തി​രി​കെ ല​ഭി​ച്ച​ത് നാ​ലു ജീ​വ​ൻ; ന​ടു​ക്കം വി​ട്ടു​മാ​റാ​തെ വീ​ട്ടു​കാ​രും തൊ​ഴി​ലാ​ളി​ക​ളും
Sunday, April 28, 2024 7:51 AM IST
എ​ടൂ​ർ: തെ​ര​ഞ്ഞെ​ടു​പ്പ് ആ​വേ​ശ​ത്തി​നി​ട​യി​ൽ ക​ഴി​ഞ്ഞ​ദി​വ​സം എ​ടൂ​റി​ന് സ​മീ​പം എ​ടൂ​ർ കോ​റ റോ​ഡി​ൽ പു​ത്ത​ല​ത്ത് പ്ര​ശാ​ന്ത് കു​മാ​റി​ന്‍റെ വീ​ട്ടു​മു​റ്റ​ത്തെ കി​ണ​റി​ൽ ന​ട​ന്ന അ​പ​ക​ടം ആ​രും ശ്ര​ദ്ധി​ക്കാ​തെ പോ​യി. പ്ര​ശാ​ന്തി​ന്‍റെ വീ​ട്ടു​മു​റ്റ​ത്തെ 14 കോ​ലി​ൽ അ​ധി​കം താ​ഴ്ച​യു​ള്ള കി​ണ​ർ വ​റ്റി​യ​പ്പോ​ൾ വീ​ണ്ടും അ​ഞ്ചു കോ​ലോ​ളം താ​ഴ്ത്തി​യ ശേ​ഷം കി​ണ​ർ ചെ​ങ്ക​ല്ലു​കൊ​ണ്ട് കെ​ട്ടു​ന്ന​തി​നി​ട​യി​ലാ​ണ് അ​പ്ര​തീ​ക്ഷി​ത​മാ​യി അ​പ​ക​ടം ന​ട​ന്ന​ത്. 30 വ​ർ​ഷ​ത്തി​ൽ അ​ധി​ക​മാ​യി കി​ണ​ർ കു​ഴി​ക്കു​ന്ന ജോ​ലി​യി​ൽ ഏ​ർ​പ്പെ​ട്ടി​രി​ക്കു​ന്ന തൊ​ഴി​ലാ​ളി​ക​ളാ​ണ് ജോ​ലി​ക്കാ​രി​ൽ അ​ധി​ക​വും. വെ​ള്ളി​യാ​ഴ്ച ഉ​ച്ച​യ്ക്കാ​യി​രു​ന്നു സം​ഭ​വം.

ജോ​ലി ചെ​യ്തി​രു​ന്ന ഏ​ഴു തൊ​ഴി​ലാ​ളി​ക​ളി​ൽ മൂ​ന്നു​പേ​ർ കി​ണ​റ്റി​നു​ള്ളി​ലും ര​ണ്ട് സ്ത്രീ ​തൊ​ഴി​ലാ​ളി​ക​ള​ട​ക്കം നാ​ലു​പേ​ർ പു​റ​ത്തു​മാ​യി​രു​ന്നു ജോ​ലി ചെ​യ്തി​രു​ന്ന​ത്.14 കോ​ൽ കെ​ട്ടി​യി​റ​ക്കി​യ കി​ണ​റി​ന്‍റെ അ​ടി​ഭാ​ഗം വീ​ണ്ടും കു​ഴി​ക്കു​ന്ന​ത് അ​പ​ക​ട​ക​ര​മാ​യ ജോ​ലി​യാ​ണ്. കു​ഴി​ച്ച ഭാ​ഗം കെ​ട്ടു​ന്ന​തി​നാ​യി ചെ​ങ്ക​ല്ല് കി​ണ​റ്റി​ലേ​ക്ക് ഇ​റ​ക്കു​ന്ന​തി​നി​ട​യി​ലാ​ണ് തൂ​ക്ക് ത​ക​ർ​ന്ന് ക​ല്ലും തൊ​ഴി​ലാ​ളി​യും വ​ലി​യ മ​രം കൊ​ണ്ടു​ള്ള തൂ​ക്കും 18 കോ​ൽ താ​ഴ്ച​യി​ലു​ള്ള കി​ണ​റ്റി​ലേ​ക്ക് പ​തി​ക്കു​ന്ന​ത്.

വീ​ഴ്ച​യു​ടെ ആ​ഘാ​ത​ത്തി​ൽ വി​ജ​യ​ൻ അ​ട​ക്കം മൂ​ന്നു​പേ​ർ ബോ​ധ​ര​ഹി​ത​ർ ആ​യെ​ങ്കി​ലും ക​ല്ലു​വ​യ​ൽ സ്വ​ദേ​ശി സു​നി​ൽ പു​റ​ത്ത് നി​ന്ന മ​റ്റൊ​രു തൊ​ഴി​ലാ​ളി ഭാ​സ്ക​ര​നോ​ട് ഫ​യ​ർ​ഫോ​ഴ്‌​സി​നെ വി​ളി​ക്കാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. ഫ​യ​ർ​ഫോ​ഴ്‌​സ് വ​ല ഇ​റ​ക്കി കൊ​ടു​ത്ത വ​ല​യി​ൽ മ​റ്റു മൂ​ന്നു​പേ​രെ​യും മു​ക​ളി​ൽ എ​ത്തി​ച്ച ശേ​ഷ​മാ​ണ് സു​നി​ൽ കി​ണ​റ്റി​ൽ​നി​ന്നും വെ​ളി​യി​ൽ വ​ന്ന​ത്.

ത​ല​നാ​രി​ഴ​ക്ക് ര​ക്ഷ​പെ​ട്ട തൊ​ഴി​ലാ​ളി​ക​ളാ​യ വി​ജ​യ​ൻ, പി.​കെ. സാ​ബു, ജോ​സ് മ​ഞ്ഞ​ക്കാ​ലാ​യി​ൽ, സു​നി​ൽ എ​ന്നി​വ​രി​ൽ വി​ജ​യ​ന്‍റെ പ​രി​ക്ക് മാ​ത്ര​മാ​ണ് ഗു​രു​ത​രം. വീ​ഴ്ച​യി​ൽ ത​ല​ക്കും മൂ​ക്കി​നു​മാ​ണ് പ​രി​ക്ക്. വീ​ടി​നോ​ട് ചേ​ർ​ന്നു നി​ൽ​ക്കു​ന്ന കി​ണ​ർ മ​ഴ​പെ​യ്താ​ൽ ഇ​ടി​ഞ്ഞു​വീ​ണ് വീ​ടി​ന് കോ​ടു​പാ​ടു​ക​ൾ സം​ഭ​വി​ക്കാ​ൻ സാ​ധ്യ​ത ഉ​ള്ള​തു​കൊ​ണ്ട് തൊ​ഴി​ലാ​ളി​ക​ൾ ഇ​ന്ന​ലെ ത​ന്നെ കി​ണ​റി​ന്‍റെ ജോ​ലി​ക​ൾ പൂ​ർ​ത്തി​യാ​ക്കി.

Copyright @ 2022 , Rashtra Deepika Ltd.