കോട്ടയം: തിരുനക്കര പകല്പ്പൂരവുമായി ബന്ധപ്പെട്ടു നാളെ ഉച്ചകഴിഞ്ഞു രണ്ടു മുതല് പോലീസ് ഗതാഗത നിയന്ത്രണം ഏര്പ്പെടുത്തി.
എംസി റോഡിലൂടെ നാട്ടകം ഭാഗത്തുനിന്നു വരുന്ന വലിയ വാഹനങ്ങള് സിമന്റ് കവലയില്നിന്ന് ഇടതു തിരിഞ്ഞ് പാറേച്ചാല് ബൈപാസ്, തിരുവാതുക്കല്, കുരിശുപള്ളി, അറുത്തൂട്ടി ജംഗ്ഷനില് എത്തി വലതു തിരിഞ്ഞ് ചാലുകുന്ന് ജംഗ്ഷനിലെത്തി മെഡിക്കല് കോളജ് ഭാഗത്തേക്ക് പോകണം. കുമരകം ഭാഗത്തേക്കു പോകേണ്ട വാഹനങ്ങള് തിരുവാതുക്കല്, അറുത്തൂട്ടി വഴി പോകണം.
എംസി റോഡിലൂടെ വരുന്ന കിഴക്കോട്ടുപോകേണ്ട ചെറുവാഹനങ്ങള് മണിപ്പുഴയിൽനിന്നു വലത്തോട്ടു തിരിഞ്ഞ് ബൈപാസ് റോഡ്, ഈരയില്ക്കടവ് വഴി മനോരമ ജംഗ്ഷനിലെത്തി കിഴക്കോട്ടുപോകണം. വലിയ വാഹനങ്ങള് മണിപ്പുഴ ജംഗ്ഷനില്നിന്നു തിരിഞ്ഞ് കടുവാക്കുളം, കൊല്ലാടുവഴി കഞ്ഞിക്കുഴിയിലെത്തി പോകണം.നാഗമ്പടത്തുനിന്നും വരുന്ന വാഹനങ്ങള് സിയേഴ്സ് ജംഗ്ഷന്, റെയില്വേ സ്റ്റേഷന്, ലോഗോസ് വഴി ചന്തക്കവലയിലെത്തി മാര്ക്കറ്റ് വഴി എംഎല് റോഡിലുടെ കോടിമത ഭാഗത്തേക്കു പോകണം.
കുമരകം ഭാഗത്തുനിന്നും വരുന്ന വാഹനങ്ങള് ബേക്കര് ജംഗ്ഷനിലെത്തി സിയേഴ്സ് ജംഗ്ഷന് വഴി വലത്തോട്ട് തിരിഞ്ഞ് ബസ് സ്റ്റാന്ഡിലേക്ക് പോകണം. നാഗമ്പടം സ്റ്റാൻഡില്നിന്നു കാരാപ്പുഴ, തിരുവാതുക്കല് ഭാഗത്തേക്ക് പോകേണ്ട ബസുകള് ബേക്കര് ജംഗ്ഷനിലെത്തി അറുത്തൂട്ടി വഴി തിരുവാതുക്കല് ഭാഗത്തേക്കു പോകണം.
കെ.കെ റോഡിലൂടെ വരുന്ന ചങ്ങനാശേരി ഭാഗത്തേക്കു പോകേണ്ട വലിയ വാഹനങ്ങള് കഞ്ഞിക്കുഴി, ദേവലോകം, കടുവാക്കുളം വഴിയും പ്രൈവറ്റ് ബസുകള് കളക്ടറേറ്റ്, ലോഗോസ്, ശാസ്ത്രി റോഡ്, കുര്യന് ഉതുപ്പ് റോഡുവഴി നാഗമ്പടം ബസ് സ്റ്റാന്ഡിലേക്കും പോകണം.