18

ഫി​ല​ഡ​ൽ​ഫി​യ: വി​ശാ​ല ഫി​ല​ഡ​ൽ​ഫി​യ റീ​ജി​യ​ണി​ലെ ക​ത്തോ​ലി​ക്ക​രു​ടെ പ്ര​ത്യേ​കി​ച്ച് കേ​ര​ള​ത​നി​മ​യി​ലു​ള്ള സ്നേ​ഹ​കൂ​ട്ടാ​യ്മ​യാ​യ ഇ​ന്ത്യ​ൻ അ​മേ​രി​ക്ക​ൻ കാ​ത്ത​ലി​ക് അ​സോ​സി​യേ​ഷ​ൻ ഓ​ഫ് ഗ്രേ​റ്റ​ർ ഫി​ലാ​ഡ​ൽ​ഫി​യ (ഐ​എ​സി​എ) ഇ​ന്ത്യ​ൻ കാ​ത്ത​ലി​ക് ഹെ​റി​റ്റേ​ജ് ദി​നം വി​വി​ധ പ​രി​പാ​ടി​ക​ളോ​ടെ ആ​ഘോ​ഷി​ക്കു​ന്നു.

മി​ക​ച്ച ആ​ധ്യാ​ത്മി​ക, സാ​മൂ​ഹി​ക പ്ര​വ​ർ​ത്ത​ന​ങ്ങ​ളി​ലൂ​ടെ അ​മേ​രി​ക്ക​ൻ മ​ല​യാ​ളി ക​ത്തോ​ലി​ക്ക​ർ​ക്കു മാ​തൃ​ക​യാ​യി സേ​വ​ന​ത്തി​ന്‍റെ 48 സം​വത്​സ​ര​ങ്ങ​ൾ പൂ​ർ​ത്തി​യാ​ക്കി 2028ൽ ​സു​വ​ർ​ണ​ജൂ​ബി​ലി​യി​ലേ​ക്ക് കു​തി​ക്കു​ന്ന ഫി​ലാ​ഡ​ൽ​ഫി​യ കാ​ത്ത​ലി​ക് അ​സോ​സി​യേ​ഷ​ൻ ഒ​ക്ടോ​ബ​ർ 10 ശ​നി​യാ​ഴ്ച​യാ​ണു "ഒ​രേ വി​ശ്വാ​സം, പ​ല പാ​ര​മ്പ​ര്യ​ങ്ങ​ൾ, ഒ​രു കു​ട​ക്കീ​ഴി​ൽ' എ​ന്ന ആ​പ്ത​വാ​ക്യ​ത്തി​ലൂ​ന്നി ഇ​ന്ത്യ​ൻ ക​ത്തോ​ലി​ക്ക​രു​ടെ പൈ​തൃ​ക​ദി​നാ​ഘോ​ഷ​ങ്ങ​ൾ സം​ഘ​ടി​പ്പി​ക്കു​ന്ന​ത്.

ഒ​ക്ടോ​ബ​ർ 10ന് വൈ​കു​ന്നേ​രം നാ​ലു മു​ത​ൽ ഫി​ലാ​ഡ​ൽ​ഫി​യ സെന്‍റ് ​തോ​മ​സ് സീ​റോ​മ​ല​ബാ​ർ പ​ള്ളി​യി​ൽ (608 Welsh Road, Philadelphia PA 19115) ന​ട​ക്കു​ന്ന ഹെ​റി​റ്റേ​ജ് ദി​നാ​ഘോ​ഷ​ങ്ങ​ളി​ൽ മു​ഖ്യാ​തി​ഥി​യാ​യി പ​ങ്കെ​ടു​ക്കു​ന്ന​ത് സീ​റോ​മ​ല​ങ്ക​ര ക​ത്തോ​ലി​ക്കാ​സ​ഭ​യു​ടെ വ​ട​ക്കേ അ​മേ​രി​ക്ക-​കാ​ന​ഡ എ​ന്നി​വ​യു​ടെ ചു​മ​ത​ല വ​ഹി​ക്കു​ന്ന ബി​ഷ​പ് മാ​ർ ഫീ​ലി​പ്പോ​സ് സ്റ്റെ​ഫാ​നോ​സ് ആ​ണ്.

അ​ന്നേ​ദി​വ​സം നാ​ലിന് ബി​ഷ​പ്പി​ന്‍റെ മു​ഖ്യ കാ​ർ​മി​ക​ത്വ​ത്തി​ലും സ്നേ​ഹ​കൂ​ട്ടാ​യ്‌​മ​യു​ടെ നേ​തൃ​ത്വം വ​ഹി​ക്കു​ന്ന വൈ​ദി​ക​രു​ടെ സ​ഹ​കാ​ർ​മിക​ത്വ​ത്തി​ലും സീ​റോ​മ​ല​ങ്ക​ര റീ​ത്തി​ലു​ള്ള കൃ​ത​ഞ്ജ​താ​ബ​ലി​യ​ർ​പ്പ​ണം ന​ട​ക്കും.

വി​ശി​ഷ്ടാ​തി​ഥി​ക​ൾ​ക്കു സ്വീ​ക​ര​ണം, കൃ​ത​ഞ്ജ​താ​ബ​ലി​യ​ർ​പ്പ​ണം, ദ​മ്പ​തി​മാ​രെ ആ​ദ​രി​ക്ക​ൽ, പൊ​തു​സ​മ്മേ​ള​നം, വി​വി​ധ ക​ലാ​പ​രി​പാ​ടി​ക​ൾ, സ്നേ​ഹ​വി​രു​ന്ന് എ​ന്നി​വ​യാ​ണു ഇ​ന്ത്യ​ൻ ക​ത്തോ​ലി​ക്ക​രു​ടെ ഹെ​റി​റ്റേ​ജ് ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി ന​ട​ത്ത​പ്പെ​ടു​ന്ന​ത്.

ശ്രേ​ഷ്ട​മാ​യ പൈ​തൃ​ക​വും പൂ​ർ​വി​ക​പാ​ര​മ്പ​ര്യ​ങ്ങ​ളും പ്ര​വാ​സ​നാ​ട്ടി​ലും അ​ഭം​ഗു​രം കാ​ത്തു​സൂ​ക്ഷി​ക്കു​ന്ന സീ​റോ​മ​ല​ബാ​ർ, സീ​റോ​മ​ല​ങ്ക​ര, ക്ന‌ാ​നാ​യ, ല​ത്തീ​ൻ ക​ത്തോ​ലി​ക്ക​ർ ഒ​രു കു​ട​ക്കീ​ഴി​ൽ അ​ണി​നി​ര​ന്ന് ഒ​ന്നി​ച്ച​ർ​പ്പി​ക്കു​ന്ന ദി​വ്യ​ബ​ലി​യി​ലേ​ക്കും തു​ട​ർ​ന്നു ന​ട​ക്കു​ന്ന പൊ​തു​സ​മ്മേ​ള​നം, ക​ലാ​സ​ന്ധ്യ, സ്നേ​ഹ​വി​രു​ന്ന് എ​ന്നി​വ​യി​ലേ​ക്കും എ​ല്ലാ മ​ല​യാ​ളി​ക​ളെ​യും ഭാ​ര​വാ​ഹി​ക​ൾ ക്ഷ​ണി​ക്കു​ന്നു.

2026 ജ​നു​വ​രി മു​ത​ൽ ഡി​സം​ബ​ർ വ​രെ​യു​ള്ള കാ​ല​യ​ള​വി​ൽ പു​തു​താ​യി വി​വാ​ഹി​ത​രാ​യ ദ​മ്പ​തി​മാ​രെ​യും 2026ൽ ​ദാ​മ്പ​ത്യ​ജീ​വി​ത​ത്തി​ന്‍റെ ര​ജ​ത ജൂ​ബി​ലി, സു​വ​ർ​ണ​ജൂ​ബി​ലി (25, 50) എ​ന്നീ വി​ശേ​ഷാ​ൽ വി​വാ​ഹ​വാ​ർ​ഷി​ക​ങ്ങ​ൾ ആ​ഘോ​ഷി​ക്കു​ന്ന ദ​മ്പ​തി​മാ​രെ​യും ദി​വ്യ​ബ​ലി​മ​ദ്ധ്യേ ബി​ഷ​പ് ആ​ശീ​ർ​വ​ദി​ക്കു​ക​യും, അ​ഭി​ന​ന്ദി​ക്കു​ക​യും ചെ​യ്യും.

ഫി​ല​ഡ​ൽ​ഫി​യാ അ​തി​രൂ​പ​ത​യു​ടെ കീ​ഴി​ൽ പ്ര​വാ​സി-​അ​ഭ​യാ​ർ​ത്ഥി കാ​ര്യാ​ല​യ​ത്തിന്‍റെ (പാ​സ്റ്റ​റ​ൽ കെ​യ​ർ ഫോ​ർ റ​ഫ്യൂ​ജീ​സ് ആ​ൻഡ് മൈ​ഗ്ര​ന്‍റ്സ്) ചു​മ​ത​ല​വ​ഹി​ക്കു​ന്ന ഡ​യ​റ​ക്ട​ർ സി​സ്റ്റ​ർ ജെ​ർ​ത്രൂ​ഡ് ബോ​ർ​സി​നെ ത​ദ​വ​സ​ര​ത്തി​ൽ ഐഎസിഎ ആ​ദ​രി​ക്കും.

ഉ​പ​രി​പ​ഠ​ന​ത്തി​നും, വൈ​ദ​ഗ്ധ്യ​ജോ​ലി​ക​ൾ​ക്കാ​യും ആ​യി​ര​ത്തി​തൊ​ള്ളാ​യി​ര​ത്തി അ​റു​പ​തു​ക​ളി​ലും എ​ഴു​പ​തു​ക​ളി​ലും അ​മേ​രി​ക്ക​യി​ൽ വി​ശാ​ല​ഫി​ലാ​ഡ​ൽ​ഫി​യാ റീ​ജി​യ​ണി​ൽ കു​ടി​യേ​റി താ​മ​സ​മു​റ​പ്പി​ച്ച മ​ല​യാ​ളി ക​ത്തോ​ലി​ക്ക​ർ 1978ൽ ​ചെ​റി​യ അ​ത്മാ​യ സം​ഘ​ട​ന​യാ​യി തു​ട​ക്ക​മി​ട്ട ഇ​ൻ​ഡ്യ​ൻ കാ​ത്ത​ലി​ക് അ​സോ​സി​യേ​ഷ​ൻ (ഐസിഎ) ​വ​ള​ർ​ച്ച​യു​ടെ പ​ട​വു​ക​ൾ ക​ട​ന്ന് ര​ണ്ടാ​യി​ര​ത്തി​ല​ധി​കം വ​രു​ന്ന വി​ശ്വാ​സി​ക​ളു​ടെ സ്നേ​ഹ​കൂ​ട്ടാ​യ്‌​മ​യാ​യി ഇ​ന്ന് ത​ല​യു​യ​ർ​ത്തി നി​ൽ​ക്കു​ന്നു.

പ്ര​വാ​സി​ക​ളാ​യി അ​മേ​രി​ക്ക​യി​ലെ​ത്തി​യ ആ​ദ്യ​ത​ല​മു​റ​യി​ൽ​പെ​ട്ട സീ​റോ​മ​ല​ബാ​ർ, സീ​റോ​മ​ല​ങ്ക​ര, ക്നാ​നാ​യ, ല​ത്തീ​ൻ കു​ടും​ബ​ങ്ങ​ൾ സ​മൂ​ഹ​വ​ള​ർ​ച്ച​ക്കു ന​ൽ​കി​യി​ട്ടു​ള്ള സം​ഭാ​വ​ന​ക​ൾ വ​ള​രെ വ​ലു​താ​ണ്.

പ്ര​വാ​സ​ജീ​വി​ത​ത്തി​ൽ മാ​തൃ​ഭാ​ഷ​യി​ൽ ബ​ലി​യ​ർ​പ്പി​ക്കാ​ൻ വൈ​ദി​ക​രോ സ്വ​ന്തം ദേ​വാ​ല​യ​ങ്ങ​ളോ ഇ​ല്ലാ​തി​രു​ന്ന കാ​ല​ഘ​ട്ട​ത്തി​ൽ പ്ര​തി​കൂ​ല​സാ​ഹ​ച​ര്യ​ങ്ങ​ളി​ലൂ​ടെ ക​ഠി​നാ​ധ്വാ​നം​ചെ​യ്ത‌് അ​ഞ്ച് ദ​ശാ​ബ്ദ​ക്കാ​ലം സ്വ​ന്തം കു​ടും​ബ​ത്തെ​യും ബ​ന്ധു​ക്ക​ളെ​യും അ​മേ​രി​ക്ക​യി​ലെ​ത്തി​ച്ച് അ​വ​ർ​ക്കു ന​ല്ലൊ​രു ഭാ​വി​യു​ണ്ടാ​ക്കി​കൊ​ടു​ത്ത ആ​ദ്യ​ത​ല​മു​റ​യി​ൽ​പെ​ട്ട മി​ക്ക​വ​രും ത​ന്നെ ഇ​ന്ന് റി​ട്ട​യ​ർ​മെ​ന്‍റ് ജീ​വി​തം ന​യി​ക്കു​ന്ന​വ​രാ​ണു.

സെ​ക്കന്‍റ് ജ​ന​റേ​ഷ​നി​ൽ​നി​ന്നും വൈ​ദി​ക​രെ​യും ക​ന്യാ​സ്ത്രി​ക​ളെ​യും സ​ഭാ​ശു​ശ്രൂ​ഷ​ക്കാ​യി സം​ഭാ​വ​ന ന​ൽ​കി​യി​ട്ടു​ള്ള ഇന്ത്യൻ അ​മേ​രി​ക്ക​ൻ ക​ത്തോ​ലി​ക്ക​ർ ചെ​റു​പ്പ​ക്കാ​രാ​യ ധാ​രാ​ളം പ്ര​ഫ​ഷ​ണ​ലു​ക​ളെ​യും സ​മൂ​ഹ​ത്തി​നു പ്ര​ദാ​നം ചെ​യ്ത് അ​മേ​രി​ക്ക​ൻ സ​മ്പ​ത് വ്യ​വ​സ്ഥ​യ്ക്ക് മു​ത​ൽ​ക്കൂ​ട്ടാ​ക്കി​യി​ട്ടു​ണ്ട്.

ഫി​ലാ​ഡ​ൽ​ഫി​യ ഇന്ത്യൻ ലാ​റ്റി​ൻ കാ​ത്ത​ലി​ക് മി​ഷ​ൻ ഡ​യ​റ​ക്ട​ർ റ​വ.ഫാ. ​ലെ​നി​ൻ ഫെ​ർ​ണാ​ണ്ട​സ് ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​നും സെന്‍റ് ജൂ​ഡ് സീ​റോ​മ​ല​ങ്ക​ര​പ​ള്ളി വി​കാ​രി റ​വ.ഫാ. ​ബാ​ബു മ​ഠ​ത്തി​ൽ​പ​റ​മ്പി​ൽ, സെന്‍റ് ​തോ​മ​സ് സീ​റോ​മ​ല​ബാ​ർ പ​ള്ളി വി​കാ​രി റ​വ.ഡോ. ​ജോ​ർ​ജ് ദാ​ന​വേ​ലി​ൽ, സെന്‍റ് ​ജോ​ൺ ന്യൂ​മാ​ൻ ക്‌​നാ​നാ​യ കാ​ത്ത​ലി​ക് മി​ഷ​ൻ ഡ​യ​റ​ക്ട​ർ റ​വ. ഫാ. ​ബി​പ്പി മാ​ത്യു ത​റ​യി​ൽ എ​ന്നി​വ​ർ ഡ​യ​റ​ക്ട​ർ​മാ​രു​മാ​യി ക​മ്മി​റ്റി​യി​ൽ പ്ര​വ​ർ​ത്തി​ക്കു​ന്നു.

ഇന്ത്യൻ അ​മേ​രി​ക്ക​ൻ കാ​ത്ത​ലി​ക് അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ തോ​മ​സ് സൈ​മ​ൺ (പ്ര​സി​ഡ​ന്‍റ്), ചാ​ർ​ലി ചി​റ​യ​ത്ത് (ജ​ന​റ​ൽ സെ​ക്ര​ട്ട​റി), സ്വ​പ്ന സ​ജി സെ​ബാ​സ്റ്റ്യ​ൻ (ട്ര​ഷ​റ​ർ), ജോ​ഷ്വാ ജേ​ക്ക​ബ് (വൈ​സ് പ്ര​സി​ഡ​ന്‍റ്), മെ​ർ​ലി​ൻ അ​ഗ​സ്റ്റി​ൻ (ജോ. ​സെ​ക്ര​ട്ട​റി), ഫി​ലി​പ് (ബി​ജു) ജോ​ൺ (ജോ. ​ട്ര​ഷ​റ​ർ), അ​നീ​ഷ് ജ​യിം​സ് (മു​ൻ പ്ര​സി​ഡ​ന്‍റ്), സ​ബ് ക​മ്മി​റ്റി ചെ​യ​ർ​പേ​ഴ്സ​ൺ​സാ​യ ജോ​സ് മാ​ളേ​യ്ക്ക​ൽ, ജോ​സ​ഫ് മാ​ണി, ജ​സ്റ്റി​ൻ തോ​മ​സ്, ഫി​ലി​പ് എ​ട​ത്തി​ൽ, സേ​വ്യ​ർ മൂ​ഴി​ക്കാ​ട്ട്, റോ​മി​യോ ഡാ​ൽ​ഫി, കു​രു​വി​ള ജ​യിം​സ്, ജ​റി​ക്ക് എ​ബ്രാ​ഹം എ​ന്നി​വ​രും വൈ​ദി​ക​ർ​ക്കൊ​പ്പം ഡ​യ​റ​ക്ട​ർ ബോ​ർ​ഡ് അം​ഗ​ങ്ങ​ളാ​യ അ​ല​ക്സ‌് ജോ​ൺ, തോ​മ​സ് നെ​ടു​മാ​ക്ക​ൽ, ജോ​സ​ഫ് തോ​മ​സ്, ജോ​ൺ​സ​ൺ ഫെ​ർ​ണാ​ണ്ട​സ് എ​ന്നി​വ​ര​ട​ങ്ങു​ന്ന (ഐഎസിഎ) എ​ക്സി​ക്ക്യൂ​ട്ടീ​വ് ക​മ്മി​റ്റി ഹെ​റി​റ്റേ​ജ് ദി​നാ​ഘോ​ഷ​ങ്ങ​ളു​ടെ ക്ര​മീ​ക​ര​ണ​ങ്ങ​ൾ ചെ​യ്‌​തു​വ​രു​ന്നു.

ഐഎസിഎയു​ടെ കാ​രു​ണ്യ​പ്ര​വ​ർ​ത്തി​ക​ളു​ടെ ഭാ​ഗ​മാ​യി സെ​പ്റ്റം​ബ​ർ 20 മു​ത​ൽ 27 വ​രെ വ​സ്ത്ര​ശേ​ഖ​ര​ണം ന​ട​ത്തു​ന്നു​ണ്ട്. പു​തി​യ​തോ, അ​ധി​കം ഉ​പ​യോ​ഗി​ക്കാ​ത്ത​തോ, മു​ഷി​യാ​ത്ത​തോ ആ​യ അ​മേ​രി​ക്ക​ൻ വ​സ്ത്ര​ങ്ങ​ളും ബെ​ഡ് ഷീ​റ്റു​ക​ളും ക​മ്പി​ളി വ​സ്ത്ര​ങ്ങ​ളും ഈ ​കാ​ല​യ​ള​വി​ൽ അം​ഗ​ദേ​വാ​ല​യ​ങ്ങ​ളാ​യ സെ​ന്‍റ് ജൂ​ഡ് സീ​റോ​മ​ല​ങ്ക​ര​പ​ള്ളി, സെന്‍റ് ​തോ​മ​സ് സീ​റോ​മ​ല​ബാ​ർ പ​ള്ളി, സെന്‍റ് ​ജോ​ൺ ന്യൂ​മാ​ൻ ക്‌​നാ​നാ​യ കാ​ത്ത​ലി​ക് മി​ഷ​ൻ എ​ന്നി​വ​യു​ടെ ലോ​ബി​യി​ലു​ള്ള ബോ​ക്‌​സി​ൽ നി​ക്ഷേ​പി​ക്കാ​വു​ന്ന​താ​ണ്.

കൂ​ടു​ത​ൽ വി​വ​ര​ങ്ങ​ൾ​ക്ക്: ജ​ന​റ​ൽ സെ​ക്ര​ട്ട​റി ചാ​ർ​ലി ചി​റ​യ​ത്ത് - 215 791 0439.

Tags : Heritage Day USA NRINews