23

ചി​ന്താ​വി​ഷ​യം

ഏ​താ​ണ്ട് ഒ​ന്ന​ര നൂ​റ്റാ​ണ്ടാ​യി നി​ർ​മാ​ണം തു​ട​രു​ന്ന ലോ​ക​ത്തി​ലെ ഏ​റ്റ​വും ഉ​യ​രം​കൂ​ടി​യ ദേ​വാ​ല​യ​മാ​ണ് സ​ഗ്രാ​ദ ഫ​മീ​ലി​യ. സ്പെ​യി​നി​ലെ ബാ​ഴ്സ​ലോ​ണ​യി​ൽ അം​ബ​ര​ചും​ബി​യാ​യി നി​ൽ​ക്കു​ന്ന ഈ ​ബ​സി​ലി​ക്ക​യു​ടെ ഉ​യ​രം 566 അ​ടി​യാ​ണ്. തി​രു​ക്കു​ടും​ബ​ത്തി​ന്‍റെ നാ​മ​ത്തി​ലു​ള്ള ഈ ​ദേ​വാ​ല​യ​ത്തി​ൽ യേ​ശു​ക്രി​സ്തു​വി​ന്‍റെ നാ​മ​ത്തി​ൽ പ​ണി​തീ​ർ​ത്ത ട​വ​ർ ആ​ണ് ഏ​റ്റ​വും ഉ​യ​ർ​ന്നു നി​ൽ​ക്കു​ന്ന​ത്. ക​ഴി​ഞ്ഞ പ​ത്തി​ന് ലെ​യോ പ​തി​നാ​ലാ​മ​ൻ മാ​ർ​പാ​പ്പ ഈ ​ട​വ​ർ ആ​ശീ​ർ​വ​ദി​ച്ച​തോ​ടു​കൂ​ടി അ​തു കൂ​ടു​ത​ൽ പ്ര​സി​ദ്ധ​മാ​യി.

ഇ​പ്പോ​ൾ സ്പെ​യി​നി​ലെ ഏ​റ്റ​വും വ​ലി​യ ടൂ​റി​സ്റ്റ് കേ​ന്ദ്രം ഈ ​ദേ​വാ​ല​യ​മാ​ണ്. ഇ​തി​ന്‍റെ ശി​ല്പി​യാ​യ അ​ന്‍റോ​ണി ഗൗ​ദി​യും ഏ​റെ പ്ര​സി​ദ്ധ​നാ​യി​ത്തീ​ർ​ന്നി​ട്ടു​ണ്ട്. ദൈ​വ​ത്തി​ന്‍റെ ആ​ർ​ക്കി​ടെ​ക്ട് എ​ന്നാ​ണ് അ​ദ്ദേ​ഹം അ​റി​യ​പ്പെ​ടു​ന്ന​ത്.

1852ൽ ​സ്പെ​യി​നി​ലെ കാ​റ്റ​ലോ​ണി​യ​യി​ലാ​ണ് ഗൗ​ദി ജ​നി​ച്ച​ത്. ബാ​ല്യ​കാ​ലം​മു​ത​ൽ പ്ര​കൃ​തി​യോ​ട് അ​തി​യാ​യ താ​ത്പ​ര്യം അ​ദ്ദേ​ഹം പു​ല​ർ​ത്തി​യി​രു​ന്നു. മ​ര​ങ്ങ​ൾ, പു​ഷ്പ​ങ്ങ​ൾ, മ​ല​നി​ര​ക​ൾ, പ​ക്ഷി​ക​ൾ, ക​ട​ൽ​ച്ചി​പ്പി​ക​ൾ എ​ന്നി​ങ്ങ​നെ പ്ര​കൃ​തി​യി​ലെ എ​ല്ലാ​റ്റി​ലും ദൈ​വ​ത്തി​ന്‍റെ ക​ര​വി​രു​ത് അ​ദ്ദേ​ഹം ക​ണ്ടു. പി​ന്നീ​ട് വാ​സ്തു​ശി​ല്പി​യാ​യി വ​ള​ർ​ന്ന​പ്പോ​ൾ ഈ ​പ്ര​കൃ​തി​സൗ​ന്ദ​ര്യം​ത​ന്നെ അ​ദ്ദേ​ഹം രൂ​പ​ക​ല്പ​ന​ചെ​യ്ത സൗ​ധ​ങ്ങ​ളു​ടെ മു​ഖ​മു​ദ്ര​യാ​യി മാ​റി.

1883ൽ ​സ​ഗ്രാ​ദ ഫ​മീ​ലി​യ എ​ന്ന ദേ​വാ​ല​യ​ത്തി​ന്‍റെ നി​ർ​മാ​ണ​ച്ചു​മ​ത​ല അ​ദ്ദേ​ഹ​ത്തി​ന്‍റെ കൈ​ക​ളി​ലെ​ത്തി. ആ​ദ്യം അ​തൊ​രു സാ​ധാ​ര​ണ പ്ര​ഫ​ഷ​ണ​ൽ ജോ​ലി മാ​ത്ര​മാ​യി​രു​ന്നു. എ​ന്നാ​ൽ കാ​ല​ക്ര​മേ​ണ അ​ത് അ​ദ്ദേ​ഹ​ത്തി​ന്‍റെ ജീ​വി​ത​ദൗ​ത്യ​മാ​യി മാ​റി. മ​റ്റു പ​ല പ​ദ്ധ​തി​ക​ളും അ​ദ്ദേ​ഹം ഉ​പേ​ക്ഷി​ച്ചു. ത​ന്‍റെ ജീ​വി​ത​ത്തി​ന്‍റെ അ​വ​സാ​ന നാ​ല്പ​തു​വ​ർ​ഷം ഈ ​ഒ​രൊ​റ്റ ദേ​വാ​ല​യ​നി​ർ​മി​തി​ക്കു​വേ​ണ്ടി അ​ദ്ദേ​ഹം സ്വ​യം സ​മ​ർ​പ്പി​ച്ചു.

ഈ ​ദേ​വാ​ല​യ​ത്തി​ന്‍റെ നി​ർ​മാ​ണം ഏ​റെ വ​ർ​ഷ​ങ്ങ​ൾ നീ​ണ്ടു​പോ​കു​മെ​ന്ന​റി​യാ​മാ​യി​രു​ന്ന ഒ​രാ​ൾ അ​ദ്ദേ​ഹ​ത്തോ​ട് ചോ​ദി​ച്ചു: പ​ള്ളി​യു​ടെ പ​ണി ഇ​ത്ര​യും സാ​വ​ധാ​നം ന​ട​ക്കു​ന്പോ​ൾ അ​ങ്ങേ​ക്ക് വി​ഷ​മ​മി​ല്ലേ? അ​പ്പോ​ൾ ഗൗ​ദി ന​ൽ​കി​യ മ​റു​പ​ടി പ്ര​സി​ദ്ധ​മാ​ണ്- ""എ​ന്‍റെ ഉ​പ​ഭോ​ക്താ​വി​നു തി​ടു​ക്ക​മി​ല്ല.'' അ​ദ്ദേ​ഹം പ​രാ​മ​ർ​ശി​ച്ച ഉ​പ​ഭോ​ക്താ​വ് ദൈ​വ​മാ​യി​രു​ന്നു.

സ​ഗ്രാ​ദ ഫ​മീ​ലി​യ​യു​ടെ നി​ർ​മാ​ണം ത​ന്‍റെ ജീ​വി​ത​കാ​ല​ത്തു പൂ​ർ​ത്തി​യാ​കി​ല്ലെ​ന്ന് അ​ദ്ദേ​ഹ​ത്തി​ന​റി​യാ​മാ​യി​രു​ന്നു. എ​ങ്കി​ലും അ​ദ്ദേ​ഹം നി​രാ​ശ​നാ​യി​ല്ല. കാ​ര​ണം, താ​ൻ പ​ടു​ത്തു​യ​ർ​ത്തു​ന്ന​ത് ഒ​രു വ​ന്പ​ൻ കെ​ട്ടി​ടം മാ​ത്ര​മ​ല്ല, പ്ര​ത്യു​ത ഭാ​വി ത​ല​മു​റ​ക​ൾ​ക്കാ​യി ഒ​രു വി​ശ്വാ​സ സാ​ക്ഷ്യം പ​ണി​യു​ക​യാ​യി​രു​ന്നു​വെ​ന്ന് അ​ദ്ദേ​ഹ​ത്തി​നു ബോ​ധ്യ​മു​ണ്ടാ​യി​രു​ന്നു.

1926ൽ ​ഒ​രു ട്രാം ​ഇ​ടി​ച്ച് ഗു​രു​ത​ര​മാ​യി പ​രി​ക്കേ​റ്റ ഗൗ​ദി ഏ​താ​നും ദി​വ​സ​ങ്ങ​ൾ​ക്കു​ശേ​ഷം മ​രി​ച്ചു. അ​ദ്ദേ​ഹ​ത്തി​ന്‍റെ മ​ര​ണ​ശേ​ഷം നൂ​റു വ​ർ​ഷം പി​ന്നി​ട്ടി​ട്ടും സ​ഗ്രാ​ദ ഫ​മീ​ലി​യ​യു​ടെ നി​ർ​മാ​ണം തു​ട​രു​ക​യാ​ണ്. 2030ക​ളി​ൽ മാ​ത്ര​മേ ഇ​തി​ന്‍റെ നി​ർ​മാ​ണം പൂ​ർ​ത്തി​യാ​കൂ​വെ​ന്ന് ക​ണ​ക്കാ​ക്ക​പ്പെ​ടു​ന്നു. എ​ന്നാ​ൽ ഓ​രോ വ​ർ​ഷ​വും ശ​ത​ല​ക്ഷ​ക്ക​ണ​ക്കി​നു വി​ശ്വാ​സി​ക​ളും സ​ന്ദ​ർ​ശ​ക​രും ഈ ​അ​ദ്ഭു​ത ദേ​വാ​ല​യം കാ​ണാ​നെ​ത്തു​ന്നു​ണ്ട്. ഗൗ​ദി​യു​ടെ സ്വ​പ്ന​ത്തി​ന്‍റെ ഫ​ല​മാ​ണ് അ​വ​ർ ഇ​പ്പോ​ൾ അ​നു​ഭ​വി​ക്കു​ന്ന​ത്.

ഈ ​ക​ഥ മ​റ്റൊ​രു സ​ത്യ​ത്തി​ലേ​ക്കാ​ണ് വി​ര​ൽ​ചൂ​ണ്ടു​ന്ന​ത്. ആ ​സ​ത്യം വ്യ​ക്ത​മാ​ക്കു​ന്ന ഒ​രു ഗ്രീ​ക്ക് പ​ഴ​മൊ​ഴി​യു​ള്ള​ത് ഇ​പ്ര​കാ​ര​മാ​ണ്: ""ത​ങ്ങ​ൾ ഇ​രി​ക്കാ​ത്ത ത​ണ​ലി​നാ​യി മ​ര​ങ്ങ​ൾ ന​ട്ടു​പി​ടി​പ്പി​ക്കു​ന്പോ​ഴാ​ണ് ഒ​രു സ​മൂ​ഹം മ​ഹ​ത്ത​ര​മാ​കു​ന്ന​ത്.'' ലോ​ക​ത്തി​ലെ മ​ഹ​ത്താ​യ പ​ല നേ​ട്ട​ങ്ങ​ൾ​ക്കും കാ​ര​ണ​ക്കാ​ർ അ​വ​യു​ടെ അ​ന്തി​മ​ഫ​ലം കാ​ണാ​ൻ ജീ​വി​ച്ചി​രി​ക്കാ​ത്ത ആ​ളു​ക​ളാ​ണ്. യൂ​റോ​പ്പി​ലെ അ​നേ​കം മ​ഹ​ത്താ​യ ക​ത്തീ​ഡ്ര​ലു​ക​ൾ പ​ണി​യാ​ൻ തു​ട​ങ്ങി​യ​വ​ർ​ക്ക് അ​വ​യു​ടെ പൂ​ർ​ത്തീ​ക​ര​ണം കാ​ണാ​ൻ ക​ഴി​ഞ്ഞി​രു​ന്നി​ല്ല. ത​ല​മു​റ​ക​ൾ കൈ​മാ​റി​യാ​ണ് അ​വ​യു​ടെ നി​ർ​മാ​ണം പൂ​ർ​ത്തി​യാ​യ​ത്. അ​വ​യി​ൽ ജ​ർ​മ​നി​യി​ലെ കൊ​ളോ​ണ്‍ ക​ത്തീ​ഡ്ര​ലും റോ​മി​ലെ സെ​ന്‍റ് പീ​റ്റേ​ഴ്സ് ബ​സി​ലി​ക്ക​യു​മൊ​ക്കെ ഉ​ൾ​പ്പെ​ടും.

ജീ​വി​ത​ത്തി​ലും ഇ​തു​ത​ന്നെ​യാ​ണ് യാ​ഥാ​ർ​ഥ്യം. മാ​താ​പി​താ​ക്ക​ൾ മ​ക്ക​ളെ വ​ള​ർ​ത്തു​ന്നു. എ​ന്നാ​ൽ അ​വ​രു​ടെ ജീ​വി​തം പ​ല​പ്പോ​ഴും പാ​തി​വ​ഴി​യി​ൽ​വ​ച്ച് ക​ണ്ടു​കൊ​ണ്ട് ഈ ​ലോ​കം വി​ടാ​ന​ല്ലേ പ​ല മാ​താ​പി​താ​ക്ക​ളും വി​ധി​ക്ക​പ്പെ​ട്ടി​രി​ക്കു​ന്ന​ത്? അ​ധ്യാ​പ​ക​ർ വി​ദ്യാ​ർ​ഥി​ക​ളെ പ​ഠി​പ്പി​ക്കു​ന്നു. എ​ന്നാ​ൽ അ​വ​രു​ടെ ഭാ​വി​നേ​ട്ട​ങ്ങ​ൾ മു​ഴു​വ​ൻ കാ​ണാ​നു​ള്ള ഭാ​ഗ്യം അ​ധ്യാ​പ​ക​ർ​ക്കു ല​ഭി​ക്കാ​റു​ണ്ടോ?

പു​രോ​ഹി​ത​ർ എ​ത്ര​യോ പേ​ർ​ക്കു ആ​ത്മീ​യോ​പ​ദേ​ശം ന​ൽ​കു​ന്നു. അ​വ​രു​ടെ വാ​ക്കു​ക​ൾ പ​ല​രു​ടെ​യും ജീ​വി​ത​ത്തെ മാ​റ്റി​മ​റി​ച്ചി​ട്ടു​ണ്ടാ​കാം. എ​ന്നാ​ൽ അ​വ​യു​ടെ പൂ​ർ​ണ​ഫ​ലം കാ​ണാ​ൻ അ​വ​ർ​ക്ക് അ​വ​സ​രം ല​ഭി​ക്കു​മോ?

സ​ന്ന​ദ്ധ​പ്ര​വ​ർ​ത്ത​ക​രും സാ​മൂ​ഹി​ക പ​രി​ഷ്ക​ർ​ത്താ​ക്ക​ളു​മൊ​ക്കെ ചെ​യ്യു​ന്ന ന​ന്മ​പ്ര​വൃ​ത്തി​ക​ളു​ടെ അ​ന്തി​മ​ഫ​ലം കാ​ണാ​ൻ അ​വ​ർ​ക്ക് എ​പ്പോ​ഴും ഭാ​ഗ്യ​മു​ണ്ടാ​കാ​റു​ണ്ടോ? ഗ​വേ​ഷ​ണ​ങ്ങ​ൾ ന​ട​ത്തു​ന്ന ശാ​സ്ത്ര​ജ്ഞ​ൻ​മാ​രു​ടെ​യും സ്ഥി​തി ഇ​തു​ത​ന്നെ​യ​ല്ലേ?

ജീ​വി​ത​ത്തി​ലെ എ​ല്ലാ ന​ല്ല പ്ര​വൃ​ത്തി​ക​ളു​ടെ​യും ഫ​ലം ഉ​ട​നെ നാം ​ക​ണ്ടെ​ന്നു​വ​രി​ല്ല. ന​മ്മു​ടെ എ​ല്ലാ സ്വ​പ്ന​പ​ദ്ധ​തി​ക​ളും ക​ണ്‍​മു​ന്നി​ൽ പൂ​ർ​ത്തി​യാ​യെ​ന്നും വ​രി​ല്ല. എ​ന്നാ​ൽ ന​മു​ക്കു ചെ​യ്യാ​നു​ള്ള​ത് ഒ​ന്നു​മാ​ത്ര​മാ​ണ്. ദൈ​വം ന​മ്മു​ടെ കൈ​ക​ളി​ൽ ഏ​ല്പി​ച്ചി​രി​ക്കു​ന്ന ജോ​ലി ഏ​റ്റ​വും വി​ശ്വ​സ്ത​ത​യോ​ടെ ചെ​യ്യു​ക. അ​വി​ട​ന്ന് ന​മ്മെ ഏ​ല്പി​ച്ചി​രി​ക്കു​ന്ന ദൗ​ത്യം ഏ​റ്റ​വും ഭം​ഗി​യാ​യി പൂ​ർ​ത്തി​യാ​ക്കു​ക.

ഗൗ​ദി മ​രി​ച്ചി​ട്ട് നൂ​റു വ​ർ​ഷം പി​ന്നി​ട്ടി​ട്ടും സ​ഗ്രേ​ഡ ഫ​മീ​ലി​യ സ​ന്ദ​ർ​ശി​ക്കാ​ൻ വ​രു​ന്ന​വ​ർ അ​നു​ഭ​വി​ക്കു​ന്ന​ത് അ​ദ്ദേ​ഹ​ത്തി​ന്‍റെ പ്ര​യ​ത്ന​ഫ​ലം​കൂ​ടി​യാ​ണ്. താ​ൻ ന​ട്ട മ​ര​ത്തി​ന്‍റെ ത​ണ​ൽ ആ​സ്വ​ദി​ക്കാ​ൻ അ​ദ്ദേ​ഹ​ത്തി​ന് ഒ​രി​ക്ക​ലും സാ​ധി​ച്ചി​ല്ല. അ​ദ്ദേ​ഹം അ​താ​ഗ്ര​ഹി​ച്ചി​ല്ല എ​ന്ന​തു വേ​റേ കാ​ര്യം. ആ ​ത​ണ​ൽ ആ​സ്വ​ദി​ക്കു​ന്ന​ത് മ​റ്റു​ള്ള​വ​രാ​ണ്. അ​താ​ണ് അ​ദ്ദേ​ഹ​ത്തി​ന്‍റെ മ​ഹ​ത്വ​വും.

നാം ​ന​ടു​ന്ന മ​ര​ത്തി​ന്‍റെ ത​ണ​ലി​ൽ ഇ​രി​ക്ക​ണ​മെ​ന്നു നി​ർ​ബ​ന്ധം പി​ടി​ക്കു​ന്ന​വ​രാ​ണോ ന​മ്മ​ൾ? എ​ങ്കി​ൽ നാം ​അ​തി​സ്വാ​ർ​ഥ​രാ​ണെ​ന്ന് ഓ​ർ​മി​ക്കു​ക. ന​മ്മ​ൾ ചെ​യ്യു​ന്ന​ത് ന​മു​ക്കു​മാ​ത്രം ഫ​ല​മെ​ടു​ക്കാ​നാ​ണെ​ന്നു ശാ​ഠ്യം​പി​ടി​ക്ക​രു​ത്. അ​തു മ​റ്റു​ള്ള​വ​രു​ടെ ന​ന്മ​യ്ക്കു​കൂ​ടി​യാ​വ​ട്ടെ. നാം ​ന​ടു​ന്ന മ​ര​ങ്ങ​ൾ മ​റ്റു​ള്ള​വ​ർ​ക്കു ത​ണ​ൽ ന​ൽ​കു​ന്ന​വ​യാ​ക​ട്ടെ. അ​താ​യ​ത്, നാം ​ചെ​യ്യു​ന്ന കാ​ര്യ​ങ്ങ​ൾ മ​റ്റു​ള്ള​വ​രു​ടെ ഐ​ശ്വ​ര്യ​വും ന​ന്മ​യും ഉ​റ​പ്പു​വ​രു​ത്തു​ന്ന​വ​യാ​ക​ട്ടെ. അ​പ്പോ​ഴാ​ണ് ന​മ്മു​ടെ​യും ജീ​വി​തം മ​ഹ​ത്ത​ര​മാ​വു​ക.

Tags : chinthacishayam sunday deepika