23

വ​ധ​ശി​ക്ഷ​യ്ക്ക് വി​ധി​ക്ക​പ്പെ​ട്ട നി​ര​ഞ്ജ​നെ കാ​ണാ​ൻ ഡെ​ന്നി​സി​നെ കൂ​ട്ടി അ​ഭി​രാ​മി ജ​യി​ലി​ൽ വ​രു​ന്ന രം​ഗം സ​മ്മ​ർ ഇ​ൻ ബ​ത്‌​ല​ഹേം എ​ന്ന സി​നി​മ​യു​ടെ ക്ലൈ​മാ​ക്സ് ആ​ണ്. നി​ര​ഞ്ജ​ൻ ആ​വ​ശ്യ​പ്പെ​ട്ട​ത് പ്ര​കാ​രം ഡെ​ന്നീ​സ് അ​ഭി​രാ​മി​യെ താ​ലി കെ​ട്ടു​ന്ന​താ​ണ് പി​ന്നീ​ടു​ള്ള ഹൃ​ദ​യ​സ്പ​ർ​ശി​യാ​യ കാ​ഴ്ച.

ഡെ​ന്നി​സി​നെ വി​വാ​ഹം ക​ഴി​ക്കാ​ൻ കൂ​ട്ടാ​ക്കാ​തെ അ​ഭി​രാ​മി നി​ര​ഞ്ജ​നെ വി​വാ​ഹം ക​ഴി​ച്ചി​രു​ന്നെ​ങ്കി​ലോ? ആ ​ക്ലൈ​മാ​ക്സ് ത​ന്നെ വേ​റെ ലെ​വ​ൽ ആ​യേ​നെ. സി​നി​മാ​ക്ക​ഥ​യെ വെ​ല്ലു​ന്ന രീ​തി​യി​ൽ ജീ​വി​ത​ത്തി​ൽ ഇ​തു​പോ​ലൊ​രു സി​റ്റു​വേ​ഷ​ൻ ഉ​ണ്ടാ​യാ​ലോ... ഒ​ന്ന് ചി​ന്തി​ച്ചു നോ​ക്കൂ... എ​ന്നാ​ൽ അ​ങ്ങ​നെ​യൊ​ന്നു​ണ്ടാ​യി.

അ​മേ​രി​ക്ക​യി​ലെ ടെ​ക്സസി​ൽ സ​മ്മ​ർ ഇ​ൻ ബ​ത്‌​ല​ഹേം എ​ന്ന സി​നി​മ​യു​ടെ ക്ലൈ​മാ​ക്സി​നോ​ട് സ​മാ​ന​മാ​യ ഒ​രു സം​ഭ​വം ന​ട​ന്നു. ഇ​ര​ട്ട​ക്കൊ​ല​പാ​ത​ക കേ​സി​ൽ വ​ധ​ശി​ക്ഷ​യ്ക്ക് വി​ധി​ക്ക​പ്പെ​ട്ട് ടെ​ക്സ​സ് ജ​യി​ലി​ൽ ക​ഴി​യു​ന്ന പ്ര​തി​യെ വ​ധ​ശി​ക്ഷ​യ്ക്ക് ദി​വ​സ​ങ്ങ​ൾ മാ​ത്രം അ​വ​ശേ​ഷി​ക്കെ ഒ​രു ബ്രി​ട്ടീ​ഷ് യു​വ​തി വി​വാ​ഹം ക​ഴി​ച്ചു.

മ​ര​ണം എ​ന്നാ​യി​രി​ക്കും എ​ന്ന് കൃ​ത്യ​മാ​യി അ​റി​യു​ന്ന ഒ​രാ​ളെ വി​വാ​ഹം ക​ഴി​ക്കു​ക. അ​തൊ​രു ധൈ​ര്യ​മോ ത്യാ​ഗ​മോ എ​ന്താ​യി​രി​ക്കും എ​ന്നാ​ണ് ലോ​കം ഇ​പ്പോ​ൾ ചി​ന്തി​ക്കു​ന്ന​ത്. 2008-ൽ ​ര​ണ്ട് പേ​രെ വെ​ടി​വ​ച്ചു കൊ​ന്നു എ​ന്ന കു​റ്റ​ത്തി​ന് വ​ധ​ശി​ക്ഷ​യ്ക്ക് വി​ധി​ക്ക​പ്പെ​ട്ട ടെ​ക്സസി​ലേ ജ​യി​ലി​ൽ ക​ഴി​യു​ന്ന ജെ​യിം​സ് ബ്രോ​ഡ്‌​നാ​ക്സി​നെ (37) ബ്രി​ട്ടീ​ഷ് യു​വ​തി ടി​യാ​ന ക്രാ​സ്‌​നി​കി​യാ​ണ് ജ​യി​ലി​ൽ വ​ച്ച് വി​വാ​ഹം ചെ​യ്ത​ത്.

വി​വാ​ഹം ന​ട​ന്ന​ത് ക​ഴി​ഞ്ഞ​ത് ഏ​പ്രി​ൽ 14ന്. ​ജെ​യിം​സ് ബ്രോ​ഡ്‌​നാ​ക്സി​ന്‍റെ വ​ധ​ശി​ക്ഷ ന​ട​പ്പാ​ക്കാ​ൻ പോ​കു​ന്ന​ത് ഏ​പ്രി​ൽ 30നും. ​വെ​റും 16 ദി​വ​സം മാ​ത്രം നീ​ണ്ടു​നി​ൽ​ക്കു​ന്ന ഒ​രു വി​വാ​ഹ​ബ​ന്ധം എ​ന്ന് പു​റം​ലോ​ക​ത്തി​ന് തോ​ന്നാ​മെ​ങ്കി​ലും ജീ​വി​താ​വ​സാ​നം വ​രെ ര​ണ്ടു​പേ​ർ​ക്കും ഓ​ർ​ക്കാ​നു​ള്ള 16 ദി​വ​സ​ങ്ങ​ളാ​ണ് ഇ​ത്.

ഏ​പ്രി​ൽ 30-ന് ​വി​ഷ​മി​ശ്രി​തം കു​ത്തി​വെ​ച്ചാ​ണ് ജെ​യിം​സ് ബ്രോ​ഡ്‌​നാ​ക്സി​ന്‍റെ വ​ധ​ശി​ക്ഷ ന​ട​പ്പാ​ക്കു​ക. അ​പൂ​ർ​ണ​മാ​യ പ്ര​ണ​യം നു​ര​യു​ന്ന അ​യാ​ളു​ടെ സി​ര​ക​ളി​ലേ​ക്ക് വി​ഷ മി​ശ്രി​തം ക​ല​രു​മ്പോ​ഴും അ​യാ​ൾ ത​നി​ക്ക് ല​ഭി​ച്ച ആ 16 ​ദി​വ​സ​ങ്ങ​ളെ കു​റി​ച്ചാ​യി​രി​ക്കും അ​വ​സാ​ന​മാ​യി ഓ​ർ​ക്കു​ക.

റ​ഫീ​ഖ് അ​ഹ​മ്മ​ദ് എ​ഴു​തി​യ പോ​ലെ മ​ര​ണ​മെ​ത്തു​ന്ന നേ​ര​ത്തു നീ ​എ​ന്‍റെ അ​രി​കി​ൽ ഇ​ത്തി​രി നേ​രം ഇ​രി​ക്ക​ണേ എ​ന്ന് ജെ​യിം​സ് ബ്രോ​ഡ്‌​നാ​ക്സ് ആ​ഗ്ര​ഹി​ക്കും. പ​ക്ഷേ ന​ട​ക്കി​ല്ല. ജ​യി​ലി​ലെ ഗ്ലാ​സ് മ​റ​യ്ക്ക് പി​ന്നി​ൽ നി​ന്ന് വെ​റും 20 മി​നി​റ്റ് നീ​ണ്ടു​നി​ന്ന ച​ട​ങ്ങി​ലൂ​ടെ​യാ​യി​രു​ന്നു വി​വാ​ഹം.

ബ​ഷീ​റി​ന്‍റെ മ​തി​ലു​ക​ളി​ൽ ബ​ഷീ​റും നാ​രാ​യ​ണീ​യും ചേ​ർ​ന്നു​ള്ള പ്ര​ണ​യം പോ​ലെ​യാ​ണ് ജെ​യിം​സ് ബ്രോ​ഡ്‌​നാ​ക്സും ടി​യാ​ന​യും ത​മ്മി​ലു​ള്ള പ്ര​ണ​യ​വും വി​വാ​ഹ​വും. അ​വ​ർ ഒ​രു മ​റ​യു​ടെ അ​പ്പു​റ​ത്തും ഇ​പ്പു​റ​ത്തും ആ​ണ്. ടെ​ക്സ​സ് ജ​യി​ലി​ന്‍റെ വ​ൻ മ​തി​ലു​ക​ൾ​ക്ക് ഇ​രു​വ​ശ​ത്തും നി​ന്ന​വ​ർ 16 ദി​വ​സം പ്ര​ണ​യി​ക്കും...

പ​തി​നാ​റാം നാ​ൾ മ​തി​ലി​ന് അ​പ്പു​റ​ത്ത് ഒ​രാ​ൾ ഉ​ണ്ടാ​കി​ല്ല.. വ​ധ​ശി​ക്ഷ​യ്ക്ക് വി​ധി​ക്ക​പ്പെ​ട്ട പ്ര​തി​ക​ളെ സ്പ​ർ​ശി​ക്കാ​ൻ ടെ​ക്സ​സ് നി​യ​മം അ​നു​വ​ദി​ക്കു​ന്നി​ല്ല. അ​തു​കൊ​ണ്ടു​ത​ന്നെ ഒ​ന്ന് സ്പ​ർ​ശി​ക്കാ​ൻ പോ​ലും അ​വ​ർ​ക്ക് ആ​വി​ല്ല... ത​നി​ക്ക് ല​ഭി​ച്ച ഈ 16 ​ദി​വ​സം ജെ​യിം​സി​ന്‍റെ ജീ​വ​ൻ തി​രി​ച്ചു​പി​ടി​ക്കാ​നു​ള്ള അ​വ​സാ​ന ശ്ര​മ​ങ്ങ​ൾ കൂ​ടി​യാ​ണ് ടി​യാ​ന ന​ട​ത്തു​ന്ന​ത്.

നി​യ​മ പോ​രാ​ട്ട​ങ്ങ​ളു​ടെ അ​ങ്ങേ​യ​റ്റം വ​രെ പോ​യി ത​ന്‍റെ പ്രി​യ​പ്പെ​ട്ട​വ​നെ വി​ഷ​മി​ശ്രി​ത​ത്തി​ന്‍റെ സൂ​ചി​ത്തു​മ്പി​ൽ നി​ന്നും ര​ക്ഷി​ക്കാ​നു​ള്ള അ​വ​സാ​ന ശ്ര​മം ടി​യാ​ന തു​ട​രു​ക​യാ​ണ്. ജെ​യിം​സ് നി​ര​പ​രാ​ധി​യാ​ണെ​ന്നും വം​ശീ​യ വി​വേ​ച​നം മൂ​ല​മാ​ണ് അ​ദ്ദേ​ഹം ശി​ക്ഷി​ക്ക​പ്പെ​ട്ട​തെ​ന്നും ടി​യാ​ന പ​റ​യു​ന്നു.

ഈ ​കേ​സി​ൽ ഡി​എ​ൻ​എ തെ​ളി​വു​ക​ൾ ജെ​യിം​സി​ന് അ​നു​കൂ​ല​മാ​ണെ​ന്നും അ​വ​ർ വാ​ദി​ക്കു​ന്നു. പ​ക്ഷേ ടി​യാ​ന ക​രു​തും പോ​ലെ മ​ഹാ​ദ്ഭുത​ങ്ങ​ൾ സം​ഭ​വി​ക്കാ​നു​ള്ള സാ​ധ്യ​ത കു​റ​വാ​ണെ​ന്ന് അ​മേ​രി​ക്ക​ൻ നീ​തി​ന്യാ​യ വ്യ​വ​സ്ഥ​യി​ലെ വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.

സ​മ​യം വ​ള​രെ കു​റ​വാ​ണെ​ന്നും ജെ​യിം​സി​ന് മ​ര​ണ ശി​ക്ഷ​യി​ൽ നി​ന്നും ര​ക്ഷ​പ്പെ​ടാ​നു​ള്ള സാ​ധ്യ​ത വ​ള​രെ കു​റ​വാ​ണെ​ന്നും നി​യ​മ വി​ദ​ഗ്ധ​ർ പ​റ​യു​ന്നു. പ​ക്ഷേ അ​വ​സാ​ന നി​മി​ഷം വ​രെ പോ​രാ​ടാ​ൻ ത​ന്നെ​യാ​ണ് ടി​യാ​ന​യു​ടെ തീ​രു​മാ​നം.

അ​മേ​രി​ക്ക​യി​ലെ​യും മ​റ്റു വി​ദേ​ശ രാ​ജ്യ​ങ്ങ​ളി​ലെ​യും മാ​ധ്യ​മ​ങ്ങ​ളി​ൽ ജെ​യിം​സി​ന്‍റെ​യും ടി​യാ​ന​യു​ടെ​യും ക​ഥ ക​ഴി​ഞ്ഞ​ദി​വ​സം പു​റ​ത്തു​വ​ന്ന​തോ​ടെ ലോ​കം ഇ​തേ​ക്കു​റി​ച്ച് ച​ർ​ച്ച ചെ​യ്തു തു​ട​ങ്ങി.

മ​നു​ഷ്യാ​വ​കാ​ശ നി​യ​മ​ത്തി​ൽ മാ​സ്റ്റ​ർ ബി​രു​ദ പ​ഠ​ന​ത്തി​ന്‍റെ ഭാ​ഗ​മാ​യി വം​ശീ​യ വി​വേ​ച​ന​ങ്ങ​ളെ​ക്കു​റി​ച്ച് ഗ​വേ​ഷ​ണം ന​ട​ത്തു​ന്ന​തി​നി​ടെ​യാ​ണ് ടി​യാ​ന ജെ​യിം​സി​നെ പ​രി​ച​യ​പ്പെ​ടു​ന്ന​ത്. അ​ങ്ങ​നെ​യാ​ണ് ജെ​യിം​സി​ന്‍റെ കേ​സ് ഹി​സ്റ്റ​റി ടി​യാ​ന പ​ഠി​ക്കു​ന്ന​തും ജെ​യിം​സ് കു​റ്റ​വാ​ളി​യ​ല്ല എ​ന്ന് അ​വ​ൾ ഉ​റ​ച്ചു വി​ശ്വ​സി​ക്കാ​ൻ തു​ട​ങ്ങു​ന്ന​തും.

പ​ക്ഷേ അ​പ്പോ​ഴേ​ക്കും കേ​സും കോ​ട​തി​യും കാ​ര്യ​ങ്ങ​ളു​മെ​ല്ലാം വ​ള​രെ​യ​ധി​കം മു​ന്നോ​ട്ടു പോ​യി​രു​ന്നു. മ​ര​ണ​ശി​ക്ഷ ഉ​റ​പ്പാ​യ​വ​ന് ജീ​വി​ത​ത്തി​ൽ ഒ​ന്നും ഇ​നി പ്ര​തീ​ക്ഷി​ക്കാ​നോ മോ​ഹി​ക്കാ​നോ ഇ​ല്ല എ​ന്ന് ഘ​ട്ട​ത്തി​ലാ​ണ് ടി​യാ​ന ത​ന്‍റെ ജീ​വി​തം ജെ​യിം​സി​നു മു​ന്നി​ൽ സ​മ​ർ​പ്പി​ക്കു​ന്ന​ത്.

ഇ​ത് വെ​റു​തെ പേ​രെ​ടു​ക്കാ​ൻ വേ​ണ്ടി ചെ​യ്യു​ന്ന ത​ന്ത്ര​മ​ല്ലേ എ​ന്ന് ആ​ക്ഷേ​പി​ക്കു​ന്ന​വ​രോ​ട് ജെ​യിം​സി​ന്‍റെ ഭാ​ര്യ​ക്ക് പ​റ​യാ​നു​ള്ള​ത് ഇ​താ​ണ് - എ​ന്‍റെ തീ​രു​മാ​ന​ത്തെ ആ​രും പി​ന്തു​ണ​യ്ക്കി​ല്ലെ​ന്ന് അ​റി​യാം. എ​ന്നാ​ൽ താ​ൻ ജെ​യിം​സി​നെ സ്നേ​ഹി​ക്കു​ന്നു...

അ​ദ്ഭുത​ങ്ങ​ൾ സം​ഭ​വി​ച്ചി​ല്ലെ​ങ്കി​ൽ, നി​യ​മം അ​തി​ന്‍റെ വ​ഴി​ക്ക് ത​ന്നെ പോ​വു​ക​യാ​ണെ​ങ്കി​ൽ, ഏ​പ്രി​ൽ 30ന് ​ജെ​യിം​സി​ന്‍റെ വ​ധ​ശി​ക്ഷ ന​ട​പ്പാ​ക്കും. ജ​യി​ൽ മു​റി​ക്ക് പു​റ​ത്ത്, കോ​മ്പൗ​ണ്ടി​നു​ള്ളി​ൽ എ​വി​ടെ​യെ​ങ്കി​ലും ഇ​രു​ന്ന് ആ ​സ​മ​യം ടി​യാ​ന ക​ര​യു​ന്നു​ണ്ടാ​കും.

ജീ​വ​ൻ ന​ഷ്ട​പ്പെ​ട്ടെ​ങ്കി​ലും പ്ര​ണ​യ​വും സ്നേ​ഹ​വും ന​ഷ്ട​പ്പെ​ടാ​ത്ത ജെ​യിം​സി​ന്‍റെ ശ​രീ​രം അ​വ​ൾ​ക്ക് കി​ട്ടു​മെ​ങ്കി​ൽ അ​ന്ന​വ​ൾ ജെ​യിം​സി​നെ തൊ​ടും.... ആ​ദ്യ​മാ​യും അ​വ​സാ​ന​മാ​യും.. പി​ന്നെ അ​വ​ൾ ജീ​വി​ക്കും.. മു​ക്ക​ത്തെ ഇ​രു​വ​ഴി​ഞ്ഞി​പ്പു​ഴ​യി​ൽ പ്രാ​ണ​ൻ വെ​ടി​ഞ്ഞ മൊ​യ്തീ​നെ ഓ​ർ​ത്ത് കാ​ഞ്ച​ന​മാ​ല ഇ​പ്പോ​ഴും ജീ​വി​ക്കു​ന്ന പോ​ലെ.

ലോ​ക​ത്ത് ഇ​പ്പോ​ഴും പ്ര​ണ​യി​ക്കു​ന്ന​വ​ർ അ​വ​രു​ടെ പ്രാ​ർ​ത്ഥ​ന​ക​ളി​ൽ പ​റ​യു​ന്നു ... മ​ഹാ​ദ്ഭു​ത​ങ്ങ​ൾ സം​ഭ​വി​ക്ക​ണേ...

Tags : Todays Story