു​റ​ന്നു​ന​ൽ​ക​ണ​മെ​ന്ന് വാ​ർ​ഡ് മെ​മ്പ​റാ​യ ഗോ​പാ​ല​കൃ​ഷ്ണ​ൻ ആ​വ​ശ്യ​പ്പെ​ട്ട​താ​ണ് ആ​ക്ര​മ​ണ​ത്തി​ന് കാ​ര​ണ​മാ​യ​ത്.

ഗോ​പാ​ല​കൃ​ഷ്ണ​നെ ത​ട​ഞ്ഞു​നി​ർ​ത്തി കൈ​ക്കോ​ടാ​ലി ഉ​പ​യോ​ഗി​ച്ച് ഇ​ട​തു​കാ​ലി​ൽ വെ​ട്ടു​ക​യും ഇ​രു​മ്പ് പൈ​പ്പ് ഉ​പ​യോ​ഗി​ച്ച് അ​ടി​ക്കു​ക​യും ചെ​യ്തു. ആ​ക്ര​മ​ണ​ത്തി​ൽ ഗോ​പാ​ല​കൃ​ഷ്ണ​ന്‍റെ ക​ണ​ങ്കാ​ൽ അ​റ്റും അ​സ്ഥി ഒ​ടി​ഞ്ഞും ഗു​രു​ത​ര​മാ​യി പ​രി​ക്കേ​റ്റി​രു​ന്നു.

Tags : Alappuzha Mannar Crime Police Investigation CaseFile FIR