19

പ്രശസ്ത വ​യ​ലി​ൻ വി​ദ്വാ​ൻ സം​ഗീ​ത​ക​ലാ​നി​ധി ആ​ർ.കെ. ​ശ്രീ​റാം​കു​മാ​ർ സംസാരിക്കുന്നു...

വ​ർ​ഷം 2024. ക​ർ​ണാ​ട​ക സം​ഗീ​ത​ലോ​ക​ത്ത് ഒ​രു​പാ​ടു പ്ര​ത്യേ​ക​ത​ക​ളു​ള്ള ഒ​ന്നാ​യി​രു​ന്നു അ​ത്. സം​ഗീ​ത ത്രി​മൂ​ർ​ത്തി​ക​ളി​ലെ മു​ത്തു​സ്വാ​മി ദീ​ക്ഷി​ത​രു​ടെ 250-ാം ജ​ന്മ​വ​ർ​ഷ​വും അ​താ​യി​രു​ന്നു. മ​ദ്രാ​സ് മ്യൂ​സി​ക് അ​ക്കാ​ദ​മി വ​ർ​ഷം​തോ​റും ന​ൽ​കി​വ​രു​ന്ന പ്ര​ശ​സ്ത​മാ​യ സം​ഗീ​ത​ക​ലാ​നി​ധി പു​ര​സ്കാ​ര​ത്തി​ന് അ​ക്കൊ​ല്ലം ഒ​രേ​യൊ​രു പേ​രു​മാ​ത്ര​മേ വി​ദ​ഗ്ധ​രു​ടെ മു​ന്നി​ൽ വ​ന്നു​ള്ളൂ- വ​യ​ലി​ൻ വി​ദ്വാ​നും ഗാ​യ​ക​നും വാ​ഗ്ഗേ​യ​കാ​ര​നും ഗു​രു​വും സം​ഗീ​ത​സം​വി​ധാ​യ​ക​നു​മാ​യ ആ​ർ.​കെ. ശ്രീ​റാം​കു​മാ​ർ.

വ​യ​ലി​ൻ എ​ന്ന പാ​ശ്ചാ​ത്യ​വാ​ദ്യ​ത്തി​ന് ക​ർ​ണാ​ട​ക സം​ഗീ​ത​രം​ഗ​ത്ത് പ്ര​ചു​ര​പ്ര​ചാ​രം നേ​ടി​ക്കൊ​ടു​ത്ത മാ​ന്ത്രി​ക​ൻ മൈ​സൂ​ർ ടി. ​ചൗ​ഡ​യ്യ​യു​ടെ ശി​ഷ്യ​ൻ ആ​ർ.​കെ. വെ​ങ്കി​ട്ട​രാ​മ​ശാ​സ്ത്രി​യു​ടെ പൗ​ത്ര​ൻ, മു​ത്ത​ച്ഛ​ന്‍റെ സ​ഹോ​ദ​ര​ൻ പ​ത്മ​വി​ഭൂ​ഷ​ണ്‍ ആ​ർ.​കെ. ശ്രീ​ക​ണ്ഠ​നും പു​ത്ര​ൻ ആ​ർ.​എ​സ്. ര​മാ​കാ​ന്തും പ്ര​ഗ​ത്ഭ​രാ​യ സം​ഗീ​ത​ജ്ഞ​ർ, മു​ത്ത​ച്ഛ​ന്‍റെ മ​റ്റൊ​രു സ​ഹോ​ദ​ര​ൻ ആ​ർ.​കെ. നാ​രാ​യ​ണ​സ്വാ​മി അ​റി​യ​പ്പെ​ടു​ന്ന സം​ഗീ​ത​ജ്ഞ​ൻ, അ​ദ്ദേ​ഹ​ത്തി​ന്‍റെ പു​ത്ര​ന്മാ​രാ​യ രുദ്ര​പ്പ​ട്ട​ണം സ​ഹോ​ദ​ര​ന്മാ​ർ എ​ന്ന ആ​ർ.​എ​ൻ. ത്യാ​ഗ​രാ​ജ​ൻ, ആ​ർ.​എ​ൻ. താ​രാ​നാ​ഥ​ൻ എ​ന്നി​വ​ർ പ്ര​ഗ​ത്ഭ​രാ​യ സം​ഗീ​ത​ജ്ഞ​ർ, പു​ത്രി ആ​ർ.എ​ൻ. ശ്രീ​ല​ത പ്ര​സി​ദ്ധ​യാ​യ ക​ർ​ണാ​ട​ക സം​ഗീ​ത​ജ്ഞ... രു​ദ്ര​പ്പ​ട്ട​ണം കൃ​ഷ്ണ​മൂ​ർ​ത്തി ശ്രീ​റാം​കു​മാ​ർ എ​ന്ന ആ​ർ.​കെ. ശ്രീ​റാം​കു​മാ​റി​ന്‍റെ സം​ഗീ​ത​പാ​ര​ന്പ​ര്യം വി​പു​ല​മാ​ണ്.

മു​ത്ത​ച്ഛ​നാ​യ ആ​ർ.​കെ. വെ​ങ്കി​ട്ട​രാ​മ ശാ​സ്ത്രി​യി​ൽ നി​ന്നും സം​ഗീ​ത​ജ്ഞ സാ​വി​ത്രി സ​ത്യ​മൂ​ർ​ത്തി​യി​ൽ നി​ന്നും കു​ട്ടി​ക്കാ​ല​ത്തു​ത​ന്നെ വാ​യ്പാ​ട്ടും വ​യ​ലി​നും അ​ഭ്യ​സി​ച്ച​ശേ​ഷം പ്ര​ശ​സ്ത വ​യ​ലി​നി​സ്റ്റ് വി.​വി. സു​ബ്ര​ഹ്മ​ണ്യ​ത്തി​ന്‍റെ​യും ഡി.​കെ. ജ​യ​രാ​മ​ന്‍റെ​യും ശി​ക്ഷ​ണ​ത്തി​ൽ ത​ന്‍റെ ശൈ​ലി പാ​ക​പ്പെ​ടു​ത്തി​യി​രു​ന്നു ശ്രീ​റാം​കു​മാ​ർ. ഡി.​കെ. പ​ട്ട​മ്മാ​ൾ, ഭാ​ര​ത​ര​ത്നം എം.​എ​സ്. സു​ബ്ബ​ല​ക്ഷ്മി എ​ന്നി​വ​രു​ടെ​യും ശി​ഷ്യ​നാ​ണ് ആ​ർ.​കെ.​എ​സ് എ​ന്ന​റി​യ​പ്പെ​ടു​ന്ന ആ​ർ.​കെ. ശ്രീ​റാം​കു​മാ​ർ.

2024ലെ ​സം​ഗീ​ത​ക​ലാ​നി​ധി പു​ര​സ്കാ​ര സ​മ​ർ​പ്പ​ണ​വും പ്ര​ത്യേ​ക​യു​ള്ള​താ​യി. ഒ​രു വ​യ​ലി​ൻ വി​ദ്വാ​ന് പു​ര​സ്കാ​രം ന​ൽ​കി​യ​ത് ലോ​ക​പ്ര​ശ​സ്ത​യാ​യ മ​റ്റൊ​രു വ​യ​ലി​നി​സ്റ്റ്- ഡോ.​എ​ൻ. രാ​ജം! ആ​ദ്യ​മാ​യാ​ണ് ഒ​രു വ​യ​ലി​ൻ വി​ദ്വാ​ന് മ​റ്റൊ​രു വ​യ​ലി​ൻ വാ​ദ​ക പു​ര​സ്കാ​രം ന​ൽ​കി​യ​ത്.
നാ​ലു ദ​ശാ​ബ്ദ​ക്കാ​ല​ത്തോ​ള​മാ​യി പ്ര​ശ​സ്ത​രും അ​പ്ര​ശ​സ്ത​രും തു​ട​ക്ക​ക്കാ​രും വി​ദ​ഗ്ധ​രു​മാ​യ എ​ല്ലാ​വ​രു​ടെ​യും പ്രി​യ​പ്പെ​ട്ട വ​യ​ലി​ൻ വി​ദ്വാ​നാ​ണ് ശ്രീ​റാം​കു​മാ​ർ. ശ്രു​തി, ല​യ, താ​ള, പാ​ഠാ​ന്ത​ര ശു​ദ്ധ​ത​ക​ളാ​ൽ ഏ​വ​രും മ​ന​സി​ൽ​ക്കാ​ണു​ന്ന ആ​ദ്യ​ത്തെ പേ​ര്.

ആ​ർ.​കെ. ശ്രീ​റാം​കു​മാ​ർ സം​സാ​രി​ക്കു​ന്നു:

സം​ഗീ​ത​ക​ലാ​നി​ധി പു​ര​സ്കാ​ര​ല​ബ്ധി​യെ​ക്കു​റി​ച്ച്?

എ​ന്‍റെ എ​ല്ലാ ഗു​രു​ക്ക​ന്മാ​രു​ടെ​യും ശൃം​ഗേ​രി മ​ഹാ​സ​ന്നി​ധാ​നം അ​വ​ർ​ക​ളു​ടെ​യും അ​നു​ഗ്ര​ഹ​മാ​ണെ​ന്നു​മാ​ത്രം ക​രു​തു​ന്നു. എ​ന്‍റെ ഹൃ​ദ​യ​ത്തി​ൽ എ​ക്കാ​ല​വും ദീ​ക്ഷി​ത​ർ​കൃ​തി​ക​ളോ​ട് ഒ​രു പ്ര​ത്യേ​ക മ​മ​ത​യു​ണ്ട്. അ​തു​കൊ​ണ്ടു​ത​ന്നെ ഈ ​പു​ര​സ്കാ​ര​ത്തി​ന് മാ​ധു​ര്യ​മേ​റും.

പു​ര​സ്കാ​ര​ത്തി​ന് ശേ​ഷ​വും അ​തി​നു മു​ന്നോ​ട്ടു​മു​ള്ള അ​നു​ഭ​വം?

(ചി​രി​ക്കു​ന്നു) ശ​ങ്ക​രാ​ഭ​ര​ണം രാ​ഗ​ത്തി​ന് പ്ര​തി​മ​ധ്യ​മം ഇ​ല്ല​ല്ലോ അ​ല്ലേ? അ​തു​പോ​ലെ ആ​ദി​താ​ളം 8 അ​ക്ഷ​ര​ങ്ങ​ള​ല്ലേ? പു​ര​സ്കാ​ര സ്വീ​ക​ര​ണ​ത്തി​ന് ശേ​ഷം ഈ ​രാ​ഗ​ത്തി​നോ താ​ള​ത്തി​നോ എ​ന്തെ​ങ്കി​ലും മാ​റ്റ​ങ്ങ​ൾ സം​ഭ​വി​ക്കു​മോ? ഇ​ല്ല. ഇ​തേ​പോ​ലെ​യാ​ണ് ഞാ​നും. ഓ​രോ ക​ച്ചേ​രി​യും ഒ​രു പ​രീ​ക്ഷ​യാ​ണ്. അ​ത് പു​ര​സ്കാ​രം കി​ട്ടി​യ​തി​നാ​ൽ എ​ളു​പ്പ​മാ​കി​ല്ല, ന​മ്മു​ടെ പ്ര​യ​ത്നം, ഗു​രൂ​ക​ടാ​ക്ഷം, പി​ന്നെ ഈ​ശ്വ​രാ​നു​ഗ്ര​ഹം ഇ​വ​യൊ​ക്കെ​യാ​ണ് ന​മ്മെ മു​ന്നോ​ട്ട് ന​യി​ക്കു​ന്ന​ത്.

താ​ങ്ക​ൾ വ​ലി​പ്പ​ച്ചെ​റു​പ്പ​മി​ല്ലാ​തെ എ​ല്ലാ വേ​ദി​ക​ളി​ലും പ​ക്ക​മേ​ളം വാ​യി​ക്കു​ന്നു. ‌ എ​ങ്ങ​നെ​യാ​ണ് ഈ ​ഒ​രു ശൈ​ലി അ​വ​ലം​ബി​ക്കു​ന്ന​ത്?

നോ​ക്കൂ, ഓ​രോ പാ​ട്ടു​കാ​രു​ടെ​യും ശൈ​ലി വ്യ​ത്യ​സ്ത​മാ​ണ്. ക​ച്ചേ​രി​ക്ക് വ​യ​ലി​ൻ വാ​യി​ക്കാ​ൻ ഇ​രു​ന്നു​ക​ഴി​ഞ്ഞാ​ൽ പ്രാ​ധാ​ന്യം മു​ഖ്യ ഗാ​യ​ക​നാ​ണ്. അ​ല്ലാ​തെ വ​യ​ലി​നോ മൃ​ദം​ഗ​മോ വാ​യി​ക്കു​ന്ന പ​ക്ക​വാ​ദ്യ​ക്കാ​ര​ന​ല്ല. അ​തെ​പ്പോ​ഴും ഞാ​ൻ മ​ന​സി​ൽ വ​യ്ക്കു​ന്ന കാ​ര്യ​മാ​ണ്. എ​ന്തെ​ങ്കി​ലും എ​നി​ക്കാ​യി ക​ഴി​വു പ്ര​ക​ടി​പ്പി​ക്കാ​നാ​ണ​ല്ലോ രാ​ഗാ​ലാ​പ​ന സ​മ​യം വ​യ​ലി​നി​ലു​ള്ള​ത്. എ​ന്നു​വ​ച്ച് പാ​ട്ടു​കാ​ര​നെ വാ​യി​ച്ചൊ​തു​ക്കു​ന്ന രീ​തി​യ​ല്ല ഒ​രു പ​ക്ക​മേ​ള​ക്കാ​ര​ൻ ചെ​യ്യേ​ണ്ട​ത്. ക​ച്ചേ​രി​യെ​ന്നാ​ൽ ഒ​രു ടീം ​വ​ർ​ക്ക​ല്ലേ. എം.​എ​സ്. അ​മ്മ​യു​ടെ ക​ച്ചേ​രി​ക​ൾ അ​തി​നു​ദാ​ഹ​ര​ണ​മ​ല്ലേ ന​മു​ക്ക്.

ക​ച്ചേ​രി​യി​ലെ വ​യ​ലി​ന്‍റെ റോ​ൾ എ​ന്താ​ണ്?

പ​ക്ക​വാ​ദ്യ​മാ​യ വ​യ​ലി​ൻ പാ​ശ്ചാ​ത്യ ഉ​പ​ക​ര​ണ​മെ​ങ്കി​ലും ക​ർ​ണാ​ട​ക സം​ഗീ​ത ക​ച്ചേ​രി​ക​ൾ​ക്ക് അ​നു​യോ​ജ്യ​മാ​യ ഉ​പ​ക​ര​ണ​മാ​ണ്. മു​ഖ്യ​ഗാ​യ​ക​ന്‍റെ​യോ ഗാ​യി​ക​യു​ടെ​യോ​കൂ​ടെ വാ​യി​ച്ചു പോ​കു​ക എ​ന്ന​താ​ണ് ധ​ർ​മം. പാ​ട്ടും വ​യ​ലി​നും ഒ​രു​പോ​ലെ പോ​ക​ണം. എ​ന്‍റെ ഗു​രു വി.​വി. സു​ബ്ര​ഹ്മ​ണ്യം അ​തി​നൊ​രു ഉ​ദാ​ഹ​ര​ണ​മാ​ണ്. അ​ദ്ദേ​ഹം വ​യ​ലി​ൻ വാ​യി​ക്കു​ന്പോ​ൾ ഒ​രി​ക്ക​ലും പാ​ട്ടി​നു മു​ക​ളി​ലേ​ക്കു പോ​കാ​റേ​യി​ല്ല. അ​താ​വ​ണം ക​ച്ചേ​രി ധ​ർ​മം.

എം.​എ​സ്. സു​ബ്ബ​ല​ക്ഷ്മി​ക്ക് ഒപ്പ​മു​ള്ള അ​നു​ഭ​വം?

(അ​ല്പ​നേ​രം ധ്യാ​ന​നി​ര​ത​നാ​യി ഇ​രു​ന്നാ​ണ് മ​റു​പ​ടി) സം​ഗീ​ത​ത്തി​ന്‍റെ പ​ര്യാ​യം- അ​താ​ണ് എം.​എ​സ്. അ​മ്മ. എ​ന്‍റെ മു​ത്ത​ച്ഛ​ൻ ആ​ർ.​കെ. വെ​ങ്കി​ട്ട​രാ​മ​ശാ​സ്ത്രി അ​മ്മ​യു​ടെ അ​ന​വ​ധി ക​ച്ചേ​രി​ക​ൾ​ക്ക് വാ​യി​ച്ചി​രു​ന്ന​തി​നാ​ൽ ആ ​കു​ടും​ബ​വു​മാ​യി എ​നി​ക്ക് അ​ടു​ത്ത ബ​ന്ധ​മു​ണ്ടാ​യി​രു​ന്നു. ഒ​രു മ​ക​നെ​പ്പോ​ലെ എ​ന്നെ ക​ച്ചേ​രി​ക​ൾ​ക്കു വാ​യി​പ്പി​ക്കു​ക​യും അ​ന​വ​ധി കൃ​തി​ക​ൾ പ​ഠി​പ്പി​ച്ചു​ത​രി​ക​യും ചെ​യ്തി​രു​ന്നു അ​മ്മ. അ​വ​ർ ഒ​രു ഗാ​യി​ക മാ​ത്ര​മാ​യി​രു​ന്നി​ല്ല, മി​ക​ച്ച ഗു​രു​നാ​ഥ​കൂ​ടി​യാ​ണെ​ന്ന് അ​ധി​ക​മാ​ർ​ക്കും അ​റി​യി​ല്ല. എ​ന്‍റെ റേ​ഡി​യോ ക​ച്ചേ​രി​യു​ള്ള ദി​വ​സം അ​തു​കേ​ട്ടി​ട്ട് ആ​ദ്യം വ​രു​ന്ന ഫോ​ണ്‍ എം. ​എ​സ്. അ​മ്മ​യു​ടേ​താ​കും.

മ​റ്റു ഗു​രു​ക്ക​ന്മാ​ർ​ക്കൊ​പ്പ​മു​ള്ള അ​നു​ഭ​വ​ങ്ങ​ൾ?

മു​ത്ത​ച്ഛ​ൻ വ​യ​ലി​നി​സ്റ്റ് ആ​ർ.​കെ. വെ​ങ്കി​ട്ട​രാ​മ ശാ​സ്ത്രി​യാ​ണ് എ​ന്‍റെ പ്ര​ധാ​ന​ഗു​രു. തി​ക​ഞ്ഞ അ​ച്ച​ട​ക്ക​ത്തി​ലാ​യി​രു​ന്നു പ​ഠ​നം. എ​ല്ലാ​വി​ഷ​യ​ങ്ങ​ളി​ലും സം​ഗീ​ത​ത്തി​ലും സാ​ഹി​ത്യ​ത്തി​ലും പാ​ണ്ഡി​ത്യ​മു​ണ്ടാ​യി​രു​ന്ന മ​ഹാ​നാ​യി​രു​ന്നു അ​ദ്ദേ​ഹം. ഒ​രു വി​ട്ടു​വീ​ഴ്ച​യും പ​ഠ​ന​കാ​ര്യ​ത്തി​ൽ ന​ൽ​കി​യി​രു​ന്നി​ല്ല. അ​തു​പോ​ലെ​യാ​യി​രു​ന്നു മ​റ്റൊ​രു ഗു​രു​നാ​ഥ​യാ​യ സാ​വി​ത്രി സ​ത്യ​മൂ​ർ​ത്തി.

എ​ന്നാ​ൽ മ​ദി​രാ​ശി​യി​ൽ ഡി.​കെ. ജ​യ​രാ​മ​ൻ, ഡി.​കെ. പ​ട്ട​മ്മാ​ൾ എ​ന്നി​വ​ർ വ​ള​രെ വ്യ​ത്യ​സ്ത​രാ​യി​രു​ന്നു. വ​ള​രെ​യേ​റെ സ്വാ​ത​ന്ത്ര്യം എ​നി​ക്ക് അ​വ​രോ​ടു​ണ്ടാ​യി​രു​ന്നു. അ​തു​പോ​ലെ​യാ​യി​രു​ന്നു ശെ​മ്മാ​ങ്കു​ടി സ്വാ​മി​യും എം.​എ​സ്. അ​മ്മ​യും. പി​ന്നെ എ​ന്‍റെ പ്ര​ധാ​ന ഗു​രു​വാ​യ വ​യ​ലി​ൻ വി​ദ്വാ​ൻ വി.​വി. സു​ബ്ര​ഹ്മ​ണ്യം കൃ​തി​ക​ൾ അ​തി​ന്‍റെ ശ​രി​യാ​യ പാ​ഠാ​ന്ത​ര​ത്തി​ൽ പ​ഠി​പ്പി​ക്കു​ന്ന​തി​ൽ വ​ള​രെ വ​ലി​യ പ​ങ്കു​വ​ഹി​ച്ചു.

സ​മൂ​ഹ മാ​ധ്യ​മ​ങ്ങ​ൾ ക​ർ​ണാ​ട​ക സം​ഗീ​ത​ത്തി​ൽ ചെ​ലു​ത്തു​ന്ന സ്വാ​ധീ​ന​ം എന്താണ്?

ഒ​രു നാ​ണ​യ​ത്തി​ന് ഇ​രു​വ​ശ​ങ്ങ​ൾ ഉ​ള്ള​ത​തു​പോ​ലെ സ​മൂ​ഹ​മാ​ധ്യ​മ​ങ്ങ​ൾ​ക്ക് ഗു​ണ​ങ്ങ​ളും ദോ​ഷ​ങ്ങ​ളു​മു​ണ്ട്. പ​ണ്ടു​കാ​ല​ത്തെ​പ്പോ​ലെ പ​ല​ർ​ക്കും ഗു​രു​കു​ല വി​ദ്യാ​ഭ്യാ​സ​ത്തി​ന് ബു​ദ്ധി​മു​ട്ടാ​യ​തി​നാ​ൽ ഓ​ണ്‍​ലൈ​ൻ പ​ഠ​നം വ്യാ​പ​ക​മാ​യി ന​ട​ക്കു​ന്ന കാ​ര്യ​മാ​ണ്. എ​ന്നാ​ൽ ഗു​രു​മു​ഖ​ത്തു​നി​ന്നു​ള്ള ശി​ക്ഷ​ണം വ്യ​ത്യ​സ്ത​വും പ്ര​ത്യേ​ക​ത​യു​ള്ള​തു​മാ​ണ്. വി​ദേ​ശ​ത്തു​ള്ള പ​ല​രും ന​ല്ല ഗു​രു​ക്ക​ന്മാ​രു​ടെ​യ​ടു​ത്ത് ഓ​ണ്‍​ലൈ​നാ​യി പ​ഠി​ച്ച് ഇ​ന്ത്യ​യി​ൽ വ​രു​ന്പോ​ൾ ഗു​രു​സ​മ​ക്ഷം പ​ഠി​ച്ച് സ്ഫു​ട​ത​വ​രു​ത്തു​ന്നു. ഇ​ത് ന​ല്ല കാ​ര്യ​മാ​ണ്. എ​ന്നാ​ൽ സ​മൂ​ഹ​മാ​ധ്യ​മ​ങ്ങ​ളെ ദു​രു​പ​യോ​ഗം ചെ​യ്ത് സം​ഗീ​ത​ത്തെ വി​ക​ല​മാ​ക്കു​ന്ന​തി​നോ​ട് എ​നി​ക്ക് ഒ​ട്ടും യോ​ജി​പ്പി​ല്ല.

ഈ ​നാലു പതിറ്റാണ്ടിൽ വ​ലി​യ നേ​ട്ട​ങ്ങ​ൾ​ക്കൊ​പ്പം എ​ന്തെ​ങ്കി​ലും ന​ഷ്ട​ബോ​ധ​മു​ണ്ടാ​യി​ട്ടു​ണ്ടോ?

വ​ള​രെ​യ​ധി​കം ന​ഷ്ട​ബോ​ധം തോ​ന്നി​യ ചി​ല കാ​ര്യ​ങ്ങ​ളു​ണ്ട്. നാ​ഗ​സ്വ​ര​ച​ക്ര​വ​ർ​ത്തി ടി.​എ​ൻ. രാ​ജ​ര​ത്നം പി​ള്ള​യു​ടെ വാ​യ​ന കേ​ൾ​ക്കാ​ൻ ക​ഴി​യാ​ത്ത​ത്, മു​സി​രി സു​ബ്ര​ഹ്മ​ണ്യ​യ്യ​രു​ടെ ക​ച്ചേ​രി കേ​ൾ​ക്കാ​നും വാ​യി​ക്കാ​നും ക​ഴി​യാ​ത്ത​ത്, ധ​ന​മ്മാ​ളെ കേ​ൾ​ക്കാ​ൻ സാ​ധി​ക്കാ​ത്ത​ത്... ഇ​വ​യൊ​ക്കെ എ​ന്‍റെ ന​ഷ്ട​ങ്ങ​ൾ​ത​ന്നെ​യാ​ണ്.

കൃ​തി​ക​ൾ ര​ചി​ക്കു​ക​യും ചി​ട്ട​പ്പെ​ടു​ത്തു​ക​യും ചെ​യ്തി​ട്ടു​ണ്ട​ല്ലോ. അ​തേ​പ്പ​റ്റി?

ശൃം​ഗേ​രി ശാ​ര​ദാം​ബ​യു​ടെ അ​നു​ഗ്ര​ഹ​ത്താ​ൽ ചി​ല ര​ച​ന​ക​ൾ ഞാ​ൻ ന​ട​ത്തി. ശൃം​ഗേ​രി പീ​ഠാ​ധി​പ​തി ഭാ​ര​തീ​തീ​ർ​ഥ​സ്വാ​മി ര​ചി​ച്ച അ​ന​വ​ധി കൃ​തി​ക​ൾ ചി​ട്ട​പ്പെ​ടു​ത്തി പ​ഠി​പ്പി​ക്കാ​നു​ള്ള ഭാ​ഗ്യ​വും സി​ദ്ധി​ച്ചു. പി​ന്നെ ചി​ല നൃ​ത്ത​പ​രി​പാ​ടി​ക​ൾ​ക്ക് ഗാ​ന​ങ്ങ​ൾ ചി​ട്ട​പ്പെ​ടു​ത്തി​യി​ട്ടു​ണ്ട്. ക​ർ​ണാ​ട​ക​സം​ഗീ​ത​കൃ​തി​ക​ൾ ചി​ട്ട​പ്പെ​ടു​ത്തു​ന്ന​തി​ൽ​നി​ന്നു വ്യ​ത്യ​സ്ത​മാ​ണ് നൃ​ത്ത​ങ്ങ​ൾ​ക്ക് ഗാ​നം സം​വി​ധാ​നം ചെ​യ്യു​ന്ന​ത്. സ​ന്ദ​ർ​ഭ​മ​നു​സ​രി​ച്ച് രാ​ഗം തെ​ര​ഞ്ഞെ​ടു​ക്കു​ന്ന​താ​ണ് പ്ര​ധാ​നം.

ശിഷ്യരെക്കുറിച്ച്?

ധാ​രാ​ളം മി​ടു​ക്ക​രാ​യ കു​ട്ടി​ക​ൾ എ​ന്‍റെ​യ​ടു​ത്ത് പ​ഠി​ക്കു​ന്നു​ണ്ട്. ശു​ദ്ധ​മാ​യ പാ​ഠാ​ന്ത​ര​ത്തി​ൽ കൃ​തി​ക​ൾ അ​ർ​ഥ​സ​ഹി​തം പ​ഠി​പ്പി​ക്കാ​നാ​ണ് എ​ന്‍റെ ശ്ര​ദ്ധ. ഒ​ട്ട​ന​വ​ധി ശി​ഷ്യ​ർ ക​ച്ചേ​രി​ക​ളും ന​ട​ത്തു​ന്നു. വി​ദു​ഷി​മാ​രാ​യ അ​മൃ​ത മു​ര​ളി, ഭാ​ര​തി രാ​മ​സു​ബ്ബ​ൻ, ന​ന്ദി​ത ക​ണ്ണ​ൻ, നി​ര​ജ്ഞ​ൻ ദി​ണ്ഡോ​ഡി, സ​ന്ദീ​പ് രാ​മ​ച​ന്ദ്ര​ൻ, രാ​മ​കൃ​ഷ്ണ​മൂ​ർ​ത്തി, മ​ദ​ൻ മോ​ഹ​ൻ തു​ട​ങ്ങി​യ​വ​ർ ശി​ഷ്യ​രി​ൽ ചി​ല​രാ​ണ്.

ക​ർ​ണാ​ട​ക സം​ഗീ​ത​ത്തി​ന്‍റെ ഭാ​വി?

വ​ള​രെ ശോ​ഭ​ന​മാ​ണ്. കാ​ര​ണം അ​ന​വ​ധി ചെ​റു​പ്പ​ക്കാ​ർ ന​ന്നാ​യി പാ​ടു​ന്നു. ഒ​രു​കൂ​ട്ടം ചെ​റു​പ്പ​ക്കാ​ർ മൂ​ല്യ​ങ്ങ​ൾ ഉ​യ​ർ​ത്തി​പ്പി​ടി​ക്കു​ന്ന​വ​രാ​യാ​ൽ ന​ന്ന്. ഞ​ങ്ങ​ൾ​ക്ക് അ​താ​യി​രു​ന്നു അ​ന്ന് ഉ​ണ്ടാ​യി​രു​ന്ന​ത്. എ​ന്നാ​ൽ ഇ​ന്ന​ത്തെ ചി​ല ചെ​റു​പ്പ​ക്കാ​ർ സ​മൂ​ഹ മാ​ധ്യ​മ​ങ്ങ​ളെ തെ​റ്റാ​യ രീ​തി​യി​ൽ ഉ​പ​യോ​ഗി​ക്കു​ന്ന​താ​ണ് യു​വ​ത​ല​മു​റ​യു​ടെ പ്ര​ശ്നം. അ​വ​ർ​ക്ക് ധാ​രാ​ളം വ​ര​ദാ​ന​ങ്ങ​ളു​ണ്ട്. അ​വ​യി​ൽ ഏ​താ​ണ് ന​ന്നാ​യി ഉ​പ​യോ​ഗി​ക്കേ​ണ്ട​തെ​ന്ന് പ​ല​ർ​ക്കും അ​റി​യി​ല്ല.

ക​ച്ചേ​രി​ക്കി​ട​യി​ൽ വ​യ​ലി​ൻ ത​ന്ത്രി​ക​ൾ പ്ര​ശ്മു​ണ്ടാ​ക്കി​യി​ട്ടു​ണ്ടോ?

ഓ... ​പ​ല പ്രാ​വ​ശ്യം സം​ഭ​വി​ച്ചി​ട്ടു​ണ്ട്. അ​ടു​ത്ത​കാ​ല​ത്ത്, ശി​ഷ്യ​നാ​യ രാ​മ​കൃ​ഷ്ണ​മൂ​ർ​ത്തി​യു​ടെ ക​ച്ചേ​രി​ക്കി​ട​യി​ൽ വ​യ​ലി​ൻ ത​ന്ത്രി​ക​ൾ പൊ​ട്ടു​ക​യു​ണ്ടാ​യി. പി​ന്നെ കു​റ​ച്ച്സ​മ​യ​മെ​ടു​ത്ത് ശ​രി​യാ​ക്കേ​ണ്ടി​വ​ന്നു. അ​തു​പോ​ലെ വ​ർ​ഷ​ങ്ങ​ൾ​ക്കു​മു​ന്പ് ചെ​ന്നെെ വ​ര​സി​ദ്ധി​വി​നാ​യ​ക ക്ഷേ​ത്ര​ത്തി​ൽ​വ​ച്ച് ക​ച്ചേ​രി വാ​യി​ച്ചു കൊ​ണ്ടി​രി​ക്കു​ന്പോ​ൾ എ​ന്‍റെ വ​യ​ലി​നു ശ്രു​തി മാ​റി​ക്കൊ​ണ്ടേ​യി​രു​ന്നു. എ​നി​ക്ക് ഒ​ന്നും മ​ന​സി​ലാ​യി​ല്ല. പെ​ട്ടെ​ന്ന് ഒ​രാ​ൾ സ​ദ​സി​ൽ​നി​ന്നു വ​ന്ന് വ​യ​ലി​ൻ ശ​രി​യാ​ക്കി​ത്ത​ന്നു. പി​ന്നീ​ടാ​ണ​റി​ഞ്ഞ​ത്, അ​യാ​ൾ പ്ര​ശ​സ്ത വ​യ​ലി​നി​സ്റ്റ് എ​ൻ. രാ​ജ​ത്തി​ന്‍റെ മ​ക​ളും വ​യ​ലി​ൻ വി​ദു​ഷി​യു​മാ​യ സം​ഗീ​ത​യു​ടെ ഭ​ർ​ത്താ​വാ​യ ശ​ങ്ക​റാ​ണെ​ന്ന്.

വ​യ​ലി​ൻ എ​ന്ന് ഓ​ർ​ക്കു​ന്പോ​ൾ ആ​രെ​യാ​ണ് ഓ​ർ​മ​വ​രി​ക?

വ​യ​ലി​ൻ വാ​ദ​ക​രാ​യ ടി.​എ​ൻ. കൃ​ഷ്ണ​ൻ, എ​ൻ.​രാ​ജം. വി.​വി. സു​ബ്ര​ഹ്മ​ണ്യം.

യു​വ​ത​ല​മു​റ​യി​ലെ സം​ഗീ​ത​ജ്ഞ​രോ​ട് അ​ങ്ങേ​ക്ക് പ​റ​യാ​നു​ള്ള​ത്?

ന​ല്ല ബു​ദ്ധി​യും ആ​ധു​നി​ക സൗ​ക​ര്യ​ങ്ങ​ളും ഉ​ള്ള​വ​രാ​ണ് ഇ​ന്ന​ത്തെ യു​വ​ത​ല​മു​റ. ന​ന്നാ​യി സാ​ധ​കം ചെ​യ്ത് ശ​രി​യാ​യ രീ​തി​യി​ൽ സ​മൂ​ഹ മാ​ധ്യ​മ​ങ്ങ​ളെ ഉ​പ​യോ​ഗി​ച്ചാ​ൽ ന​ന്ന്, ന​ല്ല ഉ​യ​ര​ങ്ങ​ളി​ലെ​ത്താം.

Tags : music