18

വാ​ഷിം​ഗ്‌​ട​ൺ ഡി​സി: അ​മേ​രി​ക്ക​ൻ പ്ര​സി​ഡ​ന്‍റ് ഡൊ​ണാ​ൾ​ഡ് ട്രം​പി​ന്‍റെ ജ​ന്മ​ദി​നാ​ഘോ​ഷ​ങ്ങ​ളു​ടെ​യും അ​മേ​രി​ക്ക​യു​ടെ 250-ാം സ്വാ​ത​ന്ത്ര്യ വാ​ർ​ഷി​കാ​ഘോ​ഷ​ങ്ങ​ളു​ടെ​യും ഭാ​ഗ​മാ​യി വൈ​റ്റ് ഹൗ​സി​ന്‍റെ തെ​ക്കേ മു​റ്റ​ത്ത് ച​രി​ത്ര​ത്തി​ലാ​ദ്യ​മാ​യി യുഎ​ഫ്സി മി​ക്സ​ഡ് മാ​ർ​ഷ്യ​ൽ ആ​ർ​ട്സ് മ​ത്സ​രം അ​ര​ങ്ങേ​റി.

"യുഎ​ഫ്സി ഫ്രീ​ഡം 250' എ​ന്ന് പേ​രി​ട്ട പ​രി​പാ​ടി​ക്കാ​യി വൈ​റ്റ് ഹൗ​സ് വ​ള​പ്പി​ൽ പ്ര​ത്യേ​ക താ​ത്കാ​ലി​ക സ്റ്റേ​ഡി​യ​വും പോ​രാ​ട്ട​ക്കൂ​ടും (കേ​ജ്) സ​ജ്ജ​മാ​ക്കി​യി​രു​ന്നു. വൈ​റ്റ് ഹൗ​സി​ന്‍റെ ച​രി​ത്ര​ത്തി​ൽ ആ​ദ്യ​മാ​യാ​ണ് ഒ​രു പ്ര​ഫ​ഷ​ണ​ൽ കാ​യി​ക മ​ത്സ​രം ഇ​വി​ടെ സം​ഘ​ടി​പ്പി​ക്ക​പ്പെ​ടു​ന്ന​ത്.

യുഎ​ഫ്സി പ്ര​സി​ഡ​ന്‍റ് ഡാ​ന വൈ​റ്റി​നൊ​പ്പ​മാ​ണ് ട്രം​പ് മ​ത്സ​രം വീ​ക്ഷി​ക്കാ​ൻ എ​ത്തി​യ​ത്. ഇ​വ​രെ കാ​ണി​ക​ൾ "യുഎ​സ്എ‌' മു​ദ്രാ​വാ​ക്യ​ങ്ങ​ളോ​ടെ​യാ​ണ് സ്വീ​ക​രി​ച്ച​ത്. ഏ​ക​ദേ​ശം നാ​ലാ​യി​ര​ത്തോ​ളം പേ​ർ പ​രി​പാ​ടി​യി​ൽ പ​ങ്കെ​ടു​ത്ത​താ​യി റി​പ്പോ​ർ​ട്ടു​ക​ളു​ണ്ട്.

സാ​ങ്കേ​തി​ക രം​ഗ​ത്തെ പ്ര​മു​ഖ​നാ​യ മാ​ർ​ക്ക് സ​ക്ക​ർ​ബ​ർ​ഗ് ഉ​ൾ​പ്പെ​ടെ നി​ര​വ​ധി പ്ര​മു​ഖ​ർ മ​ത്സ​രം കാ​ണാ​ൻ എ​ത്തി​യി​രു​ന്നു. മി​ഡി​ൽ​വെ​യ്റ്റ് വി​ഭാ​ഗ​ത്തി​ൽ കൈ​ൽ ഡോ​ക്കാ​സി​നെ പ​രാ​ജ​യ​പ്പെ​ടു​ത്തി​യ ബോ ​നി​ക്ക​ൽ, വി​ജ​യ​ത്തി​ന് ശേ​ഷം റി​ങ്ങി​ൽ​വെ​ച്ച് ട്രം​പി​ന് ജ​ന്മ​ദി​നാ​ശം​സ​ക​ൾ നേ​ർ​ന്നു.

അ​തേ​സ​മ​യം, ട്രം​പി​ന്‍റെ പ്ര​ത്യേ​ക താ​ത്​പ​ര്യ​മു​ണ്ടാ​യി​രു​ന്നു​വെ​ന്ന് പ​റ​യ​പ്പെ​ടു​ന്ന ഹെ​വി​വെ​യ്റ്റ് താ​രം ഡെ​റി​ക് ലൂ​യി​സ് ജോ​ഷ് ഹോ​ക്കി​റ്റി​നോ​ട് പ​രാ​ജ​യ​പ്പെ​ട്ടു. വൈ​റ്റ് ഹൗ​സ് മു​റ്റ​ത്ത് മ​ത്സ​രം ന​ട​ത്തു​ന്ന​തി​നാ​യി 60 ദ​ശ​ല​ക്ഷം ഡോ​ള​റി​ല​ധി​കം ചെ​ല​വ​ഴി​ച്ചാ​ണ് പ്ര​ത്യേ​ക വേ​ദി ഒ​രു​ക്കി​യ​തെ​ന്നാ​ണ് റി​പ്പോ​ർ​ട്ടു​ക​ൾ.

കാ​യി​ക​വും ദേ​ശീ​യാ​ഘോ​ഷ​ങ്ങ​ളും ഒ​രു​മി​ച്ചു​ചേ​ർ​ന്ന ഈ ​പ​രി​പാ​ടി രാ​ജ്യ​വ്യാ​പ​ക ശ്ര​ദ്ധ നേ​ടു​ക​യും ചെ​യ്തു. ഇ​തി​നി​ടെ, പ​രി​പാ​ടി​യെ വി​മ​ർ​ശി​ച്ച യുഎ​ഫ്സി ചാ​മ്പ്യ​ൻ സീ​ൻ സ്ട്രി​ക്ലാ​ൻ​ഡി​നെ സു​ര​ക്ഷാ ഉ​ദ്യോ​ഗ​സ്ഥ​ർ പ​രി​പാ​ടി ന​ട​ക്കു​ന്ന പ്ര​ദേ​ശ​ത്തു​നി​ന്ന് മാ​റ്റി​യ​താ​യും റി​പ്പോ​ർ​ട്ടു​ക​ളു​ണ്ട്.

Tags : Trump Birthday Celebration White House