20

ക​ലി​ഫോ​ർ​ണി​യ: സൗ​ന്ദ​ര്യ​വ​ർ​ധ​ക ചി​കി​ത്സ​യ്ക്കാ​യി പോ​യ​പ്പോ​ൾ ത​ന്‍റെ ര​ണ്ട് പി​ഞ്ചു​കു​ഞ്ഞു​ങ്ങ​ളെ ചു​ട്ടു​പൊ​ള്ളു​ന്ന കാ​റി​നു​ള്ളി​ൽ ഉ​പേ​ക്ഷി​ച്ച​തി​നെ​ത്തു​ട​ർ​ന്ന് ഒ​രു വ​യ​സു​കാ​ര​ൻ മ​രി​ച്ച സം​ഭ​വ​ത്തി​ൽ ക​ലി​ഫോ​ർ​ണി​യ സ്വ​ദേ​ശി​നി​യാ​യ മാ​യ ഹെ​ർ​ണാ​ണ്ട​സി​ന് 15 വ​ർ​ഷം ത​ട​വ് ശി​ക്ഷ വി​ധി​ച്ചു.

2025 ജൂ​ണി​ലാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. ഒ​ന്നും ര​ണ്ടും വ​യ​സു​ള്ള മ​ക്ക​ളെ കാ​റി​നു​ള്ളി​ലി​രു​ത്തി മാ​യ ഒ​രു മെ​ഡി​ക്ക​ൽ സ്പാ​യി​ലേ​ക്ക് പോ​യി. എസി ഓ​ൺ ചെ​യ്ത് കാ​ർ ലോ​ക്ക് ചെ​യ്ത ശേ​ഷ​മാ​ണ് അ​വ​ർ പോ​യ​തെ​ങ്കി​ലും ഒ​രു മ​ണി​ക്കൂ​ർ ക​ഴി​ഞ്ഞ് എ​ൻ​ജി​ൻ ത​നി​യെ ഓ​ഫ് ആ​യ​തോ​ടെ കാ​റി​നു​ള്ളി​ലെ താ​പ​നി​ല കു​ത്ത​നെ ഉ​യ​ർ​ന്നു.

ഏ​ക​ദേ​ശം ര​ണ്ട് മ​ണി​ക്കൂ​റോ​ളം കു​ട്ടി​ക​ൾ കാ​റി​നു​ള്ളി​ൽ കു​ടു​ങ്ങി. ആ​ശു​പ​ത്രി​യി​ലെ​ത്തി​ക്കു​മ്പോ​ഴേ​ക്കും ഒ​രു വ​യ​സു​കാ​ര​ൻ അ​മി​ലി​യോ ഗ്വി​റ്റ​റ​സ് മ​രി​ച്ചി​രു​ന്നു. കു​ട്ടി​യു​ടെ ശ​രീ​ര​താ​പ​നി​ല 107 ഡി​ഗ്രി ഫാ​ര​ൻ​ഹീ​റ്റി​ൽ (41.6°C) എ​ത്തി​യി​രു​ന്നു.

രണ്ടാം ഡി​ഗ്രി കൊ​ല​പാ​ത​ക കു​റ്റം ചു​മ​ത്തി​യി​രു​ന്നെ​ങ്കി​ലും, പി​ന്നീ​ട് ന​ട​ന്ന ഒ​ത്തു​തീ​ർ​പ്പ് പ്ര​കാ​രം മ​നഃ​പൂ​ർ​വ​മ​ല്ലാ​ത്ത ന​ര​ഹ​ത്യ സ​മ്മ​തി​ച്ച​തി​നെ​ത്തു​ട​ർ​ന്നാ​ണ് 15 വ​ർ​ഷ​ത്തെ ശി​ക്ഷ കോ​ട​തി വി​ധി​ച്ച​ത്.

Tags : Texas Murder Death Car Mother