ചങ്ങനാശേരി: കേരള ലേബര് മൂവ്മെന്റ്(കെഎല്എം) അതിരൂപതയുടെ നേതൃത്വത്തില് നാളെ നടത്തുന്ന മേയ്ദിന റാലിയുടെയും തൊഴിലാളി മഹാസംഗത്തിന്റെയും ഭാഗമായി തൊഴിലാളി മധ്യസ്ഥനായ വിശുദ്ധ യൗസേപ്പിതാവിന്റെ ഛായാചിത്രവും സമ്മേളന നഗറില് ഉയര്ത്താനുള്ള പതാകയുമായി വിളംബര പ്രയാണ ജാഥ ഇന്ന് നടത്തും. മണിമല ഫൊറോനയിലെ കരിമ്പനക്കുളം യൂണിറ്റില്നിന്നു രാവിലെ 8:30ന് ആരംഭിക്കുന്ന വിളംബര പ്രയാണ ജാഥ ഫൊറോനാ വികാരി ഫാ. മാത്യു താന്നിയത്ത് ഉദ്ഘാടനം ചെയ്യും. ഫാ. റോയി തൂമ്പങ്കല് സന്ദേശം നല്കും.
തുടര്ന്ന് ആരംഭിക്കുന്ന വാഹന വിളംബര ജാഥ ചുങ്കപ്പാറ, കോട്ടാങ്കല്, വള്ളംചിറ, കരിക്കാട്ടൂര്, മണിമല പുത്തന്പള്ളി, കടയനിക്കാട്, നെടുമണ്ണി, നെടുംകുന്നം, കൂത്രപ്പള്ളി, വെരൂര്, പാറേല് എന്നീ പള്ളികളില്നിന്നു സ്വീകരണങ്ങള് ഏറ്റുവാങ്ങി ബൈപാസ് പാലാത്ര, ചങ്ങനാശേരി സെന്ട്രല് ജംഗ്ഷന് വഴി അരമനപ്പടിക്കല് വൈകുന്നേരം അഞ്ചിന് എത്തിച്ചേരും.
വിളംബര പ്രയാണ ജാഥയെ അതിരൂപത സമിതിയുടെ നേതൃത്വത്തില് സ്വീകരിക്കും. വികാരി ജനറാള് മോണ്. വര്ഗീസ് താനമാവുങ്കല് സന്ദേശം നല്കും. ഡയറക്ടര് ഫാ. ജോണ് വടക്കേക്കളം, ജനറല് കണ്വീനര് സണ്ണി അഞ്ചില്, വിളംബരജാഥ കോ-ഓർഡിനേറ്റര് ജോമോന് ജോണ്, ജോളി നാല്പതാം കളം, വിജി സെബാസ്റ്റ്യന്, സജിമോന് ജോര്ജ്, ജോസഫ് ജോണ്, അന്നമ്മ ഷാജി, സാജന് ജോയി, സാബു കോയിപ്പള്ളി, ഷാജി ആന്റണി, പ്രജോഷ് ചാക്കോ, നിജോ മാത്യു, ഷൈനി ബിനു എന്നിവര് പരിപാടികള്ക്ക് നേതൃത്വം നല്കും.