18

ന്യൂഡൽഹി: ചൈ​ന​യി​ലെ നിം​ഗ്ബോ ന​ഗ​ര​ത്തി​ലെ ഈ​ർ​പ്പ​മേ​റി​യ സാ​യാ​ഹ്നം. ഏ​ഷ്യ​ൻ ബാ​ഡ്മി​ന്‍റ​ണ്‍ ചാമ്പ്യ​ൻ​ഷി​പ്പി​ൽ ഇ​ന്ത്യ​യു​ടെ മെ​ഡ​ൽ പ്ര​തീ​ക്ഷ​ക​ളാ​യി​രു​ന്ന പി.​വി. സി​ന്ധു​വും ല​ക്ഷ്യ സെ​ന്നും തു​ട​ക്ക​ത്തി​ലേ അ​ടി​തെ​റ്റി​വീ​ണി​രി​ക്കു​ന്നു. ഇ​ന്ത്യ​ൻ പ്ര​തീ​ക്ഷ​ക​ളു​ടെ ഭാ​ര​വു​മാ​യി ആ​യു​ഷ് ഷെ​ട്ടി എ​ന്ന 20​കാ​ര​ൻ സെ​മി​ഫൈ​ന​ൽ​പോ​രാ​ട്ട​ത്തി​നാ​യി ക​ള​ത്തി​ൽ.

സീ​നി​യ​ർ ബാ​ഡ്മി​ന്‍റ​ണി​ൽ അ​ര​ങ്ങേ​റി ര​ണ്ടു വ​ർ​ഷ​ത്തി​ന​കം ലോ​ക റാ​ങ്കിം​ഗി​ൽ 25-ാം സ്ഥാ​ന​ത്തേ​ക്കു കു​തി​ച്ചെ​ത്തി​യ ഉ​ടു​പ്പി കാ​ർ​ക്ക​ല സ്വ​ദേ​ശി​യാ​യ ആ​യു​ഷി​ന്‍റെ മ​റു​ഭാ​ഗ​ത്തു സാ​ക്ഷാ​ൽ കു​ൻ​ലാ​വു​ത് വി​റ്റി​ഡ്സ​ണ്‍. ലോ​ക ഒ​ന്നാം​ന​മ്പ​ർ താ​ര​മാ​യ താ​യ്‌​ല​ൻ‌​ഡു​കാ​ര​ൻ, പാ​രി​സ് ഒ​ളി​ന്പി​ക്സ് വെ​ള്ളി​മെ​ഡ​ൽ ജേ​താ​വ്, ടൂ​ർ​ണ​മെ​ന്‍റ് ഫേ​വ​റി​റ്റ്.

പ​ക്ഷെ ആ​യു​ഷ് ശാ​ന്ത​നാ​യി​രു​ന്നു. പ്ര​തീ​ക്ഷ​ക​ളു​ടെ ഭാ​രം ആ 1.95 ​മീ​റ്റ​ർ ഉ​യ​ര​ക്കാ​ര​നെ ത​ള​ർ​ത്തി​യി​രു​ന്നി​ല്ല. ടൂ​ർ​ണ​മെ​ന്‍റി​ലെ ആ​ദ്യ മ​ത്സ​രം മു​ത​ൽ ആ​യു​ഷ് മി​ന്നു​ന്ന ഫോ​മി​ലാ​യി​രു​ന്നു. റൗ​ണ്ട് ഓ​ഫ് 32ൽ ​ലോ​ക ഏ​ഴാം റാ​ങ്കു​കാ​ര​ൻ ചൈ​ന​യു​ടെ ലി ​ഷി ഫെം​ഗി​നെ അ​നാ​യാ​സം കെ​ട്ടു​കെ​ട്ടി​ച്ചാ​ണ് ആ​യു​ഷ് തു​ട​ങ്ങി​യ​ത്.

പ്രീ​ക്വാ​ർ​ട്ട​റി​ൽ താ​യ്‌​വാ​ന്‍റെ ലോ​ക 20-ാം റാ​ങ്കു​കാ​ര​ൻ ചി ​യു ജെ​ന്നും നേ​രി​ട്ടു​ള്ള ഗെ​യി​മു​ക​ൾ​ക്കു കീ​ഴ​ട​ങ്ങി. ക്വാ​ർ​ട്ട​റി​ൽ ലോ​ക നാ​ലാം റാ​ങ്കു​കാ​ര​ൻ ഇ​ന്തോ​നീ​ഷ്യ​യു​ടെ ജോ​നാ​ഥ​ൻ ക്രി​സ്റ്റി​യെ 23-21, 21-17 എ​ന്ന സ്കോ​റി​ൽ അ​മ്പ​ര​പ്പി​ച്ചാ​ണ് സെ​മി​യി​ൽ ലോ​ക ഒ​ന്നാം​ന​മ്പ​ർ താ​രം വി​റ്റി​ഡ്സ​ണെ നേ​രി​ടാ​നി​റ​ങ്ങു​ന്ന​ത്. ജീ​വി​ത​ത്തി​ലെ ഏ​റ്റ​വും വ​ലി​യ വെ​ല്ലു​വി​ളി​യാ​ണു കാ​ത്തി​രി​ക്കു​ന്ന​തെ​ന്ന ചി​ന്ത​യൊ​ന്നും പ​ക്ഷെ, അ​വ​നെ അ​ല​ട്ടി​യി​രു​ന്നി​ല്ല.

ശാ​ന്ത​നാ​യി തു​ട​ങ്ങി​യ ആ​യു​ഷ് നി​ല​യു​റ​പ്പി​ക്കും​മു​ൻ​പേ ആ​ദ്യ ഗെ​യിം ന​ഷ്ട​മാ​യി. വി​റ്റി​ഡ്സ​ന്‍റെ അ​തി​വേ​ഗ​ത്തി​നു മു​ന്നി​ൽ 10-21നാ​ണ് ആ​ദ്യ ഗെ​യിം അ​ടി​യ​റ​വ​ച്ച​ത്. പ​ക്ഷെ, ര​ണ്ടാം ഗെ​യി​മി​ൽ ക​ഥ മാ​റി. കോ​ർ​ട്ടി​ൽ കൂ​ടു​ത​ൽ വേ​ഗ​ത്തി​ൽ നീ​ങ്ങി​യ ആ​യു​ഷ് കൂ​ടു​ത​ൽ ആ​ത്മ​വി​ശ്വാ​സ​ത്തോ​ടെ ഓ​രോ പോ​യി​ന്‍റി​നും​വേ​ണ്ടി പോ​രാ​ടി.

ര​ണ്ടാം ഗെ​യിം 21-19നു ​നേ​ടി ഡി​സൈ​ഡ​റി​ലേ​ക്ക് ആ​യു​സ് നീ​ട്ടി​യെ​ടു​ത്തു. മൂ​ന്നാം ഗെ​യി​മി​നി​റ​ങ്ങു​മ്പോ​ൾ മാ​ന​സി​ക​മാ​യ മു​ൻ​തൂ​ക്കം ആ​യു​ഷി​നു ത​ന്നെ​യാ​യി​രു​ന്നു. ക​ളി​യി​ൽ പി​ടി​ച്ചു​നി​ൽ​ക്കാ​നാ​യി​രു​ന്നി​ല്ല, വി​ജ​യി​ക്കാ​നാ​യി​രു​ന്നു പി​ന്നീ​ട് അ​വ​ന്‍റെ പോ​രാ​ട്ടം.

21-17 എ​ന്ന സ്കോ​റി​ൽ മ​ത്സ​രം അ​വ​സാ​നി​ച്ച​പ്പോ​ൾ ഒ​രു നി​മി​ഷം സ്റ്റേ​ഡി​യം നി​ശ​ബ്ദ​മാ​യി; പി​ന്നെ ക​ര​ഘോ​ഷ​ത്തി​ൽ​മു​ങ്ങി. പ​ക്ഷെ അ​യു​ഷ് ആ​ഘോ​ഷി​ച്ചി​ല്ല. ക​ണ്ണ​ട​ച്ച് ആ ​നി​മി​ഷം അ​നു​ഭ​വി​ച്ച​റി​ഞ്ഞു. 1965ൽ ​ദി​നേ​ഷ് ഖ​ന്ന​യ്ക്കു​ശേ​ഷം ഏ​ഷ്യ​ൻ ബാ​ഡ്മി​ന്‍റ​ണ്‍ ചാ​മ്പ്യ​ൻ​ഷി​പ്പി​ന്‍റെ ഫൈ​ന​ലി​ൽ എ​ത്തു​ന്ന ര​ണ്ടാ​മ​ത്തെ മാ​ത്രം ഇ​ന്ത്യ​ൻ താ​ര​മാ​യി ആ​യു​ഷ്.

2018ൽ ​മ​ല​യാ​ളി താ​രം എ​ച്ച്.​എ​സ്. പ്ര​ണോ​യ് വെ​ങ്ക​ലം നേ​ടി​യ ശേ​ഷം ഈ ​ഇ​ന​ത്തി​ൽ മെ​ഡ​ൽ നേ​ടു​ന്ന ആ​ദ്യ ഇ​ന്ത്യ​ൻ താ​ര​മാ​യും മാ​റി. ഏ​ഷ്യ​ൻ ചാ​മ്പ്യ​ൻ​ഷി​പ്പി​ൽ ഇ​ന്ത്യ​യു​ടെ അ​വ​സാ​ന​ത്തെ വ​ലി​യ നേ​ട്ടം 2023ൽ ​ആ​യി​രു​ന്നു. അ​ന്ന് സാ​ത്വി​ക്സാ​യ്രാ​ജ്-​ചി​രാ​ഗ് ഷെ​ട്ടി സ​ഖ്യം പു​രു​ഷ ഡ​ബി​ൾ​സി​ൽ കി​രീ​ടം നേ​ടി​യി​രു​ന്നു.

ഇ​നി ച​രി​ത്ര​ത്തി​ലേ​ക്ക് ഒ​രു ചു​വ​ടു മാ​ത്രം അ​ക​ലം. ഫൈ​ന​ലി​ൽ ലോ​ക ര​ണ്ടാം​റാ​ങ്കു​കാ​ര​ൻ ചൈ​ന​യു​ടെ ഷി ​യു​ക്കി ആ​ണ് ആ​യു​ഷി​ന്‍റെ എ​തി​രാ​ളി. പ​ക്ഷെ എ​തി​രാ​ളി ആ​രെ​ന്ന​ത് ഇ​നി പ്ര​ശ്ന​മ​ല്ല. കാ​ര​ണം, അ​യു​ഷ് ഷെ​ട്ടി സ്വ​പ്ന​ങ്ങ​ളെ പി​ന്തു​ട​രു​ന്ന​തു നി​ർ​ത്തി സ്വ​യം സ്വ​പ്ന​മാ​യി​മാ​റി​ക്ക​ഴി​ഞ്ഞു.

2023 ലോ​ക ജൂ​ണി​യ​ർ ബാ​ഡ്മി​ന്‍റ​ണ്‍ ചാ​മ്പ്യ​ൻ​ഷി​പ്പി​ൽ വെ​ങ്ക​ലം നേ​ടി​യാ​ണ് ആ​യു​ഷ് രാ​ജ്യാ​ന്ത​ര ബാ​ഡ്മി​ന്‍റ​ണി​ൽ ത​ന്‍റെ വ​ര​വ​റി​യി​ച്ച​ത്. മു​ൻ ഇ​ന്ത്യ​ൻ ഇ​ന്‍റ​ർ​നാ​ഷ​ണ​ൽ വി​മ​ൽ​കു​മാ​റി​ന്‍റെ ശി​ക്ഷ​ണ​ത്തി​ൽ ക​ളി​യ​ഭ്യ​സി​ച്ച ആ​യു​ഷ് ബാ​ഡ്മി​ന്‍റ​ണ്‍ വേ​ൾ​ഡ് ഫെ​ഡ​റേ​ഷ​ന്‍റെ 2025ലെ ​ലോ​ക ടൂ​റി​ൽ യു​എ​സ് ഓ​പ്പ​ണ്‍ കി​രീ​ടം ചൂ​ടി​യി​രു​ന്നു.

തു​ട​ക്ക​ത്തി​ലെ കു​തി​പ്പി​നു​ശേ​ഷം ലോ​ക റാ​ങ്കിം​ഗി​ൽ ആ​റി​ൽ​നി​ന്നു 12ലേ​ക്കു വീ​ണ ല​ക്ഷ്യ സെ​ന്നി​നും വ​നി​ത​ക​ളി​ൽ ഒ​ളി​മ്പി​ക് മെ​ഡ​ൽ ജേ​താ​വ് പി.​വി. സി​ന്ധു​വി​നു​മൊ​പ്പം ഇ​ന്ത്യ​ക്ക് 2028 ലോ​സ് ആ​ഞ്ച​ല​സ് ഒ​ളി​മ്പി​ക്സി​ൽ മെ​ഡ​ൽ​പ്ര​തീ​ക്ഷ​യേ​കു​ക​യാ​ണു ലോ​ക ബാ​ഡ്മി​ന്‍റ​ണി​ലെ ഉ​യ​ര​ക്കാ​രി​ൽ ഒ​രാ​ളാ​യ ഈ ​ക​ർ​ണാ​ട​ക​ക്കാ​ര​ൻ.

Tags : ayush shetty badminton asian badminton championship sports