24

ഹൂ​സ്റ്റ​ൺ, ടെ​ക്സ​സ്: ടെ​ക്സ​സി​ലെ വെ​സ്റ്റ്ഫീ​ൽ​ഡ് ഹൈ​സ്കൂ​ളി​ന് സ​മീ​പം വെ​ടി​യേ​റ്റു 15 കാ​ര​നാ​യ വി​ദ്യാ​ർ​ഥി മ​രി​ച്ചു. 

ചൊ​വ്വാ​ഴ്ച വൈ​കി​ട്ട്  ഹൈ​സ്കൂ​ളി​ന് സ​മീ​പ​മു​ള്ള എ​ല്ല ബൊ​ളി​വാ​ർ​ഡി​ന് സ​മീ​പ​ത്തു​വെ​ച്ചാ​ണ് വി​ദ്യാ​ർ​ഥിക്ക് വെ​ടി​യേ​റ്റ​ത്. സ്പ്രിം​ഗ് ഐഎ​സ്ഡി അ​ഡ്മി​നി​സ്ട്രേ​ഷ​ൻ കെ​ട്ടി​ട​ത്തി​നും ഹൈ​സ്കൂ​ളി​നും ഇ​ട​യി​ലു​ള്ള ന​ട​പ്പാ​ത​യി​ലാ​ണ് വെടിവയ്പ് ന​ട​ന്ന​ത്.

ഉ​ച്ച​ക​ഴി​ഞ്ഞ് 2.30-ന് ​സ്കൂ​ൾ വി​ട്ട​തി​ന് ശേ​ഷം തൊ​ട്ടു​മു​മ്പാ​ണ് ഡെ​പ്യൂ​ട്ടി​മാ​രും സ്പ്രിം​ഗ് ഐ.​എ​സ്.​ഡി പോ​ലീ​സും സ്ഥ​ല​ത്തെ​ത്തി​യ​ത്. സ്കൂ​ൾ സ​മ​യം ക​ഴി​ഞ്ഞി​രു​ന്ന​തി​നാ​ൽ ആ ​സ​മ​യ​ത്ത് കാ​മ്പ​സി​ൽ വി​ദ്യാ​ർ​ഥിക​ൾ വ​ള​രെ കു​റ​വാ​യി​രു​ന്നു​വെ​ന്ന് ഷെ​രീ​ഫ് ഗൊ​ൺ​സാ​ല​സ് അ​റി​യി​ച്ചു.

കൊ​ല്ല​പ്പെ​ട്ട വി​ദ്യാ​ർ​ഥി​യും  മ​റ്റൊ​രു ആ​ൺ​കു​ട്ടി​യും ത​മ്മി​ൽ വാ​ക്കേ​റ്റത്തിൽ ഏർപെടുകയും തു​ട​ർ​ന്ന് വി​ദ്യാ​ർ​ഥിക്ക് വെ​ടി​യേ​ൽ​ക്കു​ക​യു​മാ​യി​രു​ന്നു. ഉ​ട​ൻ ത​ന്നെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

പ്ര​തി സം​ഭ​വ​സ്ഥ​ല​ത്തു​നി​ന്നും കാ​ൽ​ന​ട​യാ​യി ഓ​ടി​ര​ക്ഷ​പ്പെ​ടു​ക​യാ​യി​രു​ന്നു. പ്ര​തി​ക്കാ​യി പോ​ലീ​സ് വ്യാ​പ​ക​മാ​യ തെ​ര​ച്ചി​ൽ ന​ട​ത്തി​വ​രി​ക​യാ​ണ്. ഡ്രോ​ണു​ക​ളു​ടെ സ​ഹാ​യ​ത്തോ​ടെ​യാ​ണ് പോ​ലീ​സി​ന്‍റെ തെ​ര​ച്ചി​ൽ പു​രോ​ഗ​മി​ക്കു​ന്ന​ത്.

സം​ഭ​വ​ത്തെ തു​ട​ർ​ന്ന് പൊ​തു​ജ​ന​ങ്ങ​ൾ​ക്ക് നി​ല​വി​ൽ നേ​രി​ട്ടു​ള്ള ഭീ​ഷ​ണി​യൊ​ന്നു​മി​ല്ലെ​ന്ന് ഷെ​രീ​ഫ് എ​ഡ് ഗൊ​ൺ​സാ​ല​സ് വ്യ​ക്ത​മാ​ക്കി. എ​ങ്കി​ലും മു​ൻ​ക​രു​ത​ൽ എ​ന്ന നി​ല​യി​ൽ സ്പ്രിം​ഗ് ഐഎ​സ്ഡിയി​ലെ എ​ല്ലാ ആ​ഫ്റ്റ​ർ-​സ്കൂ​ൾ പ​രി​പാ​ടി​ക​ളും, മീ​റ്റിം​ഗു​ക​ളും, കാ​യി​ക മ​ത്സ​ര​ങ്ങ​ളും റ​ദ്ദാ​ക്കി​യി​ട്ടു​ണ്ട്.

Tags : Deepika DeepikaNewspaper BreakingNews Student shot dead near Westfield