13

കാ​ൻ​സാ​സ് സി​റ്റി: ലോ​ക​ക​പ്പി​ലെ ആ​ദ്യ മ​ത്സ​ര​ത്തി​നു ദി​വ​സ​ങ്ങ​ൾ മാ​ത്രം ശേ​ഷി​ക്കെ ഇം​ഗ്ല​ണ്ട് ഫു​ട്ബോ​ൾ ടീ​മി​ന്‍റെ ബൂ​ട്ടു​ക​ളും പ​ന്തു​ക​ളു​മ​ട​ക്ക​മു​ള്ള സാ​ധ​ന​ങ്ങ​ൾ മോ​ഷ​ണം​പോ​യി. അ​ടു​ത്ത‍​യാ​ഴ്ച ക്രൊ​യേ​ഷ്യ​ക്കെ​തി​രേ ആ​ദ്യ പോ​രാ​ട്ടം അരങ്ങേറാനിരിക്കെ നടന്ന മോ​ഷ​ണം ടീ​മി​നെ വ​ലി​യ പ്ര​തി​സ​ന്ധി​യി​ലാ​ക്കി.

യു​എ​സി​ലെ കാ​ൻ​സാ​സ് സി​റ്റി​യി​ലാ​ണു സം​ഭ​വം. ഞാ​യ​റാ​ഴ്ച കാ​ൻ​സാസ് സി​റ്റി​യി​ൽ എ​ത്തു​ന്ന ഇം​ഗ്ല​ണ്ട് ടീ​മി​നാ​യി അ​വ​രു​ടെ പ​രി​ശീ​ലനകേ​ന്ദ്ര​മാ​യ സ്വോ​പ് സോ​ക്ക​ർ വി​ല്ലേ​ജി​ലേ​ക്ക് സാ​മ​ഗ്രി​ക​ൾ മു​ൻ​കൂ​ട്ടി എ​ത്തി​ച്ച വാ​ഹ​ന​ങ്ങ​ളി​ലാ​ണു മോ​ഷ​ണം ന​ട​ന്ന​ത്. വാ​ഹ​ന​ങ്ങ​ൾ ത​ക​ർ​ത്താ​ണ് മോ​ഷ്ടാ​ക്ക​ൾ സാ​ധ​ന​ങ്ങ​ൾ ക​വ​ർ​ന്ന​ത്. സംഭവത്തിൽ ര​ണ്ടുപേ​രെ പോലീസ് അ​റ​സ്റ്റ് ചെ​യ്തു.

പ​ന്തു​ക​ളും ബൂ​ട്ടുകളും കൂ​ടാ​തെ, മറ്റെന്തെങ്കിലും സാ​ധ​ന​ങ്ങ​ൾ ന​ഷ്ട​പ്പെ​ട്ടി​ട്ടു​ണ്ടോ എ​ന്ന് ഇം​ഗ്ലീ​ഷ് ഫു​ട്ബോ​ൾ അ​സോ​സി​യേ​ഷ​ൻ പ​രി​ശോ​ധി​ക്കുകയാണ്. പ​രി​ശീ​ല​ക​ൻ തോ​മ​സ് ടു​ഹെ​ലും സം​ഘ​വും കാ​ൻ​സാ​സ് സി​റ്റി​യി​ലെ പരിശീലനകേന്ദ്രത്തിൽ എ​ത്തിയപ്പോഴാണ് ​സം​ഭ​വം പു​റ​ത്ത​റി​യു​ന്ന​ത്. ഉ​ട​ൻ ത​ന്നെ സംഭവം പോലീസിൽ അറിയിക്കുകയായിരുന്നു.

ബു​ധ​നാ​ഴ്ച ക്രൊ​യേ​ഷ്യ​ക്കെ​തി​രേ ന​ട​ക്കു​ന്ന ആ​ദ്യ മ​ത്സ​ര​ത്തി​നാ​യു​ള്ള തോ​മ​സ് ടു​ഹെ​ലി​ന്‍റെ ത​ന്ത്ര​ങ്ങ​ളെ​യും ടീ​മിന്‍റെ ഒ​രു​ക്ക​ങ്ങ​ളെ​യും ഈ ​സം​ഭ​വം ബാ​ധി​ച്ചേ​ക്കു​മെ​ന്നാ​ണ് റിപ്പോർട്ട്. ഞാ​യ​റാ​ഴ്ച​യാ​ണ് ഇം​ഗ്ല​ണ്ട് താ​ര​ങ്ങ​ളു​ടെ സന്പൂർണ പ​രി​ശീ​ല​നം നി​ശ്ച​യി​ച്ചി​രി​ക്കു​ന്ന​ത്. ഇ​ത്ത​രം അ​പ്ര​തീ​ക്ഷി​ത സം​ഭ​വ​ങ്ങ​ൾ ടീ​മിന്‍റെ മാ​ന​സി​കാ​വ​സ്ഥ​യെ ബാ​ധി​ക്കു​മോ എ​ന്ന ആ​ശ​ങ്ക​യും ഉ​യ​രു​ന്നു​ണ്ട്.

1966-ന് ​ശേ​ഷം പ്ര​ധാ​ന കി​രീ​ട​ങ്ങളൊന്നും നേ​ടാ​നാ​കാ​ത്ത ഇം​ഗ്ല​ണ്ടി​ന് ഇ​ത്ത​വ​ണ​
ത്തെ ലോ​ക​ക​പ്പ് ഏ​റെ നി​ർ​ണാ​യ​ക​മാ​ണ്. സൂ​പ്പ​ർ സ്ട്രൈ​ക്ക​ർ ഹാ​രി കെ​യ്ന്‍റെ നേ​തൃ​ത്വ​ത്തി​ൽ ശ​ക്ത​മാ​യ നി​ര​യു​മാ​യാ​ണ് ഇം​ഗ്ല​ണ്ട് ഇ​ക്കു​റി ഇ​റ​ങ്ങു​ന്ന​ത്. ക​ഴി​ഞ്ഞ ര​ണ്ട് യൂ​റോ ക​പ്പു​ക​ളി​ലും ഫൈ​ന​ലി​ൽ എ​ത്തി​യ ഇം​ഗ്ല​ണ്ടി​ന്, ഈ ലോക കപ്പ് മി​ക​ച്ച അ​വ​സ​ര​മാ​യാ​ണ് ഫു​ട്ബോ​ൾ ലോ​കം വി​ല​യി​രു​ത്തു​ന്ന​ത്.

48 ടീ​മു​ക​ൾ മാ​റ്റു​ര​യ്ക്കു​ന്ന ച​രി​ത്ര​ത്തി​ലെ ഏ​റ്റ​വും വ​ലി​യ ​ലോ​ക​ക​പ്പി​ൽ ഗ്രൂ​പ്പ് എല്ലിൽ ആണ് ഇം​ഗ്ല​ണ്ട് മ​ത്സ​രി​ക്കു​ന്ന​ത്. ക്രൊ​യേ​ഷ്യ, ഘാ​ന, പ​നാ​മ എ​ന്നി​വ​രാ​ണ് ഗ്രൂ​പ്പി​ലെ മ​റ്റ് ടീ​മു​ക​ൾ. ക്രൊ​യേ​ഷ്യ​ക്കെ​തി​രെ​യു​ള്ള ആ​ദ്യ മ​ത്സ​ര​ത്തി​ന് ശേ​ഷം ജൂ​ൺ 23ന് ​ഘാ​ന​യു​മാ​യും, ജൂ​ൺ 27ന് ​പ​നാ​മ​യു​മാ​യും ഇം​ഗ്ല​ണ്ട് ഏ​റ്റു​മു​ട്ടും.

Tags : England FIFA World Cup Football Team