23

യൂ​റോ​പ്പി​ലെ ഏ​റ്റ​വും പ​ഴ​ക്കം​ചെ​ന്ന വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലൊ​ന്നാ​യ കൊ​യിം​ബ്ര സ​ർ​വ​ക​ലാ​ശാ​ല സ്ഥാ​പി​ത​മാ​യ​ത് 1290ലാ​ണ്- അ​താ​യ​ത്, ഏ​ഴു നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള ഒ​രു ജ്ഞാ​ന​കേ​ന്ദ്ര​മാ​ണ​ത്. ആ ​സ​ർ​വ​ക​ലാ​ശാ​ല​യു​ടെ ഹൃ​ദ​യ​ഭാ​ഗ​ത്ത്, അ​റി​വി​ന്‍റെ​യും ബ​റോ​ക്ക് വാ​സ്തു​വി​ദ്യ​യു​ടെ​യും ഒ​രു യ​ഥാ​ർ​ഥ നി​ധി​ശേ​ഖ​ര​മാ​യ ജോ​വാ​നി​ന ലൈ​ബ്ര​റി ഉ​ണ്ട്.

1717ൽ, ​യൂ​റോ​പ്പി​ൽ ജ്ഞാ​നോ​ദ​യ കാ​ല​ഘ​ട്ടം ആ​രം​ഭി​ക്കു​ന്ന ആ ​ച​രി​ത്ര മു​ഹൂ​ർ​ത്ത​ത്തി​ൽ, പോ​ർ​ച്ചു​ഗ​ൽ രാ​ജാ​വ് ജോ​ൺ അ​ഞ്ചാ​മ​നാ​ണ് ഈ ​ലൈ​ബ്ര​റി​യു​ടെ നി​ർ​മാ​ണം ആ​രം​ഭി​ച്ച​ത്. 1728ൽ ​നി​ർ​മാ​ണം പൂ​ർ​ത്തി​യാ​യ​ശേ​ഷം, 1750ൽ ​ലൈ​ബ്ര​റി​യി​ൽ ആ​ദ്യ പു​സ്ത​ക​ങ്ങ​ൾ എ​ത്തി. ലൈ​ബ്ര​റി​ക്ക് സ്ഥാ​പ​ക​ന്‍റെ ലാ​റ്റി​ൻ നാ​മ​മാ​യ "ജോ​വാ​ന​സ്' എ​ന്ന​തി​ൽ നി​ന്നാ​ണ് "ജോ​വാ​നി​ന' എ​ന്ന പേ​രു ല​ഭി​ച്ച​ത്.

ഇ​രു​നി​ല​ക​ളി​ലാ​യി നീ​ളു​ന്ന കൊ​ത്തു​പ​ണി​യു​ള്ള മ​ര​യ​ല​മാ​ര​ക​ൾ, ചൈ​നീ​സ് ചി​ത്ര ആ​ലേ​ഖ​ന​ങ്ങ​ൾ, തെ​ക്കേ അ​മേ​രി​ക്ക​യി​ൽ​നി​ന്നു​ള്ള അ​പൂ​ർ​വ മ​ര​ത്തി​ൽ തീ​ർ​ത്ത ഫ​ർ​ണി​ച്ച​ർ... ഇ​വ മൊ​ത്തം പോ​ർ​ച്ചു​ഗീ​സ് ക​ലാ​കാ​ര​ന്മാ​ർ​ത​ന്നെ നി​ർ​മി​ച്ച​താ​ണ്.

1725ൽ ​ഇ​റ്റ​ലി​ക്കാ​ര​നാ​യ ഡൊ​മെ​നി​ക്കോ ഡു​പ്രാ വ​ര​ച്ച ജോ​ൺ അ​ഞ്ചാ​മ​ന്‍റെ ഛായാ​ചി​ത്രം ഇ​വി​ടെ​യു​ണ്ട്. നോ​ബി​ൾ ഫ്ലോ​റി​ലെ ഷെ​ൽ​ഫു​ക​ൾ ക​റു​പ്പ്, ചു​വ​പ്പ്, പ​ച്ച നി​റ​ങ്ങ​ളി​ൽ, പൊ​ന്നു പൂ​ശി​യ ഓ​ക്ക് മ​ര​ത്തി​ൽ മാ​ർ​ബി​ളി​ന്‍റെ ഘ​ട​ന അ​നു​ക​രി​ക്കു​ന്ന ശൈ​ലി​യി​ൽ നി​ർ​മി​ച്ച​താ​ണ്. 2013ൽ ​യു​നെ​സ്കോ ഈ ​സ​ർ​വ​ക​ലാ​ശാ​ലാ പ​രി​സ​ര​ത്തി​ന് ലോ​ക പൈ​തൃ​ക പ​ദ​വി ന​ൽ​കി ആ​ദ​രി​ച്ചു.

ജ്ഞാ​ന​ഭ​ണ്ഡാ​ഗാ​രം

ജോ​വാ​നി​ന ലൈ​ബ്ര​റി​യി​ൽ 70,000ലേ​റെ അ​പൂ​ർ​വ ച​രി​ത്ര പു​സ്ത​ക​ങ്ങ​ൾ ഉ​ണ്ട്- വൈ​ദ്യ​ശാ​സ്ത്രം, ഭൂ​മി​ശാ​സ്ത്രം, ച​രി​ത്രം, ദൈ​വ​ശാ​സ്ത്രം, ശാ​സ്ത്രം, നി​യ​മം എ​ന്നീ മേ​ഖ​ല​ക​ളി​ൽ പ​തി​നാ​റാം നൂ​റ്റാ​ണ്ടു മു​ത​ലു​ള്ള ഗ്ര​ന്ഥ​ങ്ങ​ൾ ഉ​ൾ​പ്പെ​ടെ. ഡ​യോ​നീ​ഷ്യ​സ് ഓ​ഫ് ഹ​ലി​ക​ർ​ണാ​സ​സി​ന്‍റെ "റോ​മ​ൻ ആ​ന്‍റി​ക്വി​റ്റീ​സി'​ന്‍റെ ഒ​ന്നാം പ​തി​പ്പ്, ഹോ​മ​റി​ന്‍റെ സ​ന്പൂ​ർ​ണ കൃ​തി​ക​ൾ... ഇ​ങ്ങ​നെ ലോ​ക​സാ​ഹി​ത്യ​ത്തി​ന്‍റെ അ​ടി​സ്ഥാ​ന ഗ്ര​ന്ഥ​ങ്ങ​ൾ ഇ​വി​ടെ സൂ​ക്ഷി​ക്ക​പ്പെ​ടു​ന്നു.

ഈ ​ലൈ​ബ്ര​റി കെ​ട്ടി​ടം ഒ​രു ഭൂ​ഗ​ർ​ഭ ഖ​ജ​നാ​വു പോ​ലെ സ​ങ്ക​ല്പി​ച്ച് നി​ർ​മി​ച്ച​താ​ണ്. പു​റം​ഭി​ത്തി​ക​ൾ 2.11 മീ​റ്റ​റി​ലേ​റെ ക​ട്ടി​യു​ള്ള​വ. തേ​ക്കു മ​ര​ത്തി​ൽ നി​ർ​മി​ച്ച വാ​തി​ൽ. ഉ​ൾ​ഭാ​ഗ​ത്ത് 18-20 ഡി​ഗ്രി സെ​ൽ​ഷ​സ് സ്ഥി​ര​ത​യു​ള്ള താ​പ​നി​ല​യും 60 ശ​ത​മാ​നം ആ​ർ​ദ്ര​ത​യും നി​ല​നി​ർ​ത്തു​ന്നു. ഈ ​സ്ഥി​ര​മാ​യ അ​ന്ത​രീ​ക്ഷ​മാ​ണ് ഗ്ര​ന്ഥ​ങ്ങ​ളെ നൂ​റ്റാ​ണ്ടു​ക​ളാ​യി മി​ക​ച്ച അ​വ​സ്ഥ​യി​ൽ കാ​ക്കു​ന്ന​തി​ന്‍റെ ഒ​രു ര​ഹ​സ്യം.

രാ​ത്രി ലൈ​ബ്രേ​റി​യ​ൻ​മാ​ർ

ലൈ​ബ്ര​റി​യു​ടെ ഉ​പ ഡ​യ​റ​ക്ട​ർ അ​ന്തോ​ണി​യോ എ​വു​ഴേ​നി​യോ മാ​യ ദു ​അ​മ​റാ​ൽ "ഓ​ണ​റ​റി ലൈ​ബ്രേ​റി​യ​ൻ​മാ​ർ' എ​ന്നു വി​ശേ​ഷി​പ്പി​ക്കു​ന്ന ഒ​രു കൂ​ട്ടം ഇ​വി​ടെ​യു​ണ്ട്. ഏ​താ​ണ്ടു ര​ണ്ട​ര നൂ​റ്റാ​ണ്ടാ​യി അ​വ​രു​ടെ സം​ഘം ഇ​വി​ടെ "ജോ​ലി' ചെ​യ്യു​ന്നു. നെ​റ്റി ചു​ളി​ക്കേ​ണ്ട, അ​വ​ർ മ​നു​ഷ്യ​ര​ല്ല, വ​വ്വാ​ലു​ക​ളാ​ണ്!
പ​ക​ല​ത്ര​യും അ​ല​മാ​ര​ക​ൾ​ക്കി​ട​യി​ൽ ഒ​ളി​ഞ്ഞി​രു​ന്ന് ഉ​റ​ങ്ങു​ന്ന ഈ ​ജോ​ലി​ക്കാ​ർ രാ​ത്രി​ക​ളി​ൽ ഉ​ണ​ർ​ന്ന് ലൈ​ബ്ര​റി​ക്കു​ള്ളി​ലെ​ത്തു​ന്ന പ്രാ​ണി​ക​ളെ ഭ​ക്ഷി​ക്കും. അ​തു​ക​ഴി​ഞ്ഞ് ജ​ന​ലി​ലൂ​ടെ പു​റ​ത്തു​ക​ട​ന്ന് മൊ​ണ്ടേ​ഗു ന​ദി​യി​ലേ​ക്കു​പ​റ​ന്ന് വെ​ള്ളം കു​ടി​ക്കാ​ൻ പോ​കു​ന്നു.

ചാ​റ്റ​ൽ​മ​ഴ​യു​ള്ള മ​ധ്യാ​ഹ്ന​ങ്ങ​ളി​ൽ ലൈ​ബ്ര​റി​ക്കു​ള്ളി​ൽ ചെ​വി കൊ​ടു​ത്തി​രു​ന്നാ​ൽ അ​വി​ട​ത്തെ ജീ​വ​ന​ക്കാ​ർ "പാ​ടു​ന്ന​താ​യി" വ​ർ​ണി​ക്കു​ന്ന വ​വ്വാ​ലു​ക​ളു​ടെ ശ​ബ്ദം കേ​ൾ​ക്കാം- അ​വ​രു​ടെ സാ​മൂ​ഹ്യ ആ​ശ​യ​വി​നി​മ​യ ശ​ബ്ദ​ങ്ങ​ളാ​ണ​ത്. 2015ൽ ​ലൈ​ബ്ര​റി​യു​ടെ കൂ​റ്റ​ൻ ത​ടി​വാ​തി​ൽ മാ​റ്റി പു​തു​ക്കി​യ​പ്പോ​ൾ, ആ​ശാ​രി​മാ​ർ ഒ​രു​കാ​ര്യം ശ്ര​ദ്ധാ​പൂ​ർ​വം ഉ​റ​പ്പു​വ​രു​ത്തി- വ​വ്വാ​ലു​ക​ൾ രാ​ത്രി ന​ദി​ക്ക​ര​യി​ലേ​ക്കു പ​റ​ക്കാ​ൻ ഉ​പ​യോ​ഗി​ക്കു​ന്ന വി​ട​വ് അ​തേ​പോ​ലെ നി​ല​നി​ർ​ത്ത​ണം. ഒ​രു ജ്ഞാ​ന​ഭ​ണ്ഡാ​ഗാ​ര​ത്തി​ലെ ജ്ഞാ​ന​മു​ള്ള ജീ​വ​ന​ക്കാ​ർ!

എ​ങ്ങ​നെ വ​ന്നു ഇ​വ​ർ

വ​വ്വാ​ലു​ക​ൾ ഇ​വി​ടെ ആ​ദ്യം എ​ത്തി​യ ക​ഥ ആ​ർ​ക്കും കൃ​ത്യ​മാ​യി അ​റി​യി​ല്ല. ചി​ല​ർ ക​രു​തു​ന്ന​ത് ആ​ദ്യ​കാ​ല ഗ്ര​ന്ഥ​പാ​ല​ക​ർ ബോ​ധ​പൂ​ർ​വും ഇ​വ​രെ ഇ​വി​ടെ കൊ​ണ്ടു​വ​ന്നു എ​ന്നാ​ണ്. എ​ന്നാ​ൽ ഇ​ന്ന​ത്തെ ജോ​ലി​ക്കാ​ർ കൂ​ടു​ത​ൽ വി​ശ്വ​സി​ക്കു​ന്ന​ത് മ​റി​ച്ചാ​ണ്. ശാ​ന്തി​യും ഇ​രു​ളും ഇ​ഷ്ട​പ്പെ​ടു​ന്ന ഈ ​ജീ​വി​ക​ൾ സ്വ​യം വ​ന്ന​താ​ക​ണം. “രാ​ത്രി​യി​ലെ ലൈ​ബ്ര​റി​പോ​ലെ ഇ​തി​ലും ശാ​ന്ത​മാ​യ ഇ​ടം വേ​റെ എ​വി​ടെ​യു​ണ്ട്?” എ​ന്ന് ഉ​പ ഡ​യ​റ​ക്ട​ർ ചോ​ദി​ക്കു​ന്നു. ര​ണ്ടി​ന​ങ്ങ​ളി​ൽ​പ്പെ​ട്ട വ​വ്വാ​ലു​ക​ളാ​ണ് ഇ​വി​ടെ​യു​ള്ള​ത്. ര​ണ്ടും ചെ​റു​തും ച​ടു​ല​മാ​യി പ​റ​ക്കു​ന്ന​വ​യു​മാ​ണ്.

വെ​ല്ലു​വി​ളി​ക​ൾ

ഈ ​ജൈ​വ​കൂ​ട്ടു​കെ​ട്ടി​ന് ചി​ല വെ​ല്ലു​വി​ളി​ക​ളു​മു​ണ്ട്. പ​ത്തൊ​ന്പ​താം നൂ​റ്റാ​ണ്ടി​ൽ ലൈ​ബ്ര​റി അ​ല​മാ​ര​ക​ൾ സം​ര​ക്ഷി​ക്കാ​ൻ ഇം​പീ​രി​യ​ൽ റ​ഷ്യ​യി​ൽ​നി​ന്ന് ഇ​റ​ക്കു​മ​തി​ചെ​യ്ത തു​ക​ൽ ഷീ​റ്റു​ക​ൾ ഇ​ന്നും ഉ​പ​യോ​ഗി​ക്കു​ന്നു. ഓ​രോ ദി​വ​സ​വും ലൈ​ബ്ര​റി അ​ട​യ്ക്കു​മ്പോ​ൾ മേ​ശ​ക​ളും അ​ല​മാ​ര​ക​ളും മൂ​ടി, പ്ര​ഭാ​ത​ത്തി​ൽ ശ്ര​ദ്ധാ​പൂ​ർ​വം ശു​ദ്ധി​യാ​ക്കും.

എ​ന്നാ​ൽ ഒ​രു കാ​ര്യം ഉ​ദ്യോ​ഗ​സ്ഥ​ർ​ക്ക് ഇ​ന്നും പ​രി​ഹ​രി​ക്കാ​ൻ ക​ഴി​ഞ്ഞി​ട്ടി​ല്ല- ലൈ​ബ്ര​റി​യു​ടെ ഉ​ള്ളി​ൽ, സ്ഥാ​പ​ക​ൻ ജോ​ൺ അ​ഞ്ചാ​മ​ന്‍റെ ഛായാ​ചി​ത്ര​ത്തി​ന് ഏ​റ്റ​വു​മ​ടു​ത്ത് ഇ​ഷ്ട​ത്തോ​ടെ "ഹാ​ജ​ർ' വ​യ്ക്കു​ക വ​വ്വാ​ലു​ക​ളു​ടെ ഒ​രു ശീ​ല​മാ​ണ്! എ​ന്നു​വ​ച്ചാ​ൽ കാ​ഷ്ഠി​ക്ക​ൽ​ത​ന്നെ. ആ ​ചി​ത്ര​ത്തി​ന്‍റെ കാ​ര്യം ലൈ​ബ്ര​റി ജീ​വ​ന​ക്കാ​ർ ഇ​പ്പോ​ൾ നോ​ക്കാ​റി​ല്ല​ത്രേ. പു​സ്ത​ക​ങ്ങ​ൾ സം​ര​ക്ഷി​ക്കാ​ൻ വ​വ്വാ​ലു​ക​ൾ മാ​ത്ര​മാ​ണെ​ന്നു ക​രു​ത​രു​ത്. ലൈ​ബ്ര​റി​യി​ലെ ഒ​രു ഓ​ക്സി​ജ​ൻ​ര​ഹി​ത അ​റ​യും ഇ​തി​നാ​യി ഉ​പ​യോ​ഗി​ക്കു​ന്നു​ണ്ട്.

ലോ​ക​ത്ത് അ​പൂ​ർ​വം

ലോ​ക​ത്ത് ബോ​ധ​പൂ​ർ​വം വ​വ്വാ​ലു​ക​ൾ​ക്ക് ആ​തി​ഥ്യ​മ​രു​ളു​ന്ന ലൈ​ബ്ര​റി​ക​ൾ ര​ണ്ടെ​ണ്ണ​മാ​ണ്. ര​ണ്ടും പോ​ർ​ച്ചു​ഗ​ലി​ൽ​ത​ന്നെ. ആ​ദ്യ​ത്തേ​ത് ജോ​വാ​നി​ന ലൈ​ബ്ര​റി. മ​റ്റൊ​ന്ന് ലി​സ്ബ​ണി​ന് 125 മൈ​ൽ തെ​ക്ക് മാ​ഫ്ര പാ​ല​സി​ലെ ലൈ​ബ്ര​റി. മാ​ഫ്ര​യി​ലെ ലൈ​ബ്ര​റി തു​ക​ൽ ബൈ​ൻ​ഡ് ചെ​യ്ത 36,000 ഗ്ര​ന്ഥ​ങ്ങ​ൾ ഉ​ള്ള ഒ​ന്നാ​ണ്. അ​വി​ടെ ഒ​രു ഗ്ലാ​സ് പെ​ട്ടി​യി​ൽ മൂ​ന്നു വ​വ്വാ​ലു​ക​ളു​ടെ ടാ​ക്സി​ഡേ​ർ​മ്ഡ് അ​വ​ശി​ഷ്ട​ങ്ങ​ൾ ആ​ദ​രാ​ഞ്ജ​ലി​യാ​യി സൂ​ക്ഷി​ക്ക​പ്പെ​ടു​ന്നു!

കേ​ര​ള​ത്തി​ലെ വ​വ്വാ​ലു​ക​ൾ

ജോ​വാ​നി​ന ലൈ​ബ്ര​റി​യി​ൽ നൂ​റ്റാ​ണ്ടു​ക​ളാ​യി "ഓ​ണ​റ​റി ലൈ​ബ്രേ​റി​യ​ൻ' എ​ന്ന​പേ​രി​ൽ ആ​ദ​രം ല​ഭി​ക്കു​ന്ന ഈ ​ജീ​വി​യെ, കേ​ര​ള​ത്തി​ൽ ഇ​ന്നും ശാ​പ​മാ​യും അ​പ​ക​ട​കാ​രി​യാ​യും മാ​ത്ര​മാ​ണ് കാ​ണു​ന്ന​ത്. നി​പ്പ രോ​ഗ​ബാ​ധ​യു​ടെ പ​ശ്ചാ​ത്ത​ല​ത്തി​ൽ ആ ​ജാ​ഗ്ര​ത ആ​വ​ശ്യ​മാ​ണെ​ന്ന​തു ശ​രി. എ​ന്നാ​ൽ ഒ​രേ ജീ​വി ഒ​രി​ട​ത്ത് ലോ​ക പൈ​തൃ​ക ഭ​ണ്ഡാ​ഗാ​ര​ത്തി​ന്‍റെ കാ​വ​ൽ​ക്കാ​ര​ൻ, മ​റ്റൊ​രി​ട​ത്ത് ഭ​യ​ത്തോ​ടെ ക​ല്ലെ​റി​ഞ്ഞോ​ടി​ക്ക​പ്പെ​ടു​ന്ന ദു​ശ്ശ​കു​നം- ഈ ​വ്യ​ത്യാ​സം ശാ​സ്ത്ര​ബോ​ധ​ത്തി​ന്‍റേ​ത​ല്ല, കാ​ഴ്ച​പ്പാ​ടി​ന്‍റേ​താ​ണ്.

അ​തു​കൊ​ണ്ട്, കൊ​യിം​ബ്ര​യി​ൽ എ​ത്തു​ക​യാ​ണെ​ങ്കി​ൽ ച​രി​ത്ര​വും വാ​സ്തു​വി​ദ്യ​യും പ്ര​കൃ​തി​യും ഒ​രു​മി​ച്ചു ശ്വ​സി​ക്കു​ന്ന ഈ ​അ​ദ്ഭു​ത​ക​ര​മാ​യ ലൈ​ബ്ര​റി നി​ർ​ബ​ന്ധ​മാ​യും ക​ണ്ടി​രി​ക്ക​ണം. ഒ​രു​പ​ക്ഷേ, ഉ​ച്ച​തി​രി​ഞ്ഞ് ഒ​രു ചാ​റ്റ​ൽ​മ​ഴ​ദി​വ​സം ചെ​ന്നാ​ൽ, ആ "​ഓ​ണ​റ​റി ലൈ​ബ്രേ​റി​യ​ൻ​മാ​ർ' ഉ​ള്ളി​ൽ​നി​ന്ന് പാ​ടു​ന്ന​തു​കൂ​ടി കേ​ൾ​ക്കാം.

Tags : Bats guard books sunday deepika