4

പാ​ട്ടു​ക​ൾ പൊ​തു​വേ ഹൃ​ദ​യ​ങ്ങ​ളി​ലാ​ണ് ഇ​ണ​ങ്ങി​ച്ചേ​രു​ന്ന​ത്. ഓ​ർ​മ​ക​ളും അ​നു​ഭൂ​തി​ക​ളും വി​കാ​ര​ങ്ങ​ളും ഇ​ഴ​നെ​യ്ത് അ​വ തി​ള​ങ്ങി​ക്കൊ​ണ്ടി​രി​ക്കും.

ഇ​താ, നാ​ലാ​യി​ര​ത്തോ​ളം ഹൃ​ദ​യ​ങ്ങ​ളി​ൽ തി​ള​ങ്ങു​ന്ന​ത് ഒ​രു ഗാ​യി​ക​യു​ടെ പേ​രാ​ണ്. അ​വ​ർ പാ​ടി​യ പാ​ട്ടു​ക​ൾ ആ ​ഹൃ​ദ​യ​ങ്ങ​ളു​ടെ ഉ​ട​മ​ക​ൾ ഒ​രു​പ​ക്ഷേ കേ​ട്ടി​രി​ക്കി​ല്ല. അ​തി​നേ​ക്കാ​ൾ മ​നോ​ഹ​ര​മാ​ണ​ല്ലോ സ്നേ​ഹ​മെ​ന്ന ഗാ​നം!

ഇ​ൻ​ഡോ​റി​ൽ​നി​ന്നു​ള്ള പാ​ല​ക് മു​ച്ഛ​ൽ ആ​ണ് ആ ​ഗാ​യി​ക. ഹി​ന്ദി​യി​ലെ സു​ന്ദ​ര​ശ​ബ്ദ​വും ഭാ​വ​മ​ധു​രി​മ​യു​മു​ള്ള അ​റി​യ​പ്പെ​ടു​ന്ന പാ​ട്ടു​കാ​രി​യാ​ണ്.

സാ​ന്പ​ത്തി​ക​ഭ​ദ്ര​ത​യി​ല്ലാ​ത്ത കു​ടും​ബ​ങ്ങ​ളി​ലെ 3,800ലേ​റെ കു​ട്ടി​ക​ളു​ടെ ഹൃ​ദ​യ​ശ​സ്ത്ര​ക്രി​യ​യ്ക്ക് സ​ഹാ​യ​മെ​ത്തി​ക്കാ​ൻ മു​ന്നി​ട്ടി​റ​ങ്ങി​യ​തി​ന് ഗി​ന്ന​സ് ബു​ക്ക് ഓ​ഫ് വേ​ൾ​ഡ് റി​ക്കാ​ർ​ഡ്സി​ൽ ഇ​ടം​നേ​ടി​യി​രി​ക്കു​ന്നു.

പാ​ല​ക് പ​ലാ​ഷ് ചാ​രി​റ്റ​ബി​ൾ ഫൗ​ണ്ടേ​ഷ​ൻ വ​ഴി​യാ​ണ് അ​വ​ർ ഈ ​ദൗ​ത്യം തു​ട​രു​ന്ന​ത്.

യാ​ത്ര​യു​ടെ തു​ട​ക്കം

കു​ട്ടി​ക്കാ​ല​ത്ത് ന​ട​ത്തി​യ ഒ​രു ട്രെ​യി​ൻ​യാ​ത്ര​യാ​ണ് പാ​ല​കി​ന്‍റെ മ​ന​സി​നെ ക​രു​ണ​യു​ടെ പാ​ത​യി​ലേ​ക്കു വ​ഴി​തി​രി​ച്ചു​വി​ട്ട​ത്. ഭ​ക്ഷ​ണ​ത്തി​നും വ​സ്ത്ര​ത്തി​നും വ​ക​യി​ല്ലാ​ത്ത ഒ​ട്ടേ​റെ കു​ട്ടി​ക​ളെ ആ ​യാ​ത്ര​യി​ൽ ഉ​ട​നീ​ളം ക​ണ്ടു.

അ​ന്നു​ത​ന്നെ പാ​ല​ക് ഒ​രു പ്ര​തി​ജ്ഞ​യെ​ടു​ത്തു- "എ​ന്നെ​ങ്കി​ലു​മൊ​രി​ക്ക​ൽ ഞാ​ൻ ഇ​വ​ർ​ക്ക് സ​ഹാ​യ​മെ​ത്തി​ക്കും.' ആ ​പ്ര​തി​ജ്ഞ​ത​ന്നെ​യാ​ണ് വ​ർ​ഷ​ങ്ങ​ൾ​ക്കി​പ്പു​റം ചാ​രി​റ്റ​ബി​ൾ ഫൗ​ണ്ടേ​ഷ​ൻ രൂ​പീ​ക​രി​ക്കാ​ൻ പ്ര​ചോ​ദ​ന​മാ​യ​തും.

ഓ​രോ സം​ഗീ​ത​പ​രി​പാ​ടി​ക​ളി​ൽ​നി​ന്നും ല​ഭി​ക്കു​ന്ന പ്ര​തി​ഫ​ല​ത്തി​ന്‍റെ ഒ​രു​ഭാ​ഗം ആ​ശ്ര​യ​മി​ല്ലാ​ത്ത​വ​ർ​ക്കാ​യി മാ​റ്റി​വ​ച്ചു​തു​ട​ങ്ങി. ചാ​രി​റ്റി​ക്കു മാ​ത്ര​മാ​യി ഷോ​ക​ൾ ന​ട​ത്തി. ഗു​രു​ത​ര രോ​ഗാ​വ​സ്ഥ​യി​ലു​ള്ള കു​ട്ടി​ക​ൾ​ക്കാ​യാ​ണ് കൂ​ടു​ത​ലും സ​ഹാ​യ​മെ​ത്തി​ക്കു​ന്ന​ത്.

കാ​ർ​ഗി​ലി​ൽ വീ​ര​മൃ​ത്യു വ​രി​ച്ച സൈ​നി​ക​രു​ടെ കു​ടും​ബ​ങ്ങ​ൾ​ക്കും ഗു​ജ​റാ​ത്ത് ഭൂ​ക​ന്പ ദു​രി​ത​ബാ​ധി​ത​ർ​ക്കും സാ​ന്പ​ത്തി​ക പി​ന്തു​ണ ന​ൽ​കി.

പ്ര​യാ​സ​മ​നു​ഭ​വി​ക്കു​ന്ന​വ​രെ​ക്കു​റി​ച്ച് നി​ര​ന്ത​രം ചി​ന്തി​ക്കു​ക​യും അ​വ​ർ​ക്കാ​യി പ്ര​വ​ർ​ത്തി​ക്കു​ക​യും ചെ​യ്യു​ന്നു എ​ന്ന​താ​ണ് പാ​ല​കി​ന്‍റെ ഒ​രു പ്ര​ത്യേ​ക​ത.

പാ​ല​കി​നെ അ​റി​യാ​ത്ത​വ​ർ​ക്ക്

പ​തി​ന​ഞ്ചു​വ​ർ​ഷ​ത്തോ​ള​മാ​യി പാ​ല​ക് ഹി​ന്ദി ച​ല​ച്ചി​ത്ര​സം​ഗീ​ത രം​ഗ​ത്തു​ണ്ട്. ഗാ​യി​ക​യും ഗാ​ന​ര​ച​യി​താ​വു​മാ​ണ്. ഇ​ൻ​ഡോ​റി​ൽ 1992 മാ​ർ​ച്ച് 30നു ​ജ​നി​ച്ച പാ​ല​കി​ന്‍റെ മാ​താ​പി​താ​ക്ക​ൾ​ക്ക് പ​റ​യ​ത്ത​ക്ക സം​ഗീ​ത​പാ​ര​ന്പ​ര്യ​മൊ​ന്നു​മി​ല്ല.

ഇ​ള​യ​സ​ഹോ​ദ​ര​ൻ പ​ലാ​ഷ് മു​ച്ഛ​ൽ സം​ഗീ​ത​കാ​ര​നും സം​വി​ധാ​യ​ക​നു​മാ​ണ്. പ​ലാ​ഷും ചാ​രി​റ്റ​ബി​ൾ ഫൗ​ണ്ടേ​ഷ​ന്‍റെ ഭാ​ഗ​മാ​യി പ്ര​വ​ർ​ത്തി​ക്കു​ന്നു.

വൃ​ക്ക​രോ​ഗ​ബാ​ധി​ത​രാ​യ കു​ട്ടി​ക​ൾ​ക്കാ​ണ് അ​ദ്ദേ​ഹം ത​ന്‍റെ ഷോ​ക​ളി​ൽ​നി​ന്നു​ള്ള വ​രു​മാ​ന​ത്തി​ന്‍റെ പ​ങ്കു ന​ൽ​കു​ന്ന​ത്.

ഇ​ന്ത്യ​ൻ വ​നി​താ ക്രി​ക്ക​റ്റ് താ​രം സ്മൃ​തി മ​ന്ഥാ​ന​യു​മാ​യി പ​ലാ​ഷി​ന്‍റെ വി​വാ​ഹം ഉ​ട​നെ ന​ട​ക്കാ​നി​രി​ക്കു​ന്നു​വെ​ന്ന വി​ശേ​ഷ​വു​മു​ണ്ട്. ഇ​രു​വ​രും ദീ​ർ​ഘ​കാ​ല​മാ​യി സു​ഹൃ​ത്തു​ക്ക​ളാ​ണ്.

ആ​ൽ​ബ​ങ്ങ​ളി​ലൂ​ടെ സി​നി​മ​യി​ൽ

ഒ​ന്പ​താം വ​യ​സി​ൽ ചൈ​ൽ​ഡ് ഫോ​ർ ചി​ൽ​ഡ്ര​ൻ എ​ന്ന ആ​ൽ​ബ​ത്തി​ലൂ​ടെ​യാ​ണ് പാ​ല​ക് സം​ഗീ​ത​രം​ഗ​ത്തെ​ത്തി​യ​ത്. സി​നി​മ​യി​ൽ അ​വ​സ​രം​തേ​ടി 2006ൽ ​മും​ബൈ​യി​ലെ​ത്തി. ദ​മാ​ദം എ​ന്ന ചി​ത്ര​ത്തി​ലാ​ണ് ആ​ദ്യ​മാ​യി പാ​ടി​യ​ത്.

ഏ​ക് ഥാ ​ടൈ​ഗ​ർ, ആ​ഷി​ഖി 2, എം.​എ​സ്. ധോ​ണി: ദ ​അ​ണ്‍​ടോ​ൾ​ഡ് സ്റ്റോ​റി തു​ട​ങ്ങി​യ ചി​ത്ര​ങ്ങ​ളി​ലെ പാ​ട്ടു​ക​ളി​ലൂ​ടെ ശ്ര​ദ്ധേ​യ​യാ​യി. കോ​ണ്‍ തു​ജ്ഹേ എ​ന്ന പാ​ട്ട് സൂ​പ്പ​ർ​ഹി​റ്റാ​യി.

ട്രെ​യി​നി​ൽ ദ​രി​ദ്ര​രാ​യ കു​ട്ടി​ക​ളെ ക​ണ്ടു മ​ന​സു​പി​ട​ഞ്ഞു​നി​ന്ന അ​തേ കാ​ല​ത്താ​ണ് ഇ​ൻ​ഡോ​റി​ലെ നി​ധി ബാ​ൽ വി​ന​യ് മ​ന്ദി​ർ സ്കൂ​ളി​ലെ അ​ധ്യാ​പ​ക​ർ ഹൃ​ദ്രോ​ഗി​യാ​യ ഒ​രു കു​ട്ടി​യു​ടെ ശ​സ്ത്ര​ക്രി​യ​യ്ക്ക് സ​ഹാ​യം ന​ൽ​കാ​ൻ ഒ​രു ചാ​രി​റ്റി ഷോ ​ചെ​യ്യാ​മോ എ​ന്ന അ​ഭ്യ​ർ​ഥ​ന​യു​മാ​യി സ​മീ​പി​ച്ച​ത്.

2000 മാ​ർ​ച്ചി​ൽ അ​ങ്ങ​നെ ആ​ദ്യ​ത്തെ ഷോ ​ന​ട​ത്തി. ഒ​രു വ​ഴി​യോ​ര​ക്ക​ച്ച​വ​ട​ക്കാ​ര​ന്‍റെ വ​ണ്ടി​യാ​ണ് സ്റ്റേ​ജാ​ക്കി​യ​ത്. അ​ന്ന് അ​ര​ല​ക്ഷ​ത്തി​ലേ​റെ രൂ​പ ശ​സ്ത്ര​ക്രി​യ​യ്ക്കാ​യി സ്വ​രൂ​പി​ച്ചു.

ഈ ​വി​വ​ര​മ​റി​ഞ്ഞ് ബം​ഗ​ളൂ​രു​വി​ലെ വി​ഖ്യാ​ത കാ​ർ​ഡി​യോ​ള​ജി​സ്റ്റ് ദേ​വി പ്ര​സാ​ദ് ഷെ​ട്ടി ആ ​ശ​സ്ത്ര​ക്രി​യ സൗ​ജ​ന്യ​മാ​യി ചെ​യ്തു​കൊ​ടു​ത്തു.

തു​ട​ർ​ന്നി​ങ്ങോ​ട്ട് രാ​ജ്യ​ത്തും വി​ദേ​ങ്ങ​ളി​ലു​മാ​യി പാ​ല​ക് ഒ​ട്ടേ​റെ ഷോ​ക​ൾ ചെ​യ്തു. സ​ഹാ​യ​ങ്ങ​ളു​മാ​യി ഒ​ട്ടേ​റെ പ്ര​മു​ഖ​രും അ​വ​ർ​ക്കൊ​പ്പം ചേ​ർ​ന്നു.

"ദി​ൽ സേ ​ദി​ൽ ത​ക്' (ഹൃ​ദ​യ​ത്തി​ൽ​നി​ന്ന് ഹൃ​ദ​യ​ത്തി​ലേ​ക്ക്) എ​ന്ന പേ​രി​ലാ​ണ് ഷോ​ക​ൾ ന​ട​ത്തി​യി​രു​ന്ന​ത്. പാ​ട്ടി​നും സ​ന്ന​ദ്ധ​പ്ര​വ​ർ​ത്ത​ന​ങ്ങ​ൾ​ക്കു​മാ​യി ഒ​ട്ടേ​റെ പു​ര​സ്കാ​ര​ങ്ങ​ൾ പാ​ല​കി​നെ തേ​ടി​യെ​ത്തി​യി​ട്ടു​ണ്ട്.

കം​പോ​സ​ർ മി​ഥു​ൻ ആ​ണ് പാ​ല​കി​ന്‍റെ ജീ​വി​ത​പ​ങ്കാ​ളി. ട്ര​സ്റ്റി​ന്‍റെ പ്ര​വ​ർ​ത്ത​ന​ങ്ങ​ൾ​ക്കും അ​ദ്ദേ​ഹം ഒ​പ്പ​മു​ണ്ട്. പാ​ട്ടു​ക​ളും സം​ഗീ​ത​പ​രി​പാ​ടി​ക​ളും ഇ​ല്ലെ​ങ്കി​ലും, ഒ​രു വ​രു​മാ​ന​വു​മി​ല്ലെ​ങ്കി​ലും ഒ​രു കു​ട്ടി​യു​ടെ​പോ​ലും ശ​സ്ത്ര​ക്രി​യ മു​ട​ങ്ങി​ല്ല എ​ന്നാ​ണ് മി​ഥു​ൻ ന​ൽ​കു​ന്ന ഉ​റ​പ്പ്.

ഒ​രു ല​ക്ഷ്യ​ത്തി​നാ​യി ഒ​രു​മി​ച്ചു പ്ര​വ​ർ​ത്തി​ക്കു​ന്നു​വെ​ന്ന​തി​ന് ഇ​തി​ലും വ​ലി​യ തെ​ളി​വെ​ന്ത്!

തൃ​ശൂ​രി​ലെ റെ​ക്കോ​ർ​ഡിം​ഗ്

ആ​ദ്യ​ത്തെ ആ​ൽ​ബ​ങ്ങ​ളി​ലൊ​ന്നി​ന്‍റെ റെ​ക്കോ​ർ​ഡിം​ഗി​നാ​യി തൃ​ശൂ​രി​ലെ ചേ​ത​ന സൗ​ണ്ട് സ്റ്റു​ഡി​യോ​സി​ൽ എ​ത്തി​യ എ​ട്ടു​വ​യ​സു​കാ​രി​യെ ഫേ​സ്ബു​ക്ക് കു​റി​പ്പി​ൽ ഓ​ർ​മി​ക്കു​ക​യാ​ണ് പ്ര​ശ​സ്ത സൗ​ണ്ട് എ​ൻ​ജി​നീ​യ​ർ സ​ജി ആ​ർ. ദി​ലീ​പ് ബോ​സ് സം​ഗീ​ത​വും ജെ​ർ​സ​ൻ ആ​ന്‍റ​ണി ഓ​ർ​ക്ക​സ്ട്രേ​ഷ​നും നി​ർ​വ​ഹി​ച്ച പാ​ട്ടു​ക​ൾ അ​ന്ന് അ​ഡാ​റ്റ് മാ​ഗ്ന​റ്റി​ക് ടേ​പ്പി​ലാ​ണ് റെ​ക്കോ​ർ​ഡ് ചെ​യ്യു​ന്ന​ത്.

ബി​ജി​എം ഉ​ൾ​പ്പെ​ടെ അ​പ്പോ​ൾ​ത​ന്നെ ത​യാ​റാ​ക്കു​ന്ന​തി​നാ​ൽ ഒ​രാ​ൾ ട്രാ​ക്ക് പാ​ടി​യ​തി​നു​ശേ​ഷം കേ​ട്ടു​പ​ഠി​ച്ച് പാ​ടു​ന്ന​താ​ണ് രീ​തി. എ​ന്നാ​ൽ പാ​ട്ടു​മു​ഴു​വ​ൻ ബി​ജി​എം റി​ഹേ​ഴ്സ​ലി​ൽ മ​നഃ​പാ​ഠ​മാ​ക്കി ഒ​റ്റ​യ​ടി​ക്ക് തെ​റ്റി​ല്ലാ​തെ പാ​ടി പൂ​ർ​ത്തി​യാ​ക്കി പാ​ല​ക് എ​ല്ലാ​വ​രെ​യും ഞെ​ട്ടി​ച്ചു​വെ​ന്ന് സ​ജി ഓ​ർ​മി​ക്കു​ന്നു.

അ​ക്കാ​ല​ത്തു​ത​ന്നെ നൂ​റു​ക​ണ​ക്കി​നു കു​ട്ടി​ക​ൾ​ക്ക് ഹൃ​ദ​യ​ശ​സ്ത്ര​ക്രി​യ​ക​ൾ​ക്കു സ​ഹാ​യം ന​ൽ​കി​യ മി​ടു​ക്കി​യാ​ണെ​ന്ന് പി​ന്നീ​ടാ​ണ് അ​റി​യു​ന്ന​തെ​ന്നും സ​ജി എ​ഴു​തു​ന്നു.

Tags : Special News