10

അരിസോണ (യുഎസ്): സൺ ഷൈൻ റെസിഡൻഷ്യൽ ഹോംസ് സിഇഒയും മലയാളിയുമായ കോട്ടയം സ്വദേശി സൈമൺ എം. കൊട്ടൂരിന് ജോലിസ്ഥലത്തെ ജീവനക്കാരുടെ ക്ഷേമവും സുരക്ഷിതത്വവും ഉറപ്പാക്കുന്നതു വഴി ദേശീയസുരക്ഷയിൽ മികവ് പുലർത്തിയതിന് അമേരിക്കൻ ഗവൺമെന്‍റിന്‍റെ ആദരവ് നേടി. ‘PATRIOTIC EMPLOYER’ എന്ന അപൂർവ ബഹുമതിയാണ് അമേരിക്കൻ ഡിഫെൻസ് സെക്രട്ടറി ഇദ്ദേഹത്തിന് സമ്മാനിച്ചത്.

രാജ്യത്തിന്‍റെ ദേശീയ സുരക്ഷിതത്വത്തിനും സ്വാതന്ത്ര്യ സംരക്ഷണത്തിനും സൺ ഷൈൻ ഹോംസ് നൽകുന്ന മികച്ച സേവനത്തെ ഈ ബഹുമതിയിലൂടെ അമേരിക്കൻ ഗാർഡ് ആൻഡ് റിസേർവ് ഉയർത്തി കാട്ടി. ഈ ബഹുമതി അമേരിക്കൻ മലയാളി സമൂഹത്തിന് സമർപ്പിക്കുന്നതായി സൈമൺ കോട്ടൂർ അറിയിച്ചു.

സൈമൺ കൊട്ടൂരും ഭാര്യ എലിസബേത്ത് കൊട്ടൂരും ചേർന്ന് മൂന്നു പതിറ്റാണ്ടായി നടത്തുന്ന സൺ ഷൈൻ റെസിഡൻഷ്യൽ ഹോംസ് കുട്ടികളുടെ പുനരധിവാസത്തിനും തിരുത്തലിനുമായി അരിസോണ കേന്ദ്രമായി പ്രവർത്തിക്കുന്ന സ്ഥാപനമാണ്.

കേരളത്തിൽ ഭവനരഹിതർക്ക് ഭവനങ്ങൾ പണിതു കൊടുക്കുന്നതിനും ഉന്നത വിദ്യാഭ്യാസം നേടുന്ന കുട്ടികൾക്ക് വിദ്യാഭ്യാസ സഹായം ചെയ്യുന്നതിനുമുള്ള പദ്ധതികൾ ഇവർ നടപ്പിലിലാക്കുന്നുണ്ട്. ഇതനുസരിച്ച് 50 വീടുകൾ ഇതിനോടകം പണിതു നൽകി. ഇത്തരം സേവന പ്രവർത്തനങ്ങൾക്ക് ഈ ബഹുമതി കരുത്താകുമെന്ന് സൈമൺ കോട്ടൂർ പ്രതികരിച്ചു.

Tags : Simon US Defense Deepika DeepikaNewspaper BreakingNews NewsUpdate